ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ Hai Phong မြို့ရှိ VinFast လျှပ်စစ်မော်တော်ယာဉ်ထုတ်လုပ်ရေးစက်ရုံသို့  သွားရောက်လေ့လာ

NOM စက်တင်ဘာ ၄၊ ၂၀၂၆

ဗီယက်နမ် ဆိုရှယ်လစ်သမ္မတနိုင်ငံ သမ္မတ မစ္စတာ တိုလန်း၏ ဖိတ်ကြားချက်အရ ဗီယက်နမ်နိုင်ငံသို့ တရားဝင်ခရီးစဉ် (Official Visit) ရောက်ရှိနေသည့် ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်သမ္မတသည် ယနေ့ စက်တင်ဘာ ၄ ရက် ဒေသစံတော်ချိန် မွန်းလွဲပိုင်းတွင် ဗီယက်နမ်နိုင်ငံ၏ ခေတ်မီလျပ်စစ််မော်တော် ယာဉ် ထုတ်လုပ်ရေးလုပ်ငန်းဖြစ်သည့် VinFast မော်တော်ယာဉ်ထုတ်လုပ်ရေးစက်ရုံသို့သွားရောက်၍ ထုတ် လုပ်မှုလုပ်ငန်းစဉ်များနှင့် ခေတ်မီနည်းပညာ အသုံးပြုထားမှုတို့ကို လေ့လာကြည့်ရှုခဲ့သည်။

နိုင်ငံတော်သမ္မတသည် စက်ရုံအတွင်း လှည့်လည်ကြည့်ရှု၍ ကားကိုယ်ထည်ဖိပုံသွင်းခြင်းမှစ၍ ကိုယ်ထည်တည်ဆောက်ခြင်း၊ ဆေးမှုတ်ခြင်း၊ မော်တော်ယာဉ် အစိတ်အပိုင်းများ တပ်ဆင်ခြင်းနှင့် အပြီးသတ်မော်တော်ယာဉ်များ ထုတ်လုပ်သည့် အဆင့်အထိ လုပ်ငန်းစဉ်အဆင့်ဆင့်ကို ကြည့်ရှုလေ့လာခဲ့သည်။

NOM

တောင်သာမြို့နယ်၊ အောင်သာကျေးရွာအနီးတွင် PDF အကြမ်းဖက်အဖွဲ့က ခရီးသည်တင်ယာဉ်တစ်စီးကိုတားဆီး၍ ခရီးသည်တစ်ဦးကို ဖမ်းဆီးခေါ်ဆောင်သွား

NOM စက်တင်ဘာ ၄၊ ၂၀၂၆

မန္တလေးတိုင်းဒေသကြီး၊ မြင်းခြံမြို့နယ်၊ အမှတ် (၁၆) ရပ်ကွက်နေ ဦးမင်းသူဟိန်း (၄၄) နှစ်သည် စက်တင်ဘာ ၃ ရက်နေ့ နံနက် ၁၀ နာရီ ၄၅ မိနစ်အချိန်၌ မြင်းခြံမြို့မှ နေပြည်တော်သို့ "ပြည်တော်အေး" ခရီးသည်တင် မော်တော်ယာဉ်ဖြင့် လိုက်ပါလာစဉ် တောင်သာမြို့နယ်၊ အောင်သာကျေးရွာအနီး မီးရထားသံလမ်းကူးအရောက် PDF အကြမ်းဖက်သမားကိုးဦးခန့်က မော်တော်ယာဉ်အား တားဆီးကာ ဦးမင်းသူဟိန်းအား အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်းသိရသည်။

NOM

ညောင်ဦးမြို့နယ်တွင် PDF အကြမ်းဖက်အဖွဲ့က လောကနန္ဒာမြစ်ရေတင်စီမံကိန်းမှ ဦးစီးအရာရှိ (လျှပ်စစ်) ကိုဖမ်းဆီးခေါ်ဆောင်သွား

NOM စက်တင်ဘာ ၄၊ ၂၀၂၆

မန္တလေးတိုင်းဒေသကြီး၊ ညောင်ဦးမြို့နယ်၊ ပုဂံမြို့နေ ညောင်ဦးခရိုင်ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာန၊ လောကနန္ဒာမြစ်ရေတင်စီမံကိန်းမှ ဦးစီးအရာရှိ (လျှပ်စစ်) ဖြစ်သူ ဦးဇင်မင်းထိုက် (၄၇) နှစ်သည် စက်တင်ဘာလ ၃ ရက်နေ့ မွန်းလွဲ ၂ နာရီအချိန်၌ ပုဂံမြို့အနီးရှိ လောကနန္ဒာမြစ်ရေတင်စီမံကိန်းနေရာမှ ပုဂံမြို့သို့ ဆိုင်ကယ်ဖြင့် ထွက်ခွာလာစဉ် ပုဂံမြို့နယ်၊ နွားကြိုးအိုင်ကျေးရွာအနီးအရောက် PDF အကြမ်းဖက်အဖွဲ့ အင်အား (စိစစ်ဆဲ)က အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်းသိရသည်။

NOM

နိုင်ငံခြားရေးဝန်ကြီးဌာန ဒုတိယဝန်ကြီး ဦးနိုင်မင်းကျော် နီပေါနိုင်ငံ၌ ၂၀၂၆ ခုနှစ် ဩဂုတ် ၂၆ ရက်တွင် ရုတ်တရက်ရေကြီးရေလျှံမှုကြောင့် လူပေါင်းများစွာ အသက်အိုးအိမ်ဆုံးရှုံးမှု ဖြစ်ပေါ်ခဲ့သည့်အတွက် ပြည်ထောင်စုသမ္မတမြန်မာနိုင်ငံတော်အစိုးရကိုယ်စား ဝမ်းနည်းကြောင်းမှတ်တမ်းစာအုပ်တွင် လက်မှတ်ရေးထိုး
 
စက်တင်ဘာ ၃၊ ၂၀၂၆
 
နီပေါနိုင်ငံ၌ ၂၀၂၆ ခုနှစ် ဩဂုတ် ၂၆ ရက်တွင် ရုတ်တရက်ရေကြီးရေလျှံမှုကြောင့် လူပေါင်းများစွာ အသက်အိုးအိမ်ဆုံးရှုံးမှု ဖြစ်ပေါ်ခဲ့သည့်အတွက် ပြည်ထောင်စုသမ္မတ မြန်မာနိုင်ငံတော်အစိုးရ ကိုယ်စားနိုင်ငံခြားရေးဝန်ကြီးဌာန ဒုတိယဝန်ကြီး ဦးနိုင်မင်းကျော်သည် ဝမ်းနည်းကြောင်း လက်မှတ်ရေးထိုးရန် ရန်ကုန်မြို့ တာမွေမြို့နယ် နတ်မောက်ရိပ်သာလမ်း အမှတ် ၁၆ ရှိ မြန်မာနိုင်ငံဆိုင်ရာ နီပေါနိုင်ငံသံရုံးသို့ ယနေ့မွန်းလွဲ ၂ နာရီတွင် သွားရောက်ခဲ့သည်။
 
ဦးစွာ ဒုတိယဝန်ကြီးသည် မြန်မာနိုင်ငံဆိုင်ရာ နီပေါနိုင်ငံသံရုံးမှ သံအမတ်ကြီးနှင့် တာဝန်ရှိသူများအား သံရုံးဧည့်ခန်းမ၌ တွေ့ဆုံနှုတ်ဆက်၍ နီပေါနိုင်ငံတွင် ရုတ်တရက် ရေကြီးရေလျှံမှုကြောင့် လူပေါင်းများစွာ အသက်အိုးအိမ်ဆုံးရှုံးမှုဖြစ်ပေါ်ခဲ့မှုအပေါ် ပြည်ထောင်စုသမ္မတမြန်မာနိုင်ငံတော်အစိုးရကိုယ်စား ဝမ်းနည်းကြောင်းနှင့် စာနာထောက်ထားပါကြောင်း သတင်းစကားပြောကြားပြီး ဝမ်းနည်းကြောင်းမှတ်တမ်းစာအုပ်တွင် လက်မှတ်ရေးထိုးခဲ့ကြောင်းသိရသည်။