အီရန်နိုင်ငံက အစ္စရေးနိုင်ငံ၊ တဲလ်အဗီးဗ် မြို့အား ကလပ်စတာဒုံးကျည်များဖြင့်ပစ်ခတ်။

NOM

တနင်္သာရီမြို့၊ ချောင်းကြီးရပ်ကွက် ချောင်းကြီးဘုန်းတော်ကြီးကျောင်းအတွင်း ရေကန်ဖေါင်ဒေးရှင်းတူးရာမှ ရှေးဟောင်းငွေထည်/ ကြေးထည် ဘုရားဆင်းတုတော်များ နှင့် ရှေးဟောင်းတနင်္သာရီခဲဒင်္ဂါးများ တူးဖေါ်တွေ့ရှိ

မတ်လ ၉၊ ၂၀၂၆
      
၂၀၂၆ ခုနှစ်၊ မတ်လ ၈ ရက်နေ့ နံနက် ၁၁ နာရီအချိန်၌ တနင်္သာရီမြို့၊ ချောင်းကြီးရပ်ကွက် ချောင်းကြီးဘုန်းတော်ကျောင်းတိုက်အတွင်းရှိ ဓမ္မာရုံအနီးတွင် ရေကန်တည်ဆောက်ရန် မြေတူးလုပ်သား ဦးလင်းငယ် (၄၃ နှစ်) သည် ဖောင်ဒေးရှင်းတူးဖေါ်ရာ မြေအောက်အနက် (၃) ပေခန့်တွင် အကျယ် (၁၂) လက်မ ဇောက် (၁၆) လက်မခန့်ရှိ စဥ့်အိုးဖြင့်ထည့်သွင်းထားသည့် အောက်ပါ ရှေးဟောင်းငွေထည် (ငွေထည်အပြားခတ်အတွင်းမြေစာဖြည့်)ထိုင်တော်မူဆင်းတုတော် (၃၅) ဆူ​(အနည်းငယ်ပျက်)၊ ရှေးဟောင်းငွေထည် (ငွေထည်အပြားခတ်အတွင်းမြေစာဖြည့်) ထိုင်တော်မူဆင်းတုတော် (၄) ဆူ ​(ပျက်စီး)၊ ရှေးဟောင်းကြေးထည်ထိုင်တော်မူ (၇) ဆူ(ကောင်း)၊ ရှေးဟောင်းကြေးထည်ထိုင်တော်မူ (၁) ဆူ (ပျက်စီး)၊ ရှေးဟောင်းကြေးထည်ရပ်တော်မူ (၂) ဆူ (ကောင်း)၊ ရှေးဟောင်းကြေးထည်နဂါးရုံဘုရား (၁) ဆူ (ကောင်း)၊ ရှေးဟောင်းသစ်သားပန်းပုထိုင်တော်မူ (၁) ဆူ (ပျက်) စုစုပေါင်းဘုရားဆင်းတုတော် (၅၁) ဆူနှင့် အချင်း ၂.၇၅ လက်မရှိ တနင်္သာရီရှေးဟောင်းခဲဒင်္ဂါး (၇) ပြားတို့အားတူးဖေါ်တွေ့ရှိသဖြင့် ကျောင်းကြီးကျောင်းတိုက် ပဓါနနာယကဆရာတော် ဘဒ္ဒန္တ ပဏ္ဏိစ ၏သြဝါအားခံယူ၍ ကျောင်းတိုက်အတွင်းပူဇော်ထားကြောင်း ၄င်းတူးဖေါ်တွေ့ရှိသည့်နေရာသည် ယခင်က စေတီဟောင်း (ပျက်စီး) မြေနေရာဖြစ်ကြောင်းသိရှိရပါသည်။
    
NOM

မဟာအောင်မြေမြို့နယ်၌  ၂၀၂၅-၂၀၂၆ ပညာသင်နှစ် တက္ကသိုလ်ဝင်တန်း စာမေးပွဲဖြေဆိုမည့် စာစစ်ဌာနသို့ တိုင်းဒေသကြီးဝန်ကြီးချုပ်နှင့် တာဝန်ရှိသူများ  လာရောက်ကြည့်ရှုစစ်ဆေး

‎မတ် ၉၊ ၂၀၂၆

‎မန္တလေးတိုင်းဒေသကြီးဝန်ကြီးချူပ် ဦးမျိုးအောင်၊ တိုင်းဒေသကြီးဝန်​ကြီးများနှင့်အဖွဲ့ဝင်များသည် မဟာအောင်မြေမြို့နယ်၌၂၀၂၅-၂၀၂၆ ပညာသင်နှစ် တက္ကသိုလ်ဝင်တန်း စာမေးပွဲဖြေဆိုမည့် စာစစ်ဌာနများသို့ ယနေ့နံနက်ပိုင်းက လာရောက်ကြည့်ရှုစစ်ဆေးသည်။

‎တိုင်းဒေသကြီးဝန်ကြီးချူပ်နှင့်အဖွဲ့ဝင်များသည် အမှတ်(၂) အ.ထ.က(ခွဲ)ကျောင်းမှ ကြီးကြပ်ရေးမှူးဒေါ်သက်ရည်ဝင်းနှင့်ဆရာ ဆရာမများအား  စာစစ်ဌာနအတွင်ဲး တက္ကသိုလ်ဝင်တန်းစာမေးပွဲဖြေဆိုမည့် စာဖြေခန်း(၁၂)ခန်းတို့အား လှည့်လည်ကြည့်ရှု၍ လုံခြုံရေးနှင့်စာဖြေကျောင်းသား၊သူများ အဆင်ပြေချောမွေ့စွာဖြေဆိုနိုင်ရေးအတွက် စာဖြေခန်းများအတွင်း အလင်းရောင်ရရှိရေး၊ လေဝင်လေထွက်ကောင်းမွန်စွာရရှိရေး၊ ကျောင်းဝန်းအတွင်း/အပြင် သန့်ရှင်းမှုရှိစေရေးနှင့်လိုအပ်သည်များအား သက်ဆိုင်ရာဌာနများနှင့် ပေါင်းစပ်ညှိနှိုင်းဆောင်ရွက်သွားကြရန်မှာကြားသည်။

‎မဟာအောင်မြေမြို့နယ်အနေဖြင့် ၂၀၂၅-၂၀၂၆ ပညာသင်နှစ် တက္ကသိုလ်ဝင်တန်းစာမေးပွဲကို စာစစ်ဌာန ၅ ခုဖြင့် ဖြေဆိုသွားမည်ဖြစ်ကြောင်းသိရသည်။

‎NOM