အမျိုးသားလွှတ်‌တော်မှ ရွေးချယ်သည့် ဒုတိယသမ္မတ မှာကရင် ပြည်နယ် ပြည်ခိုင်းဖြိုးပါတီဥက္ကဌဒေါ်နန်းနီနီအေးဖြစ်
NOM
အမျိုးသားလွှတ်တော်အစည်း အဝေး တွင် သမ္မတလောင်း အမည်စာရင်းတင်သွင်းထားသည့် (၂) ဦးအားယနေ့ နံနက်ပိုင်းက မဲပေးရွေးချယ်ကြရာ ကရင်ပြည်
နယ် ပြည်ခိုင်ဖြိုးပါတီ ဥက္ကဋ္ဌလည်းဖြစ် ဘားအံမြို့နယ် မဲဆန္ဒနယ်အမှတ်(၁) မှ ပြည်နယ်လွှတ်တော်ကိုယ်စားလှယ်လည်းဖြစ်သည့် နန်းနီနီအေးသည် အမျိုးသားလွှတ်
တော်က ရွေးချယ်ရာတွင်၁၁၇မဲဖြင့် ဒုတိယသမ္မတ ဖြစ်လာသည်။

ဥရောပတွင် လေယာဉ်ဆီစျေး သုံးဆတက်

အီရန်စစ်ပွဲနှင့် ဟော်မုဇ်ရေလက်ကြား ပိတ်ဆို့မှုကြောင့် ဥရောပရှိ ဂျက်လေယာဉ်ဆီသည်ယမန်နှစ် စျေးထက်သုံးဆတက်လာသည်။

NOM

တပ်မတော်သား လွှတ်တော်ကိုယ်စားလှယ်များ
အစုအဖွဲ့က ဦးညိုစောအား
နိုင်ငံတော် ဒုတိယသမ္မတ အဖြစ်
ရွှေးချယ်။

NOM

အီရန်- အမေရိကန်နှင့် အစ္စရေးစစ်ပွဲကြောင့် လက်ရှိတွင် အစ္စရေးနိုင်ငံသား ၅,၅၀၀ ကျော် အိမ်ခြေမဲ့ဖြစ်သွား

အစ္စရေးစစ်တပ်ရေဒီယိုရဲ့ ထုတ်ပြန်ချက်အရ အစ္စရေးတွေအတွက် အရေးကြီးတဲ့ ပါတ်စိုဗာ (Passover) ဘာသာရေးပွဲတော်အကြိုကာလမှာ စစ်ပွဲကြောင့် အိမ်ခြေမဲ့ဖြစ်သွားရတဲ့ အစ္စရေးနိုင်ငံသား ၅,၅၀၀ ကျော် ရှိနေပါတယ်။

အခုလို အရေးကြီးတဲ့ ဘာသာရေးပွဲတော်ကာလမှာ အိုးမဲ့အိမ်မဲ့ဖြစ်ရတာဟာ အစ္စရေးတွေအတွက် လူမှုရေးနဲ့ စိတ်ပိုင်းဆိုင်ရာအရ တော်တော်လေး ရိုက်ခတ်မှုရှိနေပါတယ်။

NOM

ပိုလန်၏ပက်ထရီယော့ဒုံးခွင်းဒုံးစနစ်နှစ်ခုအနက်တစ်ခုကိုအမေရိကန်ကမေတ္တာရပ်ခံတောင်းခံခြင်းအပေါ်ပိုလန်ကမပေးနိုင်ဟုဆိုကါပယ်ချလိုက်သည်။

အင်ဒိုနီးရှားနဲ့ ပူးတွဲစစ်ရေးလေ့ကျင့်မှုတွေ လုပ်ဆောင်သွားမယ့် ရုရှားရေတပ်သင်္ဘောတွေဟာ ဂျာကာတာမှာ ဆိုက်ကပ်ခဲ့ပြီလို့ သိရပါတယ်။ ရေငုပ်သင်္ဘောတစင်းအပါအဝင် ရုရှားရေတပ်ရဲ့ ယူနစ်တခုက ဒီနေ့မှာ ဆိုက်ကပ်ခဲ့ပြီး ရေတပ်ဆိုင်ရာ စစ်ရေးလေ့ကျင့်မှုတွေကို ပူးတွဲလုပ်ဆောင်သွားမှာ ဖြစ်ပါတယ်။

News Of Myanmar NOM

အမေရိကန်နဲ့ အစ္စရေးတို့ရဲ့ တိုက်ခိုက်မှုကြောင့် ကင်ဆာရောဂါကုဆေး၊ မေ့ဆေးနဲ့ အထူးရောဂါကုဆေးတွေ ထုတ်လုပ်ပေးနေတဲ့ အီရန်ရဲ့ အဓိက ဆေးဝါးကုမ္ပဏီကြီးတစ်ခု ပျက်စီးသွားပြီး ဆေးထုတ်လုပ်မှုပိုင်းမှာ အတော်လေး ထိခိုက်သွားပါတယ်။

အီရန်ဟာ နိုင်ငံတကာရဲ့ စီးပွားရေးပိတ်ဆို့မှုတွေကြောင့် အရေးကြီးတဲ့ ဆေးဝါးတွေကို ကိုယ်တိုင်ထုတ်လုပ်နေရတာပါ။

NOM

စက်သုံးဆီအရောင်းဆိုင် ၁၇ ဆိုင်ကို ယာယီပိတ်သိမ်း အရေးယူထား

NOM မတ် ၃၁၊ ၂၀၂၆

စက်သုံးဆီဝယ်ယူမှုနှင့် ပတ်သက်ပြီး Call Center သို့သတင်းပေးပို့ တိုင်ကြားလာမှုများအပေါ် အရေးယူ ဆောင်ရွက်ထားမှုများမှာ လက်ရှိအချိန်အထိ စက်သုံးဆီအရောင်းဆိုင် ၁၇ ဆိုင်ကို ယာယီပိတ်သိမ်းပြီး အရောင်းဆိုင်တာဝန်ရှိသူများကို အရေးယူထားပြီးဖြစ်ကြောင်း စွမ်းအင်ဝန်ကြီးဌာနမှသိရသည်။

အဆိုပါယာယီပိတ်သိမ်းထားသည့်ဆိုင်များမှာ နေပြည်တော်ကောင်စီနယ်မြေ ပျဉ်းမနားမြို့နယ်ရှိ “TGB”၊ ပုဗ္ဗသီရိမြို့နယ်ရှိ ရွှေပိုး နဲ့ Terminal 001၊ မန္တလေးတိုင်းဒေသကြီး ပုသိမ်ကြီးမြို့နယ်ရှိ Away၊ အမရပူရမြို့နယ်ရှိ အောင်ဗိုလ်ဟိန်း၊ စဉ့်ကိုင်မြို့နယ်ရှိ စိန်စီအောင်၊ ပြည်ကြီးတံခွန်မြို့နယ်ရှိ အောင်သန်းကျော်၊ အောင်သိဒ္ဓိ၊ ရွှေခြင်္သေ့၊ မိုးကောင်းကင်နဲ့ စွမ်းအင်၊ ရန်ကုန်တိုင်းဒေသကြီး သန်လျင်မြို့နယ်ရှိ Apex၊ ဒဂုံမြို့သစ် (အရှေ့ပိုင်း) မြို့နယ်ရှိ BOC၊ မွန်ပြည်နယ် မော်လမြိုင်မြို့ ဈေးကြို ရပ်ကွက်ရှိ စွမ်းမြန်မာ၊ ညောင်ပင်ဆိပ် ရပ်ကွက်ရှိ Parent Love– 01၊ ကျိုက်မရောမြို့နယ်ရှိ Puma Power၊ ပေါင်မြို့နယ်ရှိ မင်းသန့်-၉ အပါအဝင် စက်သုံးဆီအရောင်းဆိုင် ၁၇ ဆိုင်ကို အရေးယူထား‌ကြောင်းသိရသည်။

ထို့အပြင် Bar Code/ QR Code များ၊ ရောင်းချနေမှုများကို Online Monitoring Center က စောင့်ကြည့် ကြပ်မတ်မှုများကို ဆောင်ရွက် နေရာ Bar Code/ QR Code များ Scan ဖတ်ခြင်းမပြုလုပ်ဘဲ ရောင်းချနေမှုကို စိစစ်တွေ့ရှိရသည့် နေပြည်တော်ကောင်စီနယ်မြေမှ စက်သုံးဆီအရောင်းဆိုင်သုံးဆိုင်၊ ရန်ကုန်တိုင်းဒေသကြီး‌မှ‌ လေးဆိုင်၊ မန္တလေးတိုင်းဒေသကြီးမှ ၁၀ ဆိုင်နှင့်ရှမ်းပြည်နယ်၊ တောင်ကြီးမြို့မှခုနှစ်ဆိုင် စုစုပေါင်း စက်သုံးဆီ အရောင်းဆိုင် ၂၄ ဆိုင်ကိုလည်း ပြင်းထန် စွာ သတိပေးထားပြီး ညွှန်ကြားချက်များကို လိုက်နာမှုမရှိကြောင်း ထပ်မံ စိစစ်တွေ့ ရှိပါက ထိရောက် စွာ အရေးယူဆောင်ရွက်သွားမည် ဖြစ်‌ကြောင်းသိရသည်။

ပြည်သူများ စက်သုံးဆီဝယ်ယူရာတွင် ပိုမိုအဆင်ပြေချောမွေ့စေရန် စက်စွမ်းအားအလိုက် ဝယ်ယူခွင့်ပမာဏကို သတ်မှတ်အဆင့်မြှင့်တင် ထားသည့် Bar Code/ QR Code များနှင့် နေပြည်တော်ကောင်စီနယ်မြေ၊ ရန်ကုန်၊ မန္တလေး၊ တောင်ကြီး၊ ပဲခူး၊ ပြင်ဦးလွင်၊ ရန်ကုန်-မန္တလေး လမ်းဟောင်းနှင့်အမြန်လမ်းမကြီးတစ်လျှောက်ရှိ စက်သုံးဆီ အရောင်းဆိုင်များတွင် ရောင်းချပေးနေကြောင်းသိရသည်။

NOM

အီရန် ဖားစ်နယူးစ် သတင်းဌာန (Fars News) ကို အတွင်းသိသတင်းမြစ်တစ်ခုက ပြောတာကတော့ -

အာရပ်စော်ဘွားများပြည်ထောင်စု (UAE) အနေနဲ့ အမေရိကန်ရဲ့ လေကြောင်းနဲ့ ဒုံးကျည်တိုက်ခိုက်မှုတွေမှာ ဆက်ပြီးပါဝင်နေမယ်။ အစ္စရေးကို ကူညီဖို့အတွက် ထောက်လှမ်းရေးတပ်ဖွဲ့တွေကို ဆက်လက်လက်ခံထားမယ်ဆိုရင်တော့ အီရန်က ကမ္ဘာ့အကြီးဆုံး သင်္ဘောဆီဖြည့် ဆိပ်ကမ်းတွေထဲက တစ်ခုဖြစ်ပြီး UAE အတွက် စီးပွားရေးအရ အင်မတန်အရေးပါတဲ့ ဖူဂျိုင်ရာ (Fujairah) ဆိပ်ကမ်းနဲ့ ဟော်မုဇ်ရေလက်ကြားကို ဖြတ်စရာမလိုဘဲ ရေနံတင်ပို့နိုင်တဲ့ အရေးကြီး ရေနံပိုက်လိုင်းကို ပစ်မှတ်ထား တိုက်ခိုက်သွားမယ်လို့ ဆိုပါတယ်။

NOM

စပိန်နဲ့ အီတလီပြီးတဲ့နောက်မှာတော့ အခု ပြင်သစ်ကလည်း သူတို့ပိုင်နက်ထဲမှာ အမေရိကန်စစ်လေယာဉ်တွေ သွားလာလှုပ်ရှားတာကို တားမြစ်လိုက်ပြန်ပြီ

ဒီကိစ္စနဲ့ပတ်သက်ပြီး ထရမ့်က သူ့ရဲ့ဆိုရှယ်မီဒီယာအကောင့်ကနေ အခုလိုပြောကြားခဲ့ပါတယ်။

"ပြင်သစ်နိုင်ငံဟာ အစ္စရေးကိုသွားမယ့် စစ်လက်နက်ပစ္စည်းတွေတင်ဆောင်ထားတဲ့ လေယာဉ်တွေကို သူတို့ ဝေဟင်ပိုင်နက်ကနေ ဖြတ်သန်းခွင့်မပေးပါဘူး။ ပြင်သစ်ဟာ အောင်အောင်မြင်မြင် ရှင်းလင်းလိုက်နိုင်ပြီဖြစ်တဲ့ 'အီရန်ရဲ့ သားသတ်သမား' (Butcher of Iran) နဲ့ ပတ်သက်တဲ့ ကိစ္စတွေမှာလည်း လုံးဝ (လုံးဝ) အကူအညီမပေးခဲ့ပါဘူး။ ဒါကို အမေရိကန်က မှတ်ထားမှာပါ!!!" — သမ္မတ ဒေါ်နယ် ဂျေ ထရမ့်

NOM

ဟော်မုဇ်ရေလက်ကြား ပြဿနာကြောင့် လေယာဉ်ဆီ မရနိုင်တော့တဲ့ နိုင်ငံတွေ (ဥပမာ - အီရန်ကို အမြစ်ဖြတ်ချေမှုန်းတဲ့နေရာမှာ ပါဝင်ဖို့ ငြင်းဆန်ခဲ့တဲ့ ဗြိတိန်လို နိုင်ငံမျိုးတွေ) အတွက် ကျွန်တော့်မှာ အကြံပြုချက် ရှိပါတယ်။

နံပါတ် (၁) - အမေရိကန်ဆီကပဲ ဝယ်ကြပါ။ ကျွန်တော်တို့ဆီမှာ အများကြီး ရှိပါတယ်။

နံပါတ် (၂) - အခုမှ နောက်ကျပြီးမှ ရလာတဲ့ သတ္တိမျိုးကို မွေးပြီး အဲဒီရေလက်ကြားကို ကိုယ်တိုင်သွားပြီး သိမ်းယူလိုက်ကြပါ။

ကိုယ့်အတွက်ကိုယ် တိုက်ပွဲဝင်ဖို့ သင်ယူရတော့မယ်။ ခင်ဗျားတို့ ကျွန်တော်တို့ဘက်မှာ မရပ်တည်ပေးခဲ့သလိုပဲ အမေရိကန်ကလည်း ခင်ဗျားတို့ကို ကူညီဖို့ ရှိနေတော့မှာ မဟုတ်ဘူး။

အီရန်ကတော့ အခြေခံအားဖြင့် ပြာပုံဖြစ်သွားပြီ။ အခက်ခဲဆုံး အပိုင်းက ပြီးသွားပြီ။ ကိုယ့်ဘာသာကိုယ် သွားပြီး ရေနံရှာကြတော့!!!" —

သမ္မတ ဒေါ်နယ် ဂျေ ထရမ့်

NOM

လက်ဘနွန်စစ်သားတစ်ဦး၏ မိခင်ဖြစ်သူက သားဖြစ်သူ၏ စစ်ဝတ်စုံကို ဝှက်ထားပြီး တာဝန်ပြန်ထမ်းဆောင်ခွင့်မပြုဘဲ ငြင်းဆန်နေ

အကြောင်းရင်းမှာ အစ္စရေး၏ တိုက်ခိုက်မှုများကို ပြန်လည်တုံ့ပြန်ရန် လက်ဘနွန်စစ်တပ်ကို အထက်က "အာဏာကုန် လုပ်ပိုင်ခွင့်မပေးထားခြင်း" ကြောင့်ဖြစ်သည်။

"ကျွန်မတို့သားသမီးတွေဟာ ဝက်စာကျွေးဖို့ မွေးထားတဲ့ ကြက်ကလေးတွေ မဟုတ်ဘူး" ဟု မိခင်ဖြစ်သူက ပြောကြားခဲ့သည်။

ထို့အပြင် လက်ဘနွန် သမ္မတနှင့် ဝန်ကြီးများ၏ သားသမီးများကိုသာ "ယဇ်ပူဇော်မည့် သိုးသူငယ်များ" အဖြစ် အစားထိုး အသုံးပြုသင့်သည်ဟုလည်း သူမက ဆိုသည်။

NOM

ဒုတိယဝန်ကြီး ဦးကိုကိုကျော် မြန်မာနိုင်ငံဆိုင်ရာ အာရပ်စော်ဘွားများပြည်ထောင်စုနိုင်ငံ (ယူအေအီး) သံအမတ်ကြီးအား လက်ခံတွေ့ဆုံ

မတ် ၃၀၊ ၂၀၂၆

နိုင်ငံခြားရေးဝန်ကြီးဌာန ဒုတိယဝန်ကြီး ဦးကိုကိုကျော်သည် ရန်ကုန်မြို့အခြေစိုက် မြန်မာနိုင်ငံဆိုင်ရာ အာရပ်စော်ဘွားများပြည်ထောင်စုနိုင်ငံ (ယူအေအီး) သံအမတ်ကြီး မစ္စတာ မူတာ့ဇ်အဗ္ဗဒူလာ အဗ္ဗဒူလ်ဂျာလဲလ် မိုဟာမက် အယ်လ်ဖာဟင်းမ်အား ယနေ့မွန်းလွဲ ၁ နာရီတွင် နေပြည်တော် ရှိ နိုင်ငံခြားရေးဝန်ကြီးဌာန၌ လက်ခံတွေ့ဆုံသည်။

တွေ့ဆုံစဉ် မြန်မာ-အာရပ်စော်ဘွားများ ပြည်ထောင်စု (ယူအေအီး) နှစ်နိုင်ငံအကြား ရှိရင်းစွဲ ချစ်ကြည်ရင်းနှီးမှု ပိုမိုခိုင်မာစေရေး၊ ကုန်သွယ်ရေးနှင့် ရင်းနှီးမြှုပ်နှံမှုကဏ္ဍများအပါအဝင် နှစ်နိုင်ငံအကျိုးတူပူးပေါင်းဆောင်ရွက်မှုများ မြှင့်တင်ရေးကိစ္စရပ်များနှင့်စပ်လျဉ်း၍ ဆွေးနွေးခဲ့ကြောင်း သိရသည်။

NOM

အမေရိကန်က အရှေ့အလယ်ပိုင်းမှာ ဖြန့်ကြက်ချထားဖို့အတွက် ပိုလန်နိုင်ငံဆီက ပက် ထရီ ယော့ Patriot လေကြောင်းကာကွယ်ရေးစနစ် နှစ်ခုထဲက တစ်ခုကို တောင်းဆိုခဲ့ပေမဲ့ ဝါဆော (ပိုလန်အစိုးရ) က ငြင်းဆိုခဲ့ပါတယ်။

NOM