ဒဂုံဆိပ်ကမ်းမြို့နယ်ရှိအာရှနဂါးအထည်ချုပ်စက်ရုံကိုကေါ်သေနတ်ဖြင့်ခြိမ်းခြောက်ပြီးကျပ်သိန်းနှစ်ထောင်နီးပါးလုယက်သွား

NOM ဧပြီ ၄၊ ၂၀၂၆

ရန်ကုန်တိုင်းဒေသကြီး၊ ဒဂုံမြို့သစ် (ဆိပ်ကမ်း)၊ (၈၉) ရပ်ကွက်၊ စက်မှုဇုန် (၁)၊ ကနောင်မင်းသားကြီးလမ်းရှိ အာရှနဂါးအထည်ချုပ်စက်ရုံသို့ ဧပြီလ ၄ ရက် နံနက် ၁၁:၁၅ နာရီအချိန်တွင် သေနတ်ကိုင်ထားသောအမျိုးသားနှစ်ဦးရောက်လာပြီး ဝန်ထမ်းများ လစာပေးရန်စီစဉ်နေသောငွေများမှ ကျပ် ၁၉၉၅ သိန်းကို လုယက်သွားကြောင်းသိရသည်။

စက်ရုံရုံးခန်းအတွင်း ဝန်ထမ်းလစာပေးရန်စီစဉ်နေချိန်တွင် အစိမ်းရောင်ပြောက်ကျားအင်္ကျီဘောင်းဘီဝတ်ထားပြီး ပြောက်ကျားနှာခေါင်းစီးထားသော အသက် ၃၀ ဝန်းကျင်အမျိုးသားနှစ်ဦးသည် လက်တစ်ဖက်တွင် ကော်သေနတ်အရှည်၊အခြားတစ်ဖက်တွင် အိတ်တစ်လုံးစီကိုင်ဆောင်ဝင်လာပြီး သေနတ်ပြခြိမ်းခြောက်၍ ဝန်ထမ်းများကိုခေါင်းငုံ့စေကာ လစာပေးရန်ပုံထားသော ငွေများအနက်ကျပ် ၁၉၉၅ သိန်းကို ၄င်းတို့ယူလာသောအိတ်များအတွင်းထည့်ပြီး အသင့်ပါလာသည့် အနက်ရောင်ဆိုင်ကယ်ဖြင့် ထွက်ပြေးသွားကြောင်းသိရသည်။

ဒဂုံမြို့သစ် (ဆိပ်ကမ်း)မြို့မရဲစခန်းက ရာဇသတ်ကြီး ပုဒ်မ ၃၉၂၊(ပ)၂၁၀/၂၀၂၆ ဖြင့်အမှုဖွင့်၍ တရားခံများဖမ်းမိရန်ဆောင်ရွက်နေကြောင်းသိရသည်။

NOM

အပြစ်မဲ့ပြည်သူများအား လက်နက်ကြီး၊ Drop Bomb ဖြင့် ပစ်ခတ်ခံရမှုကို ပြင်းထန်စွာရှုတ်ချအပ်ပါသည်။

NOM

အပြစ်မဲ့ပြည်သူတစ်ဦး PDF အကြမ်းဖက်မှုကြောင့် အသက်ဆုံးရှုံးရ။

NOM

PDF အကြမ်းဖက်အဖွဲ့​၏ မိုင်းထောင်မှုကြောင့် အပြစ်မဲ့ပြည်သူတစ်ဦး ထိခိုက်ဒဏ်ရာရ။

NOM

ရန်ကုန် နှင့် ရှမ်းပြည်နယ် တို့တွင် နှစ်လုံးထီ လောင်းကစားသူများအား ဖမ်းဆီးအရေးယူ။

NOM

Call Center သို့ တိုင်ကြားမှုအရ အရေးယူထားသည့် စက်သုံးဆီဆိုင် ၁၈ ဆိုင်ထိရှိပြီး မြောက်ဒဂုံမြို့နယ်တွင် စက်သုံးဆီသိုလှောင်ထားသူနှင့် ဒဂုံမြို့နယ်တွင် ယာဉ်ဆီတိုင်ကီမှ စက်သုံးဆီထုတ်ယူရောင်းချသူတို့ကို ဖမ်းဆီးအရေးယူထား

NOM ဧပြီ ၄၊ ၂၀၂၆

စွမ်းအင်ဝန်ကြီးဌာန Call Center သို့ တိုင်ကြားလာသည့် သတင်းများအရ တရားမဝင်စက်သုံးဆီ ဖြန့်ဖြူးရောင်းချမှုများကို ဥပဒေနှင့်အညီ အမှုဖွင့်လှစ်အရေးယူဆောင်ရွက်မှုအနေဖြင့် မြောက်ဒဂုံမြို့နယ် (၂၉) ရပ်ကွက် အောင်သစ္စာလမ်း အိမ်အမှတ် ၃၃၃ ဦးကျော်မြင့်၏ နေအိမ်တွင် ဒီဇယ်ဆီဟု ယူဆရသော စက်သုံးဆီ ဂါလန် ၅၀ အား ပီပါသုံးလုံးအတွင်း သိုလှောင်ထားရှိပြီး ဆီစုပ်ပန့် နှစ်လုံး လက်ရိုက်ပန့် နှစ်လုံးတို့အားစစ်ဆေးတွေ့ရှိရခြင်းနှင့် ရန်ကုန်တိုင်းဒေသကြီး ဒဂုံမြို့နယ် မြို့မကျောင်းလမ်းနံဘေး၌ ယာဉ်အမှတ် 31/1717 Alphard အမျိုးအစားယာဉ်သည် ယာဉ်ရှိဆီတိုင်ကီမှ ဆီကို ပိုက်ဖြင့်ထုတ်ယူရောင်းချလျက်ရှိကြောင်း စစ်ဆေးတွေ့ရှိရပြီး အဆိုပါလမ်းနံဘေးရှိ ဦးဝသုန်ပိုင် တရားမဝင်ဆီရောင်းချသူထံမှ ဒီဇယ်ဆီဟု ယူဆရသော စက်လုံးဆီ ဂါလန် ၉ဝ နှင့် ဓာတ်ဆီဟု ယူဆရသော စက်သုံးဆီ ၄၈ ဂါလန်ကို စစ်ဆေး တွေ့ရှိရသဖြင့် စက်လုံးဆီ ရောင်းချသူ ယာဉ်မောင်း ဦးဝင်းမင်းထွန်းနှင့် စက်သုံးဆီများ သိုလှောင်ရောင်းချနေသူ ဦးဝသုန်တို့ နှစ်ဦးအား အရေးယူဆောင်ရွက်ခဲ့ကြောင်း သိရသည်။

ပြည်သူများအနေဖြင့် Code/ QR Code များကို Scan ဖတ်၍ စက်သုံးဆီဝယ်ယူရာတွင် တွေ့ကြုံရသည့် နည်းပညာဆိုင်ရာ အခက်အခဲများနှင့် အခြားတင်ပြ တိုင်ကြားလိုသည်များ ရှိပါက စွမ်းအင်ဝန်ကြီးဌာန Call Center ရှိ ရှိ ဖုန်းအမှတ်များဖြစ်သည့် ၀၉-၂၅၀၁၁၁၂၂၂ ၀၉-၂၅၀၁၁၁၃၃၃၊ ၀၉-၄၄၀၄၃၃၂၄ ၈၉၉၁၂၉၂၉၆ နှင့် Viber ဖုန်းအမှတ် ၀၉-၄၀၁၇၄၈၅၉၈ တို့သို့ ဆက်သွယ်တိုင်ကြားနိုင် ကြောင်းနှင့် တိုင်ကြားလာမှုအပေါ် မှန်ကန်ကြောင်း စိစစ်တွေ့ရှိရပါက ထိရောက်စွာအရေးယူ ဆောင်ရွက်သွားမည်ဖြစ်ကြောင်း စွမ်းအင်ဝန်ကြီးဌာနမှ သိရသည်။

NOM