အီရန်အသင်းကိုဗီဇာမပေးကအမေရိကန်အိမ်ရှင်အဖြစ်ကျင်းပခွင့်ဆုံးရှုံးမည်

ကမ္ဘာ့ဘောလုံးအဖွဲ့ချုပ် FIFA ၏ ဥပဒေများအနက်တစ်ခုမှာအိမ်ရှင်နိုင်ငံများသည် လာရောက်ယှဉ်ပြိုင်မည့် နိုင်ငံများကို ခွဲခြားမှုမရှိသော ပြည်ဝင်ခွင့်ဗီဇာပေးရမည်။ အိမ်ရှင်နိုင်ငံကဤဥပဒေအရပူးပေါင်းဆောင်ရွက်ခြင်းမရှိပါက အိမ်ရှင်အဖြစ်ကျင်းပခွင့်ကို အခြားနိုင်ငံအားပြောင်းလဲပေးအပ်မည်ဟုပါရှိသည်။ လာမည့်ကမ္ဘာ့ဖလားဘောလုံးပြိုင်ပွဲတွင် အမေရိကန်သည် အီရန်အသင်းကိုဗီဇာမပေးပါက အမေရိကန်အနေဖြင့် အိမ်ရှင်ကျင်းပခွင့်ကို အခြားနိုင်ငံအားလွှဲပြောင်းပေးရဖွယ်ရှိနေသည်။

NOM

မန္တလေးငလျင်ဒဏ်ကြောင့် ယာယီစခန်းများတွင် နေထိုင်သော နိုင်ငံ့ဝန်ထမ်းများကို မိုးမကျမီပြောင်းရွှေ့နိုင်ရန်ဆောင်ရွက်မည်

မေ ၆၊ ၂၀၂၆

မန္တလေးငလျင်ဒဏ်ကြောင့် ဇမ္ဗူသီရိမြို့နယ်အတွင်းရှိ အနီရောင်အဆင့် ပျက်စီးသွားသော နိုင်ငံပိုင်ဝန်ထမ်းအိမ်ရာများ ပြန်လည်ပြုပြင်ခြင်းလုပ်ငန်းများအမြန်ဆုံးဆောင်ရွက်ပြီး ဝန်ထမ်းများကို မိုးမကျမီပြောင်းရွှေ့နေထိုင်နိုင်ရန် ဆောင်ရွက်သွားမည်ဟု နေပြည်တော် စည်ပင်သာယာရေးကော်မတီ ဒုတိယမြို့တော်ဝန် ဦးဝင်းမိုးခိုင်က ယမန်နေ့မေ ၅ ရက်တွင် နိုင်ငံပိုင်ဝန်ထမ်းအိမ်ရာများ ပြန်လည် ပြုပြင်ခြင်းလုပ်ငန်းများကို တာဝန် ယူဆောင်ရွက်နေကြသည့် ကုမ္ပဏီများနှင့်တွေ့ဆုံရာတွင်ပြောကြားခဲ့သည်။

ဝန်ထမ်းအိမ်ရာများသည် ဝန်ထမ်းများ၏ စားဝတ်နေရေးတွင် နေရေးနှင့် တိုက်ရိုက်ဆက်နွှယ်နေသောကြောင့် တိကျမှန်ကန်မှု၊ အချိန်မီဆောင်ရွက်မှုနှင့် အရည်အသွေးပြည့်မီမှုတို့သည် မဖြစ်မနေလိုက်နာ ဆောင်ရွက်ရမည့် သတ်မှတ်ချက်များဖြစ်၍ အလေးထားဆောင်ရွက်ကြရန်လိုကြောင်းမှာကြားခဲ့သည်။

မန္တလေးငလျင်ဒဏ်ကြောင့် ယာယီစခန်းများတွင် နေထိုင်သော နိုင်ငံ့ဝန်ထမ်းများကို မိုးမကျမီပြောင်းရွှေ့နေထိုင်နိုင်ရန်အတွက် ရည်ရွယ်၍ ဆောင်ရွက်ကြစေလိုကြောင်း၊ ထိုသို့ဆောင်ရွက်ရာတွင် နိုင်ငံပိုင်ဝန်ထမ်းအိမ်ရာ အဆောက်အအုံများကို ရှစ်မဂ္ဂနီကျုအထိ ငလျင်ဒဏ်ခံနိုင်စေရေး သတ်မှတ်ထားသည့် ဒီဇိုင်းပုံစံများအတိုင်း စနစ်တကျပြုပြင်ဆောင်ရွက်ရန်လိုကြောင်းနှင့် QA/QC အဖွဲ့များကလည်း ပြန်လည်ပြုပြင်ခြင်းလုပ်ငန်းများတွင် အရည်အသွေးစစ်ဆေးမှုများကို စနစ်တကျကြပ်မတ်ဆောင်ရွက်ကြရန်လိုကြောင်းမှာကြားခဲ့သည်။

မန္တလေးငလျင်ဒဏ်ကြောင့် ပျက်ဆီးခဲ့သည့် ဇမ္ဗူသီရိမြို့နယ် ဗလသိဒ္ဓိရပ်ကွက် (အကွက်ကြီး - ၂) ရှိ တိုက်အမှတ် (၂၃၃၈)၊ (၂၃၄၆) နှင့် ဉာဏသိဒ္ဓိရပ်ကွက် (အကွက်ကြီး - ၃)ရှိ တိုက်အမှတ် (၃၃၆၂) တို့မှာ ငလျင်ဒဏ်ကြောင့် ထိခိုက်ပျက်စီးခဲ့သည့် အနီရောင် အဆင့် ဝန်ထမ်းအိမ်ရာများ ပြန်လည်ပြုပြင်နေကြောင်းသိရသည်။

NOM

၂၀၂၆ ခုနှစ်၊ ဧပြီလအတွင်း ရန်သူ့အလောင်း၊ လက်နက်ခဲယမ်း၊အလင်းဝင်စာရင်း။

ပခုက္ကူမြို့နယ်စက်သုံးဆီအရောင်းဆိုင်မီးလောင်မှုဖြစ်ပွား
NOM၊မေ၆၊၂၀၂၆
မကွေးတိုင်းဒေသကြီး၊ ပခုက္ကူမြို့နယ်၊ ချောက်ကန်ကျေးရွာအနီးတွင်ယနေ့မေ၆ရက်မွန်းလွဲ ၁နာရီ၄၀မိနစ်ခန့်ကစက်သုံးဆီအရောင်းဆိုင်မီးလောင်မှုဖြစ်ပွါးကြောင်းမီးသတ်တပ်ဖွဲ့မှသတင်းထုတ်ပြန်ထားသည်။

မီးလောင်မှုဖြစ်ပွားကြောင်းသတင်းရရှိသဖြင့် ပခုက္ကူခရိုင်
မြို့နယ်မီးသတ်စခန်းမှ မီးသတ်ယာဉ်များ၊ မီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ လူမှုကူညီရေးအသင်းများဖြင့် ငြှိမ်းသတ် ခဲ့ရာမွန်းလွဲ၂နာရီ၅မိနစ်တွင် မီးထိန်း
နိုင်ခဲ့ပြီး မီးကြွင်မီးကျန်များဆက်လက်ငြှိမ်းသက်လျက်ရှိ ကြောင်းသိရသည်။