အစိုးရ၏ အုပ်ချုပ်ရေးယန္တရားများ ပြန်လည်ဖွင့်လှစ်နိုင်ရေးအတွက် ဌာနဆိုင်ရာအဖွဲ့အစည်း များက ကူညီထောက်ပံ့ရေးပစ္စည်းများနှင့်အတူ ဖလမ်းမြို့သို့ရောက်ရှိ

မေ ၆၊ ၂၀၂၆

ဒီဇယ်ဆီ၊ ဓာတ်မြေသြဇာ၊ သဘာဝဓာတ်ငွေ့ရည်
တင်သွင်းခြင်းများအတွက် အခွန်ကင်းလွတ်ခွင့်ကာလကို
မေ ၃၁ ရက်အထိထပ်မံတိုးမြှင့်

ပြည်ပမှတင်သွင်းနေရသည့် ဒီဇယ်ဆီ၊ ဓာတ်မြေသြဇာ၊ သဘာဝဓာတ်ငွေ့ရည်တင်သွင်းခြင်းများအတွက် အခွန်ကင်းလွတ်ခွင့်ကာလကို မေ ၃၁ ရက်အထိထပ်မံတိုးမြှင့်ပေးခဲ့ကြောင်း ဘဏ္ဍာရေးနှင့်အခွန်ဝန်ကြီးဌာနက ယမန်နေ့ မေ ၆ ရက်ကထုတ်ပြန်ခဲ့သည်။

မြောက်ဥက္ကလာတွင်နေ့ခင်းကြောင်တောင်ဓားပြတိုက်သူများဖမ်းမိ

NOM မေ ၇၊ ၂၀၂၆

ရန်ကုန်တိုင်းဒေသကြီး၊ မြောက်ဥက္ကလာပမြို့နယ်၊ (၁) ရပ်ကွက်၊ သုဇိတာ (၇) လမ်းအမှတ် (၈၄၇) နေအိမ်သို့ ယနေ့မေလ ၇ ရက်နေ့လယ် ၁:၄၅ နာရီက သေနတ်ကိုင်ဆောင် ဓားပြတိုက်သူသုံးဦးကို ရပ်ကွက်နေပြည်သူများနှင့် လှည့်ကင်းရဲအဖွဲ့က ပူးပေါင်းဖမ်းမိခဲ့ကြောင်းသိရသည်။

သေနတ်များဖြင့် ဓားပြတိုက်နေစဉ် အိမ်ရှင်မိသားစုမှ အော်ဟစ်အကူအညီတောင်းသဖြင့် လမ်းအတွင်းရှိပြည်သူများက ဝိုင်းဝန်းဖမ်းဆီးရာကျော်ဇင်ဟိန်း (၂၁ နှစ်) စွန်နသီကျေးရွာ၊ ညောင်တုန်းမြို့နေသူအားဂလော့-၁၉ အမျိုးအစားပစ္စတိုတစ်လက်၊ ကျည် ၂၁ တောင့်ဖြင့် ဖမ်းမိခဲ့သည်။

ထိုအချိန်တွင် ရပ်ကွင်းအတွင်းလှည့်ကင်းလှည့်နေသော ရဲတပ်ဖွဲ့ကထွက်ပြေးသွားသော ဓားပြနှစ်ဦးကိုရပ်ကွက်နေပြည်သူများနှင့် အတူလိုက်လံဖမ်းဆီးရာ နေ့လယ် ၂:၂၀ နာရီအချိန်တွင် သုဓမ္မာလမ်းမကြီးအုပ်ပုံဆိပ်အနီး၌ ဝေဇင်ထွန်း (၂၈ နှစ်) ပေါင်းစုကျေးရွာ၊ ပွင့်ဖြူမြို့နေသူကို ဆစ်ဆာဝါ ၃၂၀ ပစ္စတိုတစ်လက်၊ ကျည် ၆ တောင့်နှင့် ဖမ်းမိပြီး နေ့လယ်၂:၂၅ နာရီအချိန်၌ စွမ်းထက်အောင် (၂၈ နှစ်) ရွာကြီးကျေးရွာ၊ နွားထိုးကြီးမြို့နေသူကို ထပ်မံဖမ်းမိခဲ့သည်။

ဖမ်းဆီးတရားခံများကိုစစ်ဆေးရာမှ ဝေဇင်ထွန်းသည်ယခင်ကပြစ်မှုကျူးလွန်ရာတွင် အသုံးပြုခဲ့သောပစ္စတိုတစ်လက်၊ ကျည် ၅ တောင့်နှင့်လက်ထိပ်နှစ်စုံကိုမှော်ဘီမြို့နယ်၊အမှတ် (၁) ကွက်သစ်၊ ဖူးကြီးကားလမ်းဘေးရှိ ဝါဂွမ်းစက်ရုံဟောင်းအတွင်းမှထပ်မံသိမ်းဆည်းရမိကြောင်းသိရသည်။

NOM