ပါလက်စတိုင်း အကျဉ်းသားများကိုသေဒဏ်ပေးမည့် ဥပဒေအစ္စရေးလွှတ်တော်ကအတည်ပြု

ပါလက်စတိုင်းအကျဉ်းသားများအတွက် သေဒဏ်ပေးမည့် ဥပဒေတစ်ရပ်ကို အစ္စရေးနက်ဆက်လွှတ်တော်က ၆၂ မဲ-၄၈ မဲဖြင့်အတည်ပြုခဲ့သည်။

လက်ယာစွန်း အမျိုးသားကာကွယ်ရေးဝန်ကြီး ဘင်ဂ်ဗီယာသည် ဥပဒေပြုလွှတ်တော်တွင် ရှန်ပိန်ပုလင်းတစ်လုံးကို ဖွင့်၍ အောင်ပွဲခံရန် ကြိုးစားခဲ့သော်လည်း ဘေးမှတစ်ဦးကတားဆီးခဲ့သည်။

NOM

ဘင်္ဂလားဒေ့ရှ် စွမ်းအင်အကျပ်အတည်းကြောင့် လျှပ်စစ်ဓာတ်အားဖြတ်တောက်ရန် အမိန့်ထုတ်

ဘင်္ဂလားဒေ့ရှ် ပြည်သူ့အုပ်ချုပ်ရေးဝန်ကြီးဌာနသည် မတ်လ ၂၉ ရက်နေ့တွင် လျှပ်စစ်ဓာတ်အားအသုံးပြုမှုဆိုင်ရာ ညွှန်ကြားချက်များ ထုတ်ပြန်ခဲ့ပြီး အရပ်ဘက်ဝန်ထမ်းများအား မီးကို ကန့်သတ်သုံးစွဲရန်၊ အဲယားကွန်းကို ၂၅ ဒီဂရီစင်တီဂရိတ် သို့မဟုတ် ပိုမြင့်သောအပူချိန် တွင် ထားရန်နှင့် ရုံးမှထွက်ခွာသည့် အခါ မီးများကို ပိတ်ရန် အမိန့်ထုတ် ခဲ့သည်။ အရှေ့အလယ်ပိုင်းစစ်ပွဲနှင့် ဆက်စပ်၍ စွမ်းအင်ပြတ်လပ်မှု ပိုမိုနက်ရှိုင်းလာပြီးနောက် ယင်းအစီအမံများ ချမှတ်ခဲ့ခြင်းဖြစ်သည်။

ဘင်္ဂလားဒေ့ရှ်သည် ၎င်း၏ ရေနံနှင့် သဘာဝဓာတ်ငွေ့ လိုအပ်ချက်၏ ၉၅ ရာခိုင်နှုန်းကို ပြည်ပမှတင်သွင်းနေပြီး ပဋိပက္ခကြောင့် ထောက်ပံ့ရေးပြတ်တောက်မှုများကို ခံရနိုင်သည်။ အစိုးရသည် လောင်စာဆီဝယ်ယူမှုကို ကန့်သတ်ခြင်း၊ဓာတ်မြေဩဇာစက်ရုံအများစုတွင် ထုတ်လုပ်မှုကို ရပ်ဆိုင်းထားခြင်းနှင့် ဓာတ်ဆီဆိုင်များတွင် ရဲများ အစောင့်ချခြင်းတို့ လုပ်ဆောင်ထားသည်။

NOM

ယူအေအီးနိုင်ငံ၊ ရှာဂျာမြို့ရှိ ဆက်သွယ်ရေးကုမ္ပဏီ ဒရုန်းဖြင့် တိုက်ခိုက်ခံရ

ယူအေအီးနိုင်ငံ၊ ရှာဂျာ (Sharjah) မြို့မှာရှိတဲ့ သူရယာ (Thuraya) ဆက်သွယ်ရေးကုမ္ပဏီရဲ့ ရုံးချုပ်အဆောက်အအုံဟာ ဒရုန်းနဲ့ တိုက်ခိုက်ခြင်း ခံခဲ့ရပါတယ်။

သတင်းရင်းမြစ် - တက်စနင်း

NOM

အာရပ်နိုင်ငံတွေအနေနဲ့ စစ်ရေးအသုံးစရိတ်တွေကို ကူညီကျခံပေးဖို့ သမ္မတ ထရမ့် တိုက်တွန်းလိုကြောင်း အိမ်ဖြူတော်ပြောရေးဆိုခွင့်ရှိသူ လီဗစ် ပြောကြား

အာရပ်နိုင်ငံတွေအနေနဲ့ စစ်ရေးဆိုင်ရာ ကုန်ကျစရိတ်တွေကို မျှဝေကျခံပေးဖို့ တိုက်တွန်းလိုကြောင်း အိမ်ဖြူတော် သတင်းပြန်ကြားရေးအတွင်းဝန် လိဗစ် (Leavitt) က ပြောကြားလိုက်ပါတယ်။

NOM

အီရန်အလယ်ပိုင်း အစ္စဖာဟန်မြို့ကို အမေရိကန်နဲ့ အစ္စရေးတို့ တိုက်ခိုက်မှုအတွင်း ကျောင်းသား ၉ ဦးနဲ့ ဆရာ ၁ ဦး သေဆုံး

အီရန်နိုင်ငံအလယ်ပိုင်းက အစ္စဖာဟန် (Isfahan) မြို့ကို အမေရိကန်နဲ့ အစ္စရေးတို့ရဲ့ ကျူးကျော်တိုက်ခိုက်မှုကြောင့် ကျောင်းသား ၉ ဦးနဲ့ ဆရာ ၁ ဦးတို့ အသက်ဆုံးရှုံး ခဲ့ရပါတယ်။

NOM

အမေရိကန်နိုင်ငံ ကယ်လီဖိုးနီးယားရှိ Whole Foods စျေးဝယ်စင်တာတွင် အမျိုးသားတစ်ဦးက ၎င်း၏ လိင်အင်္ဂါဖြင့် အမျိုးသမီးစျေးဝယ်သူ၏ နားကို ပွတ်တိုက်ခဲ့မှုဖြစ်ပွား

ကယ်လီဖိုးနီးယား (California) ပြည်နယ်ရှိ ဟိုးလ်ဖုဒ်စ် (Whole Foods) စျေးဝယ်စင်တာမှာ အမျိုးသားတစ်ဦးဟာ အမျိုးသမီးစျေးဝယ်သူတစ်ဦးရဲ့ နားကို သူ့ရဲ့ လိင်အင်္ဂါနဲ့ လာရောက်ပွတ်တိုက်ခဲ့ပါတယ်။

အဲဒီအမျိုးသားဟာ လက်ထဲမှာ လက်ကိုင်ဖုန်းတစ်လုံးကိုလည်း ကိုင်ထားပြီး အဆိုပါစော်ကားမှုကို "ဗီဒီယိုမှတ်တမ်းတင်ဖို့ ဖြစ်နိုင်ခြေရှိတယ်" လို့ ယူဆရပါတယ်။

NOM

ပြည်ထောင်စုဝန်ကြီး ဦးသန်းဆွေထံ ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) ၏ မြန်မာနိုင်ငံဆိုင်ရာ ကိုယ်စားလှယ်အသစ် ခန့်အပ်လွှာ လာရောက်ပေးအပ်

မတ် ၃၀၊ ၂၀၂၆

နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေအား ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) ၏ မြန်မာနိုင်ငံဆိုင်ရာ ကိုယ်စားလှယ်အသစ် Mr. Barnaby Jones သည် ယနေ့မွန်းလွဲ ၁ နာရီခွဲတွင် နေပြည်တော်ရှိ နိုင်ငံခြားရေးဝန်ကြီးဌာန၌ လာရောက်ဂါရဝပြုတွေ့ဆုံပြီး ၎င်း၏ ခန့်အပ်လွှာကို ပေးအပ်သည်။

ခန့်အပ်လွှာပေးအပ်သည့် အခမ်းအနားသို့ နိုင်ငံခြားရေးဝန်ကြီးဌာနမှ သက်ဆိုင်ရာ တာဝန်ရှိသူများ တက်ရောက်ကြသည်။

NOM

အီရန်အား တိုက်ခိုက်မှုမတိုင်မီ စစ်ရေးဆိုင်ရာ ရန်ပုံငွေများ ဝယ်ယူရန် စစ်ဝန်ကြီး ဟက်ဂ်ဆက်သ်၏ ပွဲစားက ကြိုးပမ်းခဲ့ကြောင်း FT သတင်းဌာနဖော်ပြ

အီရန်အား တိုက်ခိုက်မှု မဖြစ်ပွားခင်လေးမှာပဲ အမေရိကန် စစ်ဝန်ကြီး (Secretary of War) ဟက်ဂ်ဆက်သ် (Hegseth) ရဲ့ ပွဲစားဟာ ကာကွယ်ရေးဆိုင်ရာ ရန်ပုံငွေတွေကို ဝယ်ယူဖို့ ကြိုးစားခဲ့တယ်လို့ ဖိုင်နန်ရှယ်တိုင်းမ် (Financial Times - FT) သတင်းဌာနက ဖော်ပြလိုက်ပါတယ်။

ဒေါ်လာသန်းပေါင်းများစွာ ရင်းနှီးမြှုပ်နှံဖို့အတွက် ဘလက်ရော့ခ် (BlackRock) ရင်းနှီးမြှုပ်နှံမှု ကုမ္ပဏီကို ချဉ်းကပ်ခဲ့ပေမဲ့ အကောင်အထည်ဖော်ခြင်းတော့ မရှိခဲ့ပါဘူး။

ဒီသတင်းနဲ့ပတ်သက်ပြီး ပင်တဂွန် (Pentagon) စစ်ဌာနချုပ် ပြောရေးဆိုခွင့်ရှိသူ ရှောင်ပါနဲလ် (Sean Parnell) ကတော့ ဒီသတင်းဟာ "မှားယွင်းနေတယ်" လို့ ငြင်းဆိုလိုက်ပြီး သတင်းကို ပြန်လည်ရုပ်သိမ်းပေးဖို့ တောင်းဆိုထားပါတယ်။

NOM

တရုတ်ဇနီးမယားအဖြစ် လက်ထပ်ပေါင်းသင်းစေကာ ငွေကြေးအကျိုးအမြတ်ခေါင်းပုံဖြတ် ရယူဆောင်ရွက်ကြသူများကို လူကုန်ကူးမှုဖြင့် အလုပ်နှင့် ထောင်ဒဏ်ချမှတ်

မတ် ၃၀၊ ၂၀၂၆

အမျိုးသမီးကို တရုတ်ဇနီးမယားအဖြစ် လက်ထပ်ပေါင်းသင်းစေကာ ရရှိသော ငွေကြေးအကျိုးအမြတ် ခေါင်းပုံဖြတ်ရယူ ဆောင်ရွက်ကြသူများကို လူကုန်ကူးမှုဖြင့် အလုပ်နှင့် ထောင်ဒဏ် ၁၅ နှစ် ချမှတ်ခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။

ဖြစ်စဉ်မှာ မန္တလေးတိုင်းဒေသကြီး ပုသိမ်ကြီးမြို့နယ် မကျီးပင်စောက်ကျေးရွာနေ အမျိုးသမီးတစ်ဦးသည် ခင်ပွန်းဖြစ်သူနှင့် စကားများရန်ဖြစ်ပြီး အလုပ်လုပ်ကိုင်ရန် လေယာဉ်ဖြင့် ကျိုင်းတုံမြို့သို့ ရောက်ရှိနေစဉ် ရှမ်းပြည်နယ် ကျိုင်းတုံမြို့ ယန်းခမ်းကားကြီးဝင်းနေ မအိမူမူအောင် (ခ) မသဲသဲက မိုင်းပေါက်မြို့ရှိ ပွဲစားဒေါ်အိနှင့် ချိတ်ဆက်ပေးမည်၊ တရုတ်အငှားမယားလုပ်မည်ဆိုပါက မိုင်းပေါက်မြို့သို့ သွားရောက်ရမည်၊ တင်တောင်းငွေ ယွမ် ၁၅၀၀၀ ရရှိမည်ဖြစ် ကြောင်း ပြောဆိုစည်းရုံးခဲ့သဖြင့် သဘောတူပြီး ၂၀၂၅ ခုနှစ် ဇူလိုင်လတွင် မအိမူမူအောင် (ခ) မသဲသဲက ကျိုင်းတုံမှ မိုင်းပေါက်မြို့သို့ ပို့ဆောင်ခဲ့ရာ ပွဲစား ဒေါ်အိထံသို့ ရောက်ရှိ ခဲ့ကြောင်း။

ဒေါ်အိက တရုတ်ပွဲစားများထံ ၎င်း၏ ဓာတ်ပုံများ ပို့ပေးခဲ့ရာမှ လာရောက်ကြည့်ရှုကြပြီး တရုတ်ပွဲစားများက ဒေါ်အိကို တရုတ်ငွေများပေးနေသည်ကို တွေ့ရှိရ ကြောင်း၊ မည်မျှပေးသည်ကို မသိရှိကြောင်း၊ တရုတ်ပြည်ရှိ တရုတ်အမျိုးသားနှင့် လက်ထပ်ပြီးပါက တင်တောင်းငွေ တရုတ်ယွမ် ၁၅၀၀၀ ရရှိမည်ဟု ဒေါ်အိ နှင့် မအိမူမူအောင် (ခ) မသဲသဲတို့က ပြောဆိုခဲ့ကြကြောင်း။

ယင်းနောက် တရုတ်ပွဲစားများနှင့်အတူ တောလမ်းများမှ သွားရောက်ခဲ့ရာ တရုတ်ပြည်ရှိ အမည်မသိရွာတစ်ရွာသို့ ရောက်ရှိခဲ့ပြီး ထိုရွာရှိ တရုတ်နိုင်ငံသား “ဝ”အမျိုးသား အဲကားဆိုသူနှင့် လက်ထပ်ခဲ့ရကြောင်း၊ တင်တောင်းငွေမရသဖြင့် သားမယားအဖြစ် နေထိုင်ရန်ပြောဆိုမှုကို ငြင်းဆန်ခဲ့ရာ ပွဲစားများထံမှ ဝယ်ယူပြီးဖြစ်၍ ကလေးမွေးပြီးမှသာ ပြန်ခိုင်းမည်ဖြစ်ကြောင်း ပြောဆို၍ သားမယားအဖြစ် နေထိုင်ခဲ့ကြောင်း၊ သားမယားအဖြစ်နေထိုင်ရန် ငြင်းဆန်သည့်နေ့များတွင် အခန်းတွင်း တံခါးပိတ်ပြီး ခြေဖြင့်ကန်ခြင်း၊ ကြိုးဖြင့် ရိုက်နှက်ခြင်းများ ပြုလုပ်ခဲ့သဖြင့် အဲကားတောင်ယာသို့သွားစဉ် နေအိမ်မှ ထွက်ပြေးပြီး လျန်စန်းရဲစခန်းသို့ ရောက်ရှိကာ တရားမဝင် ဝင်ရောက်မှုအတွက် ထောင်ဒဏ် နှစ်လနှင့် နှစ်ရက် ချမှတ်ခံခဲ့ရပြီး မြန်မာနိုင်ငံနယ်စပ်သို့ ပြန်လည်လွှဲပြောင်းပေးခဲ့ကြောင်း စိစစ်ပေါ်ပေါက်သဖြင့် အမှတ် (၁၈) လူကုန်ကူးမှုတားဆီး နှိမ်နင်းရေး ရဲတပ်ဖွဲ့စု (ကျိုင်းတုံ) မှ တရားလိုပြုလုပ်တိုင်တန်းခဲ့ရာ ကျိုင်းတုံမြို့မရဲစခန်း(ပ) ၁၆၇/၂၀၂၅၊ လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅ ဖြင့် အမှုရေးဖွင့်တရား စွဲတင်ခဲ့ပြီး ၂၀၂၆ ခုနှစ် မတ် ၂၆ ရက်တွင် ကျိုင်းတုံခရိုင် တရားရုံးမှ မအိမူမူအောင် (ခ) မသဲသဲကို လူကုန်ကူးမှု တားဆီးနှိမ်နင်းရေးဥပဒေပုဒ်မ ၃၅ ဖြင့် အလုပ်နှင့် ထောင်ဒဏ် ၁၅ နှစ် ကျခံစေရန် အမိန့်ချမှတ်ခဲ့ပြီး တိမ်းရှောင်တရားခံ ဒေါ်အိကို လူကုန်ကူးမှုတားဆီးနှိမ်နင်းရေး ဥပဒေပုဒ်မ ၃၅/ကျင့် ၅၁၂ အရ ကျင့် ၈၇/၈၈ ထုတ်ဆင့်ခဲ့ကြောင်း သိရသည်။

NOM

အိန္ဒိယသမ္မတနိုင်ငံမှ မြန်မာနိုင်ငံအင်ဂျင်နီယာအသင်းချုပ်သို့ ပေးပို့လှူဒါန်းသည့် ငလျင်အပြီး အဆောက်အအုံများစစ်ဆေးရန် အသုံးပြုမည့်ကိရိယာများ လွှဲပြောင်းပေးအပ်

မတ် ၃၀၊ ၂၀၂၆

အိန္ဒိယသမ္မတနိုင်ငံမှ မြန်မာနိုင်ငံအင်ဂျင်နီယာအသင်းချုပ်သို့ ပေးပို့လှူဒါန်းသည့် ငလျင်အပြီး အဆောက်အအုံများ စစ်ဆေးရန် အသုံးပြုမည့် ကိရိယာများ လွှဲပြောင်းပေးအပ်ပွဲကို ယနေ့ နံနက် ၁၁ နာရီက ရန်ကုန်မြို့ လှိုင်မြို့နယ် မြန်မာနိုင်ငံအင်ဂျင်နီယာအသင်းချုပ်ရှိ Function Hall၌ ကျင်းပသည်။

ဦးစွာ မြန်မာနိုင်ငံအင်ဂျင်နီယာအသင်းချုပ်ဥက္ကဋ္ဌ ဦးခင်မောင်ဌေးက ကြိုဆိုနှုတ်ခွန်းဆက်စကားပြောကြားပြီး မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီး H.E. Abhay Thakurက အမှာစကား ပြောကြားသည်။

ထို့နောက် ဗဟိုအလုပ်အမှုဆောင်ကော်မတီဝင် ဦးဆန်းကြူက လှူဒါန်းသည့် အဆောက်အအုံစစ်ဆေးခြင်းအတွက် စက်ပစ္စည်းအသုံးပြုမှုနည်းပညာဆိုင်ရာများကို ရှင်းလင်းတင်ပြပြီး ပစ္စည်းကိရိယာများနှင့် စာရွက်စာတမ်းများကို မြန်မာနိုင်ငံဆိုင်ရာ အိန္ဒိယနိုင်ငံ သံအမတ်ကြီးက မြန်မာနိုင်ငံ အင်ဂျင်နီယာအသင်းချုပ်ဥက္ကဋ္ဌထံ လွှဲပြောင်းပေးအပ်ကာ မြန်မာနိုင်ငံအင်ဂျင်နီယာအသင်းချုပ်ရှိ မြန်မာနိုင်ငံငလျင်ကော်မတီဥက္ကဋ္ဌ ဦးညွန့်မောင်ဆန်းက နိဂုံးချုပ်အမှာစကားပြောကြားသည်။

မြန်မာနိုင်ငံအင်ဂျင်နီယာအသင်းဥက္ကဋ္ဌ ဦးခင်မောင်ဌေးက “ဒီနေ့လှူဒါန်းတဲ့ပစ္စည်းတွေကို အိန္ဒိယကနေ ရန်ကုန်ဆိပ်ကမ်းရောက်အောင် သံရုံးအစီအစဉ်နဲ့ ဆောင်ရွက်ပေးခဲ့တာပါ။ မတ် ၂၄ ရက်မှာ ကျွန်တော်တို့ အင်ဂျင်နီယာအသင်းချုပ်ရုံးကို ရောက်ပါတယ်။ လှူဒါန်းတဲ့ပစ္စည်းက ၁၁ မျိုးပါဝင်ပြီး တန်ဖိုးက အိန္ဒိယရူပီး သန်းပေါင်း ၂၀ ကျော်ဖြစ်ပြီး မြန်မာငွေတန်ဖိုးအနေနဲ့ ကျပ်သိန်းပေါင်း တစ်သောင်းကျော် တန်ဖိုးရှိပါတယ်။ အခုလိုလှူဒါန်းပေးတဲ့အတွက် အိန္ဒိယသမ္မတ နိုင်ငံနဲ့ အိန္ဒိယပြည်သူပြည်သားတွေ၊ သံအမတ်ကြီးနဲ့တကွ သံရုံးက တာဝန်ရှိသူအားလုံးကို ကျေးဇူးတင်ပါတယ်။ အဓိပ္ပာယ်ရှိတဲ့ ပံ့ပိုးကူညီမှုဟာ စေတနာကောင်းကိုသာမက မြန်မာနိုင်ငံနဲ့ အိန္ဒိယနှစ်နိုင်ငံအကြား ချစ်ကြည်ရင်းနှီးမှု ခိုင်မာပြီး ရေရှည်တည်တံ့တဲ့ မိတ်ဖက်ဆက်ဆံရေးကိုလည်း ထင်ဟပ်စေပါတယ်” ဟု ပြောသည်။

ယနေ့ လှူဒါန်းသည့် စက်ယန္တရားနှင့် ပစ္စည်းကိရိယာများတွင် မြေကြီးထိုးဖောက်စစ်ဆေး ရေး ရေဒါစက် (Ground Penetr-ation Radar)၊ Lidar စကန်နာပါသော တက်ပလက် (Tablet / iPad with Lidar Scanner)၊ လေဗယ်တိုင်းတာရေး လေဆာစက် (Levelling Laser)၊ ဒစ်ဂျစ်တယ်ရေညှိတန်းတိုင်းကိရိယာ (၁ မီတာ) ( Digital Spirit Level 1M Length)၊ အတိုင်းအတာတိုင်း ကိရိယာ (Vernier Clipper)၊ အကွာအဝေးတိုင်းတာရေး လေဆာစက် အများဆုံးအကွာအဝေး(Distance Laser Max)၊ ကွန်ကရစ်ခိုင်ခံ့မှုစမ်းသပ်ဟမ်မာ (Rebound Hammer)၊ တိုင်းတာရေးစက် (Total Station)၊ ကွန်ပျူတာ (Computer)နှင့် ဆက်စပ်ပစ္စည်းများ ပါဝင်ပြီး ဘေးအန္တရာယ်မတိုင်မီနှင့် ဘေးအန္တရာယ်ဖြစ်ပွားပြီးနောက် အဆောက်အအုံအကဲဖြတ်ခြင်းများအတွက် အသုံးပြုနိုင်သည့် စက်ယန္တရားနှင့် ပစ္စည်းကိရိယာများဖြစ်ကြောင်း သိရသည်။

NOM

နယူးယောက်ပို့စ် (NYP) သတင်းအရ အသက် ၂၅ နှစ်အရွယ် သမ္မတဟောင်းဘိုင်ဒန်ရဲ့ ဝန်ထမ်းဟောင်း နေရှင်ဝုဒ် (Nation Wood) ဟာ ရေချိုးခန်းထဲမှာ သူ့ရဲ့ချစ်သူကို မတော်တဆ သေနတ်ပစ်မိခဲ့လို့ "လူသေမှု" နဲ့ တရားစွဲဆိုခံထားရပါတယ်။

NOM

ရန်ကုန်မြို့နှင့် မန္တလေးမြို့အတွက် ရည်ညွှန်းလက်ကားဈေးနှုန်းများနှင့် ပြည်ထောင်စုနယ်မြေ နေပြည်တော်၊ တိုင်းဒေသကြီး/ပြည်နယ် မြို့တော်များအတွက် ရည်ညွှန်းလက်လီဈေးနှုန်းများ။

တောင်ငူမြို့၌ မြန်မာ့ရိုးရာ မဟာသင်္ကြန်ပွဲတော် စည်ကားသိုက်မြိုက်စွာ ကျင်းပသွားမည်

မတ် ၃၀၊၂၀၂၆

ပဲခူးတိုင်းဒေသကြီး တောင်ငူမြို့ ဗဟိုမဏ္ဍပ်၌ ၁၃၈၇ ခုနှစ် မြန်မာ့ရိုးရာ မဟာသင်္ကြန်ပွဲတော်ကို လမ်းလျှောက်သင်္ကြန်၊ စတုဒိသာအလှူများ၊ ယိမ်းအဖွဲ့များ၊ ဖျော်ဖြေရေးအစီအစဉ်များ၊ DJ နှင့် နာမည်ကြီးအဆိုတော်များဖြင့် ဧပြီ ၁၃ ရက်မှ ၁၆ ရက်အထိ စည်ကားသိုက်မြိုက်စွာ ကျင်းပသွားမည်ဖြစ်သည်။

တောင်ငူမြို့၌ မန္တလေးမြေငလျင်ကြီးကြောင့် ၁၃၈၆ ခုနှစ် မြန်မာ့ရိုးရာ မဟာသင်္ကြန်ပွဲတော်ကို အေးသင်္ကြန်အဖြစ် ဆင်နွှဲခဲ့ပြီး ယခုနှစ်တွင် ယိမ်းအဖွဲ့ ၁၃ ဖွဲ့ဖြင့် ဖျော်ဖြေတင်ဆက်နိုင်ရေး သင်္ကြန်တေးသီချင်းများဖြင့် သီဆိုကပြရန် ရပ်ကွက်ကျေးရွာအုပ်စုများ၌ ကြိုတင် လေ့ကျင့်လျက်ရှိသည်။ အကယိမ်းဖွဲ့များကို သင်္ကြန်ဝတ်စုံများ စီစဉ်ဆောင်ရွက်ပေးထားပြီး ဖျော်ဖြေရေးအစီအစဉ်များတွင် DJ နှင့် ဒေသခံအဆိုတော်များအပြင် နိုင်ငံကျော်အဆိုတော်များ ဖျော်ဖြေကြမည်ဖြစ်သည်။ လမ်းလျှောက်သင်္ကြန်ပွဲတော်တွင် ရေရရှိရေး၊ ရေလာရောက်ကစားမည့်သူများ အဆင်ပြေချောမွေ့စေရေးနှင့် အလှူရှင်များက စတုဒိသာအလှူများဖြင့် ကျွေးမွေးနိုင်ရေး ကြိုတင်ဆောင်ရွက်ပေးလျက်ရှိကြောင်း တောင်ငူမြို့နယ် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးဉာဏ်လင်းအောင်ထံမှ သိရသည်။

NOM

ပြည်သူ့လွှတ်တော်က ဗိုလ်ချုပ်မှူးကြီး မင်းအောင်လှိုင်ကို ဒုသမ္မတ အဖြစ် မဲအဆုံးအဖြတ်ဖြင့်ရွေးချယ်။

ဆန္ဒမဲ ၂၆၀ တွင် ဗိုလ်ချုပ်မှူးကြီး မင်းအောင်လှိုင် မှ ဆန္ဒမဲ ၂၄၇ မဲ၊ ဒေါက်တာကျော်ဆွေ မှ ဆန္ဒမဲ ၁၀ မဲ၊ ပယ်မဲ ၃ မဲဖြင့် ဗိုလ်ချုပ်မှူးကြီးမင်းအောင်လှိုင်သည် ပြည်သူ့လွှတ်တော်မှ တင်သွင်းသည့် ဒုသမ္မတ ဖြစ်လာသည်။

NOM

အမျိုးသားလွှတ်တော်တွင် ဒေါ်နန်းနီနီအေးအား  ဒုသမ္မတအဖြစ် ရွေးကောက်တင်မြှောက်။

NOM

အမျိုးသားလွှတ်‌တော်မှ ရွေးချယ်သည့် ဒုတိယသမ္မတ မှာကရင် ပြည်နယ် ပြည်ခိုင်းဖြိုးပါတီဥက္ကဌဒေါ်နန်းနီနီအေးဖြစ်
NOM
အမျိုးသားလွှတ်တော်အစည်း အဝေး တွင် သမ္မတလောင်း အမည်စာရင်းတင်သွင်းထားသည့် (၂) ဦးအားယနေ့ နံနက်ပိုင်းက မဲပေးရွေးချယ်ကြရာ ကရင်ပြည်
နယ် ပြည်ခိုင်ဖြိုးပါတီ ဥက္ကဋ္ဌလည်းဖြစ် ဘားအံမြို့နယ် မဲဆန္ဒနယ်အမှတ်(၁) မှ ပြည်နယ်လွှတ်တော်ကိုယ်စားလှယ်လည်းဖြစ်သည့် နန်းနီနီအေးသည် အမျိုးသားလွှတ်
တော်က ရွေးချယ်ရာတွင်၁၁၇မဲဖြင့် ဒုတိယသမ္မတ ဖြစ်လာသည်။

ဥရောပတွင် လေယာဉ်ဆီစျေး သုံးဆတက်

အီရန်စစ်ပွဲနှင့် ဟော်မုဇ်ရေလက်ကြား ပိတ်ဆို့မှုကြောင့် ဥရောပရှိ ဂျက်လေယာဉ်ဆီသည်ယမန်နှစ် စျေးထက်သုံးဆတက်လာသည်။

NOM