အစ္စရေးအစိုးရကိုပြောင်းလဲရန်တူရကီပါတီခေါင်းဆောင်ပြော
NOM
တူရကီနိုင်ငံရှိ လက်ယာစွန်းရောက် အမျိုးသားရေးဝါဒီ MHပါတီခေါင်းဆောင် ဒက်ဗလက်ဘာချလီက "ကျွန်ုပ်တို့၏ ဒေသအတွင်း အစိုးရပြောင်းလဲမှု ပြုလုပ်ရန် လိုအပ်လာပါက၊ ပြောင်းလဲရန် လိုအပ်သည့် အစိုးရမှာ အစ္စရေးဖြစ်သည်" ဟု ပြောကြားခဲ့သည်။

ရန်ကုန်မြို့နှင့် မန္တလေးမြို့အတွက် ရည်ညွှန်းလက်ကားဈေးနှုန်းများနှင့် ပြည်ထောင်စုနယ်မြေ နေပြည်တော်၊ တိုင်းဒေသကြီး/ ပြည်နယ် မြို့တော်များအတွက် ရည်ညွှန်းလက်လီဈေးနှုန်းများ။

ယနေ့ဧပြီလ ၁ ရက်မှ ၆ ရက်အထိရန်ကုန်တွင် အပူလှိုင်းဖြတ်မည်။

NOM

ဘားအံ-ကော့ကရိတ်-မြဝတီသွား အာရှလမ်းမကြီးဧပြီလ ၂ ရက်ဖွင့်မည်

NOM ဧပြီ ၁၊၂၀၂၆

ကရင်ပြည်နယ်၊ ဘားအံ-ကော့ကရိတ်-မြဝတီသွား အာရှလမ်းမကြီးအား ဧပြီလ ၂ ရက် နံနက် ၈ နာရီအချိန်တွင် ပြန်လည်ဖွင့်လှစ်မည်ဖြစ်ကြောင်း မြဝတီမြို့မှဒေသခံတစ်ဦးပြောသည်။

ထိုင်း-မြန်မာနယ်စပ် ကုန်သွယ်ရေးလမ်းကြောင်း၏ အဓိကအရေးပါဆုံးဖြစ်သည့် မြဝတီ-ကော့ကရိတ် အာရှလမ်းမကြီးကို ၂၀၂၃ ဒီဇင် ဘာ ၁ ရက်နေ့၌ နှစ်ဖက်တိုက်ပွဲများကြောင့် ယာဉ်သွားလာခွင့်များကို ပိတ်ထားခဲ့ပြီး ယခုတိုက်ပွဲများမရှိတော့ဘဲ လမ်းကိုပြုပြင်မှုများပြန်လုပ်ခဲ့ကြောင်းသိရသည်။

"ပြန်ဖွင့်တော့ကောင်းတာပေါ့။ ကုန်စည်စီဆင်းတဲ့ အဓိကလမ်းမကြီးဆိုတော့ သယ်ယူပို့ဆောင်ရေးတွေ ပြန်ကောင်းလာမှာဖြစ်တဲ့အပြင် ကုန်စျေးနှုန်းတွေလည်း ပြန်ကျလာ လာနိုင်တယ်။ ဘာကြောင့်လည်းဆိုတော့ ဒီလမ်းကြီးပိတ်ထားတဲ့အချိန်တုန်ကဆို ထို့ကော်ကိုးလမ်းကို အဓိကသုံးရတာ လမ်းပိတ်တာတွေ အဆင်းတစ်ရက် အတက်တစ် ရက််စောင့်ပြီး လုပ်နေရတာအဆင်မပြေဘူး။ မိုးတွင်းဆို ပိုပြီးအဆင် မပြေဘူး။ အခုလမ်းပြန်ဖွင့်တော့ပိုကောင်းပါတယ်"ဟု မြဝတီမြို့မှဒေသခံတစ်ဦးကပြောသည်။

NOM

တရုတ်က အစ္စရေးကို သတိပေး

တရုတ်နှင့် ကမ္ဘာလုံးဆိုင်ရာမဟာဗျူဟာလေ့လာရေးအင်စတီကျု ဒုတိယဥက္ကဋ္ဌ ဗစ်တာဂေါင်းက
"ပထမဆုံးအနေနဲ့ အစ္စရေးနဲ့ အစ္စရေးခေါင်းဆောင်တွေကို ကျွန်တော်ပြောချင်တာက အီရန်အပါအဝင် တခြားနိုင်ငံတစ်ခုခုကို အစ္စရေးက နျူကလီးယားထိပ်ဖူးသုံးမယ်ဆိုရင် အစ္စရေးနိုင်ငံဟာ နိုင်ငံတစ်ခုအဖြစ် ကနေပျောက်ကွယ်သွားလိမ့်မယ်။" ဟုသတိပေးလိုက်သည်။

NOM

အကြမ်းဖက် PDF များ ဖျက်ဆီးသွားသည့် တာဝါတိုင်များကို ပြင်ဆင်မှု (၆၅) ရာခိုင်နှုန်းပြီးစီး

NOM ဧပြီ ၁၊ ၂၀၂၆

မင်းလှမြို့နယ်အတွင်း အကြမ်းဖက် PDF များဖျက်ဆီးသွားသည့် တာဝါတိုင်များကို ပြန်လည်ပြုပြင် မှုများ ဆောင်ရွက်ခဲ့ရာ ယမန်နေ့ မတ် ၃၁ ရက်နေ့ထိ (၆၅) ရာခိုင်နှုန်းပြီးစီး ရန်ကုန်လျှပ်စစ်ဓါတ်အားပေး ကော်ပိုရေးရှင်းမှ ထုတ်ပြန် ထားကြောင်းသိရသည်။

ပဲခူးတိုင်းဒေသကြီး၊ မင်းလှမြို့နယ်၊ ဆင်အိုင်ချောင်းပေါက်ကျေးရွာနှင့် ရွှေဝါမြိုင်ကျေးရွာကြားရှိ လျှပ်စစ်ဓာတ်အားလိုင်းတိုင်အမှတ် (၃၁၁) နှင့် (၃၁၂) တို့အား မတ်လ ၂၇ ရက် နေ့လယ် ၁၂ နာရီ ၄၅ မိနစ်က အကြမ်းဖက် PDF များက ဆိုင်ကယ်ခြောက်စီးဖြင့် ရောက်လာပြီး မိုင်းထောင်ဖောက်ခွဲဖျက်ဆီးသွားခဲ့သဖြင့် အဆိုပါဓာတ် အားလိုင်းတိုင်နှစ်တိုင်မှာ အောက် ခြေမှကျိုး၍ ပြိုလဲပျက်စီးခဲ့ကြောင်း သိရသည်။

ပျက်စီးခဲ့သည့် တာဝါတိုင်များကို လျှပ်စစ်ကျွမ်းကျင်ဝန်ထမ်း (၁၃၅) ဦးမှ လုံခြုံရေးအဖွဲ့ဝင်များ၏ လုံခြုံရေးစောင့်ရှောက်မှုနှင့်အတူ ပြန်လည်ပြင်ဆင်မှုများပြုလုပ်ခဲ့
ကြရာ မတ် ၃၁ ရက်တွင် တာဝါတိုင်အမှတ် (၃၀၉) တိုင်ယိုင်၊ စောင်းနေမှု၊ တာဝါတိုင်အမှတ် (၃၁၀) တိုင် ဆင်ခြင်း၊ တာဝါတိုင်အမှတ် (၃၁၁) ၏ ဖောင်ဒေးရှင်းလုပ်ငန်းများနှင့် Stub Setting လုပ်ငန်းများကိုဆောင်ရွက်ပြီးစီးခဲ့ကြောင်းသိရသည်။

လက်ရှိပြန်လည်ပြုပြင်ခြင်း လုပ်ငန်းအားလုံး၏ (၆၅) ရာခိုင်နှုန်းပြီးစီးပြီဖြစ်ကာ လျှပ်စစ်ဓာတ်အားအမြန်ရရှိရန် လျှပ်စစ်ကျွမ်းကျင်ဝန်ထမ်းများက ဆောင်ရွက်လျက်ရှိပြီး ဖောက်ခွဲဖျက်ဆီးခံရမှုကြောင့် ယင်းဓာတ်အားလိုင်းမှ ပို့လွှတ်လျက်ရှိသော လျှပ်စစ်ဓာတ်အား (၄၀၀) မဂ္ဂါဝပ်ခန့် လျော့နည်းလျက်ရှိ၍ ရန်ကုန်တိုင်းနှင့် ဧရာဝတီတိုင်းတို့၌ လျှပ်စစ်ဓာတ်အားရရှိမှုလျော့နည်းလျက်ရှိကြောင်းသိရသည်။

NOM

ဥရောပသမဂ္ဂ (EU) ရဲ့ မူဝါဒတွေအပေါ် ပူတင်ရဲ့ အထူးကိုယ်စားလှယ် ဒီမီထရီယက်ဗ် Dmitriev က ခပ်စပ်စပ်လေး ဝေဖန်ထားတာပါ။

"ကားမမောင်းနဲ့၊ လေယာဉ်မစီးနဲ့၊ (ရေ) မချိုးနဲ့၊ မစားနဲ့၊ အဲကွန်းမသုံးနဲ့၊ ဘာမှမသင်ယူနဲ့၊ အလုပ်မလုပ်နဲ့၊ ဘာမှမမေးနဲ့၊ ဘာမှမလုပ်နဲ့၊ ဘာမှမတွေးနဲ့"

ဒါဟာ 'ဥရောပသားတွေအပေါ် EU ရဲ့ ကိုင်တွယ်ပုံ' နဲ့ ပတ်သက်ပြီး ပူတင်ရဲ့ အထူးကိုယ်စားလှယ် ဒီမီထရီယက်ဗ် Dmitriev က ဖော်ပြခဲ့တာ ဖြစ်ပါတယ်။

NOM

အီရန်ဒုံးကျည်တစ်စင်းသည် လေကြောင်းရန်ကာကွယ်ရေးစနစ်ကို ဖောက်ထွက်၍ အရှေ့အလယ်ပိုင်းရှိ အမေရိကန်အခြေစိုက်စခန်းတစ်ခုကို ထိမှန်ခဲ့သည်။

NOM