နေပြည်တော်၊ တပ်ကုန်းမြို့နယ်တွင်‌ ရေဆင်းကူးရာ အမျိုးသမီးနှစ်ဦး‌ ရေနစ်သေဆုံး

NOM စက်တင်ဘာ ၄၊ ၂၀၂၆

နေပြည်တော်၊ တပ်ကုန်းမြို့နယ်၊ သပြေချောင်းကျေးရွာအုပ်စု၊ ဂွေးခါးတောင်အနီးရှိ သဘာဝရေကန်တွင် စက်တင်ဘာ ၄ ရက် ယနေ့ညနေ ၄ နာရီခွဲက အမျိုးသားတစ်ဦး၊ အမျိုးသမီးသုံးဦး ရေဆင်းကူးရာမှ အမျိုးသမီးနှစ်ဦး ရေနစ်ပျောက်ဆုံးနေကြောင်း တပ်ကုန်းမြို့နယ် မီးသတ်စခန်းမှသိရသည်။

အဆိုပါ မီးသတ်စခန်းမှ သန္ဓေမီးသတ်တပ်ဖွဲ့ဝင်များက ရှာဖွေရေးလုပ်ငန်းများဆောင်ရွက်ခဲ့ရာညနေ ၅ နာရီ ၁၀ မိနစ်ခန့်တွင် အမျိုးသမီးနှစ်ဦး (သေဆုံး)အား တွေ့ရှိခဲ့ပြီး တပ်ကုန်း မြို့နယ် ခုတင် (၁၀၀) ဆေးရုံသို့ ကူညီပို့ဆောင်ပေးခဲ့‌ ကြောင်းသိရသည်။

NOM

အမေရိကန်တိုက်ခိုက်မှုကြောင့်သေဆုံးသွားသော ကလေးအတွက် ဝတ်ပြုဆုတောင်း

NOM

အီရန်နိုင်ငံ ကီရစ်ခ်ကျွန်းရှိမင်္ဂလာဧည့်ခံပွဲကို အမေရိကန်ကဗုံးကြဲတိုက်ခိုက်စဉ် သေဆုံးခဲ့ရသောလေးနှစ်အရွယ်ကလေးငယ်၏ နာရေးတွင်ဆွန်နီနှင့် ရှီယိုက်မူဆလင်များ ပူးတွဲဝတ်ပြုဆုတောင်းခဲ့ကြသည်။

နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် စစ်ဆင်ရေးတာဝန်များကို ထမ်းဆောင်ခဲ့သည့် ရှေ့တန်းပြန်နိုင်ငံ့သားကောင်း တပ်မတော်သားများအား ဂုဏ်ပြုကြိုဆိုပွဲ

စက်တင်ဘာ ၄၊ ၂၀၂၆

နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် လုံခြုံရေးတာဝန်များကို ထမ်းဆောင်၍ ပြန်လည်ရောက်ရှိလာသော ရှေ့တန်းပြန်နိုင်ငံ့သားကောင်း တပ်မတော်သားများအား ဂုဏ်ပြုကြိုဆိုခြင်းအခမ်းအနားကို ယနေ့နံနက်ပိုင်းတွင် ရှမ်းပြည်နယ်(မြောက်ပိုင်း)၊ တန့်ယန်းမြို့နယ်ရှိ နယ်မြေခံတပ်ရင်း၌ ပြုလုပ်ရာ အရှေ့မြောက်တိုင်းစစ်ဌာနချုပ်မှ တိုင်းမှူး ဗိုလ်ချုပ် အေးမင်းဦးနှင့်တာဝန်ရှိသူများ၊ ဆရာတော်၊ သံဃာတော်များ၊ အရာရှိ၊ စစ်သည်၊ မိသားစုဝင်များ၊ ဌာနဆိုင်ရာတာဝန်ရှိသူများ၊ မြန်မာနိုင်ငံရဲတပ်ဖွဲ့ဝင်များ၊ ပြည်သူ့စစ်(ဌာနေ)တပ်ဖွဲ့ဝင်များ၊ ဆရာ/ဆရာမများ၊ ကျောင်းသား/ ကျောင်းသူများနှင့် ဒေသခံတိုင်းရင်းသားပြည်သူများ တက်ရောက်ကြသည်။

တိုင်းဒေသကြီးနှင့် ပြည်နယ်အသီးသီးရှိ တိုင်းရင်းသားပြည်သူများ စိတ်အေးချမ်းသာစွာ နေထိုင်လုပ်ကိုင်စားသောက်နိုင်ရေးနှင့် အသက်အိုးအိမ်စည်းစိမ်ဥစ္စာ လုံခြုံမှုရှိစေရေး၊ နိုင်ငံတော်တည်ငြိမ်ရေး၊ နယ်မြေအေးချမ်းသာယာရေးအတွက် ရှေ့တန်းစစ်မျက်နှာများတွင် စစ်ဆင်ရေးတာဝန်များကို မိဝေး ဖဝေး၊ မိသားစုများနှင့်ဝေးကွာ၍ နေ့မအား၊ ညမနား စွမ်းစွမ်းတမံ တာဝန်ထမ်းဆောင်ခဲ့သော ရှေ့တန်းပြန်တပ်မတော်သားများအား တိုင်းမှူးနှင့်တက်ရောက်လာကြသူများက ဂုဏ်ပြုပန်းကုံးများ၊ အောင်သပြေခက်များ ကမ်း၍လည်းကောင်း၊ အတီး၊ အမှုတ်၊ အက၊ အခုန်များဖြင့်လည်းကောင်း သောင်းသောင်းဖြဖြ ဂုဏ်ပြုကြိုဆိုကြသည်။ ယင်းနောက် တိုင်းမှူးက အောင်ပွဲရ ရှေ့တန်းပြန်တပ်မတော်သားများအား ဂုဏ်ပြုအမှာစကားပြောကြားပြီး ဂုဏ်ပြုချီးမြှင့်ငွေများပေးအပ်ကာ နေ့လယ်စာ အတူတကွသုံးဆောင်ခဲ့ကြောင်းသတင်းရရှိသည်။