👭ئەنجومەنی ئەدەبیاتی منداڵان و مێرمنداڵانی نیشتمان👇👇👇
👩‍👩‍👧‍👦 https://t.me/joinchat/AAAAAEliPIrdKh9N5KkKTg

‍ 📕 #دایه
📕 #نارین_ئیسماعیلی

دایکی شیرینم، دایەگیان، دایە
ناوت خۆشترین وشەی دنیایە

ئەتۆی سەرچاوەی ئاوات و هەستم
دایە دەزانی من دەتپەرەستم

دایکی دڵســـۆزم هیوای ژیانم
ئەتـۆ هەوێنی بۆ شێعرەکانم

کە تۆ دڵشاد بی منیش دڵخۆشم
جێیەکت بێشێ، منیش نەخۆشم

ئێمە ڕۆحێکین لەدوو جەستەدا
باوەشت هیوای ژینم پێ دەدا

تۆ دڵنیابە دایە، دڵنیا
خۆشەویسترین کەسمی لە دنیا

دایە، دایە گیان، دایەی شیرینم
لە تیشکی خۆڕدا وێنەت دەبینم

👭نیشتمان، شوێنێک بۆ منداڵانی خۆشەویستمان
🆔 https://t.me/joinchat/AAAAAEliPIrdKh9N5KkKTg

شوێن: بۆکان ـ سێ‌ڕای سەنگینی☝️☝️☝️

‍ 🐟ماسی نەورۆز🐟
شێعر: محەمەد ڕەسووڵ‌نیا

سێ ماسیم کڕی
ئەمڕۆ بەیانی
سوور و بەڵەک و
ڕەشی قەترانی

هەر یەک لە ڕەنگێ
خوشک و برا بوون
بێ شەڕ و کێشە و
دەنگ و هەرا بوون

فرتە فرتیان بوو
بەم‌لا و بەولادا
هەر یەک بە جۆرێ
خۆیان با دەدا

من وام‌دەزانی
بەم شوێنە تازە
سەر و دڵخۆشن
کەیفیان سازە

کوتم ماسی گیان
تێر بکەن کایە
مەلە زۆر خۆشە
کەیفی لە لایە

کوتیان جێکەمان
ناخۆش و تەنگە
ماڵەکەی خۆمان
گۆمێکی مەنگە

بۆ ڕزگار بوونە
پەلەقاژێمان
ژینی ناو شووشە
ناخۆشە پێمان

هەڵمگرتن و
بردمنە چۆمی
لە ناو دەستمدا
خزینە گۆمی

گوتیان هاوڕێ گیان
نەژی بە پەستی
وا بە ئێمەت دا
ژینی سەربەستی

🐠🐠🐠🐠🐠🐠🐠🐠
👭نیشتمان، شوێنێک بۆ منداڵانی خۆشەویستمان
🆔 https://t.me/joinchat/AAAAAEliPIrdKh9N5KkKTg
🐠🐠🐠🐠🐠🐠🐠🐠

‍ 📕منداڵی ژیر
🔷شاعیر: باران خزری ئەقدەم
📘۱۳ ساڵە ـ بۆکان

ئێمە مناڵی ژیرین
خاوەنی هۆش و بیرین

ئێمە وریا و بەهۆشین
بۆ فێربوون تێدەکۆشین

داهاتوومان خۆش دەکەین
شادی و خۆشی بەش دەکەین

👭نیشتمان، شوێنێک بۆ منداڵانی خۆشەویستمان
🆔 https://t.me/joinchat/AAAAAEliPIrdKh9N5KkKTg

‍ 📕ماڵی بابەدایە
📘ئەمین گەردیگلانی


ئەمڕۆ دڵم زۆر خۆشە
لە ماڵی بابەدایەم
لەگەڵ خاڵۆزاکانم
خەریکی بەزم و کایەم

هەموو کۆ دەبینەوە
لە دەوری دایەگەورە
لە دوای کایە زۆر خۆشە
کەلانە و نانەچەورە

سەدان گوڵ و پەپوولە
سەما دەکەن لە دەورەم
کاتێک سەرم دەنێمە
سەر کۆشی دایەگەورەم

هەموو ڕۆژێ لە کانی
تێرتێر ئاو دەخۆینەوە
دێ، چەند خۆشە خودایە
خۆزگە قەت نەڕۆینەوە

👭نیشتمان، شوێنێک بۆ منداڵانی خۆشەویستمان
🆔 https://t.me/joinchat/AAAAAEliPIrdKh9N5KkKTg