News Of Myanmar

ရန်ဖြစ်သည်ကို ဖြန်ဖြေပေးသည့်ရဲလှည့်ကင်းအဖွဲ့ကို ကားဖြင့်တိုက်ပြီးသံတုတ်ဖြင့် ရိုက်သဖြင့်ရဲတပ်ဖွဲ့ဝင်နှစ်ဦးသေဆုံး၊ ပြစ်မှုကျူးလွန်သူတစ်ဦးမှာ စသုံးလုံးမှ ဒုစုံစမ်းရေးမှူးဖြစ်နေ

NOM မတ် ၁၀၊ ၂၀၂၆

ရွှေပေါက်ကံမြို့သစ်၊ (၁၂) ရပ်ကွက်ခွဲ၊ ပုဂံလမ်းမကြီး (၁၂) စျေးထိပ်တွင် မတ်လ ၉ ရက်ည ၁၀:၃၀ နာရီအချိန်၌ ရန်ဖြစ်သည်ကိုလာရောက်ဖြန်ဖြေပေးနေသော ရဲလှည့်ကင်းတပ်ဖွဲ့ဝင်လေးဦးကို ကားဖြင့်ဝင်တိုက်ပြီး သံတုတ်များဖြင့်ရိုက်သဖြင့် ရဲတပ်ဖွဲ့ဝင်နှစ်ဦးသေဆုံးပြီး နှစ်ဦးပြင်းထန်စွာဒဏ်ရာရခဲ့ကြောင်းနှင့် ပြစ်မှုကျူးလွန်သူတရားခံတစ်ဦးသည် စသုံးလုံးမှဒုစုံစမ်းရေးမှူးဖြစ်ကြောင်းသိရသည်။

ဖြစ်စဥ်မှာ လှည့်ကင်းတပ်ဖွဲ့ဝင်များသည် ရန်ဖြစ်နေကြောင်းသတင်းအရ (၁၂) စျေးထိပ်သို့သွားရောက်ရာ ကားတစ်စီးသည် လမ်းပေါ်တွင် ကန့်လန့်ဖြတ်ရပ်ထားပြီး အရက်မူးနေသော ယာဥ်မောင်းမြတ်ကိုကိုက လှည့်ကင်းအဖွဲ့ဝင်များကို ခင်ဗျားတို့ကရဲတွေဖြစ်လို့ရှင်းပေးဟုပြောရာ ရဲတပ်ဖွဲ့ဝင်များကမေးမြန်းဖြန်ဖြေနေစဥ် မြတ်ကိုကို၏ဖခင် ဦးကြင်ခရမ်းနှင့် ညီဖြစ်သူ စသုံးလုံးမှ ဒုတိယစုံစမ်းရေးမှူး အေးမင်းတို့က နောက်ထပ်ကားတစ်စီးဖြင့် ရောက်လာပြီး သံတုတ်များဖြင့် ဝင်ရောက်ရိုက်နှက်သဖြင့် လှည့်ကင်းတပ်ဖွဲ့ကဖြန်ဖြေပြီး ဒဏ်ရာရသူများအားအမှုဖွင့်ရန်ဆေးစာယူရန်ဆောင်ရွက်ပြီးပြန်ထွက်စဥ် မြတ်ကိုကိုမှ ကားကိုပြန်ကွေ့ပြီး လှည့်ကင်းတပ်ဖွဲ့ဝင်လေးဦးကို ကားဖြင့်ဝင်တိုက်ပြီးသူ၏ဖခင်နှင့် အစ်ကိုဖြစ်သူ စသုံးလုံးမှ ဒုစုံစမ်းရေးမှူးဆိုသူတို့က လဲကျနေသည့်ရဲတပ်ဖွဲ့ဝင်များကိုသံတုတ်များဖြင့် ဝင်ရိုက်ရာရဲတပ်ဖွဲ့ဝင်နှစ်ဦးသေဆုံးပြီး နှစ်ဦးပြင်းထန် စွာဒဏ်ရာရသည့်အတွက် တရားခံများဖြစ်သော အမှတ် (၁၈၇)၊ ကုန်းဘောင် (၂) လမ်း၊ (၁၄) ရပ်ကွက်၊ရွှေပေါက်ကံမြို့သစ်နေယာဥ်မောင်းမြတ်ကိုကို၊ ဖခင်ဖြစ်သူဦးကြင်ခရမ်း၊ ညီဖြစ်သူစသုံးလုံးမှဒုတိယစုံစမ်းရေးမှူး အေးမင်းတို့ကိုလူသတ်မှုဖြင့်ဖမ်းဆီးအရေးယူထားကြောင်းသိရသည်။

NOM

👍34😨10❤3

1.39K viewsedited 12:00