အီရန်​၏ လက်တုံ့ပြန်တိုက်ခိုက်မှုများကြောင့် ဆော်ဒီနိုင်ငံအနေဖြင့် 'ပုံမှန်အတိုင်း လုပ်ငန်းများလည်ပတ်နေသည်' ဆိုသည့် အခြေအနေကို ဆက်လက်ထိန်းသိမ်းရန် ပိုမိုခက်ခဲလာ

အီရန်၏ ဒုံးကျည် (သို့မဟုတ်) ဒရုန်းများဖြင့် တိုက်ခိုက်လာနိုင်သည့် အန္တရာယ်ကို စိုးရိမ်သောကြောင့် ဆော်ဒီအာရေဗျနိုင်ငံသည် ရီယာ့ဒ်မြို့ရှိ ဘုရင် အဗ္ဗဒူလာ King Abdullah ဘဏ္ဍာရေးရပ်ကွက် (KAFD) သို့ ဝန်ထမ်းများ မစေလွှတ်ရန် စီးပွားရေးလုပ်ငန်းများကို အမိန့်ပေးလိုက်သည်။

KAFD အတွင်းရှိ ရုံးခန်းအဆောက်အအုံများကို အမြန်ဆုံး လစ်လပ်စေရန် အမိန့်ထုတ်ပြန်လိုက်ခြင်းက ဆော်ဒီဘုရင့်နိုင်ငံအနေဖြင့် 'ပုံမှန်အတိုင်း လုပ်ငန်းများလည်ပတ်နေသည်' ဆိုသည့် အခြေအနေကို ဆက်လက်ထိန်းသိမ်းရန် ပိုမိုခက်ခဲလာကြောင်း ပြသနေသည်။

NOM

ကရင်ပြည်နယ် ဝန်ကြီးများအမည်စာရင်း။

လျှပ်စစ်စွမ်းအင်သုံး မော်တော်ယာဥ်များအား ပြည်ပတင်သွင်းယာဥ်မှတ်ပုံတင်ခများ စတင်ကောက်ခံမည်

NOM ဧပြီ ၇၊ ၂၀၂၆

လျှပ်စစ်စွမ်းအင်သုံး မော်တော်ယာဥ်များအတွက် ပြည်ပတင်သွင်းယာဥ်မှတ်ပုံတင်ခများကို ဧပြီလ ၁ ရက်မှ စတင်ကောက်ခံမည် ဖြစ်ကြောင်း ကုန်းလမ်းပို့ဆောင်ရေးညွန်ကြားမှုဦးစီးဌာနမှ ယမန်နေ့ (ဧပြီ ၆ ရက်) ညပိုင်းတွင် သတင်းထုတ်ပြန်ထားကြောင်းသိရသည်။

လျှပ်စစ်စွမ်းအင်သုံး မော်တော်ယာဥ်များကို Piolt Project ကာလအတွင်း ပြည်ပတင်သွင်းယာဥ် မှတ်ပုံတင်ခများ ကောက်ခံခြင်းမပြုဘဲ ကနဦးမှတ်ပုံတင်လုပ်ငန်းများကို ကုန်းလမ်းပို့ဆောင်ရေးညွှန်ကြားမှုဦးစီးဌာန (ကညန ) က ဆောင်ရွက် ပေးခဲ့ရာ အဆိုပါ ပရောဂျက်ကာလသည် မတ်လ ၃၁ ရက်နေ့တွင် ကုန်ဆုံးခဲ့ပြီးဖြစ်ခြင်းကြောင့် လျှပ်စစ်စွမ်းအင်သုံး မော်တော်ယာဥ် များအတွက် ပြည်ပတင်သွင်းယာဥ် မှတ်ပုံတင်ခများကို ဧပြီလ ၁ ရက်မှ စတင်ကောက်ခံမည် ဖြစ်ကြောင်း ထုတ်ပြန်ထားသည်။

ဧပြီ ၁ ရက်နေ့မှ စ၍ သွင်းကုန်ကြေညာလွှာ ဖွင့်လှစ်သည့် ပြည်ပမှ CBU စနစ်ဖြင့် တင်သွင်းလာသည့် လျှပ်စစ်စွမ်းအင်သုံး မော်တော်ယာဉ်များကို မော်တော်ယာဥ်အမျိုး
အစားနှင့် ဘက်ထရီစွမ်းဆောင်ရည်အလိုက် ရာခိုင်နှုန်းအားဖြင့် ၃ ရာခိုင်နှုန်းမှ ၄၀ ရာခိုင်နှုန်းထိ သတ်မှတ်ကောက်ခံ
မည်ဖြစ်ကြောင်းလည်းသိရသည်။

NOM

ရန်ကုန်တိုင်းဒေသကြီးအစိုးရအဖွဲ့၏ ဝန်ကြီးဌာနများနှင့် ဝန်ကြီးများအမည်စာရင်း

NOM

သောကြာနေ့တွင် ရန်ကုန်တိုင်းဒေသကြီး လွှတ်တော်၌ အတည်ပြုမည့် ဝန်ကြီးဌာနနှင့် ဝန်ကြီးများစာရင်းမှာ အောက်ပါအတိုင်းဖြစ်သည်။

ရန်ကုန်တိုင်းဒေသကြီးအစိုးရအဖွဲ့
ဝန်ကြီးဌာန (၁၀) ခု

၁။ လုံခြုံရေးနှင့်နယ်စပ်ရေးရာဝန် ကြီးဌာန၊ ဗိုလ်မှူးကြီးဝင်းတင့်

၂။ စီမံကိန်း၊ စီးပွားရေးနှင့် ဘဏ္ဍာရေးဝန်ကြီးဌာန၊ ဒေါက်တာမေသန်းနွယ်

၃။ လူမှုရေးရာဝန်ကြီးဌာန၊ ဦးဗိုလ်ဌေး

၄။ လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီးဌာန၊ ဦးနေလင်းထွန်း

၅။ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ဒေါက်တာမျိုးသော်

၆။ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ ဒေါက်တာထူးမောင်

၇။ စည်ပင်သာယာရေးဝန်ကြီးဌာန၊ ဦးစိုးဦး

၈။ ပြန်ကြားရေး၊ ကယ်ဆယ်ရေးနှင့် သာသနာရေးဝန်ကြီးဌာန၊ ဦးမျိုးမြင့်အောင်

၉။ ကရင်တိုင်းရင်းသားရေးရာ ဝန်ကြီးဌာန၊ ဦးစောဂျက်ကော့ထူး

၁၀။ ရခိုင်တိုင်းရင်းသားရေးရာဝန်ကြီးဌာန၊ ဦးနေမင်းထွန်း

"အဆောက်အအုံကို ဖျက်ဆီးလို့ရပေမဲ့ စိတ်ဓာတ်ကိုတော့ ဖျက်ဆီးလို့မရဘူး"

အီရန်နိုင်ငံ၊ တဟီရန်မြို့က အီရန်နိုင်ငံရဲ့ ထိပ်တန်းနည်းပညာတက္ကသိုလ်ဖြစ်တဲ့ ရှာရစ်ဖ် တက္ကသိုလ်မှာ သင်္ချာပါမောက္ခအဖြစ် တာဝန်ထမ်းဆောင်နေတဲ့ ဒေါက်တာ အလီရီဇာ ဇာရေး Alireza Zarei ဟာ သူ့ရဲ့ရုံးခန်း ပျက်စီးသွားပေမဲ့လည်း အဲဒီပျက်စီးနေတဲ့ ရုံးခန်းထဲမှာပဲ ကျောင်းသားတွေကို 'Randomized Algorithms' ဘာသာရပ်ကို ဆက်လက်သင်ကြားပေးနေပါတယ်။

ပါမောက္ခက "ကျွန်တော် ဒီနေရာကနေ ထွက်သွားမှာမဟုတ်ဘူး။ ဒါဟာ ကျွန်တော်တို့ရဲ့ တက္ကသိုလ်ပဲ။ အမေရိကန်နဲ့ အစ္စရေးတွေ တက္ကသိုလ် အဆောက်အအုံကို ဖျက်ဆီးပစ်လို့ ရနိုင်ပေမဲ့ ကျွန်တော်တို့ရဲ့ စိတ်ဓာတ်ကိုတော့ ဖျက်ဆီးလို့မရပါဘူး" လို့ ပြောကြားခဲ့ပါတယ်။

NOM

"ဒီညမှာ အီရန်ယဉ်ကျေးမှုအဖွဲ့အစည်းတစ်ခုလုံး ပျောက်ကွယ်သွားလိမ့်မယ်" လို့ ထရမ့် သတိပေး

အမေရိကန်သမ္မတ ထရမ့်က ၎င်းရဲ့ ထရု(သ်) ဆိုရှယ်မီဒီယာအကောင့် မှာ အီရန်နဲ့ပတ်သက်ပြီး အခုလို ရေးတင်ခဲ့ပါတယ်။

"ဒီညမှာ အီရန်ယဉ်ကျေးမှုအဖွဲ့အစည်း တစ်ခုလုံး သေဆုံးသွားတော့မယ်။ ဘယ်တော့မှ ပြန်မရနိုင်တော့ဘူး။ ကျွန်တော် ဒါမျိုး မဖြစ်စေချင်ပေမဲ့ ဖြစ်လာဖို့ကတော့ သေချာသလောက်ပဲ။

ဒါပေမဲ့ အခုဆိုရင် ကျွန်တော်တို့ဟာ အစိုးရအဖွဲ့ကို အလုံးစုံ ပြောင်းလဲပစ်နိုင်ပြီဖြစ်လို့ ပိုပြီးတော်တဲ့ ပိုပြီးတော့ အစွန်းမရောက်တဲ့ ခေါင်းဆောင်သစ်တွေ ပေါ်ထွက်လာတော့မယ်။ တော်လှန်ရေးတစ်ခုလိုမျိုး အံ့ဩဖို့ကောင်းတဲ့ အပြောင်းအလဲတွေ ဖြစ်လာနိုင်မလားဆိုတာ ဘယ်သူသိမှာလဲ။

ကမ္ဘာ့သမိုင်းရဲ့ ရှည်လျားခက်ခဲလှတဲ့ ကာလတွေထဲမှာ အရေးကြီးဆုံး အခိုက်အတန့်တစ်ခုကို ဒီညမှာ ကျွန်တော်တို့ သိရတော့မယ်။ ၄၇ နှစ်ကြာအောင် လိမ်လည်လှည့်ဖြားမှုတွေ၊ အကျင့်ပျက်ခြစားမှုတွေနဲ့ သေဆုံးမှုတွေဟာ နောက်ဆုံးမှာတော့ အဆုံးသတ်သွားတော့မှာပါ။ အီရန်ပြည်သူတွေအပေါ် ဘုရားသခင် ကောင်းချီးပေးပါစေ။"

NOM

သင်္ကြန်ကာလအတွင်း အရက်မူးတိုင်းကိရိယာဖြင့် စစ်ဆေးမည်

NOM ဧပြီ ၇၊ ၂၀၂၆

ရန်ကုန်တိုင်းအတွင်း သင်္ကြန်ကာလတွင် ယာဉ်မောင်းသူများ အရက်သေစာ သောက်စားထားခြင်း ရှိ/ မရှိ အရက်မူးတိုင်းကိရိယာ (Alcohol Tester) ဖြင့် စစ်ဆေးသွားမည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့က ထုတ်ပြန် ချက်အရသိရသည်။

မဟာသင်္ကြန်ကာလ ရန်ကုန်တိုင်းဒေသကြီးအတွင်း ယာဉ်မောင်းနှင် သူများအနေဖြင့် မူးယစ်သောက် စားပြီး ယာဉ်မောင်းခြင်း၊ အပျော်လွန်ကျူးပြီး စည်းကမ်းမဲ့ ပြိုင်မောင်းခြင်း၊ လမ်းလုပြီး မောင်းနှင်ခြင်းများ မလုပ်ရကြောင်းသိရသည်။

ထို့အပြင် မော်တော်ယာဉ်များတွင် အိတ်ဇောပိုက် ဖြုတ်ပြီး မောင်းနှင်ခြင်း၊ ယာဉ်နံပါတ်ပြား မတပ်ဆင်ဘဲမောင်းနှင်ခြင်း၊ ယာဉ်နံပတ်ပါတ်အတုနှင့် အခြားယာဉ်နံပါတ်များတပ်ဆင်ခြင်း၊ ယာဉ်​၏ ဘေးတံခါးများ၊ နောက်ဖုံးများဖြုတ်ပြီး မောင်းနှင်ခြင်းများ မလုပ်ရကြောင်း ထုတ်ပြန်ချက်တွင်ပါရှိသည်။

ယာဉ်မောင်းနှင်သူများအနေဖြင့် သတ်မှတ်ထားသော လိုင်စင်များ၊ မှတ်ပုံတင်များ ပါရှိရမှာဖြစ်ပြီး ဖျက်သိမ်းထားသည့် ယာဉ်အို/ ယာဉ်ဟောင်းများ၊ မှတ်ပုံမတင်ရသေးသည့်ယာဉ်များ၊ ပြုပြင်ဆဲယာဉ်များကိုလည်း မောင်းနှင်ခြင်းများ မပြုလုပ်ရကြောင်းသိရသည်။

ထို့အပြင် နိုင်ငံတကာအလံများကို ယာဉ်များတွင် တပ်ဆင်ခြင်း၊ ပစ်ကပ်ယာဉ်များမှာ သတ်မှတ်ထားသည့် ဝန်အလေးချိန်ထက် ပိုမိုတင်ဆောင်မောင်းနှင်ခြင်း နှင့် ရန်ကုန်မြို့တော် စည်ပင်သာယာနယ်နိမိတ်အတွင်း မော်တော်ဆိုင်ကယ်/ ဘေးတွဲဆိုင်ကယ်များ စီးနင်းခြင်းမလုပ်ရကြောင်းထုတ်ပြန်ထားသည်။

အဆိုပါစည်းကမ်းချက်များကို မလိုက်နာပါက တည်ဆဲဥပဒေအရ ထိရောက်စွာ အရေးယူသွားမည် ဖြစ်ပြီး ယာဉ်မောင်းများကိုလည်း အရက်သေစာ သောက်စားထားခြင်း ရှိ/ မရှိ အရက်မူးတိုင်းကိရိယာဖြင့် တိုင်းတာစစ်ဆေးပြီး ချိုးဖောက်လျှင် ထိရောက်စွာ အရေးယူဆောင်ရွက်မည် ဖြစ်‌ကြောင်းသိရသည်။

အချက်အချာကျသည့် လမ်းဆုံ/လမ်းခွ မီးပွိင့်များတွင် CCTV ကင်မရာများတပ်ဆင်ထားပြီး ယာဉ်စည်းကမ်း၊ လမ်းစည်းကမ်း ချိုးဖောက်မှုများကို ကင်မရာများဖြင့် ရိုက်ကူးထားပြီး ထိရောက်စွာ အရေးယူဆောင်ရွက်မည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့ကထုတ်ပြန်ထားသည်။

NOM

ဩစတြေးလျ စစ်မှုထမ်းဟောင်းစစ်ရာဇဝတ်မှုဖြင့် အဖမ်းခံရ

ဩစတြေးလျ၏ အမြင့်ဆုံးဆုတံဆိပ်ရရှိထားသော စစ်မှုထမ်းဟောင်းနှင့် အထူးလေကြောင်းဝန်ဆောင်မှု တပ်ရင်းမှ တပ်ကြပ်ဟောင်းတစ်ဦးဖြစ်သူ ဘင် ရောဘတ်စ်-စမစ်ကို အင်္ဂါနေ့က ဆစ်ဒနီလေဆိပ်တွင် ဖမ်းဆီးခဲ့သည်။

၂၀၀၉ ခုနှစ်မှ ၂၀၁၂ ခုနှစ်အတွင်း အာဖဂန်၌ တာဝန်ထမ်းဆောင်နေစဉ်အတွင်း လက်နက်မဲ့ အာဖဂန်နိုင်ငံသားငါးဦးကို သတ်ဖြတ်မှုဖြင့် စစ်ရာဇဝတ်မှု စွဲချက်များနှင့် ရင်ဆိုင်ရမည်ဖြစ်သည်။

NOM