ថ្ងៃទី១៣ ខែកញ្ញា ឆ្នាំ២០២៤ ដេប៉ាតឺម៉ង់ភាសាកូរ៉េនៃមហាវិទ្យាល័យសិល្បៈ មនុស្សសាស្ត្រ និងភាសាបានប្រារព្ធកម្មវិធីបើកបវេសនកាលឆ្នាំសិក្សាថ្មី២០២៤-២០២៥ ពិធីស្វាគមន៍គ្រូថ្មី និងពិធីប្រគល់អាហារូបករណ៍ដល់និស្សិតឆ្នើម។ និស្សិតទទួលបានអាហារូបករណ៍ពីឆ្នាំទី១ដល់ទី៤មានចំនួន១៥នាក់ដែលមានទឹកសរុបចំនួន២០៦០$ ក្នុងនោះទទួលបានអាហារូបករណ៍ពីមូលនិធិDeungbul ចំនួន៥នាក់ វត្តSeokbulsa Temple ចំនួន៨នាក់ និងPark Geon Cheol ចំនួន២នាក់ ព្រមទាំងនិស្សិតចំនួន២រូបអញ្ជើញទៅទស្សនកិច្ចនៅប្រទេសកូរ៉េចំនួន១០ថ្ងៃដែលផ្ដល់ជូនដោយវត្តSeokbulsa Temple។

ថ្ងៃចន្ទ ១៤កើត ខែភទ្របទ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី១៦ ខែកញ្ញា ឆ្នាំ២០២៤ គណៈគ្រប់គ្រង ថ្នាក់ដឹកនាំ លោកគ្រូ អ្នកគ្រូ បុគ្គលិកនិងនិស្សិតទាំងអស់នៃសាកលវិទ្យាល័យជាតិមានជ័យ ចូលរួមគោរពទង់ជាតិនៃព្រះរាជាណាចក្រកម្ពុជា។

ថ្ងៃចន្ទ ៦រោច ខែភទ្របទ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២៣ ខែកញ្ញា ឆ្នាំ២០២៤ គណៈគ្រប់គ្រង ថ្នាក់ដឹកនាំ លោកគ្រូ អ្នកគ្រូ បុគ្គលិកនិងនិស្សិតទាំងអស់នៃសាកលវិទ្យាល័យជាតិមានជ័យ ចូលរួមគោរពទង់ជាតិនៃព្រះរាជាណាចក្រកម្ពុជា។

នារសៀលថ្ងៃសៅរ៍ ១១រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែកញ្ញា ឆ្នាំ២០២៤សាកលវិទ្យាល័យជាតិមានជ័យបានទទួលស្វាគមន៍និងពិភាក្សាការងារជាមួយគណៈប្រតិភូសហព័ន្ធសន្តិភាពសកល(UPF) ដែលស្ថិតក្រោមអធិបតីភាព ឯកឧត្តម ជា សឿន សាកលវិទ្យាធិការ នៃសាកលវិទ្យាល័យជាតិមានជ័យ និងលោកស្រី Yoko Toyama Head of Group នៃ UPF-Asia Pacific and Japan ព្រមទាំងមានការអញ្ជើញចូលរួមពីឯកឧត្តម សុវណ្ណ សុភា សមាជិកក្រុមប្រឹក្សាខេត្តបន្ទាយមានជ័យ និងជាទីប្រឹក្សាសហព័ន្ធសន្តិភាពសកលប្រចាំតំបន់ប៉ាស៊ីហ្វិក និងលោក Mr. Hjime Saito អនុប្រធានសហព័ន្ធសន្តិភាពសកល (UPF) គណៈប្រតិភូជប៉ុន និងសាកលវិទ្យាធិការរង លោកព្រឹទ្ធបុរស ព្រឹទ្ធបុរសរង នៃសាកលវិទ្យាល័យជាតិមានជ័យ។ កិច្ចពិភាក្សាក្នុងអង្គពិធីនេះទទួលបានលទ្ធផលគួរជាទីមោទនៈ ដោយភាគីទាំងពីរបានយល់ស្របលើការងារដូចជា សហភាពសហព័ន្ធសកល (UPF) នឹងជួយលើការងារកិច្ចការស្រាវជ្រាវលើវិស័យកសិកម្មដោយផ្សារភ្ជាប់ទៅនិងបច្ចេកវិទ្យា តាមរយៈរៀបចំនិងបង្កើតមជ្ឈមណ្ឌលសិក្សាស្រាវជ្រាវវិទ្យាសាស្ត្រ កសិកម្ម និង នវានុវត្តន៍ សម្រាប់ ផ្ដល់ការបណ្ដុះបណ្ដាលធនធានមនុស្សជួយដល់វិស័យកសិកម្មដល់និស្សិតរបស់សាកលវិទ្យាល័យជាតិមានជ័យ និងស្ថាប័នពាក់ព័ន្ធ។