#خــبــر |

المتحدث باسم وزارة التربية كريم السيد :-

●وزارة التربية نجحت بأداء الامتحانات الوزاريّة للمراحل المُنتهية كافّة.

● معيارنا الثابت ان الأسئلة من المناهج.

●الشائعات عن تسريب الأسئلة تُربك الطلبة وقمنا برصد القنوات والأشخاص بالتعاون مع الجهات الأمنية لاتخاذ الإجراءات القانونية بحقهم.

● من الممكن تقديم الامتحانات إلى ما قبل الصيف ودرجات الحرارة المُرتفعة شريطة ان تتدرج الوزارة بانطلاق العام الدراسي بشكل أبكر كما حدث في هذا العام.

● نُسجل في كل عام تميز طلبة في القرى والأرياف والمناطق النائية وهذا دليل على رصانة الكثير من المدارس الحكومية وإخلاص المعلمين.

#شبكة_نيوتن_التعليمية
https://t.me/Newton1998

* بالرياضيات تكدر هيج تخطط الصفحة وترتب جوابك حتى المكان يكفيك.

#شبكة_نيوتن_التعليمية

#شلون_اجاوب_الرياضيات ؟

- سوادس قلبي راح انطيكم بعض الملاحظات اتمنى تطبقونها بحذافيرها بامتحانكم لأنه اذا مطبقتها أنت تخسر ف أول ما تستلم الاسئلة تعرف شتسوي  ؟ تعال :-

1⃣ ما تقرا الاسئلة كلها ابد ابد ابد ابد ابد ، خوش ؟ يعني اول ماتستلمها خلاص ما تشوف ولا سؤال غير (س1 فرع أ ) تقراه تفهمو وتباشر مباشرةً بالحل المفصل بدون اختصار لأي خطوة لحد ما يخلص ، ثم تنتقل للفرع ( ب) تقراه وتفهمو ثم تباشر بالحل مباشرةً وهكذا ....

2⃣ أنت ودتحل لا شاء الله اذا صادفك فرع تواجه بي مشكلة فلا تلزك بي ، عوفو وكمل اللي بعدو واللي تعرفهم وهكذا لحد ما تكمل اجوبتك اللي تعرفهم ، ثم هستونك ترجع للفرع أو اللشي اللي تركتو وتكعد تركز بي براحتك وعلى كيفك وحتذكرو ان شاء الله.

3⃣ الرياضيات لغة عبارة عن قانون وملاحظات تفهمهم واضح ؟ فاذا يجي سؤال تشوف ارقامو مختلفة أو ما مارة عليك لا تكعد تلطم وتكول هذا خارجي ما ينحل او ماعرف احلو يلا دمسح الدفتر ! دير بالك تكون سطحي وفطير لهلدرجة ، انت خلي ببالك أنه ممكن تجي اسئلة متغيرة ارقامها ف كلش عادي هي نفس الخطوات والقوانين فقط تغيير أرقام تمام ؟ ف تكعد تحل وبكامل الشموخ والثقة تمام ؟ ف ميحتاج يصعد الضغط أو ينزل ويصير بيك سكر مزمن من تشوف أرقام غريبة.

4⃣ إذا صادفك سؤال تحس بي فكرة أو غريب عليك فهم لا تخاف ولا شي ، ترا كلشي يجيك تكدر تحلو بقاونين وملاحظات كتابك ومرات ابو الوزاري يغير شوية بالسؤال حتى يشوفك فاهم لو دارخ ؟ فاذا فاهم حتحلهم ركض واذا حضرتك حافظ ف هاي الشغلة يمك.

5⃣ رتب اجوبتك زين حتى لا تضطر تخربط دفترك وجوابك وتروح تكمل بملحق الدفتر الامتحاني ، لهذا اريد يكون دفترك انيق وحلو مثلك وترتب تمام مثل ما انت ترتب ملابسك ونفسك لانه بعض الاسئلة عدكم جوابهم مطول ف يحتاج ترتب حتى يكفيك المجال.

• تكدر تقسم الصفحة قسمين وتجاوب.
• طريقة ترتيب التقسيم موجودة بالدفتر الامتحاني :-
https://t.me/Newton1998/29802

6⃣ ابد ابد ابد لا تستعجل بالحلول بمادة الرياضيات لانه أي خطأ حسابي او إشارة خطأ تگلب عليك السؤال ، لهذا على كيفي وراحتي احل وما استعجل ، وكل ما اخلص فرع اراجع جوابي مضبوط يلا انتقل للي بعدو.

7⃣ بالرياضيات عندك نسبة ترك كلش عالية ف انتبه على الترك لانه عندك ترك سؤال + ترك ضمني ف انتبه لهذا الموضوع وتاكد من اسئلة الترك عندك حتى لا تتندم بعدين.

#ملاحظات_مهمة_جداً

▪️ العمليات الحسابية اللي مو مطلوبة منك بالحل ، امسحها من تخلص جوابك ك عمليات الضرب والجمع ..الخ.

▫️تجاوب كل سؤال بمكانو المخصص لا تنسى هذا الشي ابد ابد ابد.

▪️قبل لا تسلم دفترك راجع اجوبتك وفروع الترك خاف ناسي شي او مبدل شي مكان شي ..الخ.

▫️ لا تختصر بالخطوات واكتب كل خطوات الحل لان كل خطوة عليها درجة معينة.

✍ :- سالم ال منصور

#شبكة_نيوتن_التعليمية
https://t.me/Newton1998

#توزيع_الدرجة |

■ مادة #الرياضيات.
■ الدور #الأول 2024.
■ للصف للسادس #العلمي.


1️⃣ الفصل الأول :- 20 درجة.
2️⃣ الفصل الثاني :- 20 درجة.
3️⃣ الفصل الثالث :- 40 درجة.
4️⃣ الفصل الرابع :- 35 درجة.
5️⃣ الفصل الخامس :- 20 درجة.
6️⃣ الفصل السادس :- 20 درجة.


🔺 المجموع الكلي للدرجات :- 155 درجة.
🔻تجاوب على 100 درجة، و تترك 55 درجة.


#ملاحظات_حول_الأسئلة |

● نسبة الوزاريات فيها 98%.

● توزيع الدرجات بين الفصول متوازن.

● نسبة الترك جيدة جداً.

● نترك تقييم الأسئلة للطالب.


#شبكة_نيوتن_التعليمية
https://t.me/Newton1998

#خطة_مراجعة_الكيمياء |

دادا ان شاء الله راح انطيكم كم توجيه ان شاء الله يفيدكم انتوا ودتراجعوان :-

1⃣ يُفضل تراجع بتسلسل الكتاب ، واذا تريد تراجع بغير طريقة فأنت حر حسب قناعتك أنت.

2⃣ كالعادة تثبت على مصادرك وماتغيرهم ابد ، افتهمت ؟ عدنا الكيمياء جزئين :-

● #جزء_الحفظيات ( 50-60 درجة بالوزاري) :- تقراهم وتراجعهم على مصدرك الثابت + تضبط وزاريات الحفظيات من 2013 مثل اسمك + اسئلة الفصل.

● #المسائل_العلمية ( 80-90 درجة بالوزاري) :- هم نفس الشي تثبت على مصدرك وتجي تقرا قوانين الموضوع وملاحظاتو وتبدي تحل بالتسلسل ( مثال ، تمرين ، اسئلة فصل ، واذا تگدر وزاري هم ).


" #ملاحظات_مهمة_عن_المسائل "

■ إذا تضبط الكتاب واسئلته كفهم ف كلش كافي تجيب درجة كاملة لأن الكيمياء أغلبها نصًا واذا تغيير ف تغيير بسيط.

■ إذا أنت دارس وزاريات من المراجعة ف ارجع راجعهم هسه ، لكن اذا مو قاري ف انصحك تطلع على وزاريات هاي المواضيع ( الذوبانية ، هيس ، بفر ) لآن مرات تجي منهم فكرة اما البقية ف نصًا.

■ تقرا المسائل ورقة وقلم لا تقراهم شفهي ، وإذا تحس نفسك متلحك تقراهم ورقة وقلم ، فمثل ماعلمتك بالمراجعة الوزارية أنه تأشر الاسئلة اللي بيهم افكار حتى بهاي الايام تجي تركز عليهم وتحلهم ورقة وقلم أما اللي تطبيقهم مباشر وانت مضبطهم ف تكدر تحل سؤال سؤالين عليهم البقية اطلاع حتى تلحك.


#ملاحظة |

ضروري جدًا تطلع على ملاحظات مركز الفحص للمادة لأنه كلش حتفيدك أن شاء الله.


#شبكة_نيوتن_التعليمية
https://t.me/Newton1998

📝 ملاحظات مركز الفحص لمادة #الكيمياء.
• ملف مهم جدًا للإجابة الكاملة والنموذجية.
📌 للصف السادس #العلمي.

#شبكة_نيوتن_التعليمية
https://t.me/Newton1998

تنويه هام |

- يحق لطلبة التحميل الامتحان دور أول وثاني وحتى ثالث إن وجد.

واي كلام غير هذا هو كلام غير صحيح البتة.

#ســــالـــــم_ال_منصـــــــور

#شبكة_نيوتن_التعليمية
https://t.me/Newton1998

#خــــبر |

التربية تُحدد ضوابط التقديم الى مدارس المتفوقين والمتفوقات للعام الدراسي 2024-2025

حددت وزارة التربية/المديرية العامة للتعليم العام والأهلي والاجنبي ضوابط وشروط التقديم الى مدارس المتفوقين والمتفوقات للعام الدراسي 2024 – 2025 وحسب ما يلي:-

• يبدأ التقديم الالكتروني يوم الاثنين الموافق 8 / 7 / 2024 ولغاية نهاية الدوام الرسمي ليوم الاحد الـموافق 21 / 7 / 2024
• قبول الطلبة الحاصلين على معدل (90%)
• لا يحق للطالب التقديم الى مدارس المتميزين وثانويات كلية بغداد ومدارس المتفوقين والمتفوقات في آن واحد وفي حالة حدوث ذلك يحرم الطالب من كلا التقديمين .
• يكون الاختبار وزاريا تحصيليا للمواد (اللغة العربية ، اللغة الإنكليزية ، الرياضيات ، العلوم) من مواد الصف السادس الابتدائي .
* موعد الاختبار التحصيلي سيكون في يوم الاربعاء الموافق 7 / 8 / 2024 في تمام الساعة التاسعة صباحاً على ان تجري الاختبارات في نفس المدرسة التي يقدم فيها الطالب .

#شبكة_نيوتن_التعليمية
https://t.me/Newton1998

#خبـــــر   |

وزارة التربية تعلن الثامن من تموز موعدا للتقديم الإلكتروني الى مدارس المتميزين وثانويات كلية بغداد

أعلنت وزارة التربية/المديرية العامة للتعليم العام والأهلي والأجنبي يوم الاثنين الموافق  2024/7/8 موعدا  للتقديم الإلكتروني الى مدارس المتميزين وثانويات كلية بغداد لغاية نهاية الدوام الرسمي ليوم الاحد الموافق 2024/7/21 للعام الدراسي 2024-2025  وكما موضح في الفقرات الآتية:-

* لا يقل مجموع الطالب الراغب في التقديم إلى مدارس المتميزين وثانويات كلية بغداد عن (570)  للطلبة المسلمين اي بمعدل 95% و(475) درجة بالنسبة للطلبة غير المسلمين وبمعدل 95%

-  يكون المعدل الأقصى للبقاء في مدارس المتميزين وثانوية كلية بغداد للمراحل الدراسية كافة 75% للعام الدراسي 2024 – 2025

-  يؤدي الطالب المتقدم للقبول اختبارين الاول في الذكاء، والثاني تحصيلي في المواد (اللغة العربية، اللغة الإنكليزية، الرياضيات، العلوم) التي درسها في الصف السادس الابتدائي للعام الدراسي 2023 – 2024

-  موعد اجراء اختبارات الذكاء والتحصيلي هو يوم الاربعاء الموافق 7/ 8 /2024 في المدرسة التي يقدم فيها الطالب علما انه تم تحديد الساعة الثامنة صباحاً لاختبار الذكاء والساعة التاسعة صباحاً للاختبار التحصيلي على ان يفصل بينهما استراحة لمدة (30) دقيقة مع الالتزام بالسقف الزمني بين الاختبارين

-  يكون التقديم للقبول الى مدارس المتميزين وثانويات كلية بغداد في محافظة بغداد والمحافظات كافة على وفق الرقعة الجغرافية ولايحق للمتقدم النقل الى مدرسة أخرى مع أخذ تعهد خطي من اولياء الامور  لقبول أبنائهم حسب الطاقة الاستيعابية للثانوية

#شبكة_نيوتن_التعليمية
https://t.me/Newton1998

#عاجـــــــل |

مديرية التقويم والامتحانات في وزارة التربية :-

▪️مرحلة الثالث المتوسط: يعد الطالب مكملاً بثلاثة دروس.

▪️السادس الإعدادي: الطالب لو رسب في جميع الدروس في الدور الأول يحق له الاشتراك في الدور الثاني.

#شبكة_نيوتن_التعليمية
https://t.me/Newton1998

#شلون_اجاوب_الكيمياء !؟

1⃣ اياك ثم اياك انك تقرا الاسئلة كلها ثم تجاوب ، الافضل انك اول ما تستلم الأسئلة تخلي دفترك الامتحاني على الاسئلة وفقط تشوف السؤال الأول فرع ألف ( أ) تقراه وتفهم ثم تبدي بالحل ثم تنتقل للفرع باء ( ب) تكمل الحل ، بعد ما خلصت جواب السؤال الأول #فتراجع_جوابك للفرعين #خطوة_خطوة_رقم_رقم بالنسبة للمسائل #وكلمة_كلمة_للحفظيات ثم تنتقل للسؤال الي بعدو وهكذا #بالتسلسل وتجاوب على جميع الاسئلة.

2⃣ لا تستعجل بالحل ابد على راحتك فكر وجاوب واضح ؟ عندك 3 ساعات وقت كافي فلا تستعجل ابد حتى لا تغلط او تنسى شي.

3⃣ في حال صادفك فرع شاك بي او ناسي جزء منو او يعني عندك مشكلة بي ف اعبرو وانتقل للفرع الي بعدو وكمل الحل ، حتى لا يضيع وقتك وتستنزف طاقتك بالتفكير بهذا الفرع ، بالتالي يأثر على باقي اجوبتك ف الأفضل تعبرو وتخلي للنهاية بعد ما تكمل الاسئلة الي تعرفهم ارجع عليه وفكر بي وركز براحتك ، أنت شوي شوي حتبلش تستذكر اذا قاريه لذلك ابد لا تستصعب اي سؤال الا تحاول كل المحاولات عليه بالحل .

💠 #ملاحظة :- اذا شفت أرقام مختلفة او فد تغيير بفكرة ، فتأكد أنه للاسهل ، لأن تعرفون ارقام الكيمياء مزعجة بالوزاري مرات يغيروها للاسهل.

4⃣ رتب خطك , حتى المكان المخصص لكل سؤال يكفيك وماتحتاج لتقسيم الصفحة او غيرها ، والكيمياء ما من نوع الي تكون اجوبتها مطولة او بي شرح مطول وسرد مثل الاحياء , بالعكس اقصر وايضاً المسائل مالها مو مطولة مثل الرياضيات لكن مع هذا رتب خطك ودفترك حتى تكون مسيطر والمكان واسع.

5⃣ انتبه :-
🔹تراجع اجوبتك خاف ناسي فرع !
🔸 تراجع اجوبتك خاف مبدل الافرع وتحل جواب الف بمكان فرع الباء !
🔹 تراجع الترك خاف ناسي تترك فرع!

6⃣ :- راجع اجوبتك مرة أخرى ثم سلم الدفتر.
7⃣ احبك.

✍ :- سالم ال منصور

#شبكة_نيوتن_التعليمية
https://t.me/Newton1998

#توزيع_الدرجة |

■ مادة #الكيمياء.
■ الدور #الأول 2024.
■ للصف للسادس #العلمي.


1️⃣ الفصل الأول :- 21 درجة.
2️⃣ الفصل الثاني :- 21 درجة.
3️⃣ الفصل الثالث :- 24 درجة.
4️⃣ الفصل الرابع :- 20 درجة.
5️⃣ الفصل الخامس :- 16 درجة.
6️⃣ الفصل السادس :- 19 درجة.
7️⃣ الفصل السابع :- 12 درجة.
7️⃣ الفصل الثامن :- 7 درجات.


🔺️#مجموع_المسائل :- 90 درجة.
🔻#مجموع_الحفظيات :- 50 درجة.

( ملاحظة :- العضوية و الأسئلة الفهمية حُسِبت ضمن المسائل )



🔺 المجموع الكلي للدرجات :- 140 درجة.
🔻 تجاوب على 100 درجة، و تترك 40 درجة.



#ملاحظات_حول_الأسئلة |

● أسئلة مطولة كالعادة، ضمن المنهج و نسبة الوزاريات فيها 99%.

● توزيع الدرجات على الفصول متوازن.

● نسبة الترك جيدة.


#شبكة_نيوتن_التعليمية
https://t.me/Newton1998

#شلون_اراجع_الفيزياء ؟!

- سوادس قلبي ان شاء الله راح انطيكم كم توجيه ان شاء الله يفيدكم انتوا ودتراجعون :-

1⃣ يُفضل تراجع بتسلسل الكتاب ، واذا تريد تراجع بغير طريقة فأنت حر حسب قناعتك أنت.

2⃣ كالعادة تثبت على مصادرك وماتغيرهم ابد ، افتهمت ؟ عدنا الفيزياء جزئين :-

● #جزء_الحفظيات ( 70-75) درجة بالوزاري) :- تقراهم وتراجعهم على مصدرك الثابت + تراجع وزارياتهم + اسئلة الفصل.

● #المسائل_العلمية ( 70-75 درجة بالوزاري) :- هم نفس الشي تثبت على مصدرك وتجي تقرا قوانين الموضوع وملاحظاتو وتبدي تحل بالتسلسل ( مثال ، اسئلة فصل ، واذا تگدر وزاري هم خاصة الفصل الأول ) و بما أنه الوقت قصير لا تحل كل المسائل بالورقة و القلم ، الاشياء التعرفها و سهلة عليك و متاكد منها فقط اطلع عليها عالسريع و هي عموما اغلب الوزاريات نصا من الكتاب فحتكون كلها مارة عليك و حالها انت بكل الاحوال بالورقة و القلم، أما المسائل الي بيها فكرة أو تحسها صعبة عليك او تخربط بيها حلها ورقة و قلم.


" #ملاحظات_مهمة_عن_المسائل "

▪️ ركز على اسئلة وامثلة الكتاب و وزاريات ( 2018 و 2019 ) كل الأدوار

▪️ إذا أنت دارس وزاريات من #المراجعة ف ارجع راجعهم هسه وركز على الأفكار ، لكن اذا مو قاري ف انصحك تطلع على وزاريات فصل الأول متسعات وفصل ثاني على الأقل ، لآن مرات تجي منو فكرة.


#ملاحظات_مهمة_جداً

▪️ضروري كلش تطلع على ملاحظات الأجوبة النموذجية لمركز الفحص مهمة جدًااااااا.

▪️اسئلة الفصل جدًا جدًا مهمة ، يعني يجي منها 60-70 درجة تقريباً فضبطوها.

▪️ اقرا بتسلسل الكتاب + اقرا الشرحيات والمسائل مع بعض هيج أفضل من أنه تقرأ كلشي وحد.


#شبكة_نيوتن_التعليمية
https://t.me/Newton1998

📝 ملاحظات مركز الفحص #الفيزياء.
• ملف مهم جدًا للإجابة الكاملة والنموذجية.
📌 للصف السادس #العلمي 2024.

#شبكة_نيوتن_التعليمية
https://t.me/Newton1998