အမေရိကန်ကိုယ်စားလှယ်အဖွဲ့သည် အီရန်နှင့် ကြာသပတေးနေ့တွင် ဆွေးနွေးရန်စောင့်ဆိုင်းနေသော်လည်း အီရန်၏တုန့်ပြန်မှုကိုယခုထိမရသေးကြောင်းသိရသည်။

NOM

အီရန်စစ်ပွဲကြားတွင် အာရှလေကြောင်းလိုင်းများက ဥရောပလမ်းကြောင်းများ တိုးချဲ့ပျံသန်း

အရှေ့အလယ်ပိုင်းလေကြောင်းလိုင်းများသည် လက်ရှိအီရန်စစ်ပွဲကြောင့် လုပ်ငန်းလည်ပတ်မှုများကို လျှော့ချနေချိန်တွင် ဥရောပခရီးစဉ်လမ်းကြောင်းများ ထပ်မံတိုးချဲ့နေသော အာရှလေကြောင်းလိုင်းများထဲတွင် စင်ကာပူလေကြောင်းလိုင်းနှင့် ကာသေ့ပစိဖိတ်လေကြောင်းလိုင်းတို့ ပါဝင်သည်။ ပဋိပက္ခသည် ဒေသတွင်းရှိ လောင်စာဆီကုန်ကျစရိတ်၊ လက်မှတ်ဈေးနှုန်းများနှင့် ထိုင်ခုံရရှိနိုင်မှုကို ထိခိုက်စေခဲ့သည်။

ဒိုဟာနှင့် ဒူဘိုင်းဗဟိုချက်များမှ လည်ပတ်နေသော အရှေ့အလယ်ပိုင်းလေကြောင်းလိုင်းများသည် ၎င်းတို့၏ခရီးစဉ်များကို လျှော့ချခဲ့သဖြင့် အာရှလေကြောင်းလိုင်းများ ဖြည့်ဆည်းရန် လုပ်ဆောင်နေသည့် ဥရောပ-အာရှစင်္ကြံများတွင် ကွက်လပ်များဖြစ်ပေါ်ခဲ့သည်။

ဤပြောင်းလဲမှုသည် ကမ္ဘာ့အလုပ် အများဆုံး အဝေးပြေးလမ်းကြောင်းအချို့တွင် ယှဉ်ပြိုင်မှုဆိုင်ရာ ဒိုင်းနမစ်များကို ပြောင်းလဲစေခဲ့သည်။

အီရန်စစ်ပွဲသည် လေကြောင်းကဏ္ဍတစ်လျှောက်တွင် ပိုမိုကျယ်ပြန့် သော အကျိုးသက်ရောက်မှုများကို ဖြစ်ပေါ်စေခဲ့သည်။ အာရှလေကြောင်းလိုင်းများသည် ရွှေ့ပြောင်းခံရသော ခရီးသည်နှင့် ကုန်တင်ကုန်ချလိုအပ်ချက်ကိုရယူရန် ၎င်းတို့၏ ကိုယ်ပိုင်ကွန်ရက်များကို တိုးချဲ့ခြင်းဖြင့် တုံ့ပြန်လျက်ရှိသည်။

NOM

အီရန်က နျူကလီးယားလက်နက်တွေကို အပြီးအပိုင်စွန့်လွှတ်ဖို့ သဘောတူလိုက်ပြီ ဟုထရမ့်ပြောပြန်

ယနေ့ပြုလုပ်သည့်မီဒီယာများ၏မေးမြန်းမှုကိုသမ္မတထရမ့်ကအထက်ပါအတိုင်းပြောကြားလိုက်ခြင်းဖြစ်သည်။ ထို့အပြင်ထရမ့်က
“ဒါဟာ စစ်ပွဲမဟုတ်ဘူး၊ကျွန်တော်က ဒါကို စစ်ရေးစစ်ဆင်ရေးတစ်ခု၊ အလွန်အောင်မြင်တဲ့ စစ်ဆင်ရေးတစ်ခုလို့ ခေါ်ပြီး အောင်ပွဲခံမယ်”လို့ ထပ်မံကြေညာခဲ့ပါတယ်။

ထရမ့်ရဲ့အဆိုအရ တစ်လကြာ စစ်ပွဲအတွင်းမှာ အီရန်ဟာ အနည်းဆုံး ၁၀ ကြိမ် ရှုံးနိမ့်ခဲ့ပြီးဖြစ်ပေမယ့် တစ်စုံတစ်ရာကြောင့် လက်နက်ချတာမျိုး မရှိသေးပါဘူး။

NOM

ရုရှားကစံချိန်တင်တိုက်ခိုက်

မတ်လ ၂၄ ရက်နေ့နှင့် ညတွင်ရုရှားက ယူကရိန်းကိုဒရုန်း ၉၄၈ စင်းဖြင့်စံချိန်တင်တိုက်ခိုက်ခဲ့သည်။၂၀၂၅ ခုနှစ် စက်တင်ဘာလကတစ်ရက်အတွင်းဒရုန်းအစင်း ၈၁၀ ဖြင့်တိုက်ခိုက်သည့်စံချိန်ကိုယခုအရေအတွက်ဖြင့် ချိုးဖျက်လိုက်သည်။

NOM

အမေရိကန် ပင်တဂွန်စစ်ဌာနချုပ်က အမှတ် (၈၂) လေထီးတပ်မက တပ်ဖွဲ့ဝင် ၃,၀၀၀ ခန့်ကို အရှေ့အလယ်ပိုင်းကို စေလွှတ်နေပြီ။

အီရန်မြေပြင်ပေါ်ကို တပ်တွေချဖို့ ဆုံးဖြတ်ချက် မချရသေးဘူးလို့ တာဝန်ရှိသူတွေက ပြောပေမဲ့ အမှတ် (၈၂) လေထီးတပ်မဆိုတာ အချိန်မရွေး အလျင်အမြန် တပ်ဖြန့်နိုင်တဲ့ တပ်ဖွဲ့တစ်ခု ဖြစ်ပါတယ်။

ဒါကြောင့် ထရမ့်က ငြိမ်းချမ်းရေး ဆွေးနွေးပွဲတွေ ဖြစ်နေသလိုမျိုး ဟန်ဆောင်နေပေမဲ့ တကယ်တမ်းမှာတော့ စစ်ပွဲဖြစ်ရာဒေသကို တပ်တွေ ပို့နေတာပဲ ဖြစ်ပါတယ်။

NOM

"အီရတ်နိုင်ငံ၊ ဘဂ္ဂဒက်မြို့ရှိ ဗစ်တိုးရီးယား (Victoria) စစ်အခြေစိုက်စခန်းအတွင်းက အမေရိကန်တပ်ဖွဲ့တွေကို အီရတ်အစ္စလာမ်မစ် ခုခံရေးတော်လှန်ရေးသမားတွေက တိုက်ခိုက်နေတဲ့ မြင်ကွင်းတွေ ဖြစ်ပါတယ်။

ဒီတိုက်ခိုက်မှုအတွင်းမှာ အီရတ်ခုခံရေးတပ်ဖွဲ့တွေဟာ အခြေစိုက်စခန်းထဲက အမေရိကန် ရေဒါတွေနဲ့ ရဟတ်ယာဉ်တွေကို ဖျက်ဆီးပစ်ခဲ့ပါတယ်။"

NOM

အီရန်အမျိုးသားလုံခြုံရေးကောင်စီ အတွင်းရေးမှူးဟောင်းက အမေရိကန်ရဲ့ အီရန်အပေါ် ဖြစ်လာနိုင်ခြေရှိတဲ့ ကျူးကျော်စစ်နဲ့ ပတ်သက်ပြီး

"နှစ်ပေါင်းများစွာကတည်းက ကျွန်တော်တို့ဟာ အမေရိကန်တွေကို ကျွန်တော်တို့ သတ်မှတ်ထားတဲ့ နေရာတွေထဲကို ဝင်လာမယ့်အချိန်ကို စောင့်မျှော်နေခဲ့တာပါ။

ကျွန်တော်တို့ဟာ ဒီလိုအချိန်မျိုးအတွက် သမာရိုးကျမဟုတ်တဲ့ စစ်ဗျူဟာတွေနဲ့ ဆယ်စုနှစ်နှစ်ခုကျော်တိုင်တိုင် လေ့ကျင့်ပြင်ဆင်နေခဲ့တာဖြစ်ပါတယ်။

အခုတော့ ကျွန်တော်တို့မှာ အမေရိကန်စစ်သားတွေအတွက် သတင်းစကား တစ်ခုပဲ ရှိပါတယ်။
နီးနီးကပ်ကပ်သာ လာခဲ့ကြပါ။"

NOM

ကန်အထက်လွှတ်တော်အမတ်တဦးဖြစ်တဲ့ Bernie Sander က အီရန်စစ်ပွဲအတွက် ရန်ပုံငွေ ဒေါ်လာ ၂၀၀ ဘီလျံတောင်းခံမှုကို လုံး၀ထောက်ခံမှာမဟုတ်ဘူးလို့ ပြောဆိုပြီး အစ္စရေးဆီ လက်နက်လွှဲပြောင်းမှုတွေကို ပိတ်ဆို့ဖို့လည်း အစီအမံတရပ် ပြဌာန်းသွားနိုင်ဖို့ ကြိုးစားမယ်လို့ မနေ့က ပြောဆိုလိုက်ပါတယ်။

စွမ်းအင်စျေးနှုန်းတွေမြင့်တက်လာပြီး အမေရိကန်အပေါ် စီးပွားရေးဖိအားတွေ မြင့်တက်လာလို့လည်း သူက အစိုးရအဖွဲ့ကို ဝေဖန်ခဲ့ကာ အစိုးရက တတ်နိုင်တဲ့ စျေးနှုန်းကို ဦးစားပေးဖို့လည်း ပျက်ကွက်ခဲ့တယ်လို့ ဆိုပါတယ်။ အမေရိကန်ဟာ အစ္စရေးနဲ့အတူ တဖက်သတ်ဆန်တဲ့ ဒီစစ်ပွဲကို စတင်ခဲ့တာလို့လည်း သူက အပြစ်တင်ခဲ့ပြီး အရှေ့အလယ်ပိုင်းမှာ ကြီးမားတဲ့ ဒုက္ခတွေ ဖြစ်ပေါ်စေခဲ့တယ်လို့လည်း ဆိုပါတယ်။

News Of Myanmar NOM

OnlyFans ဝက်ဘ်ဆိုက်ရဲ့ ပိုင်ရှင် ဘီလျံနာ Leo Radvinsky ဟာ အသက် ၄၃ နှစ်အရွယ်မှာပဲ ကင်ဆာရောဂါကြောင့် ကွယ်လွန်သွားခဲ့တယ်လို့ ဝက်ဘ်ဆိုက်ပြောရေးဆိုခွင့်ရှိသူက အတည်ပြုလိုက်ပါတယ်။

ဗြိတိန်သတင်းဌာန Daily Mail ကို အတည်ပြုခဲ့တာဖြစ်ပြီး ကုမ္ပဏီအနေနဲ့ အလွန်ဝမ်းနည်းကြေကွဲရတယ်လို့ သူက ဆိုပါတယ်။ Leo ဟာ ကင်ဆာရောဂါကို ကြာရှည်စွာ ခံစားခဲ့ရပြီး ကြိုးစားကုသခဲ့ပေမယ့်လည်း အောင်မြင်စွာ တိုက်ထုတ်နိုင်ခဲ့ခြင်းမရှိဘဲ အသက်ဆုံးရှုံးခဲ့ရတယ်လို့လည်း သိရပါတယ်။

News Of Myanmar NOM

"တစ်လအတွင်း သုံးကြိမ်မြောက်အဖြစ် အမေရိကန် အထက်လွှတ်တော်ဟာ အီရန်အပေါ် ဆင်နွှဲနေတဲ့ အဓမ္မစစ်ပွဲကို ဆက်လက်လုပ်ဆောင်ဖို့ ထပ်မံမဲခွဲဆုံးဖြတ်ခဲ့ကြပြန်ပြီ။

ဒီ 'ရမ်ဇာန်စစ်ပွဲ' ကို ဆန့်ကျင်တယ်လို့ ပြောနေကြတဲ့ နိုင်ငံရေးသမားတွေဟာ အများအမြင်ကောင်းအောင် ဟန်ပြလုပ်နေကြတဲ့ လူပြက်တွေသက်သက်ပါပဲ။ သူတို့အားလုံးဟာ အတူတူပဲ ဖြစ်သလို အမေရိကန်ရဲ့ 'အက်ပ်စတိုင်း အုပ်ချုပ်ရေးယန္တရား' (Epstein regime) သာ ဖြစ်ပါတယ်။"

NOM

စံချိန်စံညွှန်းနှင့်ကိုက်ညီမှုမရှိသော မိုဘိုင်းလက်ကိုင်ဖုန်း (Clone Handset) များနှင့်ပတ်သက်၍ ပြည်သူသို့ ဖြည့်စွက်အသိပေးကြေညာခြင်း

NOM

'အဆိုးရွားဆုံး စိုးရိမ်ပူပန်မှု'

အီရန်စစ်ပွဲကြောင့် အမေရိကန်နိုင်ငံ ကာလီဖိုးနီးယားတွင် စွမ်းအင်အကျပ်အတည်း ဆိုက်ရောက်တော့မည် — ရှက်ဗရွန် Chevron ၏ ရေနံချက်လုပ်ရေးဆိုင်ရာ အကြီးအကဲကို ကိုးကား၍ ဘလွန်းဘတ်ဂ် Bloomberg သတင်းဌာနက ဖော်ပြ

ကာလီဖိုးနီးယားပြည်နယ်သည် ၎င်း၏ အဆင့်မြင့်သန့်စင်ပြီးသား စက်သုံးဆီ ၂၀ ရာခိုင်နှုန်းခန့်ကို အာရှတိုက်မှ တင်သွင်းနေရသဖြင့် ထောက်ပံ့မှုပြတ်တောက်နိုင်ခြေနှင့် များစွာ ထိတွေ့နေရသည်။

ထို့အပြင် ၎င်းသည် တက္ကဆပ် နှင့် လူဝီစီယားနားပြည်နယ်များရှိ စက်သုံးဆီထုတ်လုပ်ရေး ဗဟိုချက်များနှင့်လည်း ချိတ်ဆက်မှု ပြတ်တောက်နေသည်။

NOM

နိုင်ငံတော်ဖွံ့ဖြိုးရေးအတွက် အရည်အသွေးပြည့်မီသော နည်းပညာရှင်များ မွေးထုတ်ဆောင်ရွက်

မတ် ၂၄၊ ၂၀၂၆

သိပ္ပံနှင့်နည်းပညာဝန်ကြီးဌာန ဒုတိယဝန်ကြီး ဒေါက်တာအောင်ဇေယျသည် မတ် ၂၂ ရက်က ရန်ကုန်မြို့ရှိ နည်းပညာ၊ သက်မွေးပညာနှင့် လေ့ကျင့်ရေးဦးစီးဌာန၏ နည်းပညာကျောင်းများကို ကြည့်ရှုစစ်ဆေးကာ လိုအပ်သည်များ မှာကြားပြီး သုတ၊ ရသ စာအုပ်များ လှူဒါန်းသည်။

ဦးစွာ ဒုတိယဝန်ကြီးသည် ဗဟန်းမြို့နယ်ရှိ သက်မွေးပညာသင်ကျောင်း SMVTI သို့ ရောက်ရှိ ပြီး ကျောင်းရှိ အနုပညာလက်ရာများ၊ ခန်းမအတွင်းစာမေးပွဲဖြေဆိုရန် ပြင်ဆင်ထားရှိမှုများ၊ အင်ဂျင် နီယာဘာသာရပ် ဌာနများ၏ စာသင်ခန်းများနှင့် အလုပ်ရုံများ၊ ဟိုတယ်နှင့် ခရီးသွားဘာသာရပ် သင်တန်းများအတွက် ပြင်ဆင်ထားရှိမှုများ၊ စာကြည့်တိုက်၊ ကျောင်းဥပဓိရုပ် တင့်တယ်ရေးနှင့် စိမ်းလန်းသာယာလှပရေး ဆောင်ရွက်ထားရှိမှုများကို လှည့်လည်ကြည့်ရှုစစ်ဆေးကာ နှစ် ၇၀ ကျော် သက်တမ်းရှိကျောင်းဖြစ်ပြီး တစ်ချိန်က အရှေ့တောင်အာရှတွင် ခေတ်အမီဆုံးနှင့် အကောင်းဆုံးစက်မှုလက်မှုကျောင်းဖြစ်ခဲ့သည်အထိ အစဉ်အလာကြီးမားခဲ့သည်ဖြစ်ရာ ၎င်းကို ထိန်းသိမ်းနိုင်ရေးကြိုးပမ်းဆောင်ရွက်သွားရန်နှင့် ကျောင်း၏ အမွေအနှစ် အနုပညာလက်ရာများ ဖြစ်သည့် ပန်းပုရုပ်တုများ၊ ကျောက်ပြားစီပန်းချီကားချပ်ကြီးများ၊ နံရံဆေးရေးပန်းချီကားချပ်ကြီးများကိုပါ ရေရှည်တည်တံ့အောင် ထိန်းသိမ်းသွားရန်၊ MSME များ ဖွံ့ဖြိုးတိုးတက်ရေးနှင့် လူငယ် များအတွက် အလုပ်အကိုင်အခွင့်အလမ်းကောင်းများ လက်တွေ့ကျကျ ဖန်တီးပေးနိုင်ရေးတို့အတွက် စံနှုန်းများပြည့်မီ၍ လုပ်ငန်းခွင်လိုအပ်ချက်အညီ သင်တန်းများကို စဉ်ဆက်မပြတ် ဖွင့်လှစ်သွားရန် တိုက်တွန်း မှာကြားသည်။

ယင်းနောက် ဒုတိယဝန်ကြီးသည် စက်မှုနည်းပညာလေ့ကျင့်သင်ကြားရေးသင်တန်းကျောင်း သို့ ရောက်ရှိပြီး Woodworking နည်းပညာဌာနရှိ အိမ်တွင်းအလှဆင်နှင့် ပရိဘောဂပစ္စည်းများ လက်တွေ့ ထုတ်လုပ်ထားရှိမှု အခြေအနေများ၊ Future Technology Lab သို့ ရောက်ရှိပြီး ဆန်စပါးအမျိုးအစားများနှင့် အရည်အသွေးတို့ကို AI ဖြင့် စိတ်ဖြာတိုင်းတာသည့် သုတေသနလုပ်ငန်း၊ စွမ်းအင်သုံးစွဲမှုကို အင်တာနက်မှ စောင့်ကြည့်ကွပ်ကဲမှုသုတေသနလုပ်ငန်းတို့မှ ရလဒ်များကို ကြည့်ရှုစစ်ဆေးကာ Agro-based Industries နှင့် MSME များ၊ ဆိုလာစွမ်းအင်ကဏ္ဍ ဖွံ့ဖြိုးတိုးတက်အောင် သုတေသန ရလဒ်များကို အသုံးချနိုင်ရေး ဆက်စပ်ဌာန၊ အဖွဲ့အစည်းများနှင့် ပူးပေါင်းဆောင်ရွက်သွားရန် မှာကြားပြီး သုတ၊ ရသ စာအုပ်များ လှူဒါန်းသည်။

ဆက်လက်၍ ဒုတိယဝန်ကြီး သည် အင်းစိန်မြို့နယ်ရှိ အစိုးရနည်းပညာအထက်တန်းကျောင်း (ရွာမ)သို့ ရောက်ရှိကာ အောက် မြန်မာပြည်ရှိ အခြေခံပညာနှင့် စက်မှု၊ စိုက်ပျိုး၊ မွေးမြူရေး အထက် တန်းကျောင်းများရှိ ပေါင်းစပ်သိပ္ပံနှင့် စက်မှုဘာသာရပ်နှင့် အစိုးရနည်းပညာ အထက်တန်း ကျောင်းများ၏ တက္ကသိုလ်ဝင်စာမေးပွဲအဖြေလွှာများကို စာစစ်ဌာနသို့ အမှားအယွင်းမရှိ စနစ်တကျ ပို့ဆောင်သွားရန်မှာကြားကာ အင်ဂျင်နီယာဘာသာရပ်အလိုက် အလုပ်ရုံများ၊ သုတေသနလုပ်ငန်း များနှင့် စာကြည့်တိုက်တို့ကို ကြည့်ရှုစစ်ဆေးပြီး နိုင်ငံ့အကျိုးပြု စက်မှုကုန်ထုတ်လုပ်ငန်းများ အတွက် တစ်တပ်တစ်အား အထောက်အကူပြုနိုင်မည့် နည်းပညာရှင်လူငယ်ကောင်းများကို စဉ်ဆက်မပြတ် မြေတောင်မြှောက်ပေးနိုင်ရေး အလေးထားဆောင်ရွက်သွားရန် တိုက်တွန်း မှာကြားသည်။

ယင်းနောက် ဒုတိယဝန်ကြီးသည် အင်းစိန်မြို့နယ်ရှိ JMASVTI သို့ ရောက်ရှိပြီး စာကြည့်တိုက်၊ စုဝေးခန်းမ၊ လျှပ်စစ်အလုပ်ရုံ၊ ပထမထပ်ရှိ စာသင်ခန်းများ၊ ပုံဆွဲ ခန်း၊ သိပ္ပံလက်တွေ့ဓာတ်ခွဲခန်း၊ ကွန်ပျူတာခန်းနှင့် တိုင်းတာရေး အလုပ်ရုံ၊ ပင်မဆောင် အပြင်ဘက်၊ မော်တော်ယာဉ်နည်းပညာ အလုပ်ရုံတို့ကို ကြည့်ရှုစစ်ဆေးကာ MSME မြှင့်တင်ရေးနှင့် မော်တော်ယာဉ် နည်းပညာဖွံ့ဖြိုးတိုးတက်ရေး ကြိုးပမ်းဆောင်ရွက်ရန်၊ နိုင်ငံ့လူငယ်များကို နည်းပညာအရည်အသွေးပြည့်မီရေးအပြင် ဗလငါးတန်နှင့် ပြည့်စုံအောင် အစဉ်မြေတောင်မြှောက်ပေးသွားရန် တိုက်တွန်းမှာကြားသည်။

ထို့နောက် ဒုတိယဝန်ကြီးသည် ရတနာဂဟေဆက် နည်းပညာသင်တန်းကျောင်းသို့ ရောက်ရှိပြီး အလုပ်ရုံများ၌ ကြည့်ရှုစစ်ဆေးကာ နိုင်ငံ့အကျိုးပြုလုပ်ငန်းများ၌ အထောက်အကူပြု ပါဝင်ဆောင်ရွက်နိုင်သော ဂ‌ဟေဆက်နည်းပညာရှင်များကို စံနှုန်းပြည့်မီရုံအပြင် လုပ်ငန်းခွင်ဘေး အန္တရာယ်ကင်းရှင်းရေးဆိုင်ရာ အလေ့အကျင့်ကောင်းများကိုပါ လေ့ကျင့်ပျိုးထောင်ပေးရန် မှာကြားခဲ့ကြောင်း သိရသည်။

NOM

၂၀၂၆ ခုနှစ် နေပြည်တော်လမ်းလျှောက်သင်္ကြန်အား နေပြည်တော်ရင်ပြင်၌ စည်ကားသိုက်မြိုက်စွာ ကျင်းပမည်

NOM

ကမ္ဘာ့အကြီးဆုံး လေယာဉ်တင်သင်္ဘောကြီးဖြစ်သော ယူအက်စ်အက်စ် ဂျဲရယ်လ် USS Gerald R. Ford သည် ဂရိနိုင်ငံ၊ ခရိကျွန်းရှိ ဆိုဒါးပင်လယ်အော် (Souda Bay) တွင် ဆိုက်ကပ်ထားပြီး ပြင်ဆင်မှုများ ပြုလုပ်လျက်ရှိသည်။

ယခုအခါတွင် ၎င်းသင်္ဘောကြီးအား ပြုပြင်ထိန်းသိမ်းမှုများ ပြုလုပ်ရန်အတွက် ၁၂ လမှ ၁၄ လအထိ ကြာမြင့်နိုင်ကြောင်း သတင်းရင်းမြစ်များက ခန့်မှန်းထားကြသည်။

NOM

"မင်းတို့ရဲ့ ရှုံးနိမ့်မှုကို သဘောတူညီချက်တစ်ခုလို့ အမည်မတပ်နဲ့။"

ခါတမ် အယ်လ်-အန်ဘီယာ (Khatam al-Anbia) ဗဟိုဌာနချုပ်မှ အီဘရာဟင် ဇော်လ်ဖာကာရီ (Ebrahim Zolfaqari) က အမေရိကန်အစိုးရထံသို့ ယနေ့ ပေးပို့လိုက် သော သတင်းစကားမှာ -

"အီရန်ပြည်သူတွေအပေါ် အရေးယူဆောင်ရွက်မယ်ဆိုတဲ့ အတွေးတွေကို မင်းတို့ရဲ့ ညစ်ပတ်တဲ့ စိတ်ကူးတွေထဲကနေ အပြီးတိုင် ဖယ်ရှားရှင်းလင်းနိုင်ခြင်း မရှိမချင်း ဘယ်အရာမှ အရင်လို ပြန်ဖြစ်လာမှာ မဟုတ်ဘူး။"

"အရင်က ရေနံစျေးနှုန်းမျိုးကို မင်းတို့ ဘယ်တော့မှ ပြန်မြင်ရတော့မှာ မဟုတ်ဘူး။"

"မင်းတို့ရဲ့ ပြည်တွင်းပဋိပက္ခတွေဟာ မင်းတို့အချင်းချင်း ပြန်ပြီး ညှိနှိုင်းနေရတဲ့ အဆင့်ကို ရောက်နေပြီ။"

"ငါတို့လို လူမျိုးတွေဟာ မင်းတို့လို လူမျိုးတွေနဲ့ ဘယ်တော့မှ ညှိနှိုင်းမှာ မဟုတ်ဘူး။ အခုလည်း မဟုတ်ဘူး။ ဘယ်တော့မှလည်း ဖြစ်လာမှာ မဟုတ်ဘူး။"

NOM

ဗီယက်နမ်နိုင်ငံ​၏ "ပထမဆုံးသော နျူကလီးယားစွမ်းအင်သုံး လျှပ်စစ်ဓာတ်အားပေးစက်ရုံ" တည်ဆောက်ရန် ရုရှားနှင့် ဗီယက်နမ်တို့ သဘောတူညီချက် လက်မှတ်ရေးထိုးခဲ့သည်။

NOM

လွန်ခဲ့သော ရက်အနည်းငယ်က အီရန်၏ ဒုံးကျည်ဖြင့် တိုက်ခိုက်မှုကြောင့် အာရတ်ဒ် (Arad) မြို့တွင် ပျက်စီးဆုံးရှုံးမှုများ ဖြစ်ပေါ်ခဲ့သည့် ဗီဒီယိုဖိုင်ကို အစ္စရေး ဆင်ဆာအဖွဲ့က ထုတ်ပြန်ခွင့်ပြုလိုက်သည်။

NOM