အီရန်က ဂျော်ဒန်ရှိ အမေရိကန်စစ်အခြေစိုက်စခန်းများကို ဒုံးကျည်များဖြင့် ပစ်ခတ်တိုက်ခိုက်မှုအား ဂျော်ဒန်၌ Rooftop ပါတီပွဲတစ်ခုမှဗီဒီယိုရိုက်ကူးထားမှု။

NOM

မြင်ရတဲ့ သတင်းတွေအရဆိုရင် တပ်က စစ်တွေကနေ ပုဏ္ဏားကျွန်းဘက်ကို နယ်မြေစိုးမိုးဖို့ ကြိုးစားပုံပဲ။ မနေ့က သတင်းတွေမှာ ပုဏ္ဏားကျွန်းဘက်က ရန်သူခံစစ်နဲ့ ထိတွေ့ပြီး အလောင်း ၆ လောင်း ရတဲ့ သတင်းတွေ့ရတယ်။ ဒါက ပုံမှန် ထိတွေ့မှု အနေအထားတော့ မဟုတ်ဘူးပေါ့။
ပထဝီအနေအထားအရဆိုရင် ပုဏ္ဏားကျွန်းရရင် စစ်တွေ လုံတဲ့ သဘောဖြစ်သွားမယ်။ ရသေ့တောင်ဘက်ခြမ်းက ထားတော့ ။ ထပ်ပြီး အောင်မြေချဲ့နိုင်ရင် ကျောက်တော်နဲ့ မြောက်ဦးဘက်ပေါက်မယ်။ ဒါက တစ်မျိုးပေါ့။


နောက်...ကျောက်ဖြူမှာလည်း ထိတွေ့မှု ရှိနေပြန်တယ်။ တကယ်လို့ စနဲနဲ့ ကျောက်နီမော် ၊ မအီ ရရင် အမ်း က လက်တကမ်းအနေအထားပဲ။ ရခိုင်တောင်ပိုင်းကို အမြီး နင်းထားနိုင်ပြီလို့ ပြောလို့ရပြီ။ ဘာလို့ ဒီလို တွေးရသလဲဆိုတော့....တပ်ရဲ့ Navy တွေက သံတွဲနဲ့ ဂွဘက်ကိုလည်း ထောက်ထားတာမျိုးမြင်ရတယ်။ တကယ်လို့ မအီဘက်သာ Cut off လုပ်နိုင်ရင် သံတွဲ၊ ဂွ ဘက်က ရန်သူတွေ ဘယ်ပြေးမလဲ။ သူတို့ရဲ့ လက်နက်ခဲယမ်းကအစ ထောက်ပို့အဆုံး အကုန်လုံး ပြတ်တောက်သွားနိုင်ပြီလို့ ပြောလို့ရပြီ။ သံတွဲနဲ့ ဂွကိုရရင်....တောင်ကုတ်လမ်းပိုင်းနဲ့ တောင်ကုတ်ရဖို့က ‌အတော်လေး မှန်းလို့ရပြီပေါ့။


ရခိုင်တင်ပဲလားဆိုတော့ မဟုတ်ဘူး။ မနေ့က တရားဝင်ထုတ်ပြန်ချက်သတင်းမှာ ....အရင် တပ်မ ၄၄ လှုပ်ရှားဂွင်ဖြစ်တဲ့ ဖာပွန်၊ ကမာမောင်း၊ ကတိုင်ထိဘက်ကို တပ်က စစ်ကြောင်းထိုးနေတာ ၂/၃ ဆိုတဲ့ အနေအထား ရောက်နေပြီ။ ပုံမှန်ဆိုရင်တော့ ပစ်ထားလည်း အဲ့ဒေသက ကရင်အများစုပဲ ငတ်မှာပါပဲ။ ဖာပွန်တစ်ခုတော့ ရှိတာပေါ့။


ဒီ လမ်းမှာ KNU နဲ့ KNLA ချိုးသွားတဲ့ တံတားတွေ မနည်းဘူး။ သောက်ခြောက်တွေလို့ ပြောရမှာပဲ။ ဖွဲ့စည်းပုံမှာ လုပ်ပိုင်ခွင့် ရအောင်တောင်းပြီး ပါတီအနေနဲ့ အုပ်ချုပ်ရင် ...ဒီဒေသတွေမှာ ဘယ်ပြည်မက ပါတီမှတိုးမပေါက်ဘူး။ ၂၀၂၅ ရွေးကောက်ပွဲမှာ USDP က အင်းလေးမှာ မနိုင်တာလေး သတိထားမိတယ်။ ဒါတောင်လမ်းပန်းဆက်သွယ်ရေးကောင်းပြီး ခေတ်ကိုလိုက်နိုင်တဲ့ဒေသ။


ဖာပွန်ဘက်ကရွာတွေမှာ တခြားပါတီတွေ စည်းရုံးရေးလာဆင်းတောင် ဆယ်စုနှစ် ၂ ခုလောက် စောင့်ရမယ်။ ဒါက အများဆုံး မျှော်လင့်ထားတာ။ ခက်တာက.... လဒူ KNU နဲ့ အပေါင်းအပါတွေက ရေရှည် လက်နက်ကိုင်လို့ ကောင်းအောင် ကော်သူလေးပြည်နယ် ရဖို့ ဆိုပြီး ဘာမှမသိတဲ့ ကရင်လူမျိုးတွေကို ချုပ်ထားတယ်။ ၂၀၂၁ ကနေ ၂၀၂၅ အတွင်း ကျားဖြန့်ကနေ ရတဲ့ ပိုက်ဆံတွေ ဘယ်လက်နက်ကိုင်အများဆုံး ရလဲ ဆိုတာ ကရင်လူမျိုးတွေ မေးခွန်းထုတ်ကြည့်ပါ့လား။ လက်ရှိ KNAတို့၊ KNU တို့၊ KNLAတို့။ အဖွဲ့ခေါင်းစဉ်ပဲ ကွဲတာ‌ပါ။ လက်နက်ကိုင်ရတဲ့ရည်ရွယ်ချက်က ငွေရလွယ်လို့ပဲ ပြောရမှာပဲ။ ငြိမ်းချမ်းရေးအကြောင်းပြပြီး ဘာလုပ်ပိုင်ခွင့်တွေ ရခဲ့ကြသလဲ ဆိုတာ ဒေသခံတွေ အသိဆုံးဖြစ်မှာပဲ။ ဒီလို လုပ်ပိုင်ခွင့်ရသွားတော့ရော...ကရင်ပြည်နယ် တိုးတက်ဖို့ ဘာတွေများ လုပ်ခဲ့ကြဖူးလဲ။ အလွန်ဆုံးရှိလှ အာရှလမ်းပေါ်တက် ဂိတ်ကြေးတောင်းရုံပေါ့။


ပြောချင်တာက ...တပ်က ရခိုင်မှာတင်မကဘူး။ ကရင်ဘက်မှာပါ နယ်မြေစုံ တိုက်စစ်ဖွင့်နေပြီ ဆိုတာပါပဲ။ ရခိုင်က နယ်မြေတချို့ ထပ်ရမယ်၊ ဗန်းမော်ကို အပြီးသတ်ထိန်းနိုင်ပြီး လိုင်ဇာ ထောက်နိုင်ရင်တော့ တပ်မတော်ဆိုတာ အစ်ကိုကြီး ပါပဲ ဆိုပြီး ဂွမ်မော် ထပ်ပြောလာမလား ကြည့်ရတာပေါ့။


(နရီမိုး)

ချမ်းအေးသာစံမြို့နယ်တွင် ရပ်ထားသည့် ကားပေါ်သို့သစ်ပင်လဲကျ၊ ကားခေါင်းခန်းအတွင်းရှိအမျိုးသားစ်ဦး ဒဏ်ရာရ

NOM စက်တင်ဘာ ၉၊ ၂၀၂၆

မန္တလေးတိုင်း၊ ချမ်းအေးသာစံမြို့နယ်၊ အောင်နန်းရိပ်သာအနောက်ရပ်ကွက်၊ (၃၄) လမ်း၊ (၈၅x၈၆) ကြားတွင် ယနေ့ (စက်တင်ဘာ ၉ ရက်) နံနက် ၈ နာရီ ၁၇ မိနစ်က ရပ်ထားသည့် လိုက်ထရပ်ကားပေါ်သို့ သစ်ပင်လဲကျရာမှ ခေါင်းခန်းအတွင်း အမျိုးသားတစ်ဦး ပိတ်မိခဲ့ကြောင်း မီးသတ်တပ်ဖွဲ့မှသိရသည်။

ဖြစ်စဉ်ကြောင့် ချမ်းအေးသာစံမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် ရှာဖွေကယ်ဆယ်
ရေးလုပ်ငန်းများ ဆောင်ရွက်ခဲ့ရာလိုက်ထရပ်ကားခေါင်းခန်းအတွင်းပိတ်မိနေသူ အမျိုးသားတစ်ဦး ထိခိုက်ဒဏ်ရာ(မစိုးရိမ်ရ)အား နံနက် ၁၀ နာရီ ၂၅ မိနစ်တွင် ကယ်ထုတ်နိုင်ခဲ့ပြီး မန္တလေးမြို့ပြည်သူ့ဆေးရုံကြီးသို့ ကူညီပို့ဆောင်ပေးခဲ့ကြောင်း သိရသည်။

ဇမ္ဗူသီရိမြို့နယ်ရှိ အမျိုးသားတစ်ဦးရေဆင်းကူးရာမှရေနစ်သေဆုံး

NOM စက်တင်ဘာ ၉၊ ၂၀၂၆

နေပြည်တော်၊ ဇမ္ဗူသီရိမြို့နယ်၊ ဉာဏသိဒ္ဓိရပ်ကွက်၊ မြမြင့်မိုရ်လမ်းရှိ ရေငန်းဆည်အတွင်း ယနေ့ (စက်တင်ဘာ ၉ ရက်) မွန်းလွဲ ၁၂ နာရီခွဲတွင် အမျိုးသားတစ်ဦးရေဆင်းကူးရာမှ ရေနစ်သေဆုံးခဲ့ကြောင်း မီးသတ်မှ သတင်းထုတ်ပြန်ထားသည်။

ဖြစ်စဥ်မှာ ကိုထင်လင်းအသက် ၂၇ နှစ် သိပ္ပံနှင့် နည်းပညာ
(ကွန်ပြူတာနည်းပြ) သည် သူငယ်ချင်းများနှင့် အတူ အရက်သောက်ပြီး ဉာဏသိဒ္ဓိရပ်ကွက်၊ မြမြင့်မိုရ်လမ်းရှိ ရေငန်းဆည်အတွင်း ရေဆင်းကူးရာ ရေနစ်သေဆုံးခဲ့ခြင်းဖြစ်သည်။

"အလောင်းကိုတော့ မွန်းလွဲ ၁ နာရီကျော်မှာ သေဆုံးလျက်ပြန်တွေ့ပါတယ်။ သူရေကူးတဲ့နေရာနဲ့ အတော်လှမ်းပါတယ်။ သူ့ကိုဆယ်ယူပြီး ကျွန်တော်တို့ အသင်း ကားနဲ့ နေပြည်တော်
ကုတင် (၁၀၀၀) ပြည်သူ့ဆေးရုံသို့ ပို့ဆောင်ပေးခဲ့ပါတယ်"ဟု စိုးမိုးသူပရဟိတ လူမှုကူညီရေးအဖွဲ့ချုပ်မှ တာဝန်ရှိသူတစ်ဦးကပြောသည်။

အမျိုးသားတစ်ဦး ရေနစ်နေကြောင်း သတင်းရရှိသဖြင့် သမ္ဗူသီရိမြို့နယ်မီးသတ်စခန်း၊ ဗလသိဒ္ဓိနယ်မြေမီးသတ်စခန်းတို့မှ မီးသတ်တပ်ဖွဲ့ဝင်များနှင့်အတူစိုးမိုးသူပရဟိတလူမှုကူညီရေးအဖွဲ့ချုပ်တို့မှပူပေါင်းပြီးရှာဖွေရေးလုပ်ငန်းများ သွားရောက်ဆောင်ရွက်ခဲ့ကြောင်းသိရသည်။

ဇီးရိုးမိုင်တွင် လူငယ်ခြောက်ဦးလက်နက်ဖြင့် ဖမ်းမိဆိုသည်မှာသတင်းတုသာဖြစ်

NOM စက်တင်ဘာ ၉၊ ၂၀၂၆

ယနေ့နေ့လယ်၂:၅၀ နာရီအချိန်၌ အမြန်လမ်းဇီးရိုးမိုင်တွင်လူငယ်ခြောက်ဦးကို လက်နက်များဖြင့် ဖမ်းမိဟု ARON Tiktok အကောင့်တွင်တင်ထားသော သတင်းမှာ ပြည်သူများစိုးရိမ်ထိတ်လန့်မှုဖြစ်အောင်တင်ထားသော သတင်းအတုဖြစ်ကြောင်း သက်ဆိုင်ရာမှသိရသည်။

NOM

ဗိုလ်တစ်ထောင်မြို့နယ်တွင် အိမ်ရှင် အဘွားအိုတစ်ဦးအား သတ်ဖြတ်ပြီး ငွေနှင့် ပစ္စည်းများယူဆောင် သွားသော အိမ်အကူသားအမိကို ဖမ်းဆီးရမိ

NOM စက်တင်ဘာ ၉၊ ၂၀၂၆

ရန်ကုန်တိုင်းဒေသကြီး၊ ဗိုလ်တစ်ထောင်မြို့နယ်၊ အမှတ် (၈) ရပ်ကွက်၊ (၄၁) လမ်းတွင် နေထိုင်သူ ဦးခင်မောင် (၇၁ နှစ်) သည် စက်တင်ဘာလ ၇ ရက်နေ့ နံနက် ၁၀ နာရီ ၄၅ မိနစ်အချိန်၌ နေအိမ်မှ အပြင်သို့ထွက်သွားခဲ့ပြီး နေအိမ်၌ ဇနီးဖြစ်သူ ဒေါ်သိန်းမြင့် (၇၄ နှစ်) နှင့် အိမ်အကူများဖြစ်ကြသော ဒေါ်တင်နွယ် (၅၀ နှစ်)၊ ၎င်း၏သမီးဖြစ်သူ မအေးမြတ်မွန် (၁၉ နှစ်) တို့ကျန်ခဲ့ပြီး ဦးခင်မောင်သည် ည ၉ နာရီ ၄၅ မိနစ်အချိန်ခန့်တွင် နေအိမ်သို့ပြန်လည်ရောက်ရှိသောအခါ နေအိမ်ရှေ့ခန်း၌ ဇနီးဖြစ်သူ ဒေါ်သိန်းမြင့်အား ပက်လက်အနေအထားဖြင့် မျက်နှာပေါ်၌ ခေါင်းအုံးနှင့် စောင်တို့ပိ၍ အသက်ရှူရပ်သေဆုံးနေသည်ကိုတွေ့ရှိရသည့်အပြင် ဇနီးဖြစ်သူဝတ်ဆင်ထားသော စိန်နားကပ် ၁ ရံ (ကာလတန်ဖိုးငွေကျပ်သိန်း ၂၀)၊ ပလတ်တီနမ်ဆွဲကြိုး ၁ ကုံး (ကာလတန်ဖိုးကျပ်သိန်း ၁၀၀ ခန့်)၊ ၎င်းကိုင်ဆောင်သော ဆမ်ဆောင်း A20 ဖုန်း (ကာလတန်ဖိုး ၁၀ သိန်းကျပ်ခန့်)၊ ဆမ်ဆောင်းအမျိုးအစား Tablet ၁ လုံး (ကာလတန်ဖိုး ၁၁ သိန်းကျပ်ခန့်)၊ စုစုပေါင်းကာလတန်ဖိုး ၁၄၁ သိန်းကျပ်ခန့်တို့နှင့်အတူ အိမ်အကူနှစ်ဦးလုံးမှာလည်း ပျောက်ဆုံးနေသဖြင့် ရဲတပ်ဖွဲ့သို့တိုင်တန်းခဲ့သည်။

ရဲတပ်ဖွဲ့က မှုခင်းဖြစ်ရာသို့ သွားရောက်စစ်ဆေးခဲ့ရာ ဒေါ်သိန်းမြင့်သည် ပွဲစားများနှင့်ချိတ်ဆက်ကာ အိမ်အကူများဌားရမ်းလေ့ရှိကြောင်း၊ ထိုသို့အိမ်အကူများခေါ်ရာတွင်လည်း ခင်ပွန်းဖြစ်သူ ဦးခင်မောင် မသိရှိရကြောင်း၊ မည်သည့်ပွဲစားနှင့် ချိတ်ဆက်ခေါ်ယူခဲ့သည်ကို မိသားစုများမှ မသိကြောင်း အသိလဲမပေးခဲ့ကြောင်း၊ လွန်ခဲ့သော ၁ လကျော်ခန့်က ဒေါ်သိန်းမြင့်သည့် ပွဲစားတစ်ဦးနှင့်ချိတ်ဆက်၍ ဒေါ်တင်နွယ်အား အိမ်အကူအဖြစ်ဌားရမ်းခဲ့ကြောင်း၊ လွန်ခဲ့သော တစ်ပတ်ခန့်က ဒေါ်တင်နွယ်၏ သမီး အေးမြတ်မွန် လာရောက်နေထိုင်ခဲ့ပြီး ၎င်းတို့နှစ်ဦးမှာ ဧည့်စာရင်းတိုင်ကြားမှုလည်းမရှိကြောင်း၊ အေးမြတ်မွန်မှာ ရောက်သည့် တစ်ပတ်အတွင်းခြေဆော့လက်ဆော့ရှိ၍ ပြန်လွှတ်ရန်စီစဉ်နေစဉ် ဒေါ်သိန်းမြင့်အား ခေါင်းအုံး၊ စောင်တို့ဖြင့်ဖိ၍ သေဆုံးအောင်ပြုလုပ်ကာ ပစ္စည်းများအားယူဆောင်သွားခြင်းဖြစ်ကြောင်းသိရှိခဲ့သည်။

တရားခံများအားဖမ်းဆီးရမိရေးအတွက် ပူးပေါင်းအဖွဲ့က စုံစမ်းမှုများပြုလုပ်ခဲ့ရာ တရားခံနှစ်ဦးကို ဧရာဝတီတိုင်းဒေသကြီး၊ ကျုံမငေးမြို့တွင် ဖမ်းဆီးရမိခဲ့ကြောင်းသိရသည်။

NOM

ယီမင်နိုင်ငံမြောက်ပိုင်း၊ အယ်လ်ဂျောဖ်၊ လုဘ်နတ် စခန်းအနီးတွင် ဆော်ဒီကျောထောက်နောက်ခံပြု PLC တပ်ဖွဲ့​၏ စစ်ထရပ်ကားများကို ဟူသီလက်နက်ကိုင်အဖွဲ့ကပဲ့ထိန်းတင့်ကားခွင်းဒုံးကျည် (ATGM) များဖြင့်ဖျက်ဆီးပြီး PLC တပ်ဖွဲ့များကို သုတ်သင်ရှင်းလင်းနေသည့် ရုပ်သံ။

တီးတိန်မြို့မှ ပျက်စီးနေအိမ်များအတွက် အမိုးသွပ်၊ သွပ်ရိုက်သံနှင့် ဘိလပ်မြေအိတ်များ ထောက်ပံ့ပေးအပ်
 
စက်တင်ဘာ ၈၊ ၂၀၂၆
 
ချင်းပြည်နယ်သည် တည်ငြိမ်အေးချမ်းနေပြီဖြစ်သည့်အတွက် ပြည်နယ်အတွင်း စီးပွားရေးလုပ်ကိုင်ဆောင်ရွက်လိုသူများအနေဖြင့် နိုင်ငံတော်က ထုတ်ချေးသော ချေးငွေများ ရယူဆောင်ရွက်လိုပါက သက်ဆိုင်ရာဌာနများနှင့် ဆက်သွယ်ချေးယူဆောင်ရွက်နိုင်ကြောင်း လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ဒုတိယဝန်ကြီး ဒေါက်တာသန့်ဇော်လွင်က ယမန်နေ့နံနက်ပိုင်းတွင် တွန်းဇံမြို့ ရိုမန်ကက်သလစ်ဘုရားကျောင်းခန်းမ၌ ဌာနဆိုင်ရာဝန်ထမ်းများ၊ မြို့မိမြို့ဖများ၊ ဒေသခံပြည်သူများနှင့် တွေ့ဆုံစဉ် ပြောကြားသည်။
 
ထို့ပြင် ချင်းပြည်နယ်အတွင်း အကြမ်းဖက်ဖြစ်စဉ်များကြောင့် ထိခိုက်ပျက်စီးခဲ့သည့် ဖလမ်း၊ တီးတိန်နှင့် တွန်းဇံမြို့နယ်တို့တွင် နိုင်ငံတော်အစိုးရက ပြန်လည်ထူထောင်ရေးနှင့် ပြန်လည်တည် ဆောက်ရေးလုပ်ငန်းများ လုပ်ဆောင်ပေးလျက်ရှိပြီး တစ်စိတ်တစ်ပိုင်း ပျက်စီးသည့်နေအိမ်များနှင့် လုံးဝပျက်စီးသွားသည့်နေအိမ်များအတွက် အမျိုးသားသဘာဝ ဘေးအန္တရာယ်ဆိုင်ရာ စီမံခန့်ခွဲမှု ကော်မတီရန်ပုံငွေဖြင့် အမိုးသွပ်၊ သွပ်ရိုက်သံနှင့် ဘိလပ်မြေအိတ်များကို ထောက်ပံ့ပေးလျက်ရှိကြောင်း၊ ယနေ့တွင်လည်း တစ်စိတ်တစ်ပိုင်းနှင့် လုံးဝပျက်စီးသွားသည့် နေအိမ်များအတွက် အိမ်ဆောက်ပစ္စည်းများကို ထောက်ပံ့ပေးမည်ဖြစ်ကြောင်း ပြောကြားခဲ့သည်။
 
တွေ့ဆုံဆွေးနွေးပွဲတွင် ဒုတိယဝန်ကြီးနှင့် ပြည်နယ်သယံဇာတနှင့် သဘာဝပတ်ဝန်းကျင်ထိန်း သိမ်းရေးဝန်ကြီးတို့က တီးတိန်မြို့မှ ပျက်စီးနေအိမ်များအတွက် အမိုးသွပ်၊ သွပ်ရိုက်သံနှင့် ဘိလပ်မြေအိတ်များကို ထောက်ပံ့ပေးအပ်ကြသည်။
 
အဆိုပါ တွေ့ဆုံဆွေးနွေးပွဲတွင် တာဝန်ရှိသူများက ပြည်နယ်အစိုးရအဖွဲ့၏ ဒေသဖွံ့ဖြိုးရေးဆောင်ရွက်ချက်များ၊ ဌာနအလိုက် ပြန်လည်ထူထောင်ရေးနှင့်ပြန်လည် တည်ဆောက်ရေးလုပ်ငန်း ဆောင်ရွက်မှုများကို ရှင်းလင်းဆွေးနွေးပြီး ဒေသခံပြည်သူများက တင်ပြသည့် အခက်အခဲများနှင့် လိုအပ်ချက်များကို ဒုတိယဝန်ကြီးက ပေါင်းစပ်ညှိနှိုင်း ဆောင်ရွက်ပေးသည်။
 
တွေ့ဆုံပွဲအပြီးတွင် အကြမ်းဖက်ဖြစ်စဉ်များကြောင့် ထိခိုက်ပျက်စီးခဲ့သည့် တွန်းဇံမြို့ရှိ ရုံးဌာန အဆောက်အအုံများ ပြန်လည်ပြုပြင်နေမှုကို ကြည့်ရှုစစ်ဆေးပြီး တည်ဆောက်ရေးလုပ်ငန်းများ အရည်အသွေးပြည့်မီရေး၊ သတ်မှတ်ကာလအတွင်း ပြီးစီးရေးတို့ကို မှာကြားခဲ့ကြောင်း သိရသည်။

ဘင်္ဂလားဒေ့ရှ် စစ်ရေးလေ့ကျင့်မှုအတွင်း တင့်ကား ပေါက်ကွဲမှုဖြစ်ပွား။

စစ်သည် ၂ ဦး သေဆုံးပြီး ၁ ဦး စိုးရိမ်ရသည့်ဒဏ်ရာရရှိခဲ့သည်။

ပေါက်ကွဲရသည့် အကြောင်းရင်းကိုမူ စုံစမ်းစစ်ဆေးနေဆဲဖြစ်သည်။

NOM

ဆော်ဒီအာရေဗျ၏ တောင်းဆိုချက်ကြောင့် ပါကစ္စတန်က ဟူသီအဖွဲ့အပေါ် လေကြောင်းတိုက်ခိုက်မှုပြုလုပ်ရန် စဉ်းစားနေ

မက္ကာ စစ်ရေးမဟာမိတ်စာချုပ်သစ် (Mecca Defense Pact) အရ ပါကစ္စတန်အစိုးရသည် ဟူသီတို့၏ စခန်းများကို လေကြောင်းမှ တိုက်ခိုက်ရန် စဉ်းစားသုံးသပ်နေကြောင်း သတင်းရရှိသည်။

NOM

ဂျော်ဒန်ရှိ အမေရိကန်ရဟတ်ယာဉ်များ အီရန်ဒုံးကျည်ထိ

NOM

အီရန်၏ လက်စားချေတိုက်ခိုက်မှုအတွင်း ဂျော်ဒန်နိုင်ငံရှိအမေရိကန်လေတပ်စခန်းကို အီရန်ဒုံးကျည်များထိမှန်သဖြင့် အမေရိကန်၏ ဘလက်ဟောက်ခ်တိုက်ခိုက်ရေးရဟတ်ယာဉ်များထိခိုက်ပျက်စီးခဲ့သည်။

ရေတာရှည်မြို့နယ်၊ စည်ပိုင်းကျေးရွာသို့ PDF အကြမ်းဖက်သမားများရောက်လာပြီး အပြစ်မဲ့အရပ်သားပြည်သူငါးဦးနှင့် ကျောင်းဆရာမတစ်ဦးတို့ကို ဖမ်းဆီးခေါ်ဆောင်သွား

NOM စက်တင်ဘာ ၁၀၊ ၂၀၂၆

ပဲခူးတိုင်းဒေသကြီး၊ ရေတာရှည်မြို့နယ်၊ စည်ပိုင်းကျေးရွာသို့ စက်တင်ဘာလ ၈ ရက်နေ့ မွန်းလွဲ ၁ နာရီခွဲအချိန်၌ PDFအကြမ်းဖက်အဖွဲ့ အင်အား ၁၅ ဦးခန့်ရောက်ရှိလာပြီး ကျေးရွာ၌ နေထိုင်သူများဖြစ်ကြသည့် ဦးစိုးဝင်း (၆၀) နှစ်၊ဦးတင်ရှိန် (၇၂) နှစ်၊ ဦးကျော်ကျော်ဦး (၄၀) နှစ်၊ ဒေါ်ပူတူးမ (၃၇) နှစ်၊ ဒေါ်အိမိုးဝင်း (၃၅) နှစ်နှင့် အခြေခံပညာအထက်တန်းကျောင်းခွဲ (စည်ပိုင်းကျေးရွာ)မှ အထက်တန်းပြကျောင်းဆရာမ ဒေါ်ဌေးဌေးနွယ် (၃၇) နှစ် တို့ခြောက်ဦးအား အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်းသိရသည်။

NOM

ကြားဖြတ်ရွေးကောက်ပွဲ အနိုင်ရပါက လူကြီးတစ်ဦးလျှင် ဒေါ်လာ ၅,၀၀၀ ပေးမည်ဟု ထရမ့် ကြေညာ

NOM