နီပိန်းတိုက်ဖျက်ရေး

လူတစ်ယောက်က တော်ပြီး ကောင်းနေတယ်ဆိုရင် အရမ်း ပြည်စုံလွန်းလှပါတယ်။ အဲ့လိုလူတွေကို သာသနာ့ဘောင်ထဲမှာ ဆရာတော်ကြီး တွေအဖြစ်ပဲ မြင်ကြရပါတယ်။

ပုထုဇဉ် မှာတော့ လူတော်လူကောင်း ၊ လူကောင်းလူတော် နှစ်ခုလုံး ပြည်စုံညီညွတ်သူ ဆိုတာ အတော်ကို ရှားပါတယ်။ လူ့သဘာဝအရ မကောင်းတာလေးတစ်ခုတော့ လုပ်တတ်ကြပါတယ်။

ယောင်္ကျားဆိုရင် အရက် ၊ မိန်းမ ၊ လောင်းကစား မလွတ်ကင်းတာများပါတယ်။ လူတိုင်းမှာ ဖုံးကွယ်ထားတဲ့ အမှောင်ခြမ်းကမ္ဘာ ခြမ်း DarkSide ရှိကြပါတယ်။

နိုင်ငံရေးမှာ တော်တဲ့လူတွေကိုပဲ ရှာပြီး တိုင်းပြည်ရဲ့ ပြဿနာတွေကို ဖြေရှင်းဖို့ တာဝန်ပေးကြရတာပါ။ လူတော်တွေရဲ့ မကောင်းတဲ့ အပိုင်း ၊ ကျင့်ဝတ်သိက္ခာတွေကို ဥပဒေနဲ့ စောင့်ကြည့် ထိန်းကြောင်းကြရပါတယ်။ ဒီဟာက နိုင်ငံတကာ စံနှုန်းလဲ ဖြစ်ပါတယ်။

ကားမမောင်း တတ်သူကို အရက်မသောက်တတ်လို့ လူကောင်းလေးပါဆိုပြီး ကားမောင်းသမား နေရာမှာ ကားမောင်းခဲ့ခိုင်းရင် ကားကချောက်ထဲကျမှာ ဖြစ်ပါတယ်။

နိုင်ငံကို ဦးဆောင်သူများသည် တော်ပြီး ထက်မြက်ပြီး ပြဿနာများကို ဖြေရှင်းနိုင်ရန်သာ လိုအပ်ပါတယ်။

ရွေးကောက်ပွဲသည် တိုင်းပြည်ကို ဦးဆောင်မည့်သူများကို ရွေးချယ်တဲ့ပွဲဖြစ်ပြီး အကျင်သီလနဲ့ ပြည်စုံသော ဘုန်းတော်ကြီးရွေးချယ်ပွဲ မဟုတ်ကြောင်း သတိချပ်စေချင်ကြပါတယ်။

အာဏာရှိသူများထဲမှ မကောင်းတဲ့သူများကို ရှာဖွေဖော် ထုတ်ကြရန် ၊ အပြန်အလှန် ထိန်းကြောင်းကြရန် အတွက် အာဏာခွဲဝေကျင့်သုံးသော ဒီမိုကရေစီစနစ်ကျင့်သုံးရခြင်းဖြစ်ကြောင်းကို သတိပြုစေချင်ပါတယ်။

👍24

1.51K views11:27