♦️Бүген җомга намазыннан соң төзелеп килүче Тукай авылы мәчетенең кечкенә манараларына ярымайлар куелды. Мәчеттә тышкы эшләр бетеп килә. Зур манараларның түбәсен генә ясарга калып бара.
♦️Кыш суыкларына карамастан төзелеш эшләре дәвам итә. Шунысы куанычлы авыл халкы да, мул тормышлы иганәчеләр дә дини объектлар төзүгә ярдәм итеп торалар,чөнки мондый биналар бары тик хәйрия акчасына гына төзелә бит.

☀️Бүген Тукай авылы мәдрәсәсендә шәкерт малайлар өчен кышкы лагерь башланды. Малайлар бер атна буена мадрәсәдә кунып, дини гыйлем алачаклар. Моның өчен мәдрәсәдә бөтен уңайлыклар бар.
☀️Моннан тыш мәдрәсәдә башка балалар өчен дә укулар дәвам итәчәк.

Махсус хәрби операция җирендә беренче көненнән үк хезмәт итүче Чичкан авылы егете Мухутдинов Зелфәт Зөфәр улы УАЗ "Буханка" машинасы сатып алган.
1, 2 гыйнвар көннәрендә мәктәп бинасында Чичкан авылы халкы гуманитар ярдәм җыйды. Урмай авылыннан да китерүче булды.
Бүген Зөлфәт белән бергә хезмәт итүче хәрбиләр шушы машина белән юлга кузгалды.
Вакытлыча Чичкан территориаль бүлеге башлыгы вазифаларын башкаручы Гелнара апа Хамидуллина гуманитар ярдәм җыюда булышкан һәркемгә рәхмәт сүзләре җиткерде.