#عرس_القاسم
#فزاعیه



صوب الخیم فزعت خیل والوادم
کلهه اترید تسحگ حنة القاسم
عریس وتزفه الخیل موش الناس
انذبح عريسكم لحگوا بني هاشم


(عریسچ یرمله الخیل زفته)


عریس فرحته امبینه بعیونه
لیش ابخیلهم فزعوا یزفونه
المفروض ابرگبته ورد موش ارماح
خوش اتبارکوله ابحجر یرمونه

(القاسم واحد و رد الف للخیمه)



حلوه اعمامته وطب لابس الخضره
ورمله ابگصته گامت علگت شضره
طلع للحرب رد للخیمه بس اخیال
صدره امنین ما ینعرف من ظهره

(اهله ومانعرفه من وصل لینه)


زغیر ابن الحسن واعلیه جبیر الطاس
جابو للخیم صایر ابگد عباس
ابکثر ما منسحگ بلحومه حدر الخیل
لا ینشال لا ینشبگ لا ینجاس


(امنین ما شیله اتطیح امن ایدی وصله)


اثیاب العرس وسفه اتسبلن منه
ابصف رمله الحوافر عجنت الحنه
رکضت للمعاره اترده للخیمه
خیل التاخذه وخیل الیجیبنه


(الخیل زفافه اتصیر اشلون زفه)



اگبال الخیمه مچفیه صوانیهه
واهدوم العرس مالحگت بیهه
ابدال المحبس الجابته للخطبه
اسکینه احبال مشدودات بأيديهه


(صعدت الناگه اگبال اعیونه بلطف)


طایح علوجه گد ما إمتعبینه
یرجع راد بس ماهم امخلینه
القاسم ماتهنه ابزفته ذاک الیوم
هم هوه انذبح هم سلبوا اسکینه


(وما امشربینه راد إميه منهم)



#عبدالرباب
#احمد_الصخراوی


https://telegram.me/ninve

#بعد_ساعات


بــعدســـاعات وایطلعن
بنات المرتضی ایرکضن
بعدساعات فوگ النوگ
علــکافلهن إیـــمرن


ماضل شی بعدساعات
و یـنــشـافن العلویـات
مرتاحات ویه حسین
وبعد اشوی محترگات

بعدساعات کلشی ایروح
وینترسن تعب و إجـروح
ویـتفـارگ جمال حسیــن
و اگـــبال الخیم مذبوح


بعدهن بلخیـم و إفیـای
و لا یتــراکضن حفــای
بعده حسینهن موجود
کل اشویه یمهن جای


بعد ساعات و ایصیحون
جـبنه الـناگه الچ یم عون
تــالی من یطیح احسـین
اگبال اخیامهه ایطبلون


هــسه ابخیـمه ملتـمین
وکلهه اتصیح عطشانین
تــــالیهه الــعصر لو صار
ینگص اصبع من إحسین


بعد اشوی تعب و افراگ
وتــراچی البلخیم تنباگ
شیصبرك یگلب ام عون
للعــــباس من تشتـــاگ


#عبدالرباب
#احمد_الصخراوی

https://telegram.me/ninve

#رایحه



رایحه و ما خلونی أودعك
رایحه اویای بس راسك وصبعک
رایحه عفتک اتون و اسمعك


رایحه و المدری وین
اتلفت ایسار و یمین
بلكت الله وهیچی صار
یطلع ورای الحسین


تتلفت روحـی التعبانه
یاریت میته وخـلصانه
یگضیهه إملافت بلغربه
هیچ الینـذبحون إخوانه


غریبه_زینب
ـــــــــــــــــــــــــــــــــــــــــــــ

طالعه المدریــن و یامـکان
طالعه وروحی طلعت منزمان
طالعه الدیره مابیهه آمان


طالعه اویای الهزل
وكلساع ٱوگع شکل
عگب اچفوف إخوتی
لازم إچفوفی إلحـبل


موش إحسین اِلـلازم چفی
ولاعباس الیمشی إبصفـی
ماهن اچفـوف الکافلنی
هاذ سوط الـلازم چتفی


غریبه_زینب
ــــــــــــــــــــــــــــــــــــــــ

شامت طالع اویه إظعونی های
شامت و محد الیـطلع ورای
شامت خویه رش اگبالی مای


اگبالی عمدا خویه رش
واحنه من لیل اهدعش
عگبك الیشرب حرام
یحله ویاك العطش


بس علویه إتگـل علویه
خل ینطون إحسین إشویه
آول إحسین إیشربونه
یلله نشرب إحنـــه إمیه


غریبه_زینب

ـــــــــــــــــــــــــــــــــــــــــ

خایفه موعلی بس علستـر
خایفه کلشی متحول شـمر
خایفه وین اروح و أستقر


الشام مو للحجاب
واحنه ماشایفنه باب
خاف امن انطب قصر
خایفه إتموت الـرباب



کلشی إلمـرهه إتصیح إسم الله
ابکلشـی تتصـور عبـدالله
الشــام ذوله اهل الشیطان
مانتــوالم واحنه أهل الله


غریبه_زیـنب

ـــــــــــــــــــــــــــــــــــــ

هیمه ظلمه وإتخاف الزغار
هیمه إنخاف حته امن النهار
هیمه کل گاع نچهبـهه نار


هیمه واشما ارید اجیك
شفتك إتحوس بدیك
إشتاگیتلك یاحسین
خویه طگ گلبی علیك


تعبــان و إتسد بعیـونك
ترتاح بس میخلـونك
اترید بیك روحك یاخویه
إیرجعونلك وإیسحگـونك


غریبه_زیـنب



#عبد_الرباب
#احمد_الصخراوی


https://telegram.me/ninv

#عتب_زینب(5)

#غریبات_الطف


خذانه الیل مدری ابیا عتب ذبنه
ومدری ابیا شمس راحت ملامحنه
عتبنه اهوای بس ما نجرح المتعوب
من عثرت جدمنه راح یفهمنه

علویه و عتبهه اهوای تحچی ویعرضلهه المای
لخوهه الضال بلهیمه اتسویله ضره و افیای

عطش شمس امغیرات إرسومه
بچت و اجت اتدور اعله اهدومه
تصیح اخوی جاوب الملچومه


حسین حسین یبن امی یاخویه
_

لاهی سالفة نوگ و نطب دیوان
شیخ احسین وایگولون ضل عریان
تنشال الفریضه اعله الرمح معقول
تتطشر ذاکه چان اللام الخوان

راح اعله الرمح نحره والحافر خذه صدره
علینه صار حسره احسین بس بلخیمه ضل عطره

عذب حنین ما ینشبع منه
چذب نطیح غیره اهوه شایلنه
ترف حسین والرمح تابعنه


حسین حسین یبن امی یاخویه


لا تنشال و ارجع بیک للخیمه
و لا اگدر اعوفک عاری بلهیمه
جفه ویانه ذاک الیوم حته الغیم
ابوجه شمس الله شوما وگفت الغیمه

خلف الله اعله خیمتنه لیش ابساع حرگتنه
ماگالت حدر انبات وبیهه اتدور ریحتنه

شمس وامس کلشی جفه اویانه
اجه الظلام وعباس ما جانه
هزل غرب تمشی اویه ممشانه

حسین حسین یبن امی یاخویه

_____

گلتهم اخوی و هاذه مو طبعه
وگالولی الحوافر عثرت ابضلعه
گالو طاح واتفرهد اخوچ احسین
أشرلچ بصبعه و انگطع صبعه

إشرادو منک وذبحوک ولیش ابخیلهم داسوک
ترف ماتنلمس یحسین علیمن بلرمح جاسوک


اجیت ضعت واحساب موش انته
اخوی عجب ما یتنهض لأخته
جریح ذبیح ومنتهیه سالفته

حسین حسین یبن امی یاخویه


#عبد_الرباب
#احمد_الصخراوی

https://telegram.me/ninve

#حال_زینب_فی_هذه_الایـام


إحتـارت زینب إتلـم إبهل الایتام
ساعدهه الله هلچم یوم تعبــت
ماشافت الـراحه إمنهد الخـیام
چم مره إعثرت چم مـره وگعت
کـبر سـنهه إبکثر طعنات الحسین
الف و سبعمیة یـوم کبــرت
ونت بنت علی وشیب گفه النوگ
وخرب بیـتی علیـهه اشـلون ونت
إلـماهی إمبیـنه والمـاشایفه الباب
إعلیٰ ظهر النوگ های الیوم طلعت
سئلـوها إعلیٰ اخوها وذبت الراس
سکتت ماحچت بس حیل نهتت
سئلوها إشکسـر ظهرچ مشی الیل
زینب دنـگت و العیــن صبــت
ما جـاوبت زینـــب دارت العیــن
وٰاعلیٓ رمح الشایل العباس صفنت

#عبد_الرباب
#احمد_الصخراوی
https://telegram.me/ninve

‍ #یاحبیب_من_لا_حبیب_له

____•••___•••___

وسافر إبروحـی العشگ
وإستوطن إبجسمی الجرح
بلطیف صـح ماتـمــر
ودیلی لوبس رمــــح

وسیــر إگلیبی إلمحتـرگ
وخضـر علیٰ إعـتابک ورد
وإستلذ بفیـای الخیـم
وإحساب ناگـصهن عبد

وهأذ انه جیتک عبــد!!!

وإصخام وجه العـطش
إمغیـر إرسـوم إلسـمه
یم غیـرک إتبدل عذب
وبلخیمه متبدل ضمه

وعطشن إسیـوف الحقـد
وتــبدیت یمــهن نـحـر
وخربت حــلاة السمه
وحطیت یمــهه گمــر

إشگد زعلوک وماگلت
وإستقبلت کـل سهــم
جرحوک بس مابینت
وإتغازل إعیون الخیم

لأکن_سیدی!!!

کل هاذه فضلک سیدی
بس لیش فزعت هلناس
یحسین موالهم فقط
لرماحهم شـــایل راس
موهینه هیه الینطی اخو
وهنـوبه مثل العبــاس

وإنطیت حافـرهم گلب
وهوه الــرقیه وسکــنه
وقدمت عــریس الخیـم
بس بیهه حــوبه الحـنه
شافوک بس یا سیــدی
وضیعــوا قـدر الجــنه


#عبد_الـرباب
#احمد_الصخراوی
https://telegram.me/ninve

احااا
والخیل تعبانه گد ماساحگته😭

#اول_الحب


هاذ اول الحـب و های وآخـرته
العـاشگ تنـتهی بحسین سالفته
موبیده الیحب إحسین یاهلناس
حتـما فـاطمه إهیـه ابگلبه خلته



ــــ...ـــــ....ــــــــ.....ــــــ

إشننسه وهیه بـلطف ســـالفـة نســوان
والمو عطـشان ما یفـهم حچی العطشان
شمسوین حته انجــازی عود إحسیــن
وماضـگنه الــرکـض والشوک والـدخان



ــــ...ـــــ...ــــــ...ـــــ

إشبیــنه وهیچ نتســابگ عله الدنیه
وکلســاعه شکــل تتبــدل النیـــه
یــاهو الـگال مثل إحسین حـدر الخیل
ویــاهو الگال زینب هیــچ مسبیــه


ــــــ...ـــــ...ـــــ...ـــــــ

کون إتعیش بینه امن الجـروح الفین
خل اصویحبک بلــدنیه بس إحسین
احنه اهل الحـزن خل الیـلوم إیــلوم
خل اهل الفــرح بفــراحهم لاهیــن



ــــــــ.....ـــــــ....ــــــــ...ــ

#عبد_الـرباب
#احمد_الصخراوی



https://telegram.me/ninve

پیج الشاعر احمد الصخراوی علیٰ الانستگـرام

#خطاب سیدالشهدا مع طفلهُ الرضیع علیهما السلام



موت بویه
عایش المن
الناس تسحگ عل ملح
موت بویه
کابر المن
موت وانت إزغیر احسن
اترید تكبر للذبح
وانته ماصایر لابوک
احساب صایر للـرمح
موت بویـه
إحسین مو مقسوم یکبر
عنده شاب
خاف تکبر تالی
هم اخیامك ایسلبوهه
وایحرگونلك یابویه باب
اتعیش عمرك مثلی
مسکور اعله فاطم
خاف هم یمك
یسطرون الرباب

موت بویه!!!!!
الدنیه ما رحمت بأبوك
وانته بعدك توه
علدنیه وخذوك

بثنینهن تنذبح بویه
اترید تکبر اترید تزغر
ذاك اخیك علی الاکبــر
شاب راح ومن رجعلی
شبهت حسبالی الاصغر
موت بویه!!!!
الدنیه موش الـولد حیـدر
کون جای الـوحدی للطف
لو دریت وماجبتکم
وانتم اشگدکم یبویه
وعلحوافر وزعتکم
بذر من چنتو ابظهری
والناس چانت تابعتکم
سبحه واتطشرتو منی
وباگت الوادم خرزکم

شوف ابن عمك القاسـم
ذاك نحره وذیچ حنته
وتوه فرحـان ابخطبته
وغفله والـوادم خذته
ومن رحتله وماعرفته

ها یتعبی
ها یلمضعین دربی
وبويه سهمك هاذ عبرته اعله گلبی


#عبد_الـرباب
#احمد_الصخراوی

https://telegram.me/ninve

#مولانا_قمر_اُم البنیـن_علیها_السلام



عله اچفوفك بعدهـی اتدور النهران
وعله اعیـونك بعدهی اتدور العمیان
یهنیال النهر من جاسه چف عباس
موش انته یعباس النهــــر عطشان

~~~~

نسه روحه النهر و ایصیحلك شسـمی
جربتك یا بوفاضـل کاســـره ابعزمی
چنت عم کربلا ونعمیــن یا عبــاس
حته الخیمه هم اتصیحلك عمـی

~~~~~

شـواربهم گصـب و شـــواربك منجل
وعله امتونك الغیــم ایطیح من تزعل
شلـك بلنهـــر و المــای وجه إحسیـــن
ومن مای البگـــصته الغیــــم یتبلل

~~~~~

صحت عباس و الطف هدلن امتونه
شنو إبعبــاس والله إشحــاط بعیونه
گالـو موش إمام و هوه نص معصوم
وهوه أربعطش معصـــوم یحچــونه


~~~~~

منهه وشفنه های الدنیه کثرة ناس
حــط عبــاس بمچـان العقل بلراس
قصــائدنه وشعرنه تحچی بلکفال
الف قـــرآن جابوا ما وصف عباس

~~~~~~

بلـــتـاریخ من رادو یکتبـــونك
احــتارو یابوفاضـل بیــش یبدونك
یکتبونك شجــاع وبلحچی اینگصون
یـکتبونك حلو و إیعــرضن إعیونك

~~~~~~

إبیـا دیــوان والـعبــاس ما موجــود
إصــورك تارسه الحیطان كلك الزود
للیــوم المضایف تحچی بلعبــاس
وین ابیا و مکــان و هوه ما موجود


#عبد_الـرباب
#احمد_الصخراوی
https://telegram.me/ninve