သရက်ချောင်းမြို့နယ်၊ စုံစင်ကျေးရွာအား PDF အကြမ်းဖက်အဖွဲ့က လက်နက်ကြီးဖြင့် ပစ်ခတ်တိုက်ခိုက်ခဲ့မှုကြောင့် အပြစ်မဲ့အရပ်သားပြည်သူသုံးဦး ထိခိုက်ဒဏ်ရာရ

NOM မတ် ၁၅၊ ၂၀၂၆

တနင်္သာရီတိုင်းဒေသကြီး၊ ထားဝယ်မြို့နယ်ပြည်သူ့ဆေးရုံသို့ မတ်လ ၁၂ ရက်နေ့ နံနက် ၇ နာရီ ၁၅ မိနစ်အချိန်၌ ဗုံးသီးပေါက်ကွဲစ ထိမှန်ဒဏ်ရာများဖြင့် အမျိုးသားနှစ်ဦးနှင့် အမျိုးသမီးတစ်ဦးတို့ရောက်ရှိနေကြောင်း သတင်းအရ လုံခြုံရေး တပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ မတ် ၁၁ ရက် မွန်းလွဲ ၃ နာရီ ၃၀ မိနစ်အချိန်၌ တနင်္သာရီတိုင်းဒေသကြီး၊ သရက်ချောင်းမြို့နယ်၊ စုံစင်ကျေးရွာသို့ PDF အကြမ်းဖက်သမားများက အများပြည်သူထိခိုက်စေရန် ရည်ရွယ်၍ လက်နက်ကြီးဖြင့် ပစ်ခတ်တိုက်ခိုက်ခဲ့ရာ ကျေးရွာအတွင်း လက်နက်ကြီးဗုံးသီးများ ကျရောက်ပေါက်ကွဲခဲ့မှုကြောင့် အဆိုပါ ကျေးရွာနေသူများဖြစ်ကြသည့် ဦးလွင် (၆၃) နှစ်၊ ဦးသီဟကျော် (၃၀) နှစ်နှင့် မစုမြတ်သူ (၂၄) နှစ်တို့တွင် ဗုံးသီးပေါက်ကွဲစ ထိမှန်ဒဏ်ရာများရရှိခဲ့ခြင်းဖြစ်ကြောင်းသိရသည်။

NOM

မဲထော်သလေးကျေးရွာအနီးမှ တရုတ်နှင့် ရုရှားနိုင်ငံသားများအပါအဝင် ပြည်ပနိုင်ငံသား (၆၉) ဦး ဖမ်းဆီးရမိ

မတ် ၁၅၊ ၂၀၂၆

ကရင်ပြည်နယ်၊ မြဝတီမြို့နယ်၊ မဲထော်သလေးကျေးရွာအနီး၌ တရုတ်နှင့် ရုရှားနိုင်ငံသားများအပါအဝင် ပြည်ပနိုင်ငံသား (၆၉) ဦးကို မတ်လ ၁၅ ရက်နေ့က ထပ်မံဖမ်းဆီးရမိခဲ့ကြောင်းသိရသည်။

မဲထော်သလေးကျေးရွာ၏ အရှေ့ဘက်မီတာ (၆၅၀) ခန့်အကွာ တောအုပ်အတွင်း ပုန်းအောင်းနေသည့် မြန်မာနိုင်ငံအတွင်းသို့ တရားမဝင်ဝင်ရောက်လာသော တရုတ်နိုင်ငံသား (၆၅) ဦး၊ ဗီယက်နမ်နိုင်ငံသား (၁) ဦး၊ မလေးရှားနိုင်ငံသူ (၁) ဦး၊ ရုရှားနိုင်ငံသူ (၁) ဦး၊ လာအိုနိုင်ငံသူ (၁) ဦးတို့အား ထပ်မံဖမ်းဆီးရမိခဲ့သည်။

၎င်းတို့အား မြဝတီမြို့၌ ထိန်းသိမ်းထားပြီး ဌာနဆိုင်ရာပူးပေါင်းအဖွဲ့များကလိုအပ်သည့် ကိုယ်ရေးအချက်အလက်များနှင့် မှတ်တမ်းများစာရင်းကောက်ယူလျက်ရှိကာ သက်ဆိုင်ရာနိုင်ငံများသို့ လုပ်ထုံးလုပ်နည်းများနှင့်အညီ ပြန်လည်လွှဲပြောင်းပေးနိုင်ရေးအတွက်လည်း ဆက်လက်ဆောင်ရွက်လျက်ရှိသည်။

NOM

(၈၁) နှစ်မြောက် တပ်မတော်နေ့စစ်ရေးပြအခမ်းအနားတွင် ပါဝင်ချီတက်ကြမည့် စစ်ရေးပြစစ်ကြောင်းများမှအရာရှိ၊ စစ်သည်များ မာရဝိဇယဗုဒ္ဓရုပ်ပွားတော်မြတ်ကြီးနှင့် နေပြည်တော်ရှိ အထင်ကရနေရာများကို သွားရောက်ဖူးမြော်လေ့လာ

မတ် ၁၅၊ ၂၀၂၆

NOM

အီရန်နိုင်ငံ၊ ဟာမဒန်ရှိ ပညာရေးနှင့် ယဉ်ကျေးမှု စင်တာ အား အမေရိကန်/အစ္စရေးတို့က ဒုံးကျည်ဖြင့် တိုက်ခိုက်ခဲ့သည်။

NOM

ထီးချိုင့်မြို့နယ်၊ ဇီးကုန်းကျေးရွာရှိ ဘုန်းကြီးကျောင်းဝင်းအတွင်းသို့ PDF အကြမ်းဖက်အဖွဲ့က ပစ်ခတ်လိုက်သည့် လက်နက်ကြီးဗုံးသီးတစ်လုံးကျရောက်ပေါက်ကွဲခဲ့မှုကြောင့် သာသနာ့အနွယ်ဝင် သံဃာတော်တစ်ပါးနှင့် အပြစ်မဲ့အရပ်သားပြည်သူတစ်ဦးတို့ ထိခိုက်ဒဏ်ရာရ

NOM မတ် ၁၆၊ ၂၀၂၆

မန္တလေးတိုင်းဒေသကြီး၊ ချမ်းအေးသာစံမြို့နယ်ရှိ မန္တလေးပြည်သူ့ဆေးရုံကြီးသို့ မတ်လ ၁၄ ရက်နေ့ နံနက် ၁၁ နာရီ ၅ မိနစ်အချိန်၌ ဗုံးသီးပေါက်ကွဲစ ထိမှန်ဒဏ်ရာများဖြင့် အမျိုးသားတစ်ဦးနှင့် သံဃာတော်တစ်ပါးတို့ရောက်ရှိနေကြောင်းသတင်းအရ လုံခြုံရေးတပ်ဖွဲ့ဝင် များက သွားရောက်စစ်ဆေး၍ ဖြစ်စဉ်အားစိစစ်ခဲ့ရာ မတ်လ ၁၀ ရက်နေ့ မွန်းလွဲ ၁ နာရီအချိန်၌ စစ်ကိုင်းတိုင်းဒေသကြီး၊ ထီးချိုင့်မြို့နယ်၊ ဇီးကုန်းကျေးရွာရှိ ဘုန်းကြီးကျောင်းဝင်းအတွင်းသို့ PDF အကြမ်းဖက်အဖွဲ့က အများပြည်သူထိခိုက်စေရန် ရည်ရွယ်၍ပစ်ခတ်လိုက်သည့် လက်နက်ကြီးဗုံးသီးတစ်လုံးကျရောက်ပေါက်ကွဲခဲ့မှုကြောင့် အဆိုပါနေရာအနီးရှိနေသည့် ဇီးကုန်းကျေးရွာနေ မောင်ပြည့်စုံထွန်း (၁၉) နှစ်နှင့် ဇီးကုန်းကျေးရွာဘုန်းကြီးကျောင်းမှ ကိုရင်ဖြစ်သူ အရှင်ဝိလာသဂ္ဂ (၁၅) နှစ်တို့တွင် ဗုံးသီးပေါက်ကွဲစထိမှန်ဒဏ်ရာများရရှိခဲ့ခြင်းဖြစ်ကြောင်းသိရသည်။

NOM

MNDAA အကြမ်းဖက်အဖွဲ့​၏ သုတ်သင်ခြင်းခံလိုက်ရသည့် TNLA အကြမ်းဖက်အဖွဲ့ဝင်တစ်ချို့။

NOM