ယာယီသမ္မတ ဗိုလ်ချုပ်မှူးကြီးမင်း​အောင်လှိုင်​၏ ကျန်းမာ​ရေးအ​ခြေအ​နေထုတ်ပြန်ချက်

NOM

ဆံတော်ရှင်ကျိုက်ထီးရိုးတောင်တက် ကားခများခရီးသည်တစ်ဦးကို ကျပ်၂၀၀၀မြင့်တက်လာ

NOM မတ်၂၃၊ ၂၀၂၆

မွန်ပြည်နယ်၊ ကျိုက်ထိုမြို့နယ်ရှိ ဆံတော်ရှင်ကျိုက်ထီးရိုး
တောင်တက်ကားခများကို ယနေ့ (မတ်၂၃ ရက်) နေ့မှစ၍
လူတစ်ဦးလျှင် ခေါင်းခန်း ကျပ် ၁၁,၀၀ဝ နှင့်နောက်ခန်း ကျပ်
၉,၀၀ဝ ဖြင့် ပြောင်းလဲပြင်ဆင်သတ်မှတ်လိုက်ကြောင်း တောင်တက်ကားမောင်းနှင်သူတစ်ဦးကပြောသည်။

ယခင်က ဆံတော်ရှင်ကျိုက်ထီးရိုးတောင်တက်ကားခများကို ခရီးသည်တစ်ဦးလျှင် ခေါင်းခန်း ကျပ် ၉,၀၀ဝ နှင့် နောက်ခန်း ကျပ် ၇,၀၀ဝ ဖြင့် ပြေးဆွဲပေးနေသော်လည်း လက်ရှိကြုံတွေ့နေရသည့် ဆီပြဿနာအခက်အခဲများကြောင့် တောင်တက်ကားခများကို လူတစ်ဦးလျှင် ခေါင်းခန်း ကျပ် ၁၁,၀၀ဝ နှင့် နောက်ခန်း ကျပ် ၉,၀၀ဝ ဖြင့် ပြောင်းလဲပြင်ဆင်သတ်မှတ်လိုက် ကြောင်းသိရသည်။

"အခုလို စျေးတက်သွားတာကလည်း ကိုယ်ကဖန်တီးယူလို့ဖြစ်တာမဟုတ်ဘူး။ စက်သုံးဆီ ခက်ခဲမှုတွေကြောင့်ဖြစ်ရတာပါ။ အခုလိုစျေးကြီးပေးဝယ်ပြီး လိုသလောက်
ရရင် အဆင်ပြေနိုင်တယ်။ အခုက လိုသလောက်လည်းမရဘူးဆိုတော့ ဘာလုပ်မလဲ နားမလား၊ ဆက်သွားမလားဆိုတာဘဲ စဉ်းစားရမယ်။ ဆက်သွားရင်တော့ စျေးတက်ရမယ်ဆိုတာ ကားသမားတွေတင်ပြခဲ့လို့ အသင်းကခွင့်ပြုပေးခဲ့တာပါ"ဟု တောင်တက်ကားမောင်းနှင်သူတစ်ဦးကပြောသည်။

ဆံတော်ရှင် ကျိုက်ထီးရိုးစေတီတော်ကြီးအား ဖူးမြော်ရန်အတွက် လာရောက်ကြသော ဘုရားဖူးမိဘပြည်သူများအား လက်ရှိဆီပြဿနာ အခက်အခဲများကြောင့် တောင် တက်ကားခများကို မတ် ၂၃ ရက်တွင် စျေးနှုန်း ပြင်ဆင်သက်မှတ်ထားသော်လည်း ၂၂ ရက်နေ့တွင် တက်သွားသော ဘုရား
ဖူးများအနေဖြင့် ပြန်အဆင်းတွင် ယခင်ပုံမှန်ဈေးနှုန်းဖြင့်သာ
ပြန်လည်ပေးဆောင်ရမည် ဖြစ်ကြောင်းအသိပေးထားသည်။

NOM

ပုဂ္ဂလိက ဆန်စပါးလုပ်ငန်း နယ်ပယ်တစ်ခုလုံးတွင် ဒစ်ဂျစ်တယ်ငွေပေးချေမှု (Rice Industry Cashless Ecosystem) အစီအစဉ်သစ်ကို စတင်‌မည်

NOM မတ် ၂၃၊ ၂၀၂၆

မြန်မာ့ဆန်စပါးကဏ္ဍရှိ ပုဂ္ဂလိကဆန်စပါးလုပ်ငန်းနယ်ပယ်တစ်ခုလုံးတွင် ဒစ်ဂျစ်တယ်ငွေပေးချေမှု (Rice Industry Cashless Ecosystem) အစီအစဉ်သစ်ကို စတင်တော့မည်ဖြစ်ကြောင်း မြန်မာနိုင်ငံဆန်စပါးအသင်းချုပ်(MRF)မှ သိရသည်။

ထိုသို့ဆောင်ရွက်ရခြင်းသည် ပုဂ္ဂလိက ဆန်စပါးလုပ်ငန်းနယ်ပယ်တစ်ခုလုံးတွင် ဒစ်ဂျစ်တယ်ငွေပေးချေမှု စနစ်များ ပိုမိုထွန်းကားလာစေရန်နှင့် ခေတ်မီဘဏ်ဝန်ဆောင်မှုများကို ကျယ်ပြန့်စွာအသုံးချနိုင်စေရန် ရည်ရွယ်၍ “MRF RICE - Rice Industry Cashless Ecosystem” အစီအစဉ်သစ်ကို စတင်ဆောင်ရွက်ခြင်းဖြစ်ကြောင်း သိရသည်။

အဆိုပါ ငွေပေးချေမှုအစီအစဉ်သည်နိုင်ငံတော်၏ မြန်မာ့ဒစ်ဂျစ်တယ်စီးပွားရေးလမ်းပြမြေပုံ - ၂၀၃၀ နှင့် မြန်မာနိုင်ငံတော် ဗဟိုဘဏ်၏ လမ်းညွှန်ချက်များနှင့်အညီ ပေါ်ပေါက်လာခြင်းဖြစ်ပြီး ဆန်စပါးတန်ဖိုးကွင်းဆက် (Rice Value Chain) တစ်လျှောက်တွင် ပါဝင်ပတ်သက်နေကြသော တောင်သူလယ်သမားများ၊ ဆန်စက်ပိုင်ရှင်များ၊ ဆန်ကုန်သည်များ၊ ဆန်တင်ပို့ရောင်းချသူများနှင့် အကျိုးဆောင်ပွဲစားများအားလုံးကို ဘဏ်စနစ်အတွင်းသို့ ပိုမိုလာရောက်စေရန် ရည်ရွယ်ထားခြင်းဖြစ်ကြောင်းသိရသည်။

NOM

ရန်ကုန်၌ တစ်ပတ်အတွင်း ဓါတ်ဆီတစ်လီတာဈေး ကျပ် ၈၀၀ နီးပါးနှင့် ဒီဇယ်ဆီတစ်လီတာဈေး ကျပ် ၁,၂၀၀ ကျော်အထိ တက်လာ
Bar Code နှင့် QR Code စနစ် အတွင်းထည့်သွင်း၍ လာမည့်ရက်သတ္တပတ်အတွင်း စတင်ဆောင်ရွက်သွားမည်

NOM မတ် ၂၃ ၊ ၂၀၂၆

ပြီးခဲ့သည့်တစ်ပတ်အတွင်းတစ်ရိပ်ရိပ် တက်လာသည့် စက်သုံးဆီ ဈေးနှုန်းများအရ ရန်ကုန်၌ ဓါတ်ဆီတစ်လီတာဈေး ကျပ် ၈၀၀ နီးပါးနှင့် ပရီမီယံဒီဇယ်ဆီ တစ်လီတာဈေး ကျပ် ၁,၂၀၀ ကျော်အထိ တက်လာ ကြောင်း စက်သုံးဆီတင်သွင်းသို လှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီ၏ နေ့စဉ် ထုတ်ပြန်သော စာရင်းများအရ သိရသည်။

မတ် ၁၆ ရက်နေ့ (တနင်္လာနေ့)က ရန်ကုန်တွင် ၉၂ ရွန် တစ်လီတာ ကျပ် ၂,၈၃၀ ၊ ၉၅ ရွန် တစ်လီတာ ကျပ် ၂,၉၃၀၊ ဒီဇယ်ဆီတစ်လီတာ ကျပ် ၃,၂၀၅ နှင့် ပရီမီယံဒီဇယ်တစ်လီတာ ကျပ် ၃,၅၆၀ ရှိခဲ့သည်။ ထိုနောက်ပိုင်း မတ် ၂၀ ရက် (သောကြာနေ့) မှ စ၍ စက်သုံးဆီဈေးများတက်မဟုတ်ခြင်း ထိုးတက်သွားပြီး ၉၂ ရွန် တစ်လီတာ ကျပ် ၃,၆၁၀၊ ၉၅ ရွန် တစ်လီတာ ကျပ် ၃,၈၅၀၊ ဒီဇယ်ဆီတစ်လီတာ ကျပ် ၄,၃၉၀ နှင့် ပရီမီယံဒီဇယ်တစ်လီတာ ကျပ် ၄,၈၂၀ ဖြစ်ခဲ့သည်။

အဆိုပါ ဈေးနှုန်းများသည် ယနေ့ မတ်လ ၂၃ ရက်နေ့အထိ ရှိနေဆဲဖြစ်ပြီး ရန်ကုန်နှင့် မန္တလေးကဲ့သို့သော မြို့ကြီးများအပါအဝင် နယ်မြို့အသီးသီးရှိ စက်သုံးဆီဆိုင် အများစုတွင် ဆီထည့်မည့် ကားများ ရှည်လျားစွာ တန်းစီရမှုများရှိနေပြီး တစ်ခါတစ်ရံတစ်နေကုန်နီးပါး တန်းစီစောင့်ဆိုင်းနေရမှုများ ရှိ နေကြောင်း ကားအသုံးပြုများထံကသိရသည်။

ထို့အတူ စက်သုံးဆီဝယ်ယူရာတွင် ပိုမိုအဆင်ပြေချောမွေ့စေရန်အတွက် ယာဉ်၏စက်စွမ်းအား အပေါ် မူတည်၍ တစ်ပတ်အတွင်း ဝယ်ယူခွင့်ရှိသည့် ပမာဏကို သတ်မှတ်ပြီး တစ်ပတ်အတွင်း တစ်ကြိမ်တည်းဖြစ်စေ၊ အများဆုံး ၂ ကြိမ်ခွဲ၍ဖြစ်စေ ဝယ်ယူနိုင်မည့် စနစ်ကို Bar Code နှင့် QR Code စနစ် အတွင်းထည့် သွင်း၍ လာမည့်ရက်သတ္တပတ်အတွင်း စတင်ဆောင်ရွက်သွားမည်ဖြစ်ကြောင်း မတ် ၂၂ ရက် ညပိုင်း၌ အသိပေးထုတ်ပြန်ထား‌ကြောင်းသိရသည်။

NOM

တက္ကီဆီကားများ ဆီဆိုင်နှင့်ပေါင်းပြီး အကြိမ်ကြိမ်ဆီထည့်နေ

NOM မတ် ၂၃၊ ၂၀၂၆

ဆီရောင်းချသည့်စနစ်ကို မည်သို့ပြင်စေကာမူ တက္ကဆီအငှားကားများနှင့် ဆီဆိုင်ဝန်ထမ်းများပေါင်းပြီးတစ်နေ့အတွင်း အကြိမ်ကြိမ်တန်းစီကာ ဆီထုတ်ရောင်းစားနေကြောင်းယနေ့မျက်မြင်တွေ့လာသူတစ်ဦးက NOM သို့ဆက်သွယ်သတင်းပေးပို့လာသည်။

"ဆီဆိုင်တွေမှာ ဆီထည့်ရင် ကားဝှီးတက်ကို စကင်ဖတ်ရတယ်။ ဒါပေမယ့် ဆီဆိုင်ဝန်ထမ်းကို တစ်သောင်းပေးလိုက်ရင် အဲဒီကားကို စကင်မဖတ်ဘဲထည့်ပေးလိုက်တယ်။ ဒီတော့တက္ကဆီတွေက လူမဆွဲတော့ဘဲ အကြိမ်ကြိမ်တန်းစီပြီး ဆီထုတ်စားနေကြတယ်။ တစ်နေ့ကိုငါးကြိမ်တန်းစီပြီးထည့်ရင် တစ်နေ့အမြတ်က နှစ်သိန်းခွဲရှိတယ်။ ဒီတော့ဆိုင်တွေမှာ ကားတန်းကြီးတွေကလျော့မသွားတော့ဘူး။ တက္ကဆီတွေချည်းဖြစ်နေတယ်" ဟုပြောသည်။

ရန်ကုန်တွင် တက္ကဆီအငှားယာဉ် ခြောက်သောင်းခန့်ရှိပြီး လိုင်စင်မဲ့ကားများကို နံပါတ်တူပွားထားသည်မှာလည်း သုံးသောင်းခန့်ရှိကြောင်းသိရသည်။ ကားများကို စကင်မဖတ်ဘဲဆီ ထည့်ပေးနေသဖြင့် လိုင်စင်မဲ့ကားများပါ ဆီထည့်ခွင့်ရနေသည်။

နိုင်ငံတော်မှကမ္ဘာ့လောင်စာဆီအကျပ်အတည်းကာလတွင် နိုင်ငံအတွင်း လောင်စာဆီမပြတ်တောက်ရန် မျိုးစုံစဉ်းစားစီစဉ်နေသော်လည်း အောက်ခြေဝန်ထမ်းတစ်စုက လုပ်စားနေသဖြင့် ဆီဆိုင်များတွင် ကားတန်းကြီးလည်းမလျော့၊ ဆီများလည်းကုန်ကျမှုမလျော့ဘဲ လည်သူစားစတမ်းဖြစ်နေသည်ကို သက်ဆိုင်ရာများမှ ကြပ်မတ်ပေးနိုင်ပါရန် အသိပေးအပ်ပါသည်။

NOM

နယူးယောက်မြို့က LaGuardia လေဆိပ်မှာ Air Canada Express လေယာဉ်ဟာ မြေပြင်ယာဉ်တစီးနဲ့ တိုက်မိခဲ့ရာကနေ လေယာဉ်မှူးနဲ့ တွဲဖက်လေယာဉ်မှူးတို့ သေဆုံးခဲ့တယ်လို့ NBC က ဖော်ပြခဲ့ပါတယ်။ ခရီးသည် ၇၆ ဦး လိုက်ပါလာတဲ့ လေယာဉ်ဟာ လေဆိပ်ကို ဆင်းသက်ချိန်မှာ မီးသတ်ကားတစီးနဲ့ တိုက်မိခဲ့ပြီး လေဆိပ်ကိုလည်း အရေးပေါ်ပိတ်လိုက်ရတယ်လို့ အာဏာပိုင်တွေက အတည်ပြုခဲ့ပါတယ်။

News Of Myanmar NOM

အီရန်ဒုံးကျည်ပညာရှင်ကိုအစ္စရေးကလေကြောင်းမှတိုက်ခိုက််သတ်ဖြတ်
NOM

ဒေါက်တာ Saeed Shamkhdari ဟု လူသိများသော အီရန် ဒုံးကျည်ကျွမ်းကျင်သူသည် တီဟီရန်မြို့ရှိ ၎င်း၏နေအိမ်တွင် ရှိစဉ်အစ္စရေး၏လေကြောင်းတိုက်ခိုက်မှုကြောင့်မိသားစုဝင်အချို့နှင့်အတူ သေဆုံးကြောင်း သတင်းများအရ သိရသည်။

ပြည်သူ့လွှတ်တော်ဥက္ကဋ္ဌဦးခင်ရီ
တတိယအကြိမ်ပြည်သူ့လွှတ်တော် ပထမပုံမှန်အစည်းအဝေး ဒုတိယနေ့သို့တက်ရောက်

( ၂၃.၀၃.၂၀၂၆ ) ရက်နေ့

အီရန်နိုင်ငံခြားရေးဝန်ကြီးဌာန - အမေရိကန်ပြည်ထောင်စုနှင့် အီရန်အစ္စလာမ်မစ်သမ္မတနိုင်ငံတို့အကြား ဆွေးနွေးမှုများ ပြုလုပ်နေသည်ဟူသော အမေရိကန်သမ္မတ ဒေါ်နယ်ထရမ့်၏ ပြောကြားချက်ကို ကျွန်ုပ်တို့ ငြင်းဆိုသည်။

အီရန်အစ္စလာမ်မစ်သမ္မတနိုင်ငံသည် စစ်ပွဲမှရည်မှန်းထားသော အီရန်၏ပန်းတိုင်များမပြည့်မီ မည်သည့်ဆွေးနွေးညှိနှိုင်းမှုကိုမဆို ပယ်ချသည့် ၎င်း၏ရပ်တည်ချက်ကို ဆက်လက်ဆုပ်ကိုင်ထားသည်။

NOM

ကိုလံဘီယာလေတပ်မှလေယာဥ်ပျက်ကျ

စစ်သည် ၁၁၀ ဦး အပါအဝင်စုစုပေါင်းလူ ၁၂၅ ဦးသယ်ဆောင်လာသော ကိုလံဘီယာလေတပ်မှ C130 လေယာဥ်သည် ပီရူးနယ်စပ်အနီး အမေဇုန်တောအတွင်း ပျက်ကျမီးလောင်ရာ လေယာဥ်ပေါ်ပါသူများအနက် ၄၈ ဦးသာ အသက်ရှင်ကြောင်းသိရသည်။

NOM

"လိုတာယူသွား၊ စစ်ပြီးမှ ပေး"

အီရန်နိုင်ငံက စူပါမားကတ်တစ်ခုမှာ လက်ရေးနဲ့ရေးထားတဲ့ ဆိုင်းဘုတ်တစ်ခုမှာ "စိတ်မပူပါနဲ့။ တစ်ခုခုလိုရင် ယူသွားပါ။ စစ်ပြီးမှငွေပေးပါ" လို့ ဖော်ပြထားပါတယ်။
⠀
စစ်ပွဲနဲ့ စီးပွားရေးအခက်အခဲတွေကြားမှာ လူမှုအသိုင်းအဝိုင်းတွေဟာ အပြန်အလှန်ယုံကြည်မှုနဲ့ အကူအညီပေးမှုအပေါ် မှီခိုအားထားလာကြရပြီး ဈေးနှုန်းတွေမြင့်တက်မှုနဲ့ ပစ္စည်းရှားပါးမှုတွေကြောင့် လူတွေ ရုန်းကန်နေရချိန်မှာ အလွတ်သဘော "နောက်မှပေး" စနစ်ကျင့်သုံးမှုတွေလည်း ပျံ့နှံ့လာနေပြီ ဖြစ်ပါတယ်။

NOM