ထိုင်ဝမ်အတိုက်အခံကူမင်တန်ပါတီခေါင်းဆောင်တရုတ်သို့သွားရောက်
NOM

ထိုင်ဝမ်၏ အဓိကအတိုက်အခံပါတီ ကူမင်တန်ခေါင်းဆောင်ချန်လီဝမ်သည် တရုတ်သမ္မတရှီကျင့်ဖျင်နှင့်တွေ့ဆုံရန် တရုတ်နိုင်ငံသို့ သွားရောက်ခဲ့သည်။

ချန်လီဝမ်က ဤခရီးစဉ်ကို 'ငြိမ်းချမ်းရေးအလည်အပတ်ခရီး' ဟုခေါ်ဆိုပြီး သူမ၏ပါတီသည် နိုင်ငံအတွင်းရှိ တရုတ်လိုလားသော ခံစားချက်နှင့် ရှည်လျားစွာ ဆက်စပ်နေသော်လည်း အတိုက်အခံခေါင်းဆောင်သည် ထိုင်ဝမ်၏ခွင့်ပြုချက်မပါဘဲ နိုင်ငံခြားအစိုးရများနှင့် ပူးပေါင်းကြံစည်ရန် ကြိုးစားသည် ဟုစွပ်စွဲခံနေရသည်။

ဥရောပတိုက်သား လေးပုံတစ်ပုံကလပေါ်သို့ လူရောက်ခြင်းကို မယုံကြည်

ဥရောပတိုက်သားလေးဦးလျှင်တစ်ဦးက ၁၉၆၉ ခုနှစ်တွင် အပိုလိုအာကာသယာဉ်ဖြင့် လပေါ်သို့လူရောက်ရှိခြင်းကို ယခုအထိမယုံကြည်ဘဲ အမေရိကန်၏ဝါဒဖြန့်သတင်းနှင့် ဓာတ်ပုံအတုများဟုသာလက်ခံထားသည်။

NOM

အမေရိကန်နိုင်ငံသား ထက်ဝက်ကျော်က လွှတ်တော်အနေနဲ့ ထရမ့်ကို အခုချက်ချင်း ရာထူးကနေ ဖယ်ရှားဖို့လိုလားနေကြပြီး ရီပတ်ဘလစ်ကန်ပါတီဝင် ၇ ဦးမှာ ၁ ဦးနှုန်းကလည်း ဒါကို ထောက်ခံနေကြတယ်လို့ နယူးစ်ဝစ်ခ် Newsweek က ဖော်ပြထားပါတယ်။

NOM

ရန်ကုန်-ပုသိမ် ကားလမ်းတွင် ဆီတန်းစီနေသည့်ကါးကိုအခြားကါးကဝင်တိုက်၊တစ်ဦးသေဆုံး၊ နှစ်ဦးဒဏ်ရာရ

NOM ဧပြီ ၉၊ ၂၀၂၆

ဧရာဝတီတိုင်းဒေသကြီး၊ ညောင်တုန်းမြို့နယ်၊ ရန်ကုန်-ပုသိမ် ကားလမ်းမပေါ်တွင် ဧပြီလ ၉ ရက်နေ့ နံနက် ၄ နာရီခန့်က ဆီတန်းစီရန် ရပ်ထားသည့် ယာဉ်ကို မောင်းနှင် လာသည့် ယာဉ်တစ်စီးက ဝင်တိုက်ခဲ့ရာ တစ်ဦးသေဆုံးပြီး နှစ်ဦးဒဏ်ရာရရှိခဲ့သည်ဟု မီးသတ်မှသတင်းထုတ်ပြန်ထားသည်။

ဖြစ်စဉ်မှာ ညောင်တုန်းမြို့နယ်၊ ဇီးဖြူကျွန်း ကျေးရွာအုပ်စု၊ ဇီးဖြူကျွန်း ကျေးရွာအနီး မိုင်တိုင်အမှတ် ၂၆/၃ နှင့်၂၆/၄ ကြား ရန်ကုန်-ပုသိမ်ကားလမ်းပေါ်တွင် ရန်ကုန်ဘက်မှမောင်းလာသည့် Nissan Diesel ယာဉ်ပေါ်မှ ယာဉ်မောင်းသည်အိပ်ငိုက်ပြီး ဆီတန်းစီရန်ရပ်ထားသည် Nissan Condor ယာဉ်ကို နောက်မှဝင်တိုက်ခဲ့ရာ ဆီတန်းစီရန် ရပ်ထားသည့် ယာဉ်ပေါ်မှ အမျိုးသားတစ်ဦး သေဆုံးခဲ့ပြီး မောင်းလာသည့်ယာဉ်ပေါ်မှ အမျိုးသားနှစ်ဦး ဒဏ်ရာရရှိခဲ့ကြောင်းသိရသည်။

အဆိုပါယာဉ်တိုက်မှုဖြစ်စဉ်ကြောင့် သေဆုံးသူ အမျိုးသားကို ဆားမလောက်ကျေးရွာ ကူညီကယ်ဆယ် ရေးအဖွဲ့မှ မော်တော်ယာဉ်ဖြင့် ညောင်တုန်းမြို့နယ် ပြည်သူ့ဆေးရုံကို ပို့ဆောင်ပေးခဲ့ပြီး ထိခိုက်ဒဏ်ရာရရှိသည့် အမျိုးသားနှစ်ဦး ကို လူငယ်ရိပ်မွန် လူမှုကယ်ဆယ်ရေးအသင်းမှ ယာဉ်ဖြင့်ဆားမလောက် တောင်သူလယ်သမားဆေးရုံသို့ ပို့ဆောင်ပေးခဲ့ကြောင်း သိရသည်။

NOM

အီရန်နိုင်ငံခြားရေးဝန်ကြီးက "အမေရိကန်အနေနဲ့ အပစ်အခတ်ရပ်စဲရေးကိုပဲဖြစ်ဖြစ်၊ သို့မဟုတ် အစ္စရေးကတစ်ဆင့် စစ်ပွဲကို ဆက်လက်ဆင်နွှဲဖို့ပဲဖြစ်ဖြစ် တစ်ခုခုကို ရွေးချယ်ရလိမ့်မယ်။ နှစ်ခုလုံးကိုတော့ တစ်ပြိုင်နက် ရယူလို့မရနိုင်ဘူး။" လို့ ၎င်းရဲ့ X လူမှုကွန်ရက်အကောင့်တွင်ရေးတင်ခဲ့သည်။

မြန်မာသက္ကရာဇ် ၁၃၈၇ ခုနှစ် တန်ခူးလဆုတ် (၁၂) ရက်နေ့မှ ကဆုန်လဆန်း (၁) ရက်နေ့အထိ (၂၀၂၆ ခုနှစ် ဧပြီလ ၁၃ ရက်နေ့မှ ၁၆ ရက်နေ့အထိ) မြန်မာ့ရိုးရာမဟာသင်္ကြန်ပွဲတော်တွင် ယာဉ်မောင်းသူများမှ သတိပြုရန်အချက်များ

ပြည်ထောင်စုသမ္မတမြန်မာနိုင်ငံတော်၊ ရွေးကောက်တင်မြှောက်ခြင်းခံရသော သမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ထံသို့ ထိုင်းနိုင်ငံ ဝန်ကြီးချုပ် မစ္စတာ အနုထင် ချာဝီရာကွန် ထံမှ ဝမ်းမြောက်ကြောင်းသဝဏ်လွှာပေးပို့

ပြည်ထောင်စုသမ္မတမြန်မာနိုင်ငံတော်၊ ရွေးကောက်တင်မြှောက်ခြင်းခံရသော သမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ထံသို့ ရုရှား-အာဆီယံစီးပွားရေးကောင်စီဥက္ကဋ္ဌ မစ္စတာ အီဗန်ပိုလီယာကော့ဗ်ထံမှ ဝမ်းမြောက်ကြောင်း သဝဏ်လွှာပေးပို့

အာဆီယံဗဟိုဘဏ်ဒုတိယဥက္ကဋ္ဌများ အစည်းအဝေး၊ အာဆီယံဘဏ္ဍာရေးနှင့် ဗဟိုဘဏ်ဒုတိယအကြီးအကဲများ အစည်းအဝေးနှင့် ဆက်စပ်အစည်းအဝေးများသို မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ခေါင်းဆောင်သည့် ကိုယ်စားလှယ်အဖွဲမှ Virtual ဖြင့် တက်ရောက်

ဧပြီ ၈၊ ၂၀၂၆

အာဆီယံဗဟိုဘဏ် ဒုတိယဥက္ကဋ္ဌများ အစည်းအဝေး (ASEAN Central Bank Deputies’ Meeting - ACDM) ၊ အာဆီယံဘဏ္ဍာရေးနှင့် ဗဟိုဘဏ်ဒုတိယအကြီးအကဲများ အစည်းအဝေး (ASEAN Finance and Central Bank Deputies’ Meeting - AFCDM) နှင့် ဆက်စပ်အစည်းအဝေးများအား ဧပြီ ၇ ရက်မှ ၈ ရက်အထိ ဖိလစ်ပိုင်နိုင်ငံမှ အိမ်ရှင်အဖြစ်ကြီးမှူး၍ Fully Virtual စနစ်ဖြင့် ကျင်းပရာ မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဒေါက်တာစန္ဒာဦး ခေါင်းဆောင်သည့် ကိုယ်စားလှယ်အဖွဲ့က Video Conferen-cing ဖြင့် တက်ရောက်သည်။

ဧပြီ ၇ ရက်တွင်ကျင်းပသည့် အာဆီယံဗဟိုဘဏ်ဒုတိယဥက္ကဋ္ဌများ အစည်းအဝေး၌ ၂၀၂၆ ခုနှစ် ဖိလစ်ပိုင်နိုင်ငံမှ အာဆီယံအလှည့်ကျဥက္ကဋ္ဌ တာဝန်ယူစဉ် ကာလအတွင်း ဦးစားပေးဆောင်ရွက် မည့်စီးပွားရေးလုပ်ငန်းစဉ်များ၊ ငွေရေးကြေးရေးပေါင်းစည်းရေးဆိုင်ရာ လုပ်ငန်းကော်မတီများ၏ တိုးတက်မှုအခြေအနေများ၊ အာဆီယံငွေကြေးဖလှယ်မှု အစီအစဉ်ပြန်လည်ထူထောင်ရေးဆိုင်ရာ နားလည်မှုစာချွန်လွှာ လက်မှတ်ရေးထိုးနိုင်ရေးနှင့် စပ်လျဉ်းသည့် ကိစ္စရပ်များ၊ အာဆီယံဒေသတွင်း အရင်းအနှီးဈေးကွက်များ ပေါင်းစည်းမှုမြှင့်တင်ရေးနှင့် စပ်လျဉ်း၍ ဗဟိုဘဏ်များ၏ အခန်းကဏ္ဍဆိုင်ရာကိစ္စရပ်များအပေါ် အာဆီယံဗဟိုဘဏ် ဒုတိယအကြီးအကဲများက အမြင်ချင်းဖလှယ်ဆွေးနွေးခဲ့ကြပြီး အတည်ပြုချက်ရယူသည့် ကိစ္စရပ်များအပေါ် အတည်ပြုပေးခဲ့ကြသည်။

အစည်းအဝေးတွင် မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဒေါက်တာစန္ဒာဦးက ၂၀၂၆ ခုနှစ် ဦးစားပေးဆောင်ရွက်မည့် စီးပွားရေးလုပ်ငန်းစဉ်များသည် ငွေရေးကြေးရေးဈေးကွက်များ၏ စွမ်းဆောင်ရည်ကို မြှင့်တင်ပေးနိုင်ခြင်း၊ ငွေရေးကြေးရေးဆိုင်ရာ ဝန်ဆောင်မှုလုပ်ငန်းများ တိုးမြင့်ဆောင်ရွက်နိုင်ခြင်း၊ လုံခြုံစိတ်ချရသည့် အပြန်အလှန်ငွေပေးချေမှုစနစ်များကို မြှင့်တင်ရန် အထောက်အပံ့ဖြစ်စေခြင်းတို့ကြောင့် မြန်မာနိုင်ငံတော်ဗဟိုဘဏ်အနေဖြင့် ယင်းလုပ်ငန်းစဉ်များအပေါ် အပြည့်အဝထောက်ခံပါကြောင်း၊ ငွေရေးကြေးရေးတွင် အားလုံးပါဝင်လာရေး၊ အရင်းအနှီးစျေးကွက်ဖွံ့ဖြိုးတိုးတက်မှုနှင့် စဉ်ဆက်မပြတ်ငွေပေးချေမှုဆိုင်ရာ ချိတ်ဆက်မှုများအတွက် အာဆီယံဒေသတွင်း မိတ်ဖက်နိုင်ငံများနှင့် ပူးပေါင်းဆောင်ရွက်ကာ ဆက်လက်ထောက်ခံသွားမည်ဖြစ်ပါကြောင်း၊ အာဆီယံငွေကြေးဖလှယ်မှုအစီအစဉ် ပြန်လည်ထူထောင်ရေးဆိုင်ရာ နားလည်မှုစာချွန်လွှာတွင် ပါဝင်လက်မှတ်ရေးထိုးရေးနှင့် စပ်လျဉ်း၍ ပြည်တွင်းလုပ်ငန်းစဉ်များကို ဆောင်ရွက်ပြီးဖြစ်သည့်အတွက် မြန်မာနိုင်ငံတော်ဗဟိုဘဏ်အနေဖြင့် လက်မှတ်ရေးထိုးရန် အဆင်သင့်ဖြစ်နေပါကြောင်းနှင့် အဆိုပါနားလည်မှုစာချွန်လွှာသည် အာဆီယံအဖွဲ့ဝင်နိုင်ငံများ အားလုံးအတွက် အရေးပါသည့် ရည်မှန်းချက်ပန်းတိုင်တစ်ခုဖြစ်သည့်အတွက် ယင်းနားလည်မှုစာချွန်လွှာ လက်မှတ်ရေးထိုးရေးအပေါ် မြန်မာနိုင်ငံတော်ဗဟိုဘဏ်အနေဖြင့် ထောက်ခံပါကြောင်း ဆွေးနွေးသည်။

မွန်းလွဲပိုင်းတွင် အာဆီယံဘဏ္ဍာရေးနှင့် ဗဟိုဘဏ်ဒုတိယအကြီးအကဲများ အစည်းအဝေးကို ဆက်လက်ကျင်းပရာ အာဆီယံစီးပွားရေးအသိုက်အဝန်း မဟာဗျူဟာစီမံကိန်း (၂၀၂၆-၂၀၃၀) နှင့် စပ်လျဉ်းသည့် လုပ်ငန်းတိုးတက်မှုအခြေအနေများ၊ ၂၀၂၆ ခုနှစ် အာဆီယံ ငွေရေး ကြေးရေးပေါင်းစည်းမှုဆိုင်ရာ အစီရင်ခံစာမူကြမ်းနှင့် အာဆီယံလုပ်ငန်းကော်မတီများ၏ တိုးတက်မှုအခြေအနေများ၊ အာဆီယံငွေကြေးနှင့် ငွေရေးကြေးရေးပေါင်းစည်းရေးလမ်းပြမြေပုံ လုပ်ငန်းစဉ်အောက်ရှိ ဆက်လက်ဆောင်ရွက်ရမည့် ကိစ္စရပ်များ၊ အာဆီယံဒေသအတွင်းရှိ စီးပွားရေးလုပ်ငန်းများနှင့် ရင်းနှီးမြှုပ်နှံမှုများကို ပတ်ဝန်းကျင်နှင့် သဟဇာတဖြစ်မှုအလိုက် စနစ်တကျခွဲခြားသတ်မှတ်ခြင်းဆိုင်ရာ ဒေသတွင်း ရေရှည်တည်တံ့သော ဘဏ္ဍာရေးနှင့်စပ်လျဉ်းသည့် စတုတ္ထအကြိမ်မြောက် အစီရင်ခံစာထုတ်ပြန်ခြင်း ကိစ္စရပ်များ၊ အာဆီယံ-အာရှဖွံ့ဖြိုးရေးဘဏ် ပူးပေါင်းဆောင်ရွက်မှုဆိုင်ရာ မဟာဗျူဟာမြောက် မိတ်ဖက်ဆက်ဆံရေးမူဘောင်ဆိုင်ရာကိစ္စရပ်များ စသည်တို့အပေါ် အာဆီယံဘဏ္ဍာရေးနှင့် ဗဟိုဘဏ်ဒုတိယအကြီးအကဲများက အမြင်ချင်းဖလှယ်ဆွေးနွေးခဲ့ကြပြီး အတည်ပြုချက် ရယူသည့်ကိစ္စရပ်များအပေါ် အတည်ပြုပေးခဲ့ကြသည်။

ဧပြီ ၈ ရက်တွင် အာဆီယံ+၃ ဘဏ္ဍာရေးနှင့် ဗဟိုဘဏ်ဒုတိယအကြီးအကဲများ အစည်းအဝေးအားကျင်းပရာ အပြည်ပြည်ဆိုင်ရာ ငွေကြေးရန်ပုံငွေအဖွဲ့မှ ကမ္ဘာ့စီးပွားရေးအလားအလာ၊ မေခရိုစီးပွားရေး သုတေသနရုံးမှ ဒေသတွင်းစီးပွားရေး အလားအလာ၊ အာရှဖွံ့ဖြိုးရေးဘဏ်မှ အရှေ့အလယ်ပိုင်းအရေးအခင်းနှင့် စပ်လျဉ်း၍ အာရှနှင့် ပစိဖိတ်နိုင်ငံများတွင် မေခရိုစီးပွားရေးအပေါ် အကျိုးသက်ရောက်နိုင်မှုအခြေအနေများကို ရှင်းလင်းတင်ပြပြီး ဇင်းမယ်အစီအစဉ်တွင် နိုင်ငံစုံပါဝင်လာရေးဆိုင်ရာ ကိစ္စရပ်များဖြစ်သည့် ဒေသတွင်းနိုင်ငံများ၏ ပြည်တွင်းငွေကြေးများ အသုံးပြုပေးချေမှု ဆိုင်ရာကိစ္စရပ်များ၊ (၁၇) ကြိမ်မြောက် ငွေကြေးဖလှယ်မှုနှင့် စပ်လျဉ်း၍ စမ်းသပ်မှုပြုလုပ်သည့် ကိစ္စရပ်များ၊ နယ်စပ်ဖြတ်ကျော်ငွေပေးချေမှုနှင့် ဒစ်ဂျစ်တယ်ငွေပေးချေမှုဆိုင်ရာကိစ္စရပ်များ၊ အာဆီယံငွေချေးစာချုပ်ဈေးကွက် တိုးတက်မှုအခြေအနေများ၊ သဘာဝဘေးအန္တရာယ်ဆိုင်ရာ ဘဏ္ဍာငွေဖြည့်တင်းမှုအစီအစဉ်များ စသည့်ကိစ္စရပ်တို့အပေါ် အာဆီယံ+၃ ဘဏ္ဍာရေးနှင့် ဗဟိုဘဏ်ဒုတိယအကြီးအကဲများက အမြင်ချင်းဖလှယ်ဆွေးနွေးခဲ့ကြသည်။

မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဒေါက်တာစန္ဒာဦးက ဇင်းမယ်အစီအစဉ်အတွက် ငွေကြေးဖလှယ်မှုဆိုင်ရာ စမ်းသပ်မှုပြုလုပ်မှုများနှင့် စပ်လျဉ်း၍ မြန်မာနိုင်ငံတော် ဗဟိုဘဏ်အနေဖြင့် (၁၇) ကြိမ်မြောက် ငွေကြေးဖလှယ်မှုဆိုင်ရာ စမ်းသပ်မှုဆောင်ရွက်ခြင်းကို ကြိုဆိုပါကြောင်း၊ ၂၀၂၅ ခုနှစ်တွင် ပြုလုပ်ခဲ့သော (၁၆) ကြိမ်မြောက် ငွေကြေးဖလှယ်စမ်းသပ်မှုအရ လုပ်ငန်းဆောင်ရွက်မှုဆိုင်ရာလမ်းညွှန်ချက်များ (Operational Guidelines - OG) တွင် ပြင်ဆင်မှုများကိုလည်း ထောက်ခံပါကြောင်း၊ ငွေဖြစ်လွယ်မှုအခက်အခဲဖြစ်ပေါ်သည့်အခါ ယခုကဲ့သို့ နှစ်စဉ်စမ်းသပ်မှုပြုလုပ်သည့် အစီအစဉ်များသည် ဒေသတွင်းငွေရေးကြေးရေးတည်ငြိမ်ခိုင်မာမှုကို အားကောင်းစေသည့်အပြင် လုပ်ငန်းစဉ်များ၏ ထိရောက်မှုနှင့် ပွင့်လင်းမြင်သာမှုတို့ကိုလည်း အထောက်အကူပြုစေနိုင်ပြီး အဖွဲ့ဝင်နိုင်ငံများအကြား ငွေကြေးဖလှယ်ထောက်ပံ့မှုအပေါ် ယုံကြည်မှုကို တိုးမြှင့်ပေးနိုင်ခြင်း၊ လုပ်ငန်းဆောင်ရွက်မှုဆိုင်ရာ အားနည်းချက်များကို ရှာဖွေဖော်ထုတ်ရာတွင် အထောက်အကူဖြစ်စေနိုင်ခြင်း၊ ပြည်ပငွေပေးငွေယူစာရင်းတွင် ငွေကြေးဆိုင်ရာကာလတို အခက်အခဲပေါ်ပေါက်လာပါကလည်း အဆင်သင့်ဖြစ်မှုကို မြှင့်တင်ပေးနိုင်မည်ဖြစ်ပါကြောင်း၊ မြန်မာနိုင်ငံတော်ဗဟိုဘဏ်အနေဖြင့် အနာဂတ်တွင် ဆက်လက်ပြုလုပ်မည့် ငွေကြေးဖလှယ်မှုဆိုင်ရာ စမ်းသပ်မှုအစီအစဉ်များတွင် တက်ကြွစွာ ပါဝင်ဆောင်ရွက်သွားမည်ဖြစ်ပြီး အာဆီယံ+၃ နိုင်ငံများ၏ ငွေရေးကြေးရေးစနစ်တွင် ဖြစ်ပေါ်လာနိုင်သည့် အခက်အခဲများအပေါ် ကြံ့ကြံ့ခံနိုင်မှုရှိစေရေးဆိုင်ရာ မြှင့်တင်ဆောင်ရွက်ချက်များတွင် ဆက်လက်ပါဝင်ဆောင်ရွက်သွားမည်ဖြစ်ပါကြောင်း ဆွေးနွေးသည်။

ထို့ပြင် ၂၀၂၆ ခုနှစ် ဧပြီ (၉-၁၀) ရက်များတွင် (၂၂) ကြိမ်မြောက် အာဆီယံဗဟိုဘဏ်ဥက္ကဋ္ဌများ အစည်းအဝေး (22nd ASEAN Central Bank Governors’ Meeting - ACGM) ၊ (၁၃) ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများ အစည်းအဝေး (13th ASEAN Finance Ministers and Central Bank Governors’ Meeting – AFMGM) နှင့် ဆက်စပ်အစည်းအဝေးများအား ဆက်လက်ကျင်းပသွားမည်ဖြစ်ကြောင်း သိရသည်။

NOM

အမေရိကန် စစ်ဝန်ကြီးသည် စစ်ရာဇဝတ်ကောင်ဖြစ်လာနိုင်ဟုအငြိမ်းစား ဗိုလ်ချုပ်ပြော

အမေရိကန်အငြိမ်းစား ဗိုလ်ချုပ်ရန်ဒီမင်နာက ပိတ်ဟက်ဆက်သည် အမေရိကန်စစ်ဝန်ကြီးဖြစ်ရန်အရည်အချင်းပြည့်မီသူမဟုတ်ကြောင်း၊ သမ္မတအပေါ်အလွန်အကျွံသစ္စာရှိပြနေပြီး သူပြောဆိုပြုမူမှုများသည် စစ်ရာဇဝတ်မှုမြောက်သလို စစ်ဝန်ကြီးသည် စစ်ရာဇဝတ်ကောင်ဖြစ်လာနိုင်ကြောင်း ပြောကြားလိုက်သည်။

NOM

အီရန်ရေတပ်ကအသုံးပြုနေသောနော်(Noor)ဒုံးကျည်
NOM

နော် (Noor) ဒုံးကျည်သည် တရုတ် C-802 ဒီဇိုင်းကို အခြေခံ၍ အီရန်နိုင်ငံလုပ် သင်္ဘောဖျက် ခရုဇ်ဒုံးကျည်ဖြစ်ပြီးအကွာအဝေးကီလို၁၂၀မှ၁၇၀ထိပစ်ခတ်နိုင်သည်။

နော်ဒုံးကျည်သည် ရေတပ်ပစ်မှတ်များကို ခြေရာခံတိုက်ခိုက်ရန်အတွက်ရေဒါလမ်းညွှန်ကို အသုံးပြုသည်။ရန်သူ၏ ထောက်လှမ်းမှုကို ရှောင်ရှားရန် ဒုံးကျည်သည်ပင်လယ်ပြင်အထက် ပေအနိမ့်တွင် ပျံသန်းသည်။

ဒုံးကျည်တွင် ပျက်စီးဆုံးရှုံးမှုများ ဖြစ်ပေါ်စေသော ထိပ်ဖူးတစ်ခုပါရှိသည်။
ဟဇ်ဘိုလာတို့ကဤဒုံးကျည်ဖြင့်အစ္စရေးစစ်သင်္ဘောများကိုပစ်ခတ်တိုက်ခိုက်သည်။

ရုရှားနှင့် ယူကရိန်းကျဆုံးစစ်သည် ရုပ်အလောင်းလဲလှယ်

ရုရှားနှင့် ယူကရိန်းတို့သည် ယနေ့တွင် ကျဆုံးစစ်သည်တို့၏ ရုပ်အလောင်းများ လဲလှယ်ကြသည်။

ယူကရိန်းကကျဆုံး ရုရှားစစ်သည်ရုပ်အလောင်း ၄၁ လောင်းကိုပေးအပ်ပြီး ရုရှားကကျဆုံးယူကရိန်းစစ်သည် အလောင်းတစ်ထောင်ကို ပြန်လည်ပေးအပ်သည်။

NOM

ဧပြီလ ၁၀ ရက်နေ့၌ ပြည်ထောင်စု လွှတ်တော်တွင် ကျင်းပမည့် နိုင်ငံတော်သမ္မတ၊ ဗိုလ်ချုပ်မှူးကြီး မင်းအောင်လှိုင် ၏ နိုင်ငံတော်သမ္မတ ကတိသစ္စာပြုပွဲသို့ တရုတ်နိုင်ငံသမ္မတ ၏ အထူးကိုယ်စားလှယ်၊ တရုတ်ပြည်သူ့နိုင်ငံရေးအတိုင်ပင်ခံကော်မတီ CPPCC အမျိုးသားကော်မတီ ဒုဥက္ကဋ္ဌ Jiang Xinzhi တက်ရောက်မည်။

ရွှေဂုံတိုင်ဂုံးကျော်တံတားပေါ်တွင်ယာဥ်တိုက်မှုဖြစ်ပွား

NOM ဧပြီ ၉၊ ၂၀၂၆

ရန်ကုန်မြို့ရွှေဂုံတိုင်ဂုံးကျော်တံတားပေါ်တွင် ဧပြီ ၈ ရက်ည‌ နေ ၅ နာရီကျော်က ယာဥ်တိုက်မှုဖြစ်ပွားခဲ့‌ ကြောင်းသိရသည်။

ဖြစ်စဥ်မှာမြို့ထဲမှ ကမ္ဘာအေးဘုရားလမ်းအတိုင်း မောင်းနှင်လာသောToyota Harrier ကအရှိန်မထိန်းနိုင်ဘဲ ကမ္ဘာအေးဘုရားလမ်းမှမြို့ထဲဘက်သို့ မောင်းနှင်လာသောToyota belta နှင့် TOYOTA VITZ ကားအားတိုက်မိခြင်းဖြစ်ပြီးယာဉ်ပေါ်ပါလူများထိခိုက်ဒဏ်ရာမရှိခဲ့ကြောင်းသိရသည်။

NOM

အင်ဒိုနီးရှား ဂိုဏ်းတစ်ခုက ကလေးငယ် ၃၄ ဦးကို စင်ကာပူသို့ ရောင်းချ

အင်ဒိုနီးရှားနိုင်ငံ၊ ဘန်ဒေါင်းခရိုင်တရားရုံးမှ အစိုးရရှေ့နေများက ဧပြီလ ၇ ရက်နေ့တွင် တရားရုံး၌ အင်ဒိုနီးရှား ဂိုဏ်းတစ်ခုက ၂၀၂၃ ခုနှစ်မှ ၂၀၂၅ ခုနှစ်အတွင်း ကလေးငယ် ၃၄ ဦးကို လူကုန်ကူးခဲ့ပြီး ၎င်းတို့အနက် အနည်းဆုံး ၁၀ ဦးကို စင်ကာပူသို့ ခေါ်ဆောင်သွားပြီး ကလေးတစ်ဦးလျှင် စင်ကာပူဒေါ်လာ ၁၈၀၀၀ အထိ ရောင်းချခဲ့ကြောင်း ပြောကြားခဲ့သည်။ ယခုအခါတရားခံ ၁၉ ဦး (အမျိုးသမီး ၁၈ ဦးနှင့် အမျိုးသားတစ်ဦး )သည် အင်ဒိုနီးရှား၏ လူကုန်ကူးမှုဥပဒေအရ အများဆုံး ထောင်ဒဏ် ၁၅ နှစ်အထိ ချမှတ်ခံရန်တရားရင်ဆိုင် နေရပြီဖြစ်သည်။

NOM

မတ္တရာမြို့နယ်၊ ကြားကျေးရွာတွင် နေအိမ်ခြံဝင်းတစ်ခုအတွင်း PDF အကြမ်းဖက်အဖွဲ့ ထောင်ထားသည့် မိုင်းအား နင်းမိပေါက်ကွဲမှုကြောင့် အပြစ်မဲ့အရပ်သားပြည်သူတစ်ဦး ထိခိုက်ဒဏ်ရာရ

NOM ဧပြီ ၉၊ ၂၀၂၆

မန္တလေးတိုင်းဒေသကြီး၊ မတ္တရာမြို့နယ်ပြည်သူ့ဆေးရုံသို့ ဧပြီလ ၈ ရက်နေ့ နံနက် ၁၁ နာရီခွဲအချိန်၌ မိုင်းပေါက်ကွဲစ ထိမှန်ဒဏ်ရာများဖြင့် အမျိုးသမီးတစ်ဦးရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ နံနက် ၁၀ နာရီခွဲအချိန်၌ မတ္တရာမြို့နယ်၊ ကြားကျေးရွာနေ ဒေါ်ရီစန်း (၆၀) နှစ်သည် ၎င်း၏နေအိမ်ခြံဝင်းအတွင်း အလုပ်လုပ်ကိုင်နေစဉ် PDF အကြမ်းဖက်အဖွဲ့ထောင်ထား သည့် မိုင်းတစ်လုံးအား နင်းမိပေါက်ကွဲခဲ့မှုကြောင့် ၎င်းတွင် ထိခိုက်ဒဏ်ရာများရရှိခဲ့ခြင်းဖြစ်ကြောင်း သိရသည်။

NOM

နိုင်ငံတော်သမ္မတ ကတိသစ္စာပြုအခမ်းအနားတက်ရန် အိန္ဒိယဝန်ကြီးရောက်ရှိ

NOM ဧပြီ ၉၊ ၂၀၂၆

ဧပြီလ ၁၀ ရက်နေ့တွင် ကျင်းပမည့်
နိုင်ငံတော်သမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်၏ နိုင်ငံတော်သမ္မတ ကတိသစ္စာပြုအခမ်းအနားတက်ရောက်မည့် အိန္ဒိယနိုင်ငံ သဘာဝပတ်ဝန်းကျင်၊ သစ်တောနှင့် ရာသီဥတုပြောင်းလဲမှုဆိုင်ရာဝန်ကြီးဌာနနှင့် ပြည်ပရေးရာဝန်ကြီးဌာနဝန်ကြီး Minister of State Mr. Kirti Vardhan Singh မြန်မာနိုင်ငံသို့ ယနေ့ရောက်ရှိလာကြောင်းသိရသည်။

NOM

ဆေးတက္ကသိုလ် (မန္တလေး) မှ CDM ဆရာဝန်နှင့် ကျန်းမာရေးဝန်ထမ်းများကို Blacklist မှ ပျက်ဖျက်ပေးသည့် အခမ်းအနား ပြုလုပ်

ဧပြီ ၉၊၂၀၂၆

ဆေးတက္ကသိုလ် (မန္တလေး) ဇီဝက စာသင်ဆောင်၌ ယနေ့ နံနက်ပိုင်းက CDM ပြုလုပ်ခဲ့သည့် ဆရာဝန် နှင့် ကျန်းမားရေးဝန်ထမ်း ၃၅၄ ယောက်ကို Blacklist မှ ပယ်ဖျက်သည့် အခမ်းအနား ပြုလုပ်ခဲ့ကြောင်း သိရသည်။

CDM ဆရာဝန်နှင့် ကျန်းမာရေးဝန်ထမ်းများသည် NUG အကြမ်းဖက်အဖွဲ့၏ လမ်းညွှန်ချက်များကို လိုက်နာပြီး ဆေးရုံများမှ စွန့်ခွာကာ ဆေးကုသမှုမပေးဘဲ နေခြင်းကြောင့် အပြစ်မဲ့ ရဟန်းရှင်လူ ပြည်သူ ၆၀၀၀ ခန့် သေဆုံးခဲ့ရပြီး PDF အကြမ်းဖက်အဖွဲ့များထံ ဆေးဝါးများ ပို့ဆောင်ပေးခြင်း၊ NUG အကြမ်းဖက်အဖွဲ့၏ လက်ပါးစေ PDF အကြမ်းဖက်သမားများ အခြေပြုရာ နေရာများတွင် ဆေးဝါးကုသမှု သွားရောက် ဆောင်ရွက်ပေးခြင်းများဆောင်ရွက်ခဲ့ကြသည်။

ယခုအခါ NUG အကြမ်းဖက်အဖွဲ့မှ CDM ဝန်ထမ်းများကို မျှော်လင့်ချက်အမှားများပေးခဲ့ပြီး တာဝန်ယူမှု၊ တာဝန်ခံမှု မရှိသည်ကို သိရှိရပြီးနောက် အစိုးရနှင့် ပူးပေါင်းဆောင်ရွက်လာသည်ကို တွေ့မြင်ရသည်။

Source: Ko Chit (MDY)