ဒုတိယသမ္မတ ဦးညိုစော ရုရှားဖက်ဒရေးရှင်းနိုင်ငံ ဗလာဒီဗော့စတော့မြို့၌ ကျင်းပသည့် (၁၁)ကြိမ်မြောက် အရှေ့ဖျားစီးပွားရေးဖိုရမ်သို့ တက်ရောက်မိန့်ခွန်းပြောကြား
 
စက်တင်ဘာ ၃၊ ၂၀၂၆
 
ရုရှားဖက်ဒရေးရှင်းနိုင်ငံ ဗလာဒီဗော့စတော့မြို့၌ ရောက်ရှိနေသော ဒုတိယသမ္မတဦးညိုစောသည် စက်တင်ဘာ ၃ ရက် ဒေသစံတော်ချိန် ညနေ ၄ နာရီတွင် ရုရှားဖက်ဒရေးရှင်းနိုင်ငံ ဗလာဒီဗော့စတော့မြို့ ရုရှားအရှေ့ဖျားဖက်ဒရယ်တက္ကသိုလ်နယ်မြေရှိ အဆောက်အဦ၌ ကျင်းပသည့် (၁၁)ကြိမ်မြောက် အရှေ့ဖျားစီးပွားရေးဖိုရမ် မျက်နှာစုံညီအခမ်းအနားသို့ တက်ရောက်မိန့်ခွန်းပြောကြားသည်။
 
အခမ်းအနားတွင် moderator အဖြစ် RBC TV Channel မှ ကီရီးလ်တာကာရက်ဗ်က ဆောင်ရွက်ပြီး ရုရှားဖက်ဒရေးရှင်းနိုင်ငံသမ္မတ မစ္စတာ ဗလာဒီမာပူတင်၊ အင်ဒိုနီးရှားနိုင်ငံသမ္မတ မစ္စတာ ပရာဘိုဝို ဆူဘီ ယန်တို၊ မွန်ဂိုလီးယား သမ္မတနိုင်ငံဝန်ကြီးချုပ် မစ္စတာ အူချရယ်ညမ်းအိုဆာရ်၊ တရုတ်ပြည်သူ့သမ္မတနိုင်ငံ ဒုတိယဝန်ကြီးချုပ် မစ္စတာတင်းရွှယ်ရှန်နှင့် ဒုတိယသမ္မတ ဦးညိုစောတို့က မိန့်ခွန်းပြောကြားကြပြီး ရုရှားဖက်ဒရေးရှင်းနိုင်ငံနှင့် မိတ်ဖက်နိုင်ငံများမှ သံတမန်များ၊ ကိုယ်စားလှယ်များ၊ လုပ်ငန်းရှင်များ၊ စီးပွားရေးပညာရှင်များနှင့် ဖိတ်ကြားထားသူများ တက်ရောက်ကြသည်။
 
ဒုတိယသမ္မတက မိန့်ခွန်းပြောကြားရာတွင် အရှေ့ဖျားစီးပွားရေးဖိုရမ်သည် အာရှ-ပစိဖိတ်ဒေသအတွင်း စီးပွားရေးပူးပေါင်းဆောင်ရွက်မှု၊ ရင်းနှီးမြှုပ်နှံမှု၊ နည်းပညာဆန်းသစ်တီထွင်မှုနှင့် ပေါင်းစည်းဆက်သွယ်မှုများကိုမြှင့်တင်ပေးပြီး မိတ်ဖက်ဆက်ဆံရေးခိုင်မာစေရန်နှင့် ရေရှည်ဖွံ့ဖြိုးတိုးတက်ရေးအတွက် အခွင့်အလမ်းများ ရှာဖွေရန်အရေးပါကြောင်း။
 
ရုရှားသမ္မတ မစ္စတာဗလာဒီမာပူတင်နှင့် မြန်မာနိုင်ငံသမ္မတ ဦးမင်းအောင်လှိုင်တို့၏ မကြာသေးမီကတွေ့ဆုံမှုမှတစ်ဆင့် အပြန်အလှန်ယုံကြည်မှု၊ ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများကို အောင်မြင်အောင် ဆက်လက်တိုးမြှင့် အကောင်အထည်ဖော်လျက်ရှိပါကြောင်း။
 
Digital Transformation Artificial Intelligence Innovation နှင့် Modern Infrastructure တို့သည် စီးပွားရေးလုပ်ငန်းများအတွက် အခွင့်အလမ်းများဖန်တီးပေးနိုင်ပြီး ပြည်သူ့ဝန်ဆောင်မှုများနှင့် လူမှုစီးပွားဘဝ တိုးတက်ကောင်းမွန်စေရန် အရေးပါကြောင်း။
 
မြန်မာနိုင်ငံအနေဖြင့် ဒစ်ဂျစ်တယ်ကျွမ်းကျင်မှု၊ ဆန်းသစ်တီထွင်မှုနှင့် စိုက်ပျိုးရေး၊ စက်မှု၊ ပညာရေး၊ ကျန်းမာရေးနှင့် ပြည်သူ့ရေးရာစီမံခန့်ခွဲမှုကဏ္ဍများတွင် ခေတ်မီနည်းပညာများအသုံးချ၍ ဒစ်ဂျစ်တယ်ဖွံ့ဖြိုးတိုးတက်မှုကိုမြှင့်တင်ရန် ဆောင်ရွက်နေကြောင်း။
 
မြန်မာနိုင်ငံသည် အာရှဒေသ၏ မဟာဗျူဟာမြောက် ပထဝီတည်နေရာတွင်ရှိပြီး အိန္ဒိယ၊ တရုတ်နှင့် အာဆီယံဈေးကွက်များအကြား ချိတ်ဆက်ပေးနိုင်သည့် ကုန်းတွင်းတံတားသဖွယ်အရေးပါကြောင်း၊ အာဆီယံ၊ လန်ချန်း-မဲခေါင်နှင့် BIMSTEC အဖွဲ့များတွင် ပါဝင်ခြင်းတို့ကြောင့် ဒေသတွင်း ကုန်သွယ်ရေးနှင့် စီးပွားရေးချိတ်ဆက်မှုများ တိုးမြှင့်နိုင်သည့် အခွင့်အလမ်းများရှိကြောင်း။
 
ထို့ပြင် အိန္ဒိယ-မြန်မာ-ထိုင်း သုံးနိုင်ငံအဝေးပြေးလမ်းမကြီး၊ အာဆီယံအဝေးပြေးလမ်းကွန်ယက် အရှေ့အနောက်စီးပွားရေးစင်္ကြံနှင့် တရုတ်-မြန်မာစီးပွားရေးစင်္ကြံတို့၏ အချက်အချာနေရာတွင် မြန်မာနိုင်ငံတည်ရှိနေမှုကို အခွင့်အလမ်းအဖြစ် အသုံးချရန်နှင့် ဒေသတွင်းစားနပ်ရိက္ခာဖူလုံရေးအတွက် စိုက်ပျိုးရေး၊ မွေးမြူရေးကဏ္ဍများ ဖွံ့ဖြိုးတိုးတက်ရေး၊ ပြန်လည်ပြည့်ဖြိုးမြဲစွမ်းအင်နှင့် လျှပ်စစ်စွမ်းအားဖွံ့ဖြိုးရေးတို့တွင် နိုင်ငံတကာနှင့် ပူးပေါင်းဆောင်ရွက်နေကြောင်း။
 
နိုင်ငံတော်သမ္မတ ဦးမင်းအောင်လှိုင်အနေဖြင့် မကြာသေးမီက ရုရှားဖက်ဒရေးရှင်းနိုင်ငံအပါအဝင် အိန္ဒိယနိုင်ငံ၊ တရုတ်နိုင်ငံ၊ လာအိုနိုင်ငံ၊ ဘယ်လာရုစ်နိုင်ငံနှင့် ထိုင်းနိုင်ငံများသို့ တရားဝင်ခရီးစဉ်များ သွားရောက်ခဲ့ပြီး ရှိရင်းစွဲချစ်ကြည်ရင်းနှီးမှုနှင့် ကောင်းမွန်သည့် အပြန်အလှန်ဆက်ဆံမှုများ ပိုမိုခိုင်မာစေရုံသာမက နှစ်ဖက်အကျိုးရှိမည့် လက်တွေ့ပူးပေါင်းဆောင်ရွက်မှုများ တိုးမြှင့်ဖော်ဆောင်နိုင်ခဲ့ပါကြောင်း။
 
မြန်မာနိုင်ငံနှင့် ရုရှားနိုင်ငံတို့သည် ပထဝီအနေအထားအရ ကွာဝေးသော်လည်း နှစ်နိုင်ငံအကြား ကဏ္ဍစုံပူးပေါင်းဆောင်ရွက်မှုများ၊ ဒေသတွင်းနှင့် နိုင်ငံတကာမျက်နှာစာတွင် အပြန်အလှန်အားပေးထောက်ခံမှုများနှင့် ခိုင်မာရင်းနှီးသည့် နှစ်နိုင်ငံဆက်ဆံရေးရှိပါကြောင်း။
 
မြန်မာနိုင်ငံအနေဖြင့် ဒေသတွင်းနှင့် နိုင်ငံတကာမိတ်ဖက်များအားလုံးနှင့် ပိုမိုချိတ်ဆက်၍ ခိုင်မာပြီးဘက်စုံဖွံ့ဖြိုးတိုးတက်သော ဒေသတစ်ရပ်တည်ဆောက်နိုင်ရေးအတွက် ဆက်လက်ပူးပေါင်းဆောင်ရွက်သွားရန် အသင့်ရှိကြောင်း ပြောကြားခဲ့သည်။

အရှေ့ဖျားစီးပွားရေးဖိုရမ် မျက်နှာစုံညီအခမ်းအနားသို့ လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်၊ ဒုတိယဝန်ကြီးများ၊ ရုရှားဖက်ဒရေးရှင်းနိုင်ငံဆိုင်ရာ မြန်မာသံအမတ်ကြီးနှင့် တာဝန်ရှိသူများ တက်ရောက်ကြသည်။

ကျွန်းစုမြို့နယ်၊ ရှော်တောမော်ကျေးရွာနေ အပြစ်မဲ့အရပ်သားပြည်သူသုံးဦးကို PDF အကြမ်းဖက်အဖွဲ့က ဖမ်းဆီးခေါ်ဆောင်သွား

NOM စက်တင်ဘာ ၃၊ ၂၀၂၆

တနင်္သာရီတိုင်းဒေသကြီး၊ ကျွန်းစုမြို့နယ်၊ ရှော်တောမော်ကျေးရွာနေသူများဖြစ်ကြသည့် ဦးသန့်ဇင် (၄၈) နှစ်၊ ဦးသားငယ်မဲ (၅၈) နှစ်နှင့် ဦးခိုင်ဝင်း (၄၉) နှစ်တို့သည် စက်တင်ဘာလ ၂ ရက်နေ့ နံနက် ၁ နာရီအချိန်၌ ၎င်းတို့၏နေအိမ်အသီးသီးတွင်ရှိနေစဉ် PDF အကြမ်းဖက်အဖွဲ့ အင်အားခြောက်ဦးခန့်က ဖိုက်ဘာစက်လှေတစ်စီးဖြင့် ကျေးရွာသို့ ရောက်ရှိလာပြီး အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်းသိရသည်။

NOM

အမေရိကန်-အီရန် စစ်ပွဲ ၂၀၂၇ အထိ ကြာမြင့်နိုင်ဟုဆို၊ အမေရိကန် ပင်တာဂွန်စစ်ဌာနချုပ်က စစ်အင်အားဖြန့်ကြက်မှုများကို တိတ်တဆိတ် သက်တမ်းတိုး

Wall Street Journal ဝေါလ်စထရိသတင်းစာ၏ ဖော်ပြချက်အရ အမေရိကန် ပင်တာဂွန်စစ်ဌာနချုပ်​၏ စစ်အင်အားဖြန့်ကြက်မှု အစီအစဉ်များအပေါ် အခြေခံ၍ အမေရိကန်နှင့် အီရန်တို့အကြား ဖြစ်ပွားနေသော စစ်ပွဲသည် လာမည့်နှစ်အထိ ဆက်လက်ကြန့်ကြာနိုင်ကြောင်းသိရသည်။

သတင်းရင်းမြစ်များ၏ အဆိုအရ အရှေ့အလယ်ပိုင်းဒေသတစ်ခွင် တပ်ဖွဲ့ဝင်များ ဖြန့်ကြက်ထားရှိမှု သက်တမ်းများကို တိုးမြှင့်လိုက်ကြောင်းသိရသည်။ လေကြောင်းရန်ကာကွယ်ရေး တပ်ဖွဲ့များအတွက် ပုံမှန် ၉ လကြာ တာဝန်ထမ်းဆောင်ရမည့် ကာလကို ၁ နှစ်အထိ တိုးမြှင့်လိုက်ပြီး ဥရောပနှင့် ပစိဖိတ်ဒေသတို့မှ ရွှေ့ပြောင်းလာသော အချို့တပ်ဖွဲ့များသည် ဒေသတွင်း၌ တာဝန်ထမ်းဆောင်နေသည်မှာ ၁ နှစ်ထက်ပင် ကျော်လွန်နေပြီဖြစ်သည်။

လက်ရှိတွင် အမေရိကန်သည် စစ်သင်္ဘော ၁၉ စီး (လေယာဉ်တင်သင်္ဘော ၂ စီးနှင့် ပဲ့ထိန်းဒုံးကျည်တပ် ဖျက်သင်္ဘော ၁၃ စီး အပါဝင်)၊ လေကြောင်းရန်ကာကွယ်ရေး တပ်ဖွဲ့များ၊ တိုက်လေယာဉ်အုပ်များ နှင့် လေထီးတပ်ဖွဲ့များ အပါအဝင် တပ်ဖွဲ့ဝင် အင်အား ၅၀,၀၀၀ ခန့်ကို ဒေသတွင်း၌ တပ်စွဲထားပြီး ယင်းအထဲမှ အချို့တပ်ဖွဲ့များသည် ၂၀၂၇ ခုနှစ်အထိ အရှေ့အလယ်ပိုင်းတွင် ဆက်လက်ရှိနေနိုင်ကြောင်း သတင်းစာက ဖော်ပြသည်။

သမ္မတ ဒေါ်နယ်ထရန့်သည် အီရန်ကို ဆွေးနွေးပွဲစားပွဲဝိုင်းသို့ ပြန်လည်ရောက်ရှိလာစေရန် စီးပွားရေးအရ ဖိအားပေးသည့် စိုက်ထုတ်မှုများကို လွန်ခဲ့သည့် သီတင်းပတ်များအတွင်း ပြုလုပ်ခဲ့သော်လည်း အီရန်ဘက်မှ လက်လျှော့မည့် အရိပ်အယောင် မပြသေးဘဲ အမေရိကန်နှင့် အီရန်တပ်ဖွဲ့များအကြား တိုက်ခိုက်မှုများ ဆက်လက်ဖြစ်ပွားနေသည်။

အမေရိကန် အရာရှိများ၏ အဆိုအရ ထရန့်သည် အီရန်စစ်ပွဲ ပြီးဆုံးကြောင်း ကြေညာရန် သင့်/မသင့်ကို အကြံပေးများနှင့် သီးသန့်ဆွေးနွေးနေပြီး ထိုအယူအဆဘက်သို့ ပိုမိုယိမ်းပိုင်နေပုံရသည်။ လတ်တလော လက်တုံ့ပြန်တိုက်ခိုက်မှုများထက် ပိုမိုစစ်ရေးအရှိန်မြှင့်တင်ခြင်းက နိုဝင်ဘာလ ကြားဖြတ်ရွေးကောက်ပွဲတွင် ရီပတ်ဘလစ်ကန်ပါတီ၏ အလားအလာများကို ထိခိုက်စေနိုင်ကြောင်း အကြံပေးများက သတိပေးထားသည်။

တစ်ချိန်တည်းမှာပင် အရှေ့အလယ်ပိုင်းရှိ အမေရိကန်တပ်ဖွဲ့များသည် ထရန့်က စစ်အရှိန်မြှင့်ရန် ရွေးချယ်ပါက အကြီးစားထိုးစစ်ဆင်မှုများ စတင်နိုင်ရန် အသင့်ပြင်ဆင်ထားဆဲဖြစ်သည်။

ဤသတင်းသည် စစ်ပွဲ ဆက်လက်ဖြစ်ပွားနေမှုအပေါ် ပင်တာဂွန် စစ်ဗိုလ်ချုပ်များ၏ ကန့်ကွက်မှု သတင်းများအပြီးတွင် ထွက်ပေါ်လာခြင်းဖြစ်ပြီး အဆင့်မြင့် အမေရိကန် စစ်ဘက်အရာရှိ ၄ ဦးက အရှေ့အလယ်ပိုင်းတွင် တပ်ဖွဲ့ဝင်များ ဆက်လက်ဖြန့်ကြက်ထားရှိမှုကို ကန့်ကွက်ခဲ့ကြကြောင်း သိရသည်။

NOM

စားအုန်းဆီအခြေခံလက်ကားရည်ညွှန်းစျေးနှုန်း တပိသာ ၇၁၇၉ ကျပ်ဟုကြေညာ

ရန်ကုန်- မန္တလေးအမြန်လမ်းတွင်လမ်းသား အလျား ၃၀ ​ပေခန့် နိမ့်ကျမှုဖြစ်ပွား

NOM စက်တင်ဘာ ၄၊ ၂၀၂၆

ရန်ကုန်- မန္တလေးအမြန်လမ်းတွင်ယမန်နေ့(စက်တင်ဘာ၃ရက်)နံနက်ပိုင်းက လမ်းသား အလျား ၃၀​ပေခန့် နိမ့်ကျ​သွားသောကြောင့်ပြန်လည်ပြုပြင်မှုများပြုလုပ်နေကြောင်းမြန်လမ်းမကြီးထိန်းသိမ်းပြုပြင်ရေးနှင့်ကြီးကြပ်ရေးအဖွဲ့မှ သတင်းထုတ်ပြန်
ထားသည်။

ရန်ကုန်- မန္တလေးအမြန်လမ်းမိုင် ၃၁၁/၃ နှင့် ၄ ဖာလုံအကြားနေပြည်​တော်မှမန္တ​လေးသို့အသွားလမ်း လက်ဝဲဖက်ယာဥ်​ကြောတွင် လမ်းသား အလျား ၃၀​ပေခန့် နိမ့်ကျ​သွားသည့်အတွက်ပြန်လည်ပြုပြင်နေသည့်အတွက်အတွင်းဘက်လမ်းအား ၅၀၀ ​ပေခန့် ယာယီပိတ်ထားမည်ဖြစ်ကြောင်းသိရသည်။

၎င်းနေရာ၌လက်ရှိကွန်ကရစ်လမ်းသားအသစ်ခင်းခြင်းလုပ်ငန်းအား ဆောင်ရွက်မည်ဖြစ်ပါ၍ နေပြည်​တော်မှမန္တ​လေးသို့အသွားလမ်းအသုံးပြု​သောယာဥ်များ မိုင်၃၁၁/၃ သို့ချဥ်းကပ်စဥ်လက်ယာဘက်ယာဥ်​ကြောအတိုင်းဂရုပြုမောင်းနှင်ကြပါရန် အသိပေးထားကြောင်းသိရသည်။

ပထဝီနိုင်ငံရေး တင်းမာမှုများမြင့်တက်နေချိန် နယ်သာလန်က အမေရိကန်ထံမှ ဒေါ်လာ ၁၀ ဘီလီယံဖိုးရှိ ရွှေများကို ပြောင်းရွှေ့

ကမ္ဘာပေါ်တွင် ပထဝီနိုင်ငံရေးတင်းမာမှုများ မြင့်တက်နေချိန်၌ နယ်သာလန်နိုင်ငံသည် အမေရိကန်နှင့် ကနေဒါနိုင်ငံတို့တွင် သိမ်းဆည်းထားသော အမေရိကန်ဒေါ်လာ ဘီလီယံနှင့်ချီတန်ကြေးရှိ ရွှေသီးသန့်ရန်ပုံငွေများကို ဗြိတိန်နိုင်ငံသို့ ပြောင်းရွှေ့ခဲ့သည်။

နယ်သာလန်ဗဟိုဘဏ် (DNB) က ပြင်းထန်သော စီးပွားရေးနှင့် နိုင်ငံရေး အကျပ်အတည်းများကို "ပိုမိုကောင်းမွန်စွာ ရင်ဆိုင်တုံ့ပြန်နိုင်ရန်" အတွက် ထိုသို့ ရွှေရန်ပုံငွေများကို ပြောင်းရွှေ့ရခြင်းဖြစ်ကြောင်း သတင်းထုတ်ပြန်ခဲ့သည်။

ရွှေများကို ဘာကြောင့် ပြောင်းရွှေ့ခဲ့ရသနည်း

နယ်သာလန်ဗဟိုဘဏ်အနေဖြင့် မည်သည့် အကျပ်အတည်းအတွက် ပြင်ဆင်နေသည်ဆိုသည်ကို တိတိကျကျ ဖော်ပြခြင်းမရှိသော်လည်း အောက်ပါအချက်များကြောင့်ဟု သုံးသပ်ကြသည်-

၁။ ကုန်သွယ်ရေးစစ်ပွဲများ- အမေရိကန်နှင့် ကနေဒါတို့အကြား
ကုန်သွယ်ရေးအခွန်တိုးမြှင့်မှု စစ်ပွဲများ ဖြစ်ပွားနေခြင်း။

၂။ စစ်ရေးတင်းမာမှုများ- အမေရိကန်၏ အီရန်နှင့် စစ်ပွဲ၊ ဗင်နီဇွဲလားနှင့် ကျူးဘားဒေသတဝိုက် စစ်ရေးလှုပ်ရှားမှုများ မြင့်တက်လာခြင်း။

၃။ အတ္တလန္တိတ်ဖြတ်ကျော် ဆက်ဆံရေး တင်းမာလာခြင်း- ဥရောပ မဟာမိတ်များအနေဖြင့် စစ်ပွဲများတွင် ပါဝင်ရန် ငြင်းဆန်ခဲ့သည့်အတွက် အမေရိကန်နှင့် ဥရောပကြား သံတမန်ရေးအရ တင်းမာမှုများ ဖြစ်ပေါ်လာခြင်း။

၄။ နိုင်ငံခြားပိုင်ဆိုင်မှုများကို ထိန်းချုပ်ခွင့်ရယူလိုခြင်း- နိုင်ငံအများအပြားသည် မိမိတို့၏ ရွှေများကို အမေရိကန်ဒေါ်လာ သို့မဟုတ် အခြားနိုင်ငံများ၏ လက်ထဲတွင် အပြည့်အဝ ပုံအောမထားဘဲ တိုက်ရိုက်ထိန်းချုပ်နိုင်ရန် ဆောင်ရွက်လာကြခြင်း။

ရွှေ မည်မျှ ရွှေ့ပြောင်းခဲ့သနည်း

နယ်သာလန်နိုင်ငံတွင် စုစုပေါင်း အလေးချိန် ၆၁၂.၄ တန် (ကန်ဒေါ်လာ ၈၃.၈ ဘီလီယံခန့်) တန်ဖိုးရှိ ရွှေများ ရှိသည်။

ယခင်က နယ်သာလန်ရွှေများ၏ ၃၁.၃ ရာခိုင်နှုန်းကို နယူးယောက် (အမေရိကန်) တွင်လည်းကောင်း၊ ၁၉.၇ ရာခိုင်နှုန်းကို အော့တဝါ (ကနေဒါ) တွင်လည်းကောင်း သိမ်းဆည်းထားခဲ့သည်။ ယခု ရွှေ့ပြောင်းမှုအပြီးတွင် အမေရိကန်နှင့် ကနေဒါတို့၌ ၁၈.၅ ရာခိုင်နှုန်းစီသာ ကျန်ရှိတော့ပြီး လန်ဒန်တွင် ၃၂.၁ ရာခိုင်နှုန်းအထိ တိုးမြှင့်သိမ်းဆည်းလိုက်ပြီ ဖြစ်သည်။

ရွှေများကို မည်သို့ ပြောင်းရွှေ့ခဲ့သနည်း

နယ်သာလန်ဗဟိုဘဏ်သည် ရွှေများကို သယ်ယူပို့ဆောင်ရာတွင် နယူးယောက်၌ရှိသော ရွှေများကို ရောင်းချပြီး လန်ဒန်တွင် ရွှေပြန်လည်ဝယ်ယူသည့် နည်းလမ်းအပြင်၊ အမေရိကန်နှင့် ကနေဒါတို့မှ ရွှေချောင်းများကို တိုက်ရိုက် ရဟတ်ယာဉ်/သင်္ဘော စသည်တို့ဖြင့် သယ်ယူသည့် နည်းလမ်းနှစ်ခုလုံးကို ပေါင်းစပ်အသုံးပြုခဲ့သည်။

DNB ၏ ဥက္ကဋ္ဌ ဖြစ်သူ Olaf Sleijpen က "ယခုလို ပြောင်းရွှေ့လိုက်ခြင်းဖြင့် ကျွန်ုပ်တို့၏ ရွှေအရင်းအမြစ်များကို ပိုမိုလွယ်ကူ လျင်မြန်စွာ အရောင်းအဝယ်ပြုလုပ်နိုင်အောင် ဆောင်ရွက်နိုင်ခဲ့ပါသည်။ ဒီရွှေတွေကို အသုံးမပြုရဖို့ မျှော်လင့်ပေမဲ့ အရေးပေါ်အခြေအနေများအတွက် ကြံ့ကြံ့ခံနိုင်စွမ်းကို မြှင့်တင်ထားရမည်ဖြစ်သည်" ဟု ပြောကြားခဲ့သည်။

NOM

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ နှင့်ဇနီးအား ဂုဏ်ပြုကြိုဆိုရန် ပြင်ဆင်နေမှုမြင်ကွင်းများ

၂၀၂၅ -၂၀၂၆ ပညာသင်နှစ်၊ တက္ကသိုလ်ဝင်စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲတို့၌ ထူးချွန်စွာအောင်မြင်ခဲ့သည့် တပ်မတော်(ကြည်း၊ ရေ၊ လေ)မှ စစ်သည်များ၊ စစ်မှုထမ်းဆဲ၊ စစ်မှုထမ်းဟောင်း မိသားစုဝင်သားသမီးများ၊ စစ်သည်အစားခန့်အရပ်သားဝန်ထမ်းများ၏ သားသမီးများ၊ အခြေခံပညာ လူရည်ချွန်ဆုရရှိသော ကျောင်းသား၊ ကျောင်းသူများအား ဂုဏ်ပြုဆုချီးမြှင့်

စက်တင်ဘာ ၂၊ ၂၀၂၆

၂၀၂၅-၂၀၂၆ ပညာသင်နှစ်၊ တက္ကသိုလ်ဝင်စာမေးပွဲနှင့် စက်မှု၊ စိုက်ပျိုး၊ မွေးမြူရေးတက္ကသိုလ်ဝင်စာမေးပွဲတို့၌ ထူးချွန်စွာအောင်မြင်ခဲ့သည့် တပ်မတော်(ကြည်း၊ ရေ၊ လေ)မှ စစ်သည်များ၊ စစ်မှုထမ်းဆဲ၊ စစ်မှုထမ်းဟောင်း မိသားစုဝင်သားသမီးများ၊ စစ်သည်အစားခန့်အရပ်သားဝန်ထမ်းများ၏ သားသမီးများ၊ အခြေခံပညာလူရည်ချွန်ဆုရရှိသောကျောင်းသား၊ ကျောင်းသူများအား ဂုဏ်ပြုဆုချီးမြှင့်ခြင်း အခမ်းအနားကို ယနေ့မွန်းလွဲပိုင်းတွင် နေပြည်တော်ရှိ ဇေယျာသီရိဗိမာန်၌  ကျင်းပပြုလုပ်ရာ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီးရဲဝင်းဦး တက်ရောက်ဂုဏ်ပြု အမှာစကားပြောကြားပြီး ဂုဏ်ပြုဆုများပေးအပ်ချီးမြှင့်သည်။ 

အခမ်းအနားသို့ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီးရဲဝင်းဦးနှင့်အတူ ဇနီးဒေါ်နီလာ၊ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဗိုလ်ချုပ်ကြီးကျော်စွာလင်းနှင့်ဇနီး ဒေါ်နန်းကူးကူ၊ ပြည်ထောင်စုဝန်ကြီးများနှင့် ဇနီးများ၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ)နှင့်ဇနီး၊ ကာကွယ်ရေးဦးစီးချုပ်(ရေ)နှင့်ဇနီး၊ ဖတ်ရှုခြင်းဝါသနာကို မွေးမြူကြရန်လိုအပ်ကြောင်း။
တပ်မတော်သား အရာရှိ၊ စစ်သည်များသည် နိုင်ငံတော်၏ နယ်မြေအသီးသီးတွင် ကျရာတာဝန်ကို နေရာဒေသမရွေး ထမ်းဆောင်နေကြသူများပင်ဖြစ်ကြောင်း၊ မိမိတို့ တာဝန်ကျရာနယ်မြေအသီးသီးတွင် ပေးအပ်လာသည့် ကျရာတာဝန်များကို ထမ်းဆောင်ကြရင်း ကိုယ်စီမိသားစုများ၏ ပညာရေး၊ ကျန်းမာရေး၊ လူမှုရေး စသည့်ကဏ္ဍများကို တိုးတက်အောင် ထမ်းဆောင်နေကြသူများပင်ဖြစ်ကြောင်း၊ ထိုသို့ ဘဝ၏စိန်ခေါ်မှုများကြားက မိမိတို့သားသမီးများ၏ပညာရည်မြင့်မားရေးကို စွမ်းစွမ်းတမံ ကျေပွန်စွာထမ်းဆောင်နိုင်ခဲ့ကြသူများသည် နိုင်ငံတော်၏စစ်သည်တော်ကောင်းများဖြစ်သကဲ့သို့ မိသားစု၏ မိဘကောင်းများအဖြစ်လည်း သမိုင်းမှတ်တမ်းတင်နိုင်ခဲ့ကြသူများဖြစ်ကြောင်း၊ မိဘ၏အရိပ်အောက်မှ ကြိုးစားအောင်မြင်ခဲ့ကြသည့် လူငယ်မောင်မယ်တို့အနေဖြင့်လည်း မိသားစု၏သားသမီးကောင်းရတနာများအဖြစ်သာမက   နိုင်ငံ့သားကောင်းရတနာများအဖြစ်ပါ ဆင့်ကဲကမ္ပည်းထိုးနိုင်ခဲ့မှုအတွက်လည်း     များစွာဂုဏ်ယူဝမ်းမြောက်ပါကြောင်း။
မိမိတို့တပ်မတော်အနေဖြင့် ပညာရည်မြင့်မားရေးကို ဆောင်ရွက်ရာတွင် ကဏ္ဍနှစ်ခုကို အပိုင်းခွဲဖော်ဆောင်လျက်ရှိကြောင်း၊ တပ်မတော်သားများ၏ ပညာရည်မြင့်မားရေးနှင့် တပ်မတော်သားမိသားစုဝင်များ၏ ပညာရည်မြင့်မားရေးပင်ဖြစ်ကြောင်း၊ တပ်မတော်သားများ၏ ပညာရည်မြင့်မားရန်အတွက် တပ်မတော်ပညာရေးကျောင်းများနှင့် အကောင်အထည်ဖော်ဆောင်ရွက်နေသကဲ့သို့ တပ်မတော်သားမိသားစုဝင်များ၏ ပညာရည်မြင့်မားရေးအတွက်လည်း ပညာရေးဝန်ကြီးဌာနနှင့်ပူးပေါင်းပြီး အခြေခံပညာရေးမှသည် အဆင့်မြင့်ပညာရေးအထိ သင်ကြားအောင်မြင်နိုင်ရေး အစဉ်တစိုက် ကြိုးပမ်း ထမ်းရွက်ပေးလျက်ရှိကြောင်း၊ ထို့အပြင် လက်ရှိ ၂၀၂၆-၂၀၂၇ ပညာသင်နှစ်တွင်လည်း တပ်မတော်လူငယ်ပညာရေး သင်တန်းကျောင်းနှစ်ကျောင်းကို အထက်မြန်မာပြည်၊      အောက်မြန်မာပြည်ခွဲ၍ နေပြည်တော်နှင့်ရန်ကုန်တွင်   ဖွင့်လှစ်သင်ကြားပေးလျက်ရှိကြောင်း၊ ပညာရေးကဏ္ဍသစ်အဖြစ် ဖွင့်လှစ်လိုက်သည့်ကျောင်းများတွင် တပ်မတော်သားမိသားစုဝင်များ၊တပ်မတော်သားအငြိမ်းစားများ၏မိသားစုဝင်များအပြင် တပ်မတော်နှင့်တပ်မတော်၏ ပညာရည်မြင့်မားရေးဖော်ဆောင်မှုအပေါ် စိတ်ပါဝင်စားစွာ တက်ရောက်လိုသူများကို ဖွင့်လှစ်သင်ကြားပေးနေပြီ  ဖြစ်သကဲ့သို့ တက်ရောက်လိုသူများကိုလည်း အမြဲတမ်းကြိုဆိုလျက်ရှိကြောင်း။
လူငယ်မောင်မယ်တို့ ကိုယ်စီတွင် ပိုင်ဆိုင်ထားပြီးဖြစ်သည့်  ထူးချွန်လိုသည့် စိတ်ဓာတ်၊ ငယ်ရွယ်စဉ်ကတည်းက ရည်မှန်းချက်ထားရှိခဲ့သည့် ခိုင်မာသည့် သန္နိဋ္ဌာန် စိတ်ဓာတ်၊ ထူးချွန်အောင်မြင်မှုကို ခုံမင်သည့်စိတ်ဓာတ်များကိုအခြေခံပြီး မိမိတို့ရွေးချယ်ရာ အဆင့်မြင့်တက္ကသိုလ်ပညာရပ်များတွင်လည်း ထူးချွန်အောင်မြင်သူများဖြစ်အောင် ဆက်လက်ကြိုးပမ်းသွားကြရန်၊   မိမိဘဝအတွက်၊  မိမိ မိသားစုအတွက်၊ မိမိနိုင်ငံ တော်အတွက် တတ်သင့်တတ်ထိုက်၊ သိသင့်သိထိုက်သည်မှန်သမျှကို တတ်ချင်၊ သိချင်၊ ကြိုးစားချင်သည့် အညွန့်တလူလူစိတ်ဓာတ်နှင့် နိုင်ငံတော်၏အနာဂတ်တာဝန်များကို ပခုံးပြောင်းထမ်းဆောင်နိုင်သူများဖြစ်အောင် ဆက်လက်ကြိုးစားသွားကြရန် တိုက်တွန်း လိုကြောင်းဖြင့်ပြောကြားသည်။