Һәр ел саен авыл халкы алдында башкарылган эш турында хисап үткәрелә.

Бүген 15 февралендә гражданнар җыеннары узды. Урмай территориаль бүлеге башлыгы Ямалетдинов Айрат Гаязтдин улы үзенең чыгышы белән 2023 елда башкарылган эшләр турында нәтиҗә ясады, шулай ук авыл җирлегендәге проблемаларга да игътибар итте. 2024 елга планнар һәм куелган бурычлары турында сөйләде.

Актив кешеләр белән очрашуга Комсомол муниципаль округы башлыгы Раськин Николай Никандрович, шулай ук муниципаль округ хезмәтләре һәм ведомстволары вәкилләре килде һәм докладлар белән чыгыш ясады һәм халыкның сорауларына җавап бирде.

Гомумән алганда, башлыкның халык белән очрашуы уңышлы узды, диалог конструктив килеп чыкты. Әлеге очрашуларның төп бурычы-торак пунктның икътисади һәм социаль үсеш дәрәҗәсе белән танышу.
 

Бүген Шыгырданның 1 нче номерлы мәктәбендә Әфганстанда хәрби бурычын үтәгәндә һәлак булган сугышчы-интернационалист, Кызыл Йолдыз ордены кавалеры Минхәйдәр Вәлитов истәлегенә билбау көрәше турниры булды.
Турнирны Шыгырдан авылында яшәүче Әфганстан сугышы ветераннары, авылның игәнәчеләре ярдәме белән оештырдылар.
Тантаналы ачылышта Чувашия мөселманнары Диния нәзарәте рәисе, Чувашия Иҗтимагый палатасы әгъзасы Мансур хәзрәт Хәйбуллов, Чуашстан татарларының милди-мәдәни берләшмәсе рәис Әгъзам Шакиров, Татарстан көрәш федерациясе башкарма директоры Марсель Тагиров, Батыр муниципаль округы башлыгының урынбасары Светлана Чернова, Шыгырданның 1нче номерлы гомуми белем бирү урта мәктәбе директоры, Батыр муниципаль округы депутаты Гөлсирин Абейдуллова, Шыгырдан территориаль бүлеге башлыгы Марат Айзатуллов катнашты.
Турнирда Чуашстан, Татарстан, Марий Эл һәм Ульян өлкәсеннән 70тән артык яшь көрәшчеләр катнаштылар.
Чуашстан татарлары милли-мәдәни берләшмә исеменнән Әгъзам Шакиров Шыгырдан көрәшчеләренә борцовкалар бүләк итте.