#خريطة_مراجعة_العربي
#الثالث_متوسط

اول شي بالنسبة لتقسيم الدرجة فهي كالتالي :-
- #القواعد ٤٠ درجة (ثابت دائما)
-#الإملاء ١٠ درجات (ثابت دائما)

يبقى عدنا #الأدب_والنصوص و #الإنشاء

بالنسبة للأدب فيجي عليه ٢٥ أو ٣٠ درجة
و الإنشاء ٢٠ أو ٢٥ درجة ... حسب كل سنة

بس بالنسبة لهلسنة ٩٩٪ حيكون نفس تقسيم #التمهيدي و #الدور_الاول_خارج_القطر

الأدب و النصوص ٢٥ درجة
و الإنشاء ٢٥ درجة

#على_شنو_تركز

- بالنسبة #للقواعد حاولوا تركزون ع موضوع
الميزان الصرفي و المشتقات (الي هي اسم
الفاعل ، اسم المفعول ، صيغة المبالغة ) لأن
يجي منهم هواي ، ركزوا على تمارين الكتاب
مهمة كلش كلشش ، ٩٨٪ يجي من الكتاب
نصاً ، فحاولوا عالاقل أنه تقرون حتى لو بس
التمارين.

- #الادب ، حاول تراجع الأمور الي مضبطها
كلش فقط ، يعني إذا شي مو دارسو ، لا
تحاول تقرا هسا لان حيخربطك ، فالاولى
أنه تراجع فقط الأشياء الي مضبطها ، و
بالامتحان دير بالك تترك شي فارغ ، حتى
لو متعرف عبر من عندك اي شي على
معلوماتك العامة ، المهم متترك فارغ ، لان
يخلون درجة حتى لو كلمة .

- #الإملاء ضبطوا كلشش زين ، لأن سهل أولاً +
درجتو مضمونة و ثابتة ١٠ درجات ، فركز عليه

- #يظل عدكم الأنشاء ، فهذا مايحتاج تحضير
من الطالب ، بالإمتحان تختار الموضوع الي
يعجبك و تعبر من عندك ، اهم شي خط
واضح ، و تكتب ما لا يقل عن صفحة و نص
أو صفحتين ، و أيضاً درجتو مضمونة ، و
مينقصون هواي ، لان هو مساعدة للطلاب .


#ملاحظة :-
من ( الإملاء + الإنشاء ) أنت خليت بجيبك ما
ما لا يقل عن 30 درجة ، طبعا في حال كنت
دارس الإملاء و مضبطو

فيبقالك 20 درجة ، تگدر تجمعها بكل سهولة من القواعد و الادب ، حتى لو كنت زفت بيهم ، درجة ع درجة تجمع و الله ف لا تخافون ❤️
بس أهم شي مثل مگتلكم أنه ما تتركون اي
شي فارغ .

بالتوفيق .

#شبكة_نيوتن_التعليمية
https://t.me/Newton1998

#خريطة_مراجعة_العربي

" حنطيكم طريق او نموذج لمراجعة مادة اللغة العربية والدخول للامتحان الوزاري "

اولًا :- #المراجعة_الوزارية.

🔹 شنو أقصد بالمراجعة الوزارية ؟
- هي المراجعة العامة للمادة.

فأنت أول شي تسويه أنه تبدي تراجع القواعد كامل ، ثم تخلصها يلا تنتقل للأدب ، تمام ؟

📋 بعد ما خلصت المراجعة الوزارية للمادة ، هسه تنتقل للمراجعة #الامتحانية للمادة.

🔸 ثانيًا :- شنو هي #المراجعة_الإمتحانية ؟
- هي المراجعة الاخيرة للدخول إلى الامتحان.

ايضًا تبدي بالقواعد ثم تختم بالادب وتدخل للامتحان الوزاري ان شاء الله.

#ملاحظات_مهمة_جدًا

1⃣ تركز على وزاريات الأدب من 2005_2020 مع ضبط اسئلة المناقشة.
رابط الملف :-
https://t.me/Newton1998/19303
2⃣ تركز على وزاريات القواعد آخر 10 سنوات خصوصًا خصوصًا آخر 5 سنوات ، والتمارين مهمة جدًا جدًا.
رابط الملف :-
https://t.me/Newton1998/19623
3⃣ يُفضل مراجعة القواعد اولًا ثم الأدب ثم الدخول للامتحان الوزاري.
4⃣ لا تغير مصادرك نهائيًا.

✍:- سالم ال منصور

#شبكة_نيوتن_التعليمية
https://t.me/Newton1998