လှိုင်သာယာတွင် အင်ဗာတာ အပူလွန်ကဲပြီး မီးလောင်ကျွမ်းမှုဖြစ်ပွား

NOM မတ် ၁၈၊ ၂၀၂၆

ရန်ကုန်တိုင်း‌ဒေသကြီး၊ လှိုင်သာယာ (အနောက်ပိုင်း) မြို့နယ်၊ အမှတ် ၁၈ ရပ်ကွက်၊ ရွှေရင်အေးကျောင်းလမ်းတွင် ယမန်နေ့ နံနက် ၅ နာရီ ၅၀ မိနစ်ခန့်က မီးလောင်ကျွမ်းမှုဖြစ်ပွားကြောင်းသိရသည်။

ဖြစ်စဉ်မှာ အောင်မျိုးဝင်း​၏ နေအိမ်က အင်ဗာတာကို တစ်ညလုံး အားသွင်းထားရာမှ အပူလွန်ကဲ့ပြီး မီးလောင်‌ခဲ့ကြောင်း ၎င်းအိမ် ၁၀×၆၀ အပါအဝင် ဦးဆူဘား ပိုင်ဆိုင်သည့် ၁၀×၆၀ နေအိမ်တစ်အိမ်၊ ဒေါ်နီနီမာ ပိုင်ဆိုင်သည့် ၁၀×၆၀ နေအိမ်တစ်အိမ်၊ ဒေါ်သန်းသန်းဆွေ ပိုင်ဆိုင်သည့် ၁၀×၆၀ နေအိမ်တစ်အိမ်၊ စုစုပေါင်း လူနေအိမ် ၄အိမ် မီးလောင်ကျွမ်းပြီး ပျက်စီးဆုံးရှုံးခဲ့‌ကြောင်းသိရသည်။

အဆိုပါမီးလောင်ကျွမ်းမှုနှင့်ပတ်သတ်၍ အောင်မျိုးဝင်းအား လှိုင်သာယာ (အနောက်ပိုင်း)မြို့နယ်၊ သောင်ကြီးနယ်မြေရဲစခန်းမှ အမှုဖွင့်၍ ဥပဒေအရ ဆောင်ရွက်လျက်ရှိကြောင်းသိရသည်။

NOM