ရန်ကုန် - မန္တလေးအမြန်လမ်းပေါ်တွင် ခရီးသည်တင်ယာဉ်နှင့် ကုန်တင်ယာဉ်များ Telematics GPS စနစ်တပ်ဆင်ပြီးမှသာ လမ်းအသုံးပြုခွင့်ရမည်

NOM စက်တင်ဘာ ၁၀၊ ၂၀၂၆

ရန်ကုန် - မန္တလေးအမြန်လမ်းမကြီးပေါ်တွင် ခရီးသည်တင်မော်တော်ယာဉ်များနှင့် သတ်မှတ်ခွင့်ပြုထားသည့် ကုန်စည် ၁၄ မျိုးသာ တင်ဆောင်ရမည့် ကုန်တင်ယာဉ်ကြီးများသည် Telematics GPS စနစ် တပ်ဆင်ပြီးမှသာ လမ်းအသုံးပြုခွင့်ရမည်ဖြစ်ကြောင်း သိရသည်။

အဆိုပါရန်ကုန် - မန္တလေးအမြန်လမ်းမကြီးပေါ်တွင် Telematics စနစ် GPS စက်များတပ်ဆင်ပြီး ဝန်ဆောင်မှုပေးခြင်း လုပ်ငန်းများကို ၂၀၂၄ ခုနှစ် ဇွန်လတွင် စတင်ဆောင်ရွက်ခဲ့ပြီး စက်တင်ဘာ ၉ ရက်အထိ ခရီးသည်တင် မော်တော်ယာဉ် ၃၅၂၅ စီး၊ ကုန်တင်ယာဉ် ၂၅၁၂ စီးတို့ကို Telematics စက်များ တပ်ဆင်ပေးပြီးဖြစ်ကြောင်းသိရသည်။

ထို့ပြင် နေပြည်တော်စီလမ်းဆုံတိုးဂိတ်ရှိ Telematics Com-mand & Control Center က ရန်ကုန်-မန္တလေးအမြန်လမ်းမကြီးပေါ်တွင် သွားလာလျက်ရှိသည့် ခရီးသည်တင်မော်တော်ယာဉ်များ သတ်မှတ်အရှိန်နှုန်း (ကီလို ၉၀)အတွင်းသာမောင်းနှင်စေရေး၊ ယာဉ်မရပ်ရသည့်နေရာများတွင် ရပ်တန့်မှုမရှိစေရေးတို့အတွက် တယ်လီဖုန်းဖြင့်သတိပေးခြင်းကို (၂၄) နာရီဝန်ဆောင်မှုဖြင့် ဆောင်ရွက်ပေးလျက်ရှိကြောင်းသိရသည်။

NOM

လေးမျက်နှာ ငဝန်ရေကာတာ ပေ ၃၀ ခန့် ပွင့်ထွက်ပြီး မြို့တွင်းသို့ ရေစတင်ဝင်ရောက်မှုဖြစ်ပွား

NOM စက်တင်ဘာ ၁၀၊ ၂၀၂၆

ဧရာဝတီတိုင်းဒေသကြီး၊ လေးမျက်နှာမြို့ရှိ ငဝန်ရေကာတာတွင်ယမန်နေ့ စက်တင်ဘာ ၉ ရက် ည ၁၀ နာ ရီခန့်က ရေကာတာပိတ်ထားသည့် သံတိုင်များအနက် ပေ ၃၀ ခန့် အကျယ်ရှိ သံတိုင်များယိုင်ထွက်သွားပြီး ရေကာတာ ပြန်လည်ပွင့်ထွက်သွားကြောင်း လေးမျက်နှာမြို့နယ် မီးသတ်စခန်းမှတာဝန်ရှိသူတစ်ဦးကပြောသည်။

လေးမျက်နှာမြို့ရှိ ငဝန်ရေကာတာတွင် ရိုက်ထားသည့် Sheet Pile များသည် ရှေ့မှရေတွန်အားကြောင့် ပေ ၃၀ ခန့်အနောက်သို့ ယိုင်သွားပြီးရေကျော်မှုများဖြစ်ပွားခဲ့ပြီး ရပ်ကွက်အချို့သို့ ရေဝင်ရောက်မှုများဖြစ်ပွားခဲ့ခြင်းဖြစ်သည်။

လက်ရှိတွင် ငဝန်ရေကာတာအနီးရှိ သင်္ဘောများနှင့် ဘုတ်ရေယာဉ်များကို အန္တရာယ်မဖြစ်ပေါ်စေရေး ကမ်းသို့ ပြန်လည်ကပ်ထားရန် ညွှန်ကြားထားပြီး ကူညီကယ်ဆယ်ရေးအဖွဲ့များကလည်း လိုအပ်သည့် ကူညီကယ်ဆယ်ရေးလုပ်ငန်းများ ဆောင်ရွက်နေကြောင်းသိရသည်။

NOM

နိုင်ငံတော်သမ္မတ ဦးမင်းအောင်လှိုင် ကမ္ဘောဒီးယားနိုင်ငံသို့ စက်တင်ဘာ ၁၁ ရက်မှ ၁၂ ရက်အထိ နိုင်ငံတော်အဆင့် ချစ်ကြည်ရေးခရီး သွားရောက်မည်

NOM စက်တင်ဘာ ၁၀၊ ၂၀၂၆

ကမ္ဘောဒီးယားဘုရင် နိုရိုဒမ် သီဟာမိုနီ (His Majesty Preah Bat Samdech Preah Boromneath Norodom Sihamoni) ၏ ဖိတ်ကြားချက်အရ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်သည် ကမ္ဘောဒီးယားနိုင်ငံသို့ စက်တင်ဘာ ၁၁ ရက်မှ ၁၂ ရက်အထိ နိုင်ငံတော်အဆင့် ချစ်ကြည်ရေးခရီးစဉ် (State Visit) သွားရောက်မည်ဖြစ်ကြောင်း ကမ္ဘောဒီးယားနိုင်ငံခြားရေးနှင့် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာနက ယနေ့ စက်တင်ဘာ ၁၀ ရက်တွင် ထုတ်ပြန်ကြေညာသည်။

ခရီးစဉ်အတွင်း နိုင်ငံတော်သမ္မတ ဦးမင်းအောင်လှိုင်သည် ကမ္ဘောဒီးယားနိုင်ငံ၏ ယာယီနိုင်ငံတော်အကြီးအကဲ Samdech Akka Moha Sena Padei Techo Hun Sen နှင့် ထိပ်သီးအဆင့် တွေ့ဆုံဆွေးနွေးမည်ဖြစ်ပြီး ကမ္ဘောဒီးယားနိုင်ငံ ဝန်ကြီးချုပ် Samdech Moha Borvor Thipadei Hun Manet နှင့်လည်း နှစ်နိုင်ငံအဆင့် ဆွေးနွေးပွဲများ ပြုလုပ်သွားမည်ဖြစ်သည်။
အဆိုပါ တွေ့ဆုံဆွေးနွေးမှုများတွင် မြန်မာ-ကမ္ဘောဒီးယား နှစ်နိုင်ငံအကြား ရှိရင်းစွဲ ချစ်ကြည်ရင်းနှီးသည့် ဆက်ဆံရေးကို ပိုမိုခိုင်မာစေရေး၊ နှစ်နိုင်ငံအပြန်အလှန် အကျိုးဖြစ်ထွန်းစေမည့် ပူးပေါင်းဆောင်ရွက်မှုများကို တိုးချဲ့ရေးတို့နှင့်အတူ နှစ်နိုင်ငံ အကျိုးတူစိတ်ဝင်စားသည့် ဒေသတွင်းနှင့် နိုင်ငံတကာရေးရာ ကိစ္စရပ်များအပေါ် အမြင်ချင်းဖလှယ် ဆွေးနွေးသွားကြမည်ဖြစ်သည်။

ထို့ပြင် နိုင်ငံတော်သမ္မတသည် ဖနွမ်းပင်မြို့ရှိ လွတ်လပ်ရေးအထိမ်းအမှတ်ကျောက်တိုင် (Independence Monument) နှင့် ကမ္ဘောဒီးယားနိုင်ငံ၏ ကွယ်လွန်သူ ဘုရင်ဖခင် Norodom Sihanouk “Preah Borom Ratanak Kaudh” ၏ တော်ဝင်ရုပ်တုတို့၌ လွမ်းသူ့ပန်းခွေချ အလေးပြုသွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

နိုင်ငံတော်သမ္မတ ဦးမင်းအောင်လှိုင် ၏ ယခု နိုင်ငံတော်အဆင့် ချစ်ကြည်ရေးခရီးစဉ်သည် မြန်မာနှင့် ကမ္ဘောဒီးယား နှစ်နိုင်ငံနှင့် ပြည်သူများအကြား ရှိရင်းစွဲ နွေးထွေးသည့် ချစ်ကြည်ရင်းနှီးမှုကို ပိုမိုခိုင်မာစေရန် နှစ်နိုင်ငံ၏ ပူးတွဲကတိကဝတ်ကို ထပ်မံအတည်ပြုသည့် ခရီးစဉ်တစ်ရပ်ဖြစ်ကြောင်း ကမ္ဘောဒီးယားနိုင်ငံခြားရေးနှင့် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီး ဌာန၏ ထုတ်ပြန်ချက်တွင် ဖော်ပြထားသည်။

တွံတေးမြို့နယ်၊ပန်းလှိုင်တံတားအဆင်းအနီးယာဥ်တိုက်မှုဖြစ်၊အမျိုးသားတစ်ဦးသေဆုံး
NOM၊စက်တင်ဘာ၁၀၊၂၀၂၆
ရန်ကုန်တိုင်း‌ ဒေသကြီး၊ လှိုင်သာယာမြို့နယ်၊ ၁၉ ရပ်ကွက်၊ သံသုမာ (၂) လမ်းတွင် နေထိုင်သည့် အမျိုးသားတစ်ဦးစက်တင်ဘာ၈ရက်က‌ ပျောက်ဆုံးခဲ့ပြီးယခုအခါယာဉ်တိုက်ခံရကါသေဆုံးသွားကြောင်းလူမှုကူညီရေးထံမှသိရသည်။
ဖြစ်စဉ်မှာလှိုင်သာယာမြို့နယ်၊ ၁၉ ရပ်ကွက်၊ သံသုမာ (၂) လမ်းမှာ နေထိုင်သည့် အသက် (၅၂) နှစ်အရွယ် ဦးဝင်းမြင့်သည်စက်တင်ဘာ ၈ရက်နံနက် ၅ နာရီခန့်တွင် တွံတေးမြို့နယ်၊ပန်းလှိုင်တံတားအဆင်းအနီးတွင် တွံတေးမြို့နယ်ဘက်သို့စက်ဘီး စီးပြီး သွားခဲ့ရာနောက်ဘက်မှမောင်းနှင်လာသောမော်တော် ယာဉ်တစ်စီးကဝင်ရောက်တိုက်ခဲ့ရာ‌ ဆေးရုံ၌သေဆုံးသွားခဲ့သည်။
ယာဉ်တိုက်မှုဖြစ်ပွားပြီးနောက် ယာဉ်မောင်းသည်ထွက်ပြေးသွားသဖြင့်ယာဉ်မောင်းအားဖမ်းဆီရမိရန် အမြန်ဆုံး စုံစမ်းဖော်ထုတ်လျက်ရှိ‌ ကြောင်းသိရသည်။

ရန်ကုန် - မန္တလေးအမြန်လမ်းတွင် တပ်ဆင်ထားသော ကွန်ကရိအကာအရံတုံး/ နံရံများကြောင့် ခရီးသည် များ ထိခိုက်ဒဏ်ရာရ/ သေဆုံးကြရသည်ဆိုသော သတင်းမှာမှန်ကန်မှုမရှိဟုဆို

NOM စက်တင်ဘာ ၁၀၊ ၂၀၂၆

ရန်ကုန် - မန္တလေးအမြန်လမ်းမကြီးပေါ်တွင် ယာဉ်မတော်တဆမှုများဖြစ်ပွားသည့်အခါ လမ်းပေါ်၌တပ်ဆင်ထားသော ကွန်ကရိအကာအရံတုံး/ နံရံများကြောင့် ခရီးသည်များထိခိုက်ဒဏ်ရာရ/ သေဆုံးကြရသည်ဟု လူမှုကွန်ရက်များ၌ ရေးသားသောအကြောင်းအရာများသည် မှန်ကန်မှုမရှိကြောင်း အမြန်လမ်းမကြီး ထိန်းသိမ်းပြုပြင်ရေးနှင့် ကြီးကြပ်ရေးအဖွဲ့မှ သတင်းထုတ်ပြန်ထားသည်။

ကွန်ကရိ အကာအရံတုံးများသာ မရှိပါက မတော်တဆဖြစ်သည့်ယာဉ်များသည် ချောက်/မြစ်/ချောင်းများ အတွင်းသို့ကျခြင်း၊ မျက်နှာချင်းဆိုင်ယာဉ်ကြောသို့ရောက်ရှိ၍ အခြားယာဉ်အား တိုက်မိခြင်းတို့ကြောင့် ပိုမိုဆိုးရွားသော ထိခိုက်မှုများဖြစ်ပေါ်နိုင်ကြောင်းသိရသည်။

ရန်ကုန်-မန္တလေး အမြန်လမ်းသည် သာမန်မြို့တွင်း လမ်း/ခရိုင်ချင်းဆက်လမ်းမဟုတ်ဘဲ ခရီးသွားယာဉ်များ အမြန်နှုန်းမြင့်စွာ အသုံးပြုသည့် Expressway ဖြစ်သည့်အတွက် ယာဉ်၏ကြံ့ခိုင်မှု၊ တာယာအခြေအနေ၊ ဘရိတ်စနစ်နှင့် မောင်းနှင်သူ၏ အာရုံစူးစိုက်မှု/ ကျွမ်းကျင်မှု/အတွေ့အကြုံတို့သည်အလွန်အရေးကြီးပါသည်။ ကွန်ကရိအကာအရံ တုံးသည် အန္တရာယ်ဖန်တီးရန် တပ်ဆင်ထားခြင်းမဟုတ်ဘဲ အသက်အန္တရာယ်စိုးရိမ်ရသည့် မတော်တဆမှုကြီးများမှ ကာကွယ်ပေးနိုင်ရန် ဖြစ်ကြောင်းအသိပေးထားသည်။

NOM

ယူအေအီး (UAE) ကျောထောက်နောက်ခံပြု တပ်ဖွဲ့များသည် ဟူသီလက်နက်ကိုင်အဖွဲ့၏ ထိုးစစ်ဆင် ချီတက်လာမှုကြောင့် ထွက်ပြေးလာကြသော ဆော်ဒီကျောထောက်နောက်ခံပြု တပ်ဖွဲ့များကို လက်နက်များနှင့်အတူ တောင်ပိုင်းမြို့များအတွင်းသို့ ဝင်ရောက်ခွင့်မပြုဘဲ ပိတ်ဆို့တားဆီးထားကြသည်။

NOM

ပွင့်ဖြူမြို့နယ်၊ အရှေ့လေးအိမ်‌ကျေးရွာနေ ကျောင်းအုပ်ဆရာတစ်ဦးကို PDF အကြမ်းဖက်အဖွဲ့က ဖမ်းဆီးခေါ်ဆောင်သွား

NOM စက်တင်ဘာ ၁၀၊ ၂၀၂၆

မကွေးတိုင်းဒေသကြီး၊ ပွင့်ဖြူမြို့နယ်၊ အရှေ့လေးအိမ်‌ကျေးရွာနေ အခြေခံပညာမူလတန်း ကျောင်း (ရုံးပင်ချောင်ကျေးရွာ) မှ ကျောင်းအုပ်ဆရာဖြစ်သူ ဦးဆန်းမြင့်အောင် (၄၀) နှစ်သည် စက်တင်ဘာလ ၉ ရက်နေ့ နံနက် ၁၁ နာရီခွဲအချိန်၌ ၎င်း၏နေအိမ်တွင်ရှိနေစဉ် PDF အကြမ်းဖက်သမားရှစ်ဦးခန့်က စက်လှေတစ်စီးဖြင့် ရောက်ရှိလာပြီး အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်း သိရသည်။

NOM

မိုးကောင်းမြို့နယ်၊ ထီးချိုင့်ကျေးရွာအနီး တောင်နီ-ဆားမှော် ကျေးရွာချင်းဆက်လမ်းမပေါ်တွင် KIA သောင်းကျန်းသူအဖွဲ့နှင့် PDF အကြမ်းဖက်သမားများ ပူးပေါင်းအဖွဲ့က မော်တော်ယာဉ်တစ်စီးအား တားဆီးကာ ယာဉ်ပေါ်ပါ အမျိုးသမီးများထံမှ ရွှေထည်ပစ္စည်းများနှင့် ငွေကျပ်သိန်း ၃၀ ခန့်အားလုယက်ယူဆောင်သွား

NOM စက်တင်ဘာ ၁၀၊ ၂၀၂၆

ကချင်ပြည်နယ်၊ မိုးကောင်းမြို့နယ်၊ ကျွန်းတောရပ်ကွက်နေသူများဖြစ်သည့် ဒေါ်နှင်းစိုးအေး (ခ) ဒေါ်ထွေး (၄၀) နှစ်၊ ဒေါ်ဝေဝေခိုင် (၃၈) နှစ်နှင့် ဒေါ်စန္ဒာလှိုင် (၃၀) နှစ်တို့သည် မိုးကောင်းမြို့မှ မိုးညှင်းမြို့သို့ မော်တော်ယာဉ်တစ်စီးဖြင့် ထွက်ခွာလာစဉ် မိုးကောင်းမြို့နယ်၊ ထီးချိုင့်ကျေးရွာအနီး တောင်နီ-ဆားမှော် ကျေးရွာချင်းဆက်လမ်းမပေါ်အရောက် KIA သောင်းကျန်းသူအဖွဲ့နှင့် PDF အကြမ်းဖက်သမားများ ပူးပေါင်းအဖွဲ့ အင်အား ၅၀ ဦးခန့်က မော်တော်ယာဉ်အား တားဆီးကာ ယာဉ်ပေါ်ပါလာသူများထံမှ ၈ ကျပ်သားခန့် ရွှေဆွဲကြိုး ၁ ကုံး၊ ၃ ကျပ်သားခန့်ရွှေလက်စွပ် ၁ ကွင်းနှင့် ငွေကျပ်သိန်း ၃၀ ခန့်နှင့် နိုင်ငံသားမှတ်ပုံတင်ကတ် ၃ ခုတို့အား အကြမ်းဖက်ခြိမ်းခြောက်၍ လုယက်ယူဆောင်သွားခဲ့ကြောင်းသိရသည်။

NOM

PDF အမည်ခံအကြမ်းဖက်သောင်းကျန်းသူပူးပေါင်းအဖွဲ့များက တံတားဦးအပြည်ပြည်ဆိုင်ရာလေဆိပ်သို့ FPV suicide drone များဖြင့် တိုက်ခိုက်မှုအား လုံခြုံရေးတပ်ဖွဲ့များက ဟန့်တားနိုင်ခဲ့

စက်တင်ဘာ ၁၀၊ ၂၀၂၆

အမေရိကန် ရေတပ်ဝန်ကြီး ဟုန်းကောင်း (Hung Cao) က အင်တာဗျူးတစ်ခုတွင် ပြောကြားရာ၌ -

‘အီရန်တွေက ဘာရိန်းမှာရှိတဲ့ အမေရိကန် ရေတပ်ဌာနချုပ်ကို အစွမ်းကုန် တိုက်ခိုက်ဖျက်ဆီးပစ်ခဲ့ကြတယ်။

အမေရိကန်ရေတပ်အနေနဲ့ သင်္ဘောဆိုက်ကပ်ဖို့နေရာ တကယ်မရှိတော့ပါဘူး။ အဲဒီစခန်း ကို စွန့်ခွာရမလားဆိုတာကို လေ့လာသုံးသပ်နေတဲ့ ပူးတွဲစစ်ဆင်ရေးအဖွဲ့တစ်ခု ကျွန်တော်တို့မှာ ရှိပါတယ်'

NOM