ဒုတိယသမ္မတ ဦးညိုစော ရုရှားသမ္မတ၏အကြံပေးနှင့် ဖိုရမ်ကျင်းပရေးကော်မတီ အမှုဆောင်အတွင်းရေးမှူး H.E. Mr. Anton Kobyakov နှင့် ရော့စ်ကွန်ဂရက်စ် ငွေကြေးရန်ပုံငွေအဖွဲ့ ညွှန်ကြားရေးမှူး Mr. Alexander Sergeevich Shatirov ဦးဆောင်သော ကိုယ်စားလှယ်အဖွဲ့အား သီးခြားစီလက်ခံတွေ့ဆုံ
 
ဇွန် ၃၊ ၂၀၂၆
 
(၂၉) ကြိမ်မြောက် နိုင်ငံတကာစီးပွားရေးဖိုရမ် (29th St. Petersburg International Economic Forum- SPIEF 2026) သို့တက်ရောက်ရန် ရုရှားဖက်ဒရေးရှင်းနိုင်ငံ စိန့်ပီတာစဘတ်မြို့၌ ရောက်ရှိနေသည့် ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဦးညိုစောသည် ရုရှားသမ္မတ၏အကြံပေးနှင့် ဖိုရမ်ကျင်းပရေးကော်မတီ အမှုဆောင်အတွင်းရေးမှူး H. E. Mr. Anton Kobyakov နှင့် ရော့စ်ကွန်ဂရက်စ် ငွေကြေးရန်ပုံငွေအဖွဲ့ (Fund RC-Investments) ညွှန်ကြားရေးမှူး Mr . Alexander Sergeevich Shatirov ဦးဆောင်သည့်ကိုယ်စားလှယ်အဖွဲ့တို့အား ယနေ့တွင် စိန့်ပီတာစဘတ်မြို့ရှိ EXPOFORUM Convention and Exhibition Centre ၌ သီးခြားစီလက်ခံတွေ့ဆုံသည်။
 
ရုရှားသမ္မတ၏အကြံပေးနှင့် ဖိုရမ်ကျင်းပရေးကော်မတီ အမှုဆောင်အတွင်းရေးမှူးနှင့်တွေ့ဆုံစဉ် မြန်မာ-ရုရှား နှစ်နိုင်ငံအကြား ပူးပေါင်းဆောင်ရွက်လျက်ရှိသည့် အခြေအနေများ၊ ကုန်သွယ်မှုနှင့် ရင်းနှီးမြှုပ်နှံမှုကဏ္ဍတို့အပါအဝင် ကဏ္ဍစုံကျယ်ပြန့်စွာ ပိုမိုတိုးမြှင့် ပူးပေါင်းဆောင်ရွက်နိုင်ရေးကိစ္စရပ်များနှင့်စပ်လျဉ်း၍လည်းကောင်း။
 
ရော့စ်ကွန်ဂရက်စ် ငွေကြေးရန်ပုံငွေအဖွဲ့ (Fund RC-Investments) ညွှန်ကြားရေးမှူးနှင့်တွေ့ဆုံစဉ် မြန်မာနိုင်ငံသက်ဆိုင်ရာဝန်ကြီးဌာန/အဖွဲ့အစည်းများနှင့် ရော့စ်ကွန်ဂရက်စ် ရင်းနှီးမြှုပ်နှံမှုရန်ပုံငွေ အဖွဲ့အကြား စိုက်ပျိုးရေးကဏ္ဍ၊ သတ္တုကဏ္ဍ၊ ကုန်သွယ်ရေးကဏ္ဍနှင့် လျှပ်စစ်ကဏ္ဍတို့၌ အကောင်အထည်ဖော် ပူးပေါင်းဆောင်ရွက်လျက်ရှိသည့် လုပ်ငန်းစဉ်များအလိုက် ဖြစ်ပေါ်တိုးတက်မှုအခြေအနေများနှင့် ဆက်လက်တိုးမြှင့်ပူးပေါင်းဆောင်ရွက်သွားမည့် အခြေအနေများနှင့်စပ်လျဉ်း၍လည်းကောင်း ရင်းနှီးပွင့်လင်းစွာ အမြင်ချင်းဖလှယ်ဆွေးနွေးကြသည်။
 
တွေ့ဆုံပွဲသို့ ဒုတိယသမ္မတနှင့်အတူ အဖွဲ့ဝင်အဖြစ်လိုက်ပါလာသည့် ပြည်ထောင်စုဝန်ကြီးများနှင့် ဒုတိယဝန်ကြီး၊ ရုရှားဖက်ဒရေးရှင်းနိုင်ငံဆိုင်ရာ မြန်မာနိုင်ငံသံအမတ်ကြီး ဦးမျိုးမိုးအောင်၊ စိန့်ပီတာ စဘတ်မြို့ မြန်မာကောင်စစ်ဝန်ချုပ်နှင့်တာဝန်ရှိသူများ တက်ရောက်ကြပြီး ရုရှားသမ္မတ၏အကြံပေးနှင့် ဖိုရမ်ကျင်းပရေးကော်မတီ အမှုဆောင်အတွင်းရေးမှူး၊ ရော့စ်ကွန်ဂရက်စ် ငွေကြေးရန်ပုံငွေအဖွဲ့ ညွှန်ကြားရေးမှူးတို့နှင့်အတူ တာဝန်ရှိသူများတက်ရောက်ကြကြောင်း သတင်းရရှိသည်။

အထူးကုဆေးရုံ (မင်္ဂလာဒုံ) တွင် သွားနှင့်ခံတွင်းရောဂါအထူးကုဌာန ဖွင့်လှစ်
 
ဇွန် ၃၊ ၂၀၂၆
 
ရန်ကုန်တိုင်းဒေသကြီး အထူးကုဆေးရုံ (မင်္ဂလာဒုံ) တွင် သွားနှင့်ခံတွင်းရောဂါအထူးကုဌာန ဖွင့်ပွဲအခမ်းအနားကို ယနေ့မွန်းလွဲပိုင်းတွင်ကျင်းပရာ ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာ သက်ခိုင်ဝင်း၊ ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူ၊ တိုင်းဒေသကြီးဝန်ကြီး များ၊ တပ်မတော်အရာရှိကြီးများ၊ ကျန်းမာရေးဝန်ကြီးဌာနမှ တာဝန်ရှိသူများ၊ ရန်ကုန်တိုင်းဒေသကြီး ကုသရေးဦးစီးဌာနမှူး၊ ကျန်းမာရေးဝန်ထမ်းများနှင့် အခြားဖိတ်ကြားထားသော ဧည့်သည်တော်များ တက်ရောက်ကြသည်။
 
ဖဲကြိုးဖြတ်၍ဖွင့်လှစ်
 
ဦးစွာ ပြည်ထောင်စုဝန်ကြီး၊ တိုင်းဒေသကြီးဝန်ကြီးချုပ်နှင့် လူမှုရေးဝန်ကြီးတို့က သွားနှင့်ခံတွင်း ရောဂါအထူးကုဌာနကို ဖဲကြိုးဖြတ်၍ ဖွင့်လှစ်ပေးပြီး သံဃာတော်အပါး ၅၀ အား အံကပ်တပ်ဆင် ပေးနေမှု၊ သွားနှင့်ခံတွင်းရောဂါအထူး ကုသခန်းများ၊ သွားနှင့်ခံတွင်း အထူးဓာတ်မှန်ခန်းတို့ကို လှည့်လည်ကြည့်ရှုကာ လိုအပ်သည်များကို မှာကြားဖြည့်ဆည်းပေးသည်။
 
ကျန်းမာရေးဝန်ကြီးဌာနသည် အရည်အသွေးပြည့်ဝသော သွားနှင့်ခံတွင်း ကျန်းမာရေးစောင့်ရှောက်မှုကို ပြည်သူများလက်လှမ်းမီ ရရှိနိုင်ရေးအတွက် သွားနှင့်ခံတွင်းအထူးကုဆေးရုံကို နေပြည်တော်၌လည်းကောင်း၊ သွားနှင့်ခံတွင်းရောဂါအထူးကုဌာနများကို မန္တလေးပြည်သူ့ဆေးရုံကြီး ကန်တော်နဒီ ကုသဆောင်တွင်လည်းကောင်း၊ ရန်ကုန်တွင်အထူးကုဆေးရုံ (သာကေတ) နှင့် ရန်ကုန်တက္ကသိုလ် ဆေးရုံတို့တွင်လည်းကောင်း ယခုအထူးကုဆေးရုံ (မင်္ဂလာဒုံ) တွင်လည်းကောင်း တိုးချဲ့ဖွင့်လှစ်ခြင်းဖြစ်ပြီး ပြည်သူများအနေဖြင့် သွားနုတ်ခြင်း၊ သွားဖာခြင်း၊ သွားစိုက်ခြင်း၊ သွားကျောက်ခြစ်ခြင်း၊ အံကပ်တပ်ဆင်ခြင်း အစရှိသည့်ကုသမှုများကို လာရောက်ကုသမှုခံယူနိုင်ကြောင်း သတင်းရရှိသည်။

တောင်သမန်အင်းအတွင်းမှာ ရေချိုးမယ်ဆိုရင် အရေပြားဆရာဝန်ကိုပါ တစ်ခါတည်းဆက်သွယ်ထားရမည်ဟုအမရပူရမဲဆန္ဒနယ်မှ လွှတ်တော်ကိုယ်စားလှယ်ပြော

NOM ဇွန် ၄၊ ၂၀၂၆

တောင်သမန်အင်းအတွင်းမှာ ရေချိုးမယ်ဆိုရင် အရေပြားဆရာဝန်ကိုပါ တစ်ခါတည်းဆက်သွယ်ထားရမယ်ဟု လက်ရှိ‎သမိုင်းဝင်တောင်သမန်အင်း၏ ရေအရည်အသွေးဆိုးရွားစွာ ညစ်ညမ်းနေမှုနှင့် ပတ်သက်၍ ဇွန်လ ၂ ရက်က ကျင်းပခဲ့သည့် တတိယအကြိမ်ပြည်သူ့လွှတ်တော် ဒုတိယပုံမှန်အစည်းအဝေးတွင် အမရပူရမဲဆန္ဒနယ်မှ လွှတ်တော်ကိုယ်စားလှယ်ဦးသိန်းထွန်းဦးက မေးမြန်းခဲ့သည်။

အမရပူရမဲဆန္ဒနယ်မှ လွှတ်တော်ကိုယ်စားလှယ် ဦးသိန်းထွန်းဦးက လက်ရှိ တောင်သမန်အင်းအတွင်းဗေဒါပင်များဖြင့် အရည်အသွေးဆိုးရွားစွာ ညစ်ညမ်းနေသည့်အတွက် တောင်သမန်အင်းအတွင်းမှာ ရေချိုးမယ်ဆိုရင် အရေပြားဆရာဝန်ကိုပါ တစ်ခါတည်းဆက်သွယ်ထားရမည် ဖြစ်နေသည့်အတွက် စနစ်တကျရှင်းလင်းရေး၊ အင်းရေပြင် သန့်ရှင်းသာယာရေးနှင့်စိုက်ပျိုးမြေများ ပြန်လည်ပေါ်ထွန်းလာရေးတို့အတွက် မေးမြန်းခဲ့ပြီး၊ လက်ရှိ အင်းရေပြင်ညစ်ညမ်းမှုအခြေအနေနှင့်ပတ်သက်၍ အခြေအနေဆိုးရွားမှုများကို ထောက်ပြမေးမြန်ခဲ့သည်။

‎ယင်အခြေနေနှင့်ပတ်သက်၍ မွေးမြူရေးနှင့် ဆည်မြောင်း
ဝန်ကြီးဌာန ဒုတိယဝန်ကြီးဦးဗိုလ်ဗိုလ်ကျော်က "ဗေဒါပင်များကိုထိရောက်စွာ ရှင်းလင်းနိုင်ရန်အတွက် လက်ရှိတွင် တောင်သမန်အင်း၏ ရေမျက်နှာပြင် Level ကို အရင်လျှော့ချရမည်ဖြစ်ကြောင်း၊ ရေကျသွားပါက ဘက်ဟိုး (Backhoe) အစရှိသည့်စက်ယန္တရားကြီးများသုံးစွဲ၍ ဆယ်ယူရှင်းလင်းမှသာ ပိုမိုထိရောက်မည်ဖြစ်ကြောင်း၊ တောင်သမန်အင်းအတွင်း ဘက်ဟိုးယာဉ်များဖြင့် ဗေဒါဆယ်ယူသည့်လုပ်ငန်းများကို ပြီးခဲ့သည့် မတ်လ ၂၀ ရက်အထိအင်တိုက်အားတိုက် ဆောင်ရွက်ခဲ့သော်လည်း၊ ယင်းနောက်ပိုင်းတွင်စက်သုံးဆီအခက်အခဲ (ပြတ်လပ်မှု) ကြောင့် စက်ယန္တရားများဖြင့် ရှင်းလင်းသည့်လုပ်ငန်းစဉ်တစ်ခုလုံးကို ယာယီရပ်နားထားရပါတယ်"ဟု လွှတ်တော်တွင် ဖြေကြားသွားခဲ့သည်။

NOM

ပြည်ထောင်စုသမ္မတမြန်မာနိုင်ငံတော်သမ္မတ ဦးမင်းအောင်လှိုင် နှင့် DD India သတင်းဌာန အင်တာဗျူး။(မြန်မာဘာသာပြန်- အပိုင်း ၁)

ပြည်ထောင်စုသမ္မတမြန်မာနိုင်ငံတော်သမ္မတ ဦးမင်းအောင်လှိုင် နှင့် DD India သတင်းဌာန အင်တာဗျူး။ (မြန်မာဘာသာပြန်- အပိုင်း ၂)

ပြည်ထောင်စုသမ္မတမြန်မာနိုင်ငံတော်သမ္မတ ဦးမင်းအောင်လှိုင် နှင့် DD India သတင်းဌာန အင်တာဗျူး။ (မြန်မာဘာသာပြန်- အပိုင်း ၃)

ပြည်ထောင်စုသမ္မတမြန်မာနိုင်ငံတော်သမ္မတ ဦးမင်းအောင်လှိုင် နှင့် DD India သတင်းဌာန အင်တာဗျူး(မြန်မာဘာသာပြန်- အပိုင်း ၄)

ပြည်ထောင်စုသမ္မတမြန်မာနိုင်ငံတော်သမ္မတ ဦးမင်းအောင်လှိုင် နှင့် DD India သတင်းဌာန အင်တာဗျူး(မြန်မာဘာသာပြန်- အပိုင်း ၅)

လွန်ခဲ့တဲ့ နှစ်ပတ်ခန့်က အစ္စရေးစစ်တပ်ရဲ့ မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် ရာဖီ မီလို လက်ဘနွန်တောင်ပိုင်းကို သွားရောက်စဉ်အတွင်း သူစီးနင်းလာတဲ့ မော်တော်ယာဉ်ကို ဟစ်ဇဘိုလာအဖွဲ့က FPV ဒရုန်းတစ်စင်းဖြင့် တိုက်ခိုက်ခဲ့ရာ တိုက်ရိုက်ထိမှန်ခဲ့ပါတယ်။

အဆိုပါ ဗိုလ်ချုပ်ဟာ ဒရုန်းမထိမှန်ခင် မိနစ်ပိုင်းအလိုမှာပဲ မော်တော်ယာဉ်ပေါ်ကနေ ဆင်းသွားခဲ့တာကြောင့် ဘေးအန္တရာယ်ကနေ သီသီလေး လွတ်မြောက်ခဲ့ပါတယ်။ ဒါပေမဲ့လည်း ဒီဖြစ်စဉ်ကြောင့် အစ္စရေးစစ်တပ်ရဲ့ စစ်ဘက်ဆိုင်ရာ အထက်တန်းအရာရှိကြီးတွေကြားထဲမှာ စိုးရိမ်ပူပန်မှုတွေ အပြင်းအထန် မြင့်တက်လာခဲ့ပါတယ်။

NOM

လက်ဘနွန် နှင့် အစ္စရေးနိုင်ငံတို့အကြား အမေရိကန်က ကြားဝင်စေ့စပ်ပေးထားသည့် ငြိမ်းချမ်းရေးသဘောတူညီချက်ကို မိမိတို့ လက်မခံ ပယ်ချကြောင်း ဟစ်ဇ်ဘိုလာအဖွဲ့က လက်ဘနွန်အစိုးရထံ အကြောင်းကြားထားသည်ဟု AFP သတင်းဌာနက ဖော်ပြသည်။

NOM

မြဝတီ အမှတ် (၂) တံတားမှတစ်ဆင့် တင်သွင်းရန် ထိုင်းဘတ်ငွေ ၆၂၀ သန်းကျော် တန်ဖိုးရှိ သွင်းကုန်လိုင်စင်များကို ခွင့်ပြုပေးခဲ့

NOM ဇွန် ၄၊ ၂၀၂၆

ကုန်သွယ်မှုပြန်လည်ပြုလုပ်ရန်မေလ ၂၈ ရက်က ပြန်လည်ခွင့်ပြုလိုက်သည့် မြဝတီ အမှတ် (၂) တံတားမှတစ်ဆင့် တင်သွင်းရန် ထိုင်းဘတ်ငွေ ၆၂၀ သန်းကျော် တန်ဖိုးရှိ သွင်းကုန်လိုင်စင်များကို ခွင့်ပြုပေးခဲ့ပြီးဟု စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှထုတ်ပြန်ချက်အရသိရသည်။

အဆိုပါ တင်သွင်းခွင့်ပြုထားသည့် ကုန်စည်းများတွင် လူသုံးကုန်ပစ္စည်းများ၊ စက်မှုကုန်ကြမ်းများနှင့် အခြေခံစားသောက်ကုန်များ ပါဝင် သည်ဟု ထုတ်ပြန်ချက်တွင်ဖော်ပြထားသည်။

ပြန်လည်ဖွင့်လှစ်လိုက်သည့် မြဝတီ အမှတ် ၂ ချစ်ကြည်ရေးတံတားမှတဆင့် မြန်မာနိုင်ငံဘက်မှ မွေးမြူရေးပြောင်း (တိရစ္ဆာန်စာပြောင်း) နှင့် ကြက်သွန်နီတို့ကို ထိုင်းနိုင်ငံဘက်သို့ တင်ပိုလျက်ရှိသည်ဟု ထုတ်ပြန်ချက်အရသိရှိရသည်။

မြဝတီ အမှတ် (၂) ချစ်ကြည်ရေးတံတား ကုန်သွယ်ရေးဂိတ်ကို ၂၀၂၅ ခုနှစ်၊ ဩဂုတ်လ ၁၈ ရက်နေ့မှ စတင်၍ ယာယီပိတ်ထားခဲ့ရာမှ ယခုအခါ ကုန်စည်ပို့ဆောင် မှုများအတွက် ပြန်လည်ဖွင့်လှစ်ပေးခဲ့ခြင်းဖြစ်သည်။

NOM

ချင်းပြည်နယ် တရားလွှတ်တော် တရားသူကြီး ခန့်အပ်တာဝန်ပေးခြင်း

ဒုတိယဝန်ကြီး ဦးအေးထွန်း ငလျင်ကြောင့် ထိခိုက်ပျက်စီးခဲ့သည့် အရိပ်မထွက်ဘုရားနှင့် ဘုရားနီဘုရား ပြန်လည်ပြုပြင်ထိန်းသိမ်းနေမှု ကွင်းဆင်းကြည့်ရှု
 
ဇွန် ၃၊ ၂၀၂၆
 
ကိုယ့်အားကိုယ်ကိုး အေးသာယာကွန်ကရစ်လမ်းဖွင့်ပွဲကို ယနေ့နံနက်ပိုင်းတွင် ကျောက်မဲမြို့ အမှတ် (၇) ရပ်ကွက်ရှိ အဆိုပါလမ်း၌ကျင်းပရာ ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာန ဒုတိယဝန်ကြီး ဦးအေးထွန်း၊ ပြည်နယ်လွှတ်တော်ကိုယ်စားလှယ်များ၊ ရပ်မိရပ်ဖများ၊ ရှမ်းစာပေယဉ်ကျေးမှုအဖွဲ့များ တက်ရောက်ကြသည်။
 
အခမ်းအနားတွင် ဒုတိယဝန်ကြီးက အဖွင့်အမှာစကားပြောကြား၍ လမ်းအလှူရှင်များအား ဂုဏ်ပြုမှတ်တမ်းလွှာများပေးအပ်ပြီး ငလျင်ကြောင့် ထိခိုက်ပျက်စီးခဲ့သည့် အရိပ်မထွက်ဘုရားနှင့် ဘုရားနီဘုရား ပြန်လည်ပြုပြင်ထိန်းသိမ်းနေမှု အခြေအနေကို ကွင်းဆင်းကြည့်ရှုစစ်ဆေးသည်။
 
ကြည့်ရှုစဉ် ဒုတိယဝန်ကြီးက ငလျင်အပါအဝင် သဘာဝဘေးအန္တရာယ်များပါ ကာကွယ်နိုင်ရန် ထည့်သွင်းစဉ်းစားတွက်ချက်၍ ဆောက်လုပ်ရေးဝန်ကြီးဌာနနှင့် သာသနာရေးနှင့်ယဉ်ကျေးမှုဝန်ကြီးဌာနတို့ ရေးဆွဲထားသည့် ရှေးဟောင်းအဆောက်အအုံများ၊ ဘုရား၊ စေတီများနှင့် သာသနိကအဆောက်အအုံများ ပြန်လည်ပြုပြင်ရာတွင် လိုက်နာဆောင်ရွက်ရ မည့် လုပ်ထုံးလုပ်နည်းများနှင့်အညီ ပြုပြင်သွားရန် မှာကြားခဲ့ကြောင်း သတင်းရရှိသည်။