លោក ង៉ោ ច័ន្ទនរៈ សាកលវិទ្យាធិកាតំណាងដ៏ខ្ពង់ខ្ពស់ឯកឧត្តម ជា សឿន សាកលវិទ្យាធិការសាកលវិទ្យាល័យជាតិមានជ័យ និងលោក អ៊ិត រតនៈ ព្រឹទ្ធបុរសមហាវិទ្យាល័យសិល្បៈ មនុស្សសាស្ត្រ និងភាសា ព្រមទាំងគណៈប្រតិភូនៃសាកលវិទ្យាល័យជាតិបាត់ដំបង បានចូលរួមកម្មវិធីផ្លាស់ប្ដូរវប្បធម៌ អប់រំ និងទេសចរណ៍ ចិន-កម្ពុជា ឆ្នាំ២០២៥ នៅសាកលវិទ្យាល័យគួយលីន(GUET) ប្រទេសចិន ក្រោមការសម្របសម្រួលពីវិទ្យាស្ថានខុងជឺ CINUBB។ កម្មវិធីនេះមានរយៈពេល០៩ថ្ងៃ ចាប់ពីថ្ងៃទី០៣ ដល់ថ្ងៃទី១១ ខែវិច្ឆិកា ឆ្នាំ២០២៥។ ក្រោយជំនួបពិភាក្សាការងារអប់រំ សាកលវិទ្យាល័យជាតិមានជ័យនិងសាកលវិទ្យាល័យគួយលីង បានព្រមព្រៀងគ្នាចុះអនុស្សរណៈយោគយល់គ្នានៅពេលខាងមុខ។

ថ្ងៃចន្ទ ៥រោច ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១០ ខែវិច្ឆិកា ឆ្នាំ២០២៥ ថ្នាក់ដឹកនាំ លោកគ្រូ អ្នកគ្រូ បុគ្គលិកនិងនិស្សិតទាំងអស់នៃសាកលវិទ្យាល័យជាតិមានជ័យ ចូលរួមគោរពទង់ជាតិនៃព្រះរាជាណាចក្រកម្ពុជា។

នៅព្រឹកថ្ងៃទី១០ ខែវិច្ឆិកា ឆ្នាំ២០២៥ សាកលវិទ្យាល័យជាតិមានជ័យសហការជាមួយនិយ័តករបរធនបាលកិច្ចរៀបចំសិក្ខាសាលាស្តីពី “ការឈ្វេងយល់ពីកិច្ចដំណើរការអភិវឌ្ឍន៍ វិស័យបរធនបាលកិច្ចនៅព្រះរាជាណាចក្រកម្ពុជា” ក្រោមអធិបតីភាព លោក ជីវ សារិទ្ធ សាកលវិទ្យាធិការរងតំណាងដ៏ខ្ពង់ខ្ពស់ឯកឧត្តម ជា សឿន សាកលវិទ្យាធិការនៃសាកលវិទ្យាល័យជាតិមានជ័យ និងឯកឧត្តម ណី សាកល អគ្គនាយករង និយ័តករបរធនបាលកិច្ច ដោយមានការអញ្ជើញចូលរួមពីព្រឹទ្ធបុរស ព្រឹទ្ធបុរសរងមហាវិទ្យាល័យគ្រប់គ្រងពាណិជ្ជកម្ម និងទេសចរណ៍ ប្រធានការិយាល័យ មន្ត្រីជាន់ខ្ពស់ន.ម.ធ និងនិស្សិតចំនួន១២៥នាក់។ សិក្ខាសាលានេះមានគោលបំណងក្នុងផ្សព្វផ្សាយ និងបញ្ជ្រាបការយល់ដឹងពីបរធនបាលកិច្ចនៅព្រះរាជាណាចក្រកម្ពុជា និងផ្ដល់ឱកាសសម្រាប់និស្សិតក្នុងឈ្វេងយល់ នឹងចាប់យកឱកាសការងារនៅក្នុងវិស័យនេះ នាពេលអនាគត។

នាព្រឹកថ្ងៃទី១៣ ខែវិច្ឆិកា ឆ្នាំ២០២៥៖ លោក ង៉ោ ច័ន្ទនរៈ សាកលវិទ្យាធិការរង តំណាងឯកឧត្តមសាកលវិទ្យាធិការ នៃសាកលវិទ្យាល័យជាតិមានជ័យ បានអញ្ជើញជួបជាមួយ លោក YE HANLIN តំណាងសាខាក្រុមហ៊ុនស៊ីម៉ងត៍ CONCH ពីខេត្តកំពង់ស្ពឺ និងប្អូនៗនិស្សិតជំនាញភាសាចិន ប្រមាណជា ៨០នាក់ ក្នុងឱកាសដែលក្រុមហ៊ុននេះ បានអញ្ជើញមកធ្វើបទបង្ហាញស្តីពីសក្តានុពលរបស់ក្រុមហ៊ុន និងឱកាសការងារ ការសម្ភាសជ្រើសរើសនិស្សិតជំនាញភាសាចិន នៃដេប៉ាតឺម៉ង់ភាសាចិន ក្នុងមហាវិទ្យាល័យសិល្បៈ មនុស្សសាស្រ្ត និងភាសា។ គួរបញ្ជាក់ផងដែរថា សាកលវិទ្យាល័យជាតិមានជ័យ មានកិច្ចសហប្រតិបត្តិការ ជាមួយក្រុមហ៊ុនស៊ីម៉ង់ត៍ CONCH តែងផ្តល់ឱកាសជូនប្អូនៗនិស្សិតដែលសិក្សាលើជំនាញនេះ ទទួលបានឱកាសចុះហាត់ការ ក៏ដូចជាធ្វើការនៅទីនោះផងដែរ។

2025年11月13日上午，国立棉芷大学副校长吴占那拉代表尊敬的校长，接见了来自实居省海螺水泥（CONCH Cement）公司的代表叶翰林先生，以及中文专业约80名学生。
在此次活动中，该公司向学生们介绍了公司的发展潜力、就业机会，并现场进行了中文专业学生的面试与招聘。

值得一提的是，国立棉芷大学与海螺水泥公司一直保持着良好的合作关系，为中文专业的学生提供了到公司实习及就业的宝贵机会。