နေတန်ယာဟုကအီရန်ရေနံမြေကိုမတိုက်တော့ဟုထရမ့်ပြော
NOM
ထရမ့်ကအစ္စရေးဝန်ကြီးချုပ်နေတန်ယာဟုအားရေနံဆိုင်ရာအဆောက်အအုံများကိုနောက်ထပ်မတိုက်ခိုက်ရန်ပြောပြီးဖြစ်ကြောင်း၊ထို့ကြောင့်နေတန်ယာဟုအနေဖြင့်အီရန်ရေနံအဆောက်အအုံများကိုထပ်မံတိုက်ခိုက်တော့မည်မဟုတ်ဟုအီရန်၏လက်တုန့်ပြန်မှုကိုထိတ်လန့်ပြောဆိုလိုက်သည်။

နေတန်ယာဟုကအီရန်ရေနံမြေကိုအမေရိကန်မပါပဲအစ္စရေးကသာတိုက်ခိုက်ခဲ့ကြောင်းနှင့်အမေရိကန်သမ္မတထရမ့်ကသူ့ကိုအီရန်ရေနံမြေကိုထပ်မတိုက်ရန်ပြောကြောင်း၊အမေရိကန်ကဟော်မုဇ်ရေလက်ကြားပွင့်အောင်ပြန်လုပ်ပေးမည်ဖြစ်ကြောင်းပြောသည်။

အမေရိကန်ကျူးကျော်လာပါကလေယာဉ်ပြေးလမ်းများဖောက်ခွဲရန်ဒိန်းမတ်ပြင်ထား
NOM

ဒိန်းမတ်နိုင်ငံသည် ယခုနှစ်အစောပိုင်းတွင် အမေရိကန်၏ ဂရင်းလန်းကျွန်းကို ကျူးကျော် နိုင်ခြေအတွက် အရေးပေါ်အစီအစဉ်များကို ပြင်ဆင်ထားကြောင်း Financial Times သတင်းစာက ဖော်ပြခဲ့သည်။

ဒိန်းမတ်စစ်တပ်သည် ပြင်ဆင်မှု၏ တစ်စိတ်တစ်ပိုင်းအဖြစ် ကျွန်းသို့ ပေါက်ကွဲစေတတ်သောပစ္စည်းများနှင့် သွေးထောက်ပံ့မှုများ ပေးပို့ခဲ့ပြီး Nuuk နှင့် Kangerlussuaq ရှိ ကျွန်း၏ အဓိက လေယာဉ်ပြေးလမ်းများကို ဖျက်ဆီးရန် ပြင်ဆင်ထားသည်။

ပြင်သစ်နှင့် ဂျာမနီနိုင်ငံတို့သည် ဤချဉ်းကပ်မှုတွင် ဒိန်းမတ်နိုင်ငံကို ထောက်ခံခဲ့ကြောင်း သတင်းများထွက်ပေါ်ခဲ့သည်။

ဒိန်းမတ်ဝန်ကြီးချုပ် Mette Frederiksen က အမေရိကန်နှင့် အဆင့်မြင့်ဆွေးနွေးပွဲများ ဆက်လက်လုပ်ဆောင်နေကြောင်း အတည်ပြုခဲ့သည်။

အပူဒဏ်ကာကွယ်ရေးနည်းလမ်းများကို ကိုယ်တိုင်လိုက်နာဆောင်ရွက်ပါ။ အခြားသူများကို လိုက်နာရန်တိုက်တွန်းပြောကြားပေးပါ။

ပြည်သူ့လွှတ်တော်ဥက္ကဋ္ဌဦးခင်ရီ၊
ထိုင်းနိုင်ငံခြားရေးဝန်ကြီး၏အကြံပေးပုဂ္ဂိုလ် H.E. Kallayana Vipattipumiprates အားလက်ခံတွေ့ဆုံ

နေပြည်တော်၊ မတ် ၁၉၊ ၂၀၂၆ ခုနစ်

#UKhinYi #StrongerMyanmar #USDP #Hluttaw #fyp

တူရကီနိုင်ငံခြားရေးဝန်ကြီး ဟာကန် ဖီဒန်၏ပြောကြားချက်

"ကျွန်ုပ်တို့ဒေသကို မကြုံစဖူး အကျပ်အတည်းတစ်ခုထဲသို့ ကျရောက်စေခဲ့သော ဤစစ်ပွဲအတွက် အစ္စရေးတွင် အဓိကတာဝန်ရှိသည်"

ကူဝိတ်ရှိအမေရိကန်စစ်စခန်းကိုအီရန်ကဒုံးပျံများဒရုန်းများဖြင့်တိုက်ခိုက်သဖြင့်ထိမှန်ပေါက်ကွဲလျက်ရှိသည်။

မတ်လ ၃၀ ရက်နေ့ပြည်သူ့လွှတ်တော် အစည်းအဝေးတွင် သမ္မတရွေးချယ်မည်

NOM

စားအုန်းဆီ အခြေခံလက်ကားရည်ညွှန်းဈေးနှုန်း တစ်ပိဿာ ငွေကျပ် ၆၆၀၀ ဖြစ်ကြောင်း ထုတ်ပြန်ကြေညာ

မတ် ၁၉၊ ၂၀၂၆

စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ်ကင်းရှင်းပြီး သင့်တင့်သော ဈေးနှုန်းဖြင့် ဝယ်ယူစားသုံးနိုင်စေရန်နှင့် ပြည်တွင်းလိုအပ်ချက်များကို ဖြည့်ဆည်းပေးနိုင်ရန် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီက ဆောင်ရွက်ပေးလျက်ရှိသည်။

စားအုန်းဆီကို ပြည်ပမှဝယ်ယူတင်သွင်းရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက် အကျပေါ်မူတည်၍ ပြည်တွင်း၌ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။

ပြည်ပမှ စားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ မတ် ၂၀ ရက်မှ ၂၆ ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာလျှင် ငွေကျပ် ၆၆၀၀ ဖြစ်ကြောင်းစားသုံးဆီတင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီက အသိပေးထုတ်ပြန်ကြေညာထားကြောင်း သိရသည်။

စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ် သောကြာနေ့တိုင်း ထုတ်ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊ Facebook Page နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၏ Facebook Page တို့ တွင် ဝင်ရောက်ကြည့်ရှုလေ့လာနိုင်ကြောင်း သိရသည်။

NOM

လှည်းကူးမြို့နယ်၌ ယာဉ်တိုက်မှုဖြစ်နှစ်ဦးသေဆုံး
NOM၊မတ်၂၀၊၂၀၂၆
ရန်ကုန်တိုင်းဒေသကြီး၊ လှည်းကူးမြို့နယ်တွင် ယာဉ်တိုက်မှုကြောင့် အမျိုးသားနှစ်ယောက် သေဆုံးခဲ့‌ေကြာင်းလူမှုကူညီရေးအသင်းမှသိရသည်။
ဖြစ်စဉ်မှာမတ်၂၀ရက်၊နံနက် ၆ နာရီခန့်က လှည်းကူးမြို့နယ်၊ အမှတ်(၃)လမ်းဆုံ၊ စစ်ဆေးရေးဂိတ်အနီးတွင် ယာဉ်တိုက်မှုဖြစ်ပွားခဲ့ရာယာဉ်ပေါ်ပါအမျိုးသားနှစ်ယောက် သေဆုံးခဲ့ပြီးဂရုဏာရှင်လူမှုကူညီရေး အသင်းက လှည်းကူးပြည်သူ့ဆေးရုံသို့ ကူညီပို့ဆောင်ပေးခဲ့ကြောင်း သိရသည်။

အစ္စရေးစစ်သားတစ်ဦးကိုအီရန်အတွက်သူလျိုလုပ်ပေးမှုဖြင့်ဖမ်း
NOM
အစ္စရေးလေကြောင်းကာကွယ်ရေးတပ်ဖွဲ့မှအရန်စစ်သားတစ်ဦးကို အီရန်အတွက် သူလျှိုလုပ်မှုဖြင့် ဖမ်းဆီးခဲ့သည်။

ထိုစစ်သားအား စုံစမ်းစစ်ဆေးမှုများအရ ၎င်းသည် အီရန်နှင့် လပေါင်းများစွာ ဆက်သွယ်မှုရှိပြီး ၎င်းတို့အား အရေးကြီးသော အချက် အလက်များ ပေးအပ်ခဲ့ကြောင်း ဖော်ထုတ်တွေ့ရှိခဲ့သည်ဟုအစ္စရေးမီဒီယာများကဖော်ပြခဲ့သည်။

တိုင်းဒေသကြီးနှင့် ပြည်နယ်လွှတ်တော်ဥက္ကဋ္ဌများ၊ ဒုတိယဥက္ကဋ္ဌများရွေးချယ်တင်မြှောက်

မတ်လ ၂၀၊ ၂၀၂၆

တိုင်းဒေသကြီးနှင့် ပြည်နယ်လွှတ်တော်ဥက္ကဋ္ဌ ဒုတိယဥက္ကဋ္ဌများကို မတ်လ ၂၀ ရက်နေ့တွင် ရွေးချယ်တင်မြှောက်ခဲ့ကြသည်။

ရန်ကုန်တိုင်းဒေသကြီး လွှတ်တော်ဥက္ကဋ္ဌအဖြစ် ဦးဌေးအောင်၊ ဒုတိယဥက္ကဋ္ဌအဖြစ် ဦးကျော်ကျော်စိုး။

မန္တလေးတိုင်းဒေသကြီးလွှတ်တော်ဥက္ကဋ္ဌအဖြစ် ဦးအောင်ကျော်မိုး၊ ဒုတိယဥက္ကဋ္ဌအဖြစ် ဦးကျော်မြင့်။

စစ်ကိုင်းတိုင်းဒေသကြီး လွှတ်တော်ဥက္ကဋ္ဌအဖြစ် ဦးတင့်လှိုင်မြင့်၊ ဒုတိယဥက္ကဋ္ဌအဖြစ် ဦးမျိုးသန့်။

မကွေးတိုင်းဒေသကြီး လွှတ်တော်ဥက္ကဋ္ဌအဖြစ် ဒေါက်တာမောင်မောင်ဌေး၊ ဒုတိယဥက္ကဋ္ဌအဖြစ် ဦးခင်မောင်ညို။

ဧရာဝတီတိုင်းဒေသကြီး လွှတ်တော်ဥက္ကဋ္ဌအဖြစ် ဦးသိန်းထွန်း၊ ဒုတိယဥက္ကဋ္ဌအဖြစ် ဦးသက်နိုင်ဦး။

ပဲခူးတိုင်းဒေသကြီး လွှတ်တော်ဥက္ကဋ္ဌအဖြစ် ဦးအောင်ချိုဦး၊ ဒုတိယဥက္ကဋ္ဌ ဦးကျော်ဌေး။

တနင်္သာရီတိုင်းဒေသကြီးလွှတ်တော်ဥက္ကဋ္ဌအဖြစ် ဦးမြတ်ကို၊ ဒုတိယဥက္ကဋ္ဌအဖြစ် ဦးခင်မောင်မြင့်။

ရှမ်းပြည်နယ် လွှတ်တော်ဥက္ကဋ္ဌအဖြစ် ဦးစိုင်းလုံးကျော်၊ ဒုတိယဥက္ကဋ္ဌအဖြစ် ဦးစိုင်းထွန်းစိန်။

မွန်ပြည်နယ် လွှတ်တော်ဥက္ကဋ္ဌအဖြစ် ဦးသက်ထွေး၊ ဒုတိယဥက္ကဋ္ဌအဖြစ် ဦးမင်းအောင်မြင့်။

ကချင်ပြည်နယ် လွှတ်တော်ဥက္ကဋ္ဌအဖြစ် ဦးရာဝမ်ဂျုံး၊ ဒုတိယဥက္ကဋ္ဌအဖြစ် ဦးသိန်းထွန်းအေး။

ကယားပြည်နယ် လွှတ်တော်ဥက္ကဋ္ဌအဖြစ် ဦးမော်ရယ်၊ ဒုတိယဥက္ကဋ္ဌအဖြစ် ဦးစိုးရယ်။

ကရင်ပြည်နယ် လွှတ်တော်ဥက္ကဋ္ဌအဖြစ် ဦးစန်းကို၊ ဒုတိယဥက္ကဋ္ဌအဖြစ် ဦးအေးမင်းထွေး။

ချင်းပြည်နယ် လွှတ်တော်ဥက္ကဋ္ဌအဖြစ် ဦးကောလ်လျန်ထန်း၊ ဒုတိယဥက္ကဋ္ဌအဖြစ် ဦးသန့်ဇင်ဦး။

ရခိုင်ပြည်နယ် လွှတ်တော်ဥက္ကဋ္ဌအဖြစ် ဒေါက်တာစန်းရွှေ၊ ဒုတိယဥက္ကဋ္ဌအဖြစ် ဒေါက်တာထင်လင်းဦး။

NOM

ကျိုင်းတုံမြို့နယ်တွင် ငွေကျပ် ၂၀၂ ဒသမ ၅ သိန်းတန်ဖိုးနှင့်လားရှိုးမြို့တွင် ငွေကျပ် ၅၈ သိန်းတန်ဖိုးရှိ ဘိန်းစိမ်းများ ဖမ်းဆီးရမိ
NOM၊မတ် ၂၀၊၂၀၂၆
ကျိုင်းတုံမြို့နယ်တွင် ငွေကျပ် ၂၀၂ဒသမ ၅ သိန်းတန်ဖိုးနှင့် လားရှိုးမြို့တွင် ငွေကျပ် ၅၈ သိန်းတန်ဖိုးရှိဘိန်းစိမ်းများဖမ်းဆီးရမိခဲ့ကြောင်း မြန်မာနိုင်ငံ ရဲတပ်ဖွဲ့မှသိရသည်။
ဖြစ်စဉ်မှာ မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှတပ်ဖွဲ့ဝင်များပါဝင်သော ပူးပေါင်းအဖွဲ့သည် မတ် ၁၇ ရက် ည ၁၁နာရီတွင် သတင်းအရ ကျိုင်းတုံမြို့နယ် ယန်းလောကျေးရွာအုပ်စုကျိုင်းဖောင်းကျေးရွာ အနီးတွင်ကျိုင်းတုံမြို့နယ် ပန်ယောင်းရွာနေ အပေါ်(၃၅)နှစ် မောင်းနှင်လာသော HONDA WAVE 1 110မော်တော်ဆိုင်ကယ်ကို ရပ်တန့်စစ်ဆေးရှာဖွေရာ ဘိန်းစိမ်း ၄၀ ဒသမ ၅ ကီလို (တစ်ကီလိုလျှင် ငွေကျပ်၅ သိန်းနှုန်းဖြင့် ၎င်းဒေသတန်ဖိုးငွေကျပ် ၂၀၂ ဒသမ ၅ သိန်း)ကို ဖမ်းဆီးရမိသဖြင့် အပေါ အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားသည်။
ထို့အတူ မတ် ၁၈ ရက် နံနက် ၁၁ နာရီခွဲတွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည်သတင်းအရ လားရှိုးမြို့ အောင်မင်္ဂလာရပ်ကွက်နေ ရီဆိုက်(၅၇)နှစ်၏နေအိမ်ကို ဝင်ရောက်ရှာဖွေရာ နေအိမ်အတွင်းမှ စိတ်ကြွရူးသွပ်ဆေးပြား၅၄၀၀ (တစ်ပြားလျှင်ငွေကျပ် ၁၀၀၀ နှုန်းဖြင့် ၎င်းဒေသတန်ဖိုးငွကျပ်၅၄ သိန်း)နှင့် ဘိန်းဖြူ ၂၀ ဂရမ် (တစ်ဂရမ်လျှင်ငွေကျပ် ၂၀၀၀၀ နှုန်းဖြင့် ၎င်းဒေသတန်ဖိုးငွေကျပ် ၄ သိန်း)ကို ဖမ်းဆီးရမိသဖြင့် ရီဆိုက်အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားကြောင်း သိရသည်။