အမေရိကန်သမ္မတဟောင်းအိုဘားမားကသူ့လက်ထက်တွင်အီရန်ကိုဒုံးကျည်တစ်စင်းမှမပစ်ခတ်ပဲနျူကလီးယားအရေးဆွေးနွေးနိုင်ခဲ့ဟုပြော
NOM
အမေရိကန်သမ္မတဟောင်း ဘာရက် အိုဘားမားက CBS သတင်းဌာနနှင့် အင်တာဗျူးတွင် အီရန်နျူကလီးယား သဘောတူညီချက်ကို “ဒုံးကျည်တစ်စင်းမှ မပစ်လွှတ်ဘဲ” အောင်မြင်ခဲ့သည်ဟု ပြောကြားခဲ့သည်။

“ကျွန်တော်တို့ဟာ အီရန်နိုင်ငံရဲ့ သန့်စင်ထားတဲ့ ယူရေနီယံရဲ့ ၉၇ ရာခိုင်နှုန်းကို ဖယ်ရှားခဲ့ပါတယ်။ ဒီသဘောတူညီချက် အလုပ်ဖြစ်ခဲ့တာကို သံသယမရှိပါဘူး။ လူအမြောက်အမြားကို သတ်ဖြတ်စရာ မလိုခဲ့သလို ဟော်မုဇ် ရေလက်ကြားကိုလည်း ပိတ်စရာ မလိုခဲ့ပါဘူး” ဟု အိုဘားမားက ရှင်းပြခဲ့သည်။

စစ်ပွဲ သို့မဟုတ် အခြေအနေပိုမိုဆိုးရွားစေခြင်းထက် သံတမန်ရေးအရ အီရန်နိုင်ငံသည် ၎င်း၏ အရပ်သား နျူကလီးယား အစီအစဉ်၏ သိသာထင်ရှားသော အစိတ်အပိုင်းကို ကန့်သတ်ရန် သဘောတူခဲ့သည်ဟု ၎င်းက ဆိုသည်။

အိုဘားမား၏ အဆိုအရ ယင်းက အီရန်သည် ပဋိပက္ခထက် ငြိမ်းချမ်းရေးကို ရှာဖွေကြောင်းနှင့် “နှစ်ဦးနှစ်ဖက်အနိုင်ရသည့်” ချဉ်းကပ်မှုအပေါ် အခြေခံသော သံတမန်ရေးသည် ဖြစ်နိုင်ချေရှိကြောင်း သက်သေပြခဲ့သည်။

အိမ်ဖြူတော်၏ထုတ်ပြန်ချက်ကိုတရုတ်ကမှတ်ချက်မပေး
NOM
အိမ်ဖြူတော်၏ ထုတ်ပြန်ချက်အရ အမေရိကန်သမ္မတ ထရမ့်နှင့် တရုတ်သမ္မတ ရှီတို့က အီရန်တွင်နျူကလီးယားလက်နက်ရှိခြင်းသည် လက်ခံနိုင်ဖွယ်မရှိကြောင်းနှင့် ဟော်မုဇ် ရေလက်ကြားသည် သင်္ဘောများသွားလာရန် ပွင့်လင်းပြီး လွတ်လပ်စွာ ရှိနေသင့်ကြောင်း သဘောတူညီခဲ့ကြသည်။

တရုတ်ဘက်မှ ဤထုတ်ပြန်ချက်အပေါ် မှတ်ချက်မပေးခဲ့ပေ။

အစ္စရေးဝန်ကြီးချုပ်က နယူးယောက်တိုင်းမ် သတင်းစာကိုတရားစွဲရန်စဥ်းစားနေ

နေတန်ယာဟုသည် နယူးယောက်တိုင်းမ်စ် သတင်းစာအား "အစ္စရေးစစ်သားများကို အသရေဖျက်သည်ဟု" တရားစွဲရန် စဉ်းစားနေသည်ဟု သိရသည်။ အဆိုပါ စစ်သားများသည် ပါလက်စတိုင်း အကျဉ်းသားများကို ညှင်းပန်းနှိပ်စက်မှုရှိကြောင်း သတင်းဌာနများနှင့် လူသားချင်းစာနာထောက်ထားရေး အဖွဲ့အစည်းများစွာက အကျယ်တဝင့် မှတ်တမ်းတင်ထားပြီးဖြစ်သည်။

NOM

ဟစ်ဇဘိုလာအဖွဲ့က Houla မြို့အနီးရှိ အစ္စရေးစစ်စခန်းတစ်ခုကို FPV ဒရုန်းအမြောက်အမြား အသုံးပြုပြီး လုပ်ဆောင်ခဲ့တဲ့ အကြီးမားဆုံး ပူးပေါင်းတိုက်ခိုက်မှု ရုပ်သံမှတ်တမ်းကို ထုတ်ပြန်လိုက်ပါတယ်။

အဆိုပါ FPV ဒရုန်းတွေဟာ ကားအတွင်းရှိနေတဲ့ အစ္စရေးတစ်ဦးကို လုပ်ကြံသတ်ဖြတ်နိုင်ခဲ့သလို၊ စစ်သုံးယာဉ်တစ်စီးနဲ့ တင့်ကားတစ်စီးကိုလည်း ထိမှန်ဖျက်ဆီးနိုင်ခဲ့ပါတယ်။

NOM

ဖွံ့ဖြိုးဆဲနိုင်ငံ (တတိယကမ္ဘာ) ကနေ တရုတ်နိုင်ငံကို ရောက်ရှိလာတဲ့ အမေရိကန်နိုင်ငံခြားရေးဝန်ကြီး မာကိုရူဘီယို Marco Rubio ဟာ တရုတ်နိုင်ငံမှာ အစည်းအဝေးကျင်းပမယ့် အခန်းရဲ့ မျက်နှာကြက် ဒီဇိုင်းတွေနဲ့ မီးအလင်းအမှောင် စနစ်တွေအပေါ် အထင်ကြီး အံ့အားသင့်နေပါတယ်။

NOM

သဲကုန်းမြို့နယ်၊ ကြို့ပင်သာကြီးကျေးရွာနေ အပြစ်မဲ့အရပ်သားပြည်သူတစ်ဦးကို PDF အကြမ်းဖက်အဖွဲ့က ဒလန်ဟု စွပ်စွဲသတ်ဖြတ်

မေ ၁၅၊ ၂၀၂၆

ပဲခူးတိုင်းဒေသကြီး၊ သဲကုန်းမြို့နယ်၊ ကြို့ပင်သာကြီးကျေးရွာနေ ဦးတင်မျိုးနိုင် (ခ) ကျောက်ခဲ (၄၃) နှစ်သည် ၎င်း၏နေအိမ်တွင်ရှိနေစဉ် PDF အကြမ်းဖက်သမားခုနစ်ဦးခန့် ရောက်ရှိလာပြီး "ဒလန်" ဟု စွပ်စွဲပြောဆို၍ သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ၎င်းတွင်ကျည်ထိမှန်ဒဏ်ရာများ ရရှိကာ သေဆုံးသွားခဲ့ကြောင်းသိရသည်။

NOM

ယူကရိန်းဒရုန်းများ လက်တဗီယားနိုင်ငံအတွင်း ပျက်ကျပြီးနောက် ဝန်ကြီးချုပ် အီဗီကာ ဆီလီညာ နုတ်ထွက်ကာ အစိုးရအဖွဲ့ကို ဖျက်သိမ်းလိုက်ပြီဖြစ်

သူမက ယခင်က ပြောကြားရာတွင် ဒရုန်းများကို မည်သူက လွှတ်တင်ခဲ့သည်ဖြစ်စေ အရေးမကြီးကြောင်းအဘယ်ကြောင့်ဆိုသော် "အပြစ်မှာ ရုရှားတွင်သာ ရှိသောကြောင့်ဖြစ်သည်" ဟု ဆိုခဲ့ဖူးသည်။

၂၀၂၆ ခုနှစ် မေလအတွင်းက ယူကရိန်းဒရုန်း ၂ စင်းဟာ လက်တဗီယားလေပိုင်နက်ထဲကို ရောက်ရှိလာပြီး လောင်စာဆီသိုလှောင်ကန်တစ်ခုနားမှာ ပျက်ကျခဲ့ပါတယ်။ ယူကရိန်းဘက်ကတော့ ဒါဟာ ရုရှားရဲ့ အီလက်ထရောနစ်စစ်ဆင်ရေး (Electronic Warfare) ကြောင့် လမ်းကြောင်းလွဲသွားတာလို့ ရှင်းလင်းထားပါတယ်။

ဒီဖြစ်စဉ်ကို ကိုင်တွယ်ပုံနဲ့ ပတ်သက်ပြီး ဝေဖန်မှုတွေရှိလာတဲ့အတွက် ဝန်ကြီးချုပ်က ကာကွယ်ရေးဝန်ကြီးကို ရာထူးက ထုတ်ပယ်ဖို့ ကြိုးစားခဲ့ပါတယ်။

ဒါကို မဟာမိတ်ပါတီဖြစ်တဲ့ Progressives ပါတီက သဘောမတူဘဲ အစိုးရအဖွဲ့အတွင်း သဘောထားကွဲလွဲမှုတွေ ဖြစ်ပေါ်လာတဲ့အတွက် အစိုးရအဖွဲ့ ပြိုကွဲပြီး နုတ်ထွက်လိုက်ရခြင်းဖြစ်ပါတယ်။

အစိုးရသစ် မဖွဲ့နိုင်သေးခင်အထိ လက်ရှိအစိုးရအဖွဲ့ကပဲ ကြားဖြတ်တာဝန်ယူဆောင်ရွက်နေမှာ ဖြစ်ပါတယ်။

NOM

ကြာအင်းဆိပ်ကြီးမြို့နယ်၊ သုံးတိုင်ကျေးရွာတွင် ဈေးဆိုင်ပိုင်ရှင်တစ်ဦးကို PDF အကြမ်းဖက်အဖွဲ့က သေနတ်ဖြင့်ပစ်ခတ်ခဲ့သဖြင့် ထိခိုက်ဒဏ်ရာရ

မေ ၁၅၊ ၂၀၂၆

ကရင်ပြည်နယ်၊ ကြာအင်းဆိပ်ကြီးမြို့နယ်၊ သုံးတိုင်ကျေးရွာနေ ဦးဝင်းဇော် (၆၇) နှစ်သည် မေလ ၁၃ ရက်နေ့ ည ၇ နာရီအချိန်၌ ၎င်း၏နေအိမ်နှင့် တွဲလျက်ဖွင့်ထားသည့် ဈေးဆိုင်တွင်ရှိနေစဉ် PDF အကြမ်းဖက်သမားနှစ်ဦးက ဆိုင်ကယ်တစ်စီးဖြင့် ရောက်ရှိလာပြီး သေနတ်ဖြင့် ပစ်ခတ်ထွက်ပြေး သွားခဲ့သဖြင့် ၎င်းတွင်ကျည်ထိမှန်ဒဏ်ရာများရရှိခဲ့၍ နယ်မြေခံတပ်မတော်ဆေးခန်း၌ ဆေးကုသ ပေးလျက်ရှိကြောင်းသိရသည်။

NOM

အမျိုးသမီးငယ် အမြောက်အမြားကို ဖျားယောင်းသွေးဆောင်ပြီး လိင်ပိုင်းဆိုင်ရာ အမြတ်ထုတ်တဲ့ ကွန်ရက်တစ်ခုကို တည်ထောင်ခဲ့မှုနဲ့ ဖမ်းဆီးခံခဲ့ရတဲ့ လိင်ရာဇဝတ်ကောင် ဂျက်ဖရီအက်ပ်စတိန်းဟာ ပြစ်မှုများကျူးလွန်ခဲ့သည့် နာမည်ဆိုးဖြင့်ကျော်ကြားခဲ့သည့် သူပိုင် Little Saint James ကျွန်းဆီကို ဘာလို့ အီလွန်မတ်စ် (Musk) ကို မဖိတ် ကြားခဲ့တာလဲဆိုတာ ဒီဗီဒီယိုကြည့်ရင် သိလောက်ပြီပေါ့။ 😜

NOM

ယူကေ ကျန်းမာရေးဝန်ကြီး ရာထူးမှ နုတ်ထွက် — 'ဝန်ကြီးချုပ် စတာမာရဲ့ ဦးဆောင်မှုအပေါ် ယုံကြည်မှု ကုန်ဆုံးသွားပြီဖြစ်ကြောင်း' ပြောကြား

ကျန်းမာရေးဝန်ကြီး ဝက်စ် စထရိတင်းက 'စတာမာရဲ့ လက်အောက်မှာ ဆက်လက် တာဝန်ထမ်းဆောင်နေဖို့ဆိုတာ ဂုဏ်သိက္ခာမဲ့တဲ့ လုပ်ရပ်ဖြစ်လိမ့်မယ်' ဟု ကြေညာလိုက်သည်။

ဝန်ကြီးချုပ်တစ်ယောက်မှာ ရှိရမယ့် လမ်းပြမြေပုံ သို့မဟုတ် အမျှော်အမြင် ရှိမနေဘဲ ဘာမှမရှိတဲ့ လစ်ဟာမှုကြီး ဖြစ်နေတယ်။

ခင်ဗျားအနေနဲ့ နောက်လာမယ့် အထွေထွေရွေးကောက်ပွဲမှာ လေဘာပါတီ ကို ဦးဆောင်နိုင်တော့မှာမဟုတ်ဘူးဆိုတာ အခုတော့ ရှင်းရှင်းလင်းလင်း သိသာသွားပါပြီ။

NOM