မိုးသည်းထန်စွာ ရွာသွန်းမှုကြောင့် ရန်ကုန်-မန္တလေးရထားလမ်း ရေကျော်သဖြင့် DEMU ရထား ခေတ္တရပ်နားခဲ့ရ

NOM ဩဂုတ် ၃၁၊ ၂၀၂၆

ရန်ကုန်-မန္တလေး ရထားလမ်းပေါ်၌ သြဂုတ် ၃၁ ရက် က မိုးသည်းထန်စွာရွာသွန်းမှုကြောင့် ဇေယျဝတီမြို့နှင့် ညောင်ခြေထောက်မြို့အနီးရေကျော်မှုဖြစ်ပေါ်ခဲ့ပြီး DEMU ရထားတစ်စီး ခေတ္တရပ်နားခဲ့ရ‌ ကြောင်းမြန်မာ့မီးရထားမှ သိရသည်။

ယင်းမိုးသည်းထန်စွာရွာသွန်းမှုကြောင့် ရန်ကုန်-မန္တလေးရထားလမ်း ရေကျော်သဖြင့် DEMU ရထား ခေတ္တရပ်နားခဲ့ရပြီး ယနေ့ညနေ ၅ နာရီကျော်တွင် ပြန်လည်ထွက်ခွာခဲ့ရသည်။

အလားတူ မိုးအဆက်မပြတ်ရွာသွန်းခြင်းကြောင့် ရန်ကုန်-မန္တလေး အမြန်လမ်းမကြီးပေါ်တွင် ရေကျော်လွန်ခဲ့ပြီး သတိထားမောင်းနှင်ကြရန် အမြန်လမ်းမကြီးထိန်းသိမ်းပြုပြင်ရေးနှင့်ကြီးကြပ်ရေးအဖွဲ့မှ သတိပေးထုတ်ပြန်ခဲ့သည်။

NOM

ရထားပြေးဆွဲမှု ယာယီရပ်နား ခဲ့ရသည့် ပြင်ဦးလွင်-ဂုတ်ထိပ် အစုန်/အဆန် ရထားခရီးစဉ်အား လာမည့် စနေနေ့မှစ၍ အပတ်စဉ် ပုံမှန်ပြန်လည်ပြေးဆွဲပေးသွားမည်
NOM၊ဩဂုတ် ၃၁၊၂၀၂၆
နောင်ချိုမြို့နယ်အတွင်း မိုးသည်းထန်စွာရွာသွန်းမှုကြောင့် နောင်ချို-ဂုတ်ထိပ် ရထားလမ်းပိုင်း ရေကျော်နှစ်မြုပ်မှုဖြစ်ပွားခဲ့ပြီး ယခုအခါ လမ်းပိုင်းပြုပြင်ပြီးစီးပြီဖြစ်၍ ရထားပြေးဆွဲမှု ယာယီရပ်နားခဲ့ရသည့်  ပြင်ဦးလွင်-ဂုတ်ထိပ် အစုန်/အဆန် ရထားခရီးစဉ်အား လာမည့် စနေနေ့မှစ၍ အပတ်စဉ် ပုံမှန်ပြန်လည်ပြေးဆွဲပေးသွားမည်ဖြစ်ကြောင်း သိရသည်။ယနေ့ နံနက်ပိုင်းတွင် ပို့ဆောင်ရေးဝန်ကြီးဌာန၊ ဒီဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးမြထွန်းဦးသည် ဒုတိယဝန်ကြီး၊ မန္တလေးတိုင်းဒေသကြီး စက်မှု၊ လျှပ်စစ်နှင့် လမ်းပန်းဆက်သွယ်ရေးဝန်ကြီး၊ ပို့ဆောင်ရေးဝန်ကြီးဌာန အမြဲတမ်းအတွင်းဝန်၊ တာဝန်ရှိသူများနှင့်အတူ ပြင်ဦးလွင်ဘူတာမှ ဂုတ်ထိပ်ဘူတာသို့ RBE ရထားဖြင့် လိုက်ပါစီးနင်းပြီး ပြင်ဦးလွင်-ဂုတ်ထိပ် ရထားလမ်းပိုင်းအတွင်း ကြည့်ရှုစစ်ဆေးပြီးလိုအပ်သည်များကိုမှာကြားခဲ့ကြောင်းသိရသည်။

ပြည်ထောင်စုသမ္မတမြန်မာနိုင်ငံတော် အမျိုးသားလွှတ်တော် ကြေညာချက်အမှတ် ( ၂ /၂၀၂၆ )

ပြည်ထောင်စုသမ္မတမြန်မာနိုင်ငံတော် ပြည်သူ့လွှတ်တော် ကြေညာချက်အမှတ် ( ၃ / ၂၀၂၆ )

နီပေါတွင်နိုင်ငံခြားသား၆၀၀နီးပါးပျောက်ဆုံးဆဲ
NOM

နီပေါနိုင်ငံတွင် ရေကြီးရေလျှံမှုဖြစ်ပွားပြီးနောက် နိုင်ငံပေါင်း ၃၉ နိုင်ငံမှ နိုင်ငံသား ၅၉၀ ဦး ပျောက်ဆုံးနေဆဲဖြစ်ကြောင်း နီပေါနိုင်ငံခြားရေးဝန်ကြီးဌာနက သတင်းထုတ်ပြန်ခဲ့ပြီး နိုင်ငံခြားသား ၃၂၃ ဦးကို ယခုအချိန်အထိ ကယ်တင်နိုင်ခဲ့သည်။

ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်နှင့် ဇနီးဒေါ်ကြူကြူလှ ဗီယက်နမ်ဆိုရှယ်လစ်သမ္မတနိုင်ငံ သမ္မတ မစ္စတာ တိုလန်းနှင့် ဇနီးတို့၏ ဖိတ်ကြားချက်အရ ဗီယက်နမ်ဆိုရှယ်လစ်သမ္မတနိုင်ငံသို့ တရားဝင်ချစ်ကြည်ရေးခရီးစဉ် သွားရောက်မည်ဖြစ်ကြောင်းနိုင်ငံခြားရေးဝန်ကြီးဌာနကကြေညာ

ရန်ကုန်-မန္တလေးလမ်းဟောင်းပေါ်တွင် ယာဉ်နှစ်စီးတိုက်မှုဖြစ်

NOM စက်တင်ဘာ ၁၊ ၂၀၂၆

ပဲခူးတိုင်းဒေသကြီး၊ တောင်ငူမြို့နယ်၊ အမှတ် (၉) ရပ်ကွက်၊ ရန်ကုန်-မန္တလေးလမ်းဟောင်းပေါ်တွင် စက်တင်ဘာ ၁ ရက်နံနက် ၅ နာရီ ၅၅ မိနစ်က ယာဉ်နှစ်စီးတိုက်မှုဖြစ်ပွားခဲ့‌ကြောင်းမြို့နယ်မီးသတ်စခန်းမှသိရသည်။

ဖြစ်စဉ်မှာ ရန်ကုန်မှ မန္တလေးသို့ မောင်းနှင်လာသော ဆီဘောက်ဆာယာဉ်နှင့် မန္တလေးမှ ရန်ကုန်သို့မောင်းနှင်လာသော ကွန်တိန်နာယာဉ်တို့ တိုက်မှုဖြစ်ပွားပြီး ဆီဘောက်ဆာယာဉ် (၁) စီး မီးလောင်မှုဖြစ်ခဲ့သည်။

အဆိုပါမီးလောင်ရာသို့ တောင်ငူမြို့နယ်မီးသတ်စခန်းမှ မီးငြှိမ်းသတ်ယာဉ်များ၊ မီးသတ်ရေသယ်ယာဉ်များ ငြှိမ်းသတ်ခဲ့ပြီး လူထိခိုက်မှု
မရှိ‌ကြောင်းသိရသည်။

ဒလမြို့နယ်အတွင်း လုံခြုံရေးအရ ဆိုင်ကယ်စီးနင်းခွင့်များခွင့်ပြု၍ မရသေး

NOM စက်တင်ဘာ ၁၊ ၂၀၂၆

ရန်ကုန်တိုင်းဒေသကြီး၊ ဒလမြို့နယ်အတွင်း တရားဝင်ဆိုင်ကယ်စီးနင်းခွင့်အား ပြန်လည်ခွင့်ပြုပေးပါက လုံခြုံရေးအတွက် အားနည်းချက်များ ဖြစ်ပေါ်လာနိုင်ခြင်းကြောင့် လတ်တလောတွင် ဆိုင်ကယ်စီးနင်းခွင့်များ လုံခြုံရေးအရ ခွင့်ပြု၍မရ သေးပါကြောင်း ရန်ကုန်တိုင်းဒေသကြီး အစိုးရအဖွဲ့ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးဝင်းတင့်က ယမန်နေ့သြဂုတ်လ ၃၁ ရက်တွင် ရန်ကုန်တိုင်းဒေသကြီးလွှတ်‌တော်၌ ပြောကြားခဲ့သည်။

ရန်ကုန်တိုင်းဒေသကြီးလွှတ်တော် တတိယပုံမှန်အစည်းအဝေးတွင် ဒလမြို့နယ် ကိုယ်စားလှယ်အမှတ် (၂) ဦးသန်းဦးကဒလမြို့နယ် အတွင်း၌ မော်တော်ဆိုင်ကယ်များ စီးနင်းခွင့်ပြု‌ရေးနှင့် ပတ်သက်သည့်မေးခွန်းအားမေးမြန်းခဲ့သည်။

"တွံတေးခရိုင်အတွင်း ပါဝင်သော တွံတေး၊ ကော့မှူး၊ ကွမ်းခြံကုန်း၊ဒလမြို့နယ်များတွင်း ဆိုင်ကယ်မစီးရ ဒေသန္တရအမိန့် ထုတ်ပြန်ဆောင်ရွက်ထားသည့်အတွက် ဒလမြို့နယ်အတွင်း တရားဝင်ဆိုင်ကယ်စီးနင်းခွင့်အား ပြန်လည်ခွင့်ပြုပေးပါက လုံခြုံရေးအတွက် အားနည်းချက်များဖြစ်ပေါ်လာနိုင်ခြင်းကြောင့် သက်ဆိုင်ရာ နယ်မြေလုံခြုံရေးအဖွဲ့စည်းများ၏ သဘောထားပြန်ကြားချက်များအရ လက်တလောမှာ ဆိုင်ကယ်စီးနင်းခွင့်များ လုံခြုံရေးအရ ခွင့်ပြု၍မရသေးပါဘူး"ဟု ရန်ကုန်တိုင်းဒေသကြီးအစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဝင်းတင့်ကဖြေကြားသွားသည်။

ဒလမြို့နယ်အတွင်း၌ ရပ်ကွက်/ကျေးရွာအုပ်စု အုပ်ချုပ်ရေးမှူးများ၊ ရာအိမ်မှူးများ၊ ဆယ်အိမ်မှူးများနှင့် အများပြည်သူများအပေါ် မော် တော်ဆိုင်ကယ်အသုံးပြု၍ အကြမ်းဖက်သမားများက အကြမ်းဖက်လုပ်ငန်းများ၊ ပစ်ခတ်မှုဖြစ်စဉ်များနှင့် ဖောက်ခွဲရေးဖြစ်စဉ်များအား ဆောင်ရွက်ခဲ့ရာ ဖောက်ခွဲမှု (၁၃) ကြိမ်၊ အုပ်ချုပ်ရေးမှူးနှင့်အပြစ်မဲ့ ပြည်သူများအားလုပ်ကြံခံရမှု (၉) ကြိမ်ရှိကြောင်းသိရသည်။

NOM

အမြန်လမ်းတွင်ယာဉ်တိုက်မှုဖြစ်အမျိုးသမီးတစ်ဦးသေဆုံး
NOM၊စက်တင်ဘာ၁၊၂၀၂၆
ရန်ကုန်- မန္တလေးအမြန်လမ်း မိုင်တိုင် ၃၂/၅နှင့် ၃၂/၆ကြားတွင်ယနေ့စက်တင်ဘာ၁ရက်နံနက်၁၁နာရီ၁၅မီနစ်ကယာဉ်တိုက်မှုဖြစ်ခဲ့ရာအမျိုးသမီးတစ်ဦးသေဆုံးခဲ့ကြောင်းသိရသည်။ဖြစ်စဉ်မှာရန်ကုန်မှနေပြည်တော်သို့မောင်းနှင်နေသော9Q-9836 ဝင်း ခရီးသည်တင်ယာဉ်သည် ရုတ် တ ရက်လမ်းဖြတ်ကူး​သော အမျိုး သမီးတစ်ဦးအား တိုက်မိသဖြင့်လမ်းကူးသူအမျိုးသမီးမှာ အခင်းဖြစ်နေရာတွင်သေဆုံးခဲ့သည့်အတွက်အမြန်လမ်းမကြီးများ ဥပဒေအရ အ ရေးယူဆောင်ရွက်လျက်ရှိ‌ ကြောင်းသိရသည်။

သံလွင်မြစ်ရေမြင့်တတ်မှုကြောင့် အိမ်ထောင်စုများအား ရေဘေးလွတ်ရာသို့ ကူညီရွှေ့ပြောင်းပေး
NOM၊စက်တင်ဘာ၁၊၂၀၂၆
ကရင်ပြည်နယ်၊ ဘားအံမြို့နယ်တွင် စက်တင်ဘာ၁ရက်မွန်းတည့်၁၂နာရီကသံလွင်မြစ်ရေမြင့်တတ်မှုကြောင့် အမှတ်(၁)ရပ်ကွက်၊အမှတ်(၂) ရပ် ကွက်နှင့် အမှတ်(၅)ရပ်ကွက်တို့ရှိ နေအိမ်များအတွင်း ရေဝင်ရောက်နေကြောင်း ဘားအံခရိုင်မီးသတ်စခန်းမှ သန္ဓေမီးသတ်တပ်ဖွဲ့ဝင်များသည် စက်လှေများဖြင့် ရေဝင်ရောက်နေသော အိမ်ထောင်စုများအားရေဘေး လွတ်ရာသို့ ကူညီရွှေ့ပြောင်းပေးခဲ့‌ကြောင်းသိရသည်။

ဟန်ဂေရီတွင်အမူးသမားတစ်ဦးကလေယာဉ်ခိုးယူ
NOM

အသက် ၂၄ နှစ်အရွယ် အရက်မူးနေသောဟန်ဂေရီအမျိုးသားတစ်ဦးသည် Kalocsa ရှိ လေယာဉ်ကွင်းတစ်ခုမှ ဆက်ဆနာ172 အပေါ့စား လေယာဉ်တစ်စင်းကို ခိုးယူပြီး နျူကလီးယားဓာတ်အားပေးစက်ရုံသို့ ဦးတည်ပျံသန်းခဲ့သည်။ လေယာဉ်သည်စက်ရုံပတ်လည်ရှိ ကန့်သတ်ဇုန်ထဲသို့ ဝင်ရောက်သွားသောကြောင့် တိုက်လေယာဉ်နှစ်စင်းကကြားဖြတ်ဟန့်တားခဲ့သည်။

နောက်ဆုံးတွင် အရက်မူးနေသောလေယာဉ်သူခိုးသည် လေယာဉ်ကိုမထိန်းချုပ်နိုင်တော့ပဲလယ်ကွင်းတစ်ခုတွင် ကြမ်းတမ်းစွာ ဆင်းသက်ခဲ့ရသည်။ အဆိုပါအမူးသမားသည်လေယာဉ်ပေါ်မှ ဆင်းကာ သူ့ကိုကူညီရန် ရပ်တန့်ခဲ့သော ယာဉ်မောင်းတစ်ဦး၏ ကားကို ပြန်ပေးဆွဲရန် လည်းကြိုးစားခဲ့သေးသည်။

အမေရိကန်တွင်အမျိုးသမီးတစ်ဦးကလူနှစ်ဦးကိုဓားဖြင့်ထိုး
NOM

ယမန်နေ့က Times Square ရင်ပြင်၌အသက် ၄၉ နှစ်အရွယ် အမျိုးသမီး Pamela Cisneros သည်ဓားနှစ်ချောင်းကိုင်ဆောင်ထားပြီး မြေအောက်ရထားပေါ်မှဇနီးနှင့်အတူ ဆင်းလာသည့်အသက် ၆၈ နှစ်အရွယ် အမျိုးသားတစ်ဦးအားရုတ်တရက် ဗိုက်ကိုဓားနဲ့ထိုးခဲ့သည်။

ထို့နောက်သူမသည်အသက် ၃၂ ​​နှစ်အရွယ် အမျိုးသမီးတစ်ဦး၏ဝမ်းဗိုက်ကိုလည်း ဓားဖြင့်ထိုးခဲ့ပြန်သည်။
ဓားထိုးခံရသူအမျိုးသမီးသည် Bellevue ဆေးရုံ၌သေဆုံးသွားခဲ့ပြီး အမျိုးသားမှာအသက်အန္တရာယ်မစိုးရိမ်ရဟုသိရသည်။