ပြည်ထောင်စုသမ္မတမြန်မာနိုင်ငံတော် အမျိုးသားကာကွယ်ရေးနှင့်လုံခြုံရေးကောင်စီ မြေဩဇာဥပဒေကိုပြင်ဆင်သည့်ဥပဒေ (အမျိုးသားကာကွယ်ရေးနှင့်လုံခြုံရေးကောင်စီဥပဒေအမှတ် ၁၅ / ၂၀၂၆) ၁၃၈၇ ခုနှစ်၊ တပေါင်းလပြည့်ကျော် ၅ ရက် (၂၀၂၆ ခုနှစ်၊ မတ်လ ၇ ရက်)

NOM

အီရန် ထိပ်တန်းလုံခြုံရေးအရာရှိ အလီ လာရီဂျာနီ (Ali Larijani) ၏ ပြောကြားချက်-

"ဒေသတွင်း နိုင်ငံအချို့မှာ အမေရိကန် စစ်သားအချို့အဖမ်းခံထားရတယ်ဆိုတဲ့ သတင်းတွေကို ကျွန်တော် ဖတ်ရှုထားပါတယ်။ အမေရိကန် စစ်သား ၅ ယောက်၊ ၆ ယောက်လောက်ပဲ သေဆုံးခဲ့တယ်လို့ ထရမ့်ပြောနေတာဟာ မုသားစကားပဲ ဖြစ်ပါတယ်။ သူဟာ နောက်ပိုင်းမှာမှ မတော်တဆမှုတွေ ဒါမှမဟုတ် တခြားအကြောင်းပြချက်တွေပေးပြီး သေဆုံးသူအရေအတွက်ကို တဖြည်းဖြည်းချင်း တိုးမြှင့်ထုတ်ပြန်သွားမယ့် ပုံစံမျိုးပါပဲ။"

NOM

"အီရန်နိုင်ငံ၏ ပဲ့ထိန်းဒုံးကျည်ပရိုဂရမ် သည် ယခုအထိ ၅၀ ရာခိုင်နှုန်းခန့် ကျန်ရှိနေသေးပြီး၊ ဒရုန်း စွမ်းဆောင်ရည်မှာမူ ထိုထက်သိသိသာသာ ပိုမိုများပြားသော ရာခိုင်နှုန်းဖြင့် ကျန်ရှိနေသေးကြောင်း အမေရိကန်အရာရှိများက ယခုအပတ်အတွင်း လွှတ်တော်သို့ လျှို့ဝှက်အစီရင်ခံစာ တင်ပြခဲ့သည်" ဟု နယူးယောက်တိုင်းမ်စ်သတင်းဌာနက ဖော်ပြထားသည်။

NOM

နိုင်ငံ့အရေးဆောင်ရွက်မည့် နိုင်ငံရေးသမားများဖြစ်ရန်လိုသည်

ကေတုမတီ သောင်းအေး

ဒီမိုကရေစီအခြေခံထားသော လူ့အဖွဲ့အစည်းတိုင်းတွင် နိုင်ငံရေးသမား၏ အခန်းကဏ္ဍသည် အလွန်အရေးကြီးပါသည်။ နိုင်ငံရေးသမားများသည် ပြည်သူများကို ကိုယ်စားပြု၍ နိုင်ငံ၏ကဏ္ဍပေါင်းစုံဖွံ့ဖြိုးတိုးတက်ရေးကို ဆောင်ရွက်ရမည်ဖြစ်ပါသည်။ နိုင်ငံရေးသမားကောင်းသည် ရွေးကောက်ပွဲများတွင် အနိုင်ရရှိခြင်းတို့ထက် ပိုမိုကျယ်ပြန့်သော အရည်အချင်းများရှိရပါမည်။ ထိုအရည်အချင်းများတွင် ကိုယ်ကျင့်တရားကောင်းမွန်မှု၊ အများပြည်သူအကျိုးအတွက် ဆောင်ရွက်ပေးလိုမှု၊ ဒီမိုကရေစီစနစ်နှင့်ကိုက်ညီသည့် လူသားအခွင့်အရေးအပေါ် လေးစားမှုတို့ပါဝင်ပါသည်။

ရှေးဂရိတွေးခေါ်ပညာရှင် အရစ္စတိုတယ်က နိုင်ငံရေးဆိုသည်မှာ “လူသားများသည် လုံခြုံစိတ်ချစွာ ရှင်သန်ရပ်တည်နိုင်ရေးအတွက် နိုင်ငံကိုတည်ထောင်ကြသော်လည်း နိုင်ငံတည်ထောင်ခြင်း၏ အဓိကရည်ရွယ်ချက်မှာ ကောင်းမွန်သောဘဝရရှိရန်ဖြစ်သည်” (Men form states to secure a bare subsistence; but the ultimate object of the state is the good life)ဟု အဓိပ္ပာယ်ဖွင့်ဆိုထားပါသည်။ အမေရိကန်နိုင်ငံရေးသိပ္ပံပညာရှင် ဒေးဗစ်အစ်စတန်(David Easton)က နိုင်ငံရေးကို လူ့အဖွဲ့အစည်းတစ်ခုအတွက် တန်ဖိုးများကို အခွင့်အာဏာဖြင့် ခွဲဝေဆုံးဖြတ်ခြင်း(the authoritative allocation of values for a society)ဟု အဓိပ္ပာယ်ဖွင့်ဆိုထားပါသည်။

အမျိုးသားအကျိုးစီးပွားကို ရှေးရှု

နိုင်ငံရေးကို အဓိပ္ပာယ်အမျိုးမျိုးဖွင့်ဆိုကြသော်လည်း နိုင်ငံရေး၏အန္တိမရည်မှန်းချက်မှာ နိုင်ငံတော်တည်ဆောက်ရေးသာဖြစ်ပါသည်။ နိုင်ငံရေးသည်မတူညီသည့်နိုင်ငံရေး အမြင်၊ မတူညီသည့်သဘောထားရှိသူများက နိုင်ငံတည်ဆောက်ရေးအတွက် အမျိုးသားအကျိုးစီးပွားကိုရှေးရှုပြီး အကောင်းဆုံးများကိုရွေးချယ်ကာ ပူးပေါင်းဆောင်ရွက်ကြခြင်းဖြစ်သည်။ နိုင်ငံရေးသည် မိမိနှင့်အမြင်မတူ၊ သဘောထားမတူသူများကို ဆန့်ကျင်ရသည့် ပုံစံမျိုးမဟုတ်ဘဲ မတူညီသောအရာများထဲမှ နိုင်ငံအတွက် အကောင်းဆုံးအခြေအနေများကို ရွေးချယ်ကာ နိုင်ငံကောင်းရာကောင်းကျိုးအတွက် ဆောင်ရွက်ရပါသည်။ မိမိပြိုင်ဘက်က ပြောဆိုသမျှကို ကန့်ကွက်ခြင်းမျိုးသည် မဖြစ်သင့်ဘဲ နိုင်ငံတော်အတွက်ကောင်းမွန်သော ပြောဆိုချက်၊ လုပ်ကိုင်ဆောင်ရွက်ချက်များဖြစ်ပါက လက်ခံပေးရမည်ဖြစ်သည်။ နိုင်ငံရေးဆောင်ရွက်ရာတွင် ပုဂ္ဂိုလ်စွဲ၊ ပါတီစွဲ၊ ချစ်ခြင်း၊ မုန်းခြင်းကင်း၍ နိုင်ငံကောင်းကျိုးအတွက် ဆောင်ရွက်သင့်သည်များကို ပြတ်သားစွာဆောင်ရွက်ရန်လိုပါသည်။

နိုင်ငံ့အရေးဆိုသည်မှာ “နိုင်ငံအတွင်း မှီတင်းနေထိုင်သော ပြည်သူတစ်ရပ်လုံး၏ အကျိုးစီးပွားနှင့်သက်ဆိုင်သည့် ကိစ္စရပ်များကိုဆိုလိုခြင်းဖြစ်သည်။ နိုင်ငံ၏ အချုပ်အခြာအာဏာတည်တံ့ခိုင်မြဲရေး၊ နိုင်ငံတကာအသိုင်းအဝိုင်းအတွင်း ဂုဏ်သိက္ခာရှိစွာရပ်တည်နိုင်ရေး၊ သဘာဝပတ်ဝန်းကျင်နှင့် သယံဇာတများကို ရေရှည်အကျိုးရှိအောင် ထိန်းသိမ်းရေးတို့လည်း နိုင်ငံ့အရေးတွင် အရေးပါသောအချက်များဖြစ်ပါသည်။ နိုင်ငံ့အရေးက အစိုးရတစ်ရပ် သို့မဟုတ် အဖွဲ့အစည်းတစ်ခု တည်း၏ ကိစ္စမဟုတ်ဘဲ “နိုင်ငံသားတိုင်း၏ ကံကြမ္မာကို ဆုံးဖြတ်ပေးနေသည့် ဘုံအရေးကိစ္စ”သာဖြစ်ပါသည်။ အချို့ရုပ်ရှင်ရုံများ၌ နိုင်ငံတော်အလံကိုပင် အလေးမပြုကြသူများနှင့် နိုင်ငံတော်သီချင်း သီဆိုခြင်းမရှိကြသူများပင်ရှိကြသည်ဟု စိတ်မကောင်းဖြစ်ဖွယ် သိရှိရပါသည်။ နိုင်ငံသားများအနေဖြင့် လူပုဂ္ဂိုလ်ကိုအစွဲပြု၍ ချစ်ခြင်းထက်မှန်ကန်သော တိုင်းချစ်ပြည်ချစ်စိတ်ဖြင့် နိုင်ငံအပေါ်စောင့်ထိန်းရမည့် တာဝန်များကိုစောင့်ထိန်းပြီး ဆောင်ရွက်သင့်သည်များကို ဆောင်ရွက်ရမည်ဖြစ်ပါသည်။ နိုင်ငံ့ဝန်ထမ်းများကလည်း ပါတီနိုင်ငံရေးလုပ်၍မရသော်လည်း နိုင်ငံ့အရေးတွင် အားလုံးတာဝန်ရှိကြသည်သာဖြစ်ပါသည်။ ၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲ ကျင်းပသည့်နယ်မြေများတွင် မဲပေးပိုင်ခွင့်ရှိသူ ၂၄ သန်းကျော်အနက် မဲလာရောက်ပေးသူ ၁၃ ဒသမ ၁၄ သန်းခန့်ရှိပါသည်။ မဲပေးသည့်ရာခိုင်နှုန်းမှာ ၅၄ ဒသမ ၂၂ ရာခိုင်နှုန်းဖြစ်ပါသည်။ ရွေးကောက်ခံရသူများအနေဖြင့် ဒီမိုကရေစီကိုလိုလားသူပြည်သူများက မဲပေးရွေးချယ်ထားခြင်းဖြစ်သောကြောင့် တိုင်းချစ်ပြည်ချစ်စိတ်ဖြင့် နိုင်ငံကောင်းကျိုးအတွက် အလုပ်လုပ်ရန်လိုအပ်ပါသည်။

တိုင်းချစ်ပြည်ချစ်စိတ်များရှိရန်လို

၂၀၂၆ ခုနှစ် ဖေဖော်ဝါရီလ ၃ ရက်နေ့တွင် ယာယီသမ္မတနိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က နိုင်ငံတော်ကာကွယ်ရေးတက္ကသိုလ်မှ နည်းပြအရာရှိကြီးများနှင့် သင်တန်းသားအရာရှိကြီးများအား အမှာစကားပြောကြားရာတွင် “နိုင်ငံ့အရေးနှင့်ပတ်သက်၍ မိမိတို့နိုင်ငံဖြတ်သန်းခဲ့သည့် သမိုင်းကြောင်းအရ နိုင်ငံသားအားလုံး တိုင်းချစ်ပြည်ချစ်စိတ်ရှိရန်လိုအပ်ကြောင်း၊ မိမိတို့နိုင်ငံ၏ သမိုင်းကြောင်းအရ နိုင်ငံသူ နိုင်ငံသားများအနေဖြင့် လူပုဂ္ဂိုလ်စွဲရှိကြသည်ကိုလည်းတွေ့ရကြောင်း၊ လူပုဂ္ဂိုလ်ကိုအစွဲပြု၍ တိုင်းချစ်ပြည်ချစ်စိတ်ရှိခြင်းထက် နိုင်ငံအပေါ်အစွဲပြု၍ နိုင်ငံသားတိုင်းမှန်မှန်ကန်ကန် တိုင်းချစ်ပြည်ချစ်စိတ်ရှိရန်လိုကြောင်း၊ နိုင်ငံ့ဝန်ထမ်းများအနေဖြင့်လည်း တိုင်းချစ်ပြည်ချစ်စိတ်များရှိရန်လိုကြောင်း၊ နိုင်ငံ့ဝန်ထမ်းများအနေဖြင့် ပါတီနိုင်ငံရေးကင်းရှင်းရမည်ဖြစ်ပြီး နိုင်ငံရေးနှင့်နိုင်ငံ့အရေးကို ခွဲခြားစွာသိမြင်ကာ နိုင်ငံတော်၏တာဝန်များကို ထမ်းဆောင်ရမည်ဖြစ်ကြောင်း” ပြောကြားခဲ့ပါသည်။

နိုင်ငံရေးကောင်းမွန်ပါက တည်ငြိမ်မှုနှင့်တရားဥပဒေစိုးမိုးမှု အားကောင်းလာပြီး ငြိမ်းချမ်းရေးကိုလည်း အထောက်အပံ့ပြုထိန်းသိမ်းနိုင်ပါသည်။ နိုင်ငံရေးမကောင်းပါက အခွင့်အာဏာကို ကိုယ်ကျိုးအတွက် မတရားသဖြင့်အသုံးချမှုများ၊ အဂတိလိုက်စားမှုများနှင့်မညီမျှမှုများဖြစ်ပေါ်လာကာ ပြည်သူ့ယုံကြည်မှုပျက်စီးသွားနိုင်ပါသည်။ ထို့ကြောင့် နိုင်ငံရေးကောင်းမွန်ခြင်းသည် အာဏာရသူများအတွက်မဟုတ်ဘဲ ပြည်သူ့လူမှုစီးပွားဘဝမြှင့်တင်ရန်နှင့် နိုင်ငံ၏အနာဂတ်ကို တည်တံ့ခိုင်မြဲစေရန်အတွက် အလွန်အရေးပါသည်ကို တွေ့ရပါသည်။

နိုင်ငံရေးကောင်းမွန်ရန်အတွက် ပြည်သူတစ်ဦးချင်းစီ၏ တာဝန်ယူမှု၊ တာဝန်သိတတ်မှု၊ နိုင်ငံရေးခေါင်းဆောင်များ၏ ကိုယ်ကျင့်တရားနှင့် စနစ်တကျစီမံအုပ်ချုပ်နိုင်မှုတို့ အားလုံးပေါင်းစပ်ရန် လိုအပ်ပါသည်။ ပြည်သူများအနေဖြင့် နိုင်ငံရေးအသိပညာရှိအောင်လေ့လာခြင်း၊ သတင်းအချက်အလက်များကို မှန်၊ မမှန်စဉ်းစား ချင့်ချိန်သုံးသပ်ပြီး အကြမ်းမဖက်သောနည်းလမ်းဖြင့် မိမိအမြင်ကို ဥပဒေနှင့်အညီလွတ်လပ်စွာထုတ်ဖော်ခြင်းတို့ ပြုလုပ်သင့်ပါသည်။ နိုင်ငံရေးခေါင်းဆောင်များကလည်း မိမိကိုယ်ကျိုးထက် ပြည်သူ့အကျိုးကို ဦးစားပေးကာ ဥပဒေအပေါ် လေးစားလိုက်နာခြင်း၊ ပြည်သူ့အသံကို နားထောင်ခြင်းနှင့် ပွင့်လင်းမြင်သာစွာ လုပ်ကိုင်ခြင်းများ ဆောင်ရွက်ရမည်ဖြစ်ပါသည်။ နိုင်ငံတော်၏ တရားဥပဒေစိုးမိုးမှုကိုအခြေခံ၍ မိမိနိုင်ငံ၏ လက်ရှိအခြေအနေနှင့်ကိုက်ညီသည့် ဒီမိုကရေစီယဉ်ကျေးမှုကို တည်ဆောက်နိုင်မှသာ ကောင်းမွန်သောနိုင်ငံရေးစနစ်တစ်ရပ်အဖြစ် ရပ်တည်နိုင်မည်ဖြစ်ပါသည်။

နိုင်ငံ့အရေးကောင်းမွန်ပါက လူသားအရင်းအမြစ်များကို ထိရောက်စွာအသုံးချနိုင်ပြီး နိုင်ငံ၏ သဘာဝအရင်းအမြစ်များကိုလည်း ရေရှည်အကျိုးရှိအောင် ထိန်းသိမ်းစီမံနိုင်ပါသည်။ နိုင်ငံ့အရေးမကောင်းပါက ပညာရေး၊ ကျန်းမာရေးနှင့် စီးပွားရေးစနစ်များ အားနည်းလာပြီး လူတန်းစားမညီမျှမှုများ ဖြစ်ပေါ်လာနိုင်ပါသည်။ ထိုအခြေအနေများကတစ်ဆင့် လူမှုစီးပွားချို့တဲ့ခြင်း၊ ကျန်းမာရေးအားနည်းခြင်းများနှင့်အတူ မတည်ငြိမ်မှုများကို ဖြစ်စေနိုင်ပါသည်။ ထို့ကြောင့် နိုင်ငံ့အရေး ကောင်းမွန်ခြင်းသည် လက်ရှိမျိုးဆက်သာမက အနာဂတ်မျိုးဆက်များအတွက်ပါ ငြိမ်းချမ်းတည်ငြိမ်ပြီး ဖွံ့ဖြိုးတိုးတက်သော နိုင်ငံတစ်နိုင်ငံကို အမွေချန်ထားပေးနိုင်ရန် အရေးပါသော အခြေခံအချက်တစ်ရပ်ဖြစ်ပါသည်။

လူ့စွမ်းအားအရင်းအမြစ်ကို မြှင့်တင်

နိုင်ငံ့အရေးကောင်းမွန်စေရန်အတွက် အရေးအကြီးဆုံးမှာ တိုင်းချစ်ပြည်ချစ်စိတ်ကိုအခြေပြု၍ ပြည်သူ့အကျိုးကိုရှေးရှုသည့်စနစ်မှန်ဖြင့် တိုင်းပြည်ကိုဦးဆောင်သည့် နိုင်ငံ့ခေါင်းဆောင်ကောင်းများနှင့် အသိပညာနှင့်ပြည့်စုံသည့် နိုင်ငံသားတို့ ပေါင်းစပ်ရန်လိုအပ်ပါသည်။ တရားဥပဒေစိုးမိုးရေး၊ ကောင်းမွန်သောအုပ်ချုပ်ရေး၊ ငြိမ်းချမ်းရေးနှင့်ညီညွတ်ရေးတို့သာမက ပညာရေးနှင့် ကျန်းမာရေးစနစ်များကို အရည်အသွေးပြည့်မီအောင် ဖော်ဆောင်ခြင်းကလည်း လူ့စွမ်းအားအရင်းအမြစ်ကို မြှင့်တင်ပေးကာ နိုင်ငံ၏ ရေရှည်ဖွံ့ဖြိုးတိုးတက်မှုကို အထောက်အကူပြုပါသည်။ စီးပွားရေးနှင့် အလုပ်အကိုင်အခွင့်အလမ်းများ ဖန်တီးပေးခြင်းနှင့် သဘာဝအရင်းအမြစ်များကို စနစ်တကျစီမံခန့်ခွဲခြင်းတို့က နိုင်ငံ့အကျိုးစီးပွားကို တည်တံ့ခိုင်မြဲမှုနှင့် နိုင်ငံ၏အနာဂတ်အတွက် အကျိုးဖြစ်ထွန်းသောလမ်းကြောင်းသို့ ရောက်ရှိနိုင်မည်ဖြစ်ပါသည်။

မိမိနိုင်ငံရေးပါတီ၏ အကျိုးစီးပွားကိုသာ ဦးစားပေးခြင်း၊ နိုင်ငံတော်၏အကျိုးကို ဦးစားပေးမှုမရှိခြင်း၊ နိုင်ငံတော်၏အကျိုးစီးပွားကို ထိခိုက်စေနိုင်သော မမှန်ကန်သည့် မဲဆွယ်စည်းရုံးမှုများပြုလုပ်ခြင်းများနှင့် ပါတီ၏အကျိုးစီးပွားကိုသာအဓိကထားပါက နိုင်ငံ၏အမျိုးသားညီညွတ်မှုကို ပျက်စီးစေနိုင်ပါသည်။ နိုင်ငံရေးသမားများသည် ပါတီ၏အကျိုးစီးပွားကိုသာမက နိုင်ငံတော်၏ ကောင်းရာကောင်းကျိုးကိုလည်း အစွမ်းကုန်ဆောင်ရွက်ရန်လိုပါသည်။ နိုင်ငံကောင်းအောင်လုပ်ပါက ကျွဲကူးရေပါဆိုသကဲ့သို့ သက်ဆိုင်ရာ ပါတီ၏ပုံရိပ်လည်းကောင်းလာမည်ဖြစ်ပါသည်။ ရွေးကောက်ခံနိုင်ငံရေးသမားများသည် ပြည်သူ့အတွက် လူမှုရေး၊ စီးပွားရေး၊ ပညာရေး၊ ကျန်းမာရေး၊ အလုပ်အကိုင်အခွင့်အလမ်းများကောင်းမွန်အောင် ဆောင်ရွက်ပေးပါက ပါတီ၏ပုံရိပ်လည်း အလိုလိုတက်လာပြီး အလုပ်နှင့်စည်းရုံးပြီးသားဖြစ်သွားမည်ဖြစ်ပါသည်။

နိုင်ငံရေးသမားများအနေဖြင့် အာဏာရရေးကိုသာ အဓိကထားကြိုးပမ်းလာပါက တိုင်းပြည်အတွက် ကောင်းကျိုးထက်ဆိုးကျိုးက ပိုများလာနိုင်ပါသည်။ နိုင်ငံရေးအာဏာရရန်အတွက် မဲမသမာမှုကဲ့သို့သော မသင့်လျော်သော နည်းလမ်းများကိုအသုံးပြုခြင်း၊ လူပုဂ္ဂိုလ်ကိုအစွဲပြု၍ ပြည်သူ့စိတ်ကိုလှုံ့ဆော်ခြင်းနှင့် မမှန်ကန်၊ မလုပ်နိုင်သော ကတိများပေးခြင်းတို့သည် နိုင်ငံအတွက် မှန်ကန်သောလမ်းကြောင်း ပေါ်ရောက်ရှိနိုင်သော နိုင်ငံရေးသမားများ၏အလုပ်မဟုတ်ဘဲ အာဏာရရန် ရည်ရွယ်လုပ်ဆောင်ခြင်းသာဖြစ်ပါသည်။

နိုင်ငံရေးအာဏာကိုအသုံးချ၍ ပုဂ္ဂလိကကြီးပွားချမ်းသာရေးကိုသာ ရည်ရွယ်ဆောင်ရွက်ခြင်းသည် နိုင်ငံရေးအကျင့်ပျက်ခြစားမှုကို ဖြစ်ပေါ်စေသော အဓိကအကြောင်းရင်းတစ်ရပ်ဖြစ်ပါသည်။ ပုဂ္ဂိုလ်ရေး အကျိုးအတွက် အဂတိလိုက်စားမှုများပြားလာပါက ပြည်သူ့ဘဏ္ဍာကိုဆုံးရှုံးစေပြီး ပြည်သူများ၏ အခြေခံလိုအပ်ချက်များကို ဖြည့်ဆည်းပေးနိုင်မှုမရှိသဖြင့် တိုင်းပြည်ငြိမ်းချမ်းရေးနှင့် ညီညွတ်ရေးကိုပါ ထိခိုက်စေပါသည်။ ထို့ကြောင့် နိုင်ငံရေးသမားများသည် မိမိအတွက် အခွင့်အရေးရမည်ဆိုပါက ဘနဖူးသိုက်တူးမည့်သူမျိုး၊ ဘယ်သူသေသေငတေမာရင်ပြီးရောဆိုသည့် စိတ်ထားရှိသူမျိုး မဖြစ်ရန်လိုအပ်ပါသည်။

နိုင်ငံ့အရေးဆောင်ရွက်ကြသည့် နိုင်ငံရေးသမားများသည် မိမိ ပါတီကောင်းစားရေးသက်သက်ကိုသာဆောင်ရွက်ခြင်း၊ မိမိအာဏာရရေးသာ ဦးတည်ဆောင်ရွက်ခြင်း၊ ပုဂ္ဂလိကကြီးပွားချမ်းသာရေးအတွက် အကျိုးအမြတ်ရယူခြင်းတို့ကို ဆောင်ရွက်ခြင်းမပြုဘဲ တိုင်းချစ်ပြည်ချစ်စိတ်ကိုအခြေခံ၍ ပြည်သူလူထုတစ်ရပ်လုံး၏ အကျိုးစီးပွားကိုဆောင်ရွက်ရန် လိုအပ်ပါသည်။ နိုင်ငံရေးစနစ်ကောင်းရှိနေသော်လည်း ထိုစနစ်ကို အသုံးချဆောင်ရွက်သူများတွင် ကိုယ်ကျင့်တရားကောင်းမွန်မှု၊ တာဝန်ယူမှု၊ တာဝန်ခံမှုနှင့် ပြည်သူ့အကျိုးစီးပွားကို ဦးစားပေးမှုတို့မရှိပါက နိုင်ငံရေးသည် အကျိုးမဖြစ်ထွန်းနိုင်ပါ။ နိုင်ငံရေးသမားကောင်းသည် ဥပဒေကို လေးစားလိုက်နာသူ၊ ပြည်သူ့အသံကို နားထောင်နိုင်သူ၊ ပြည်သူ့အကျိုးထမ်းရွက်သူ ဖြစ်ရပါမည်။

နိုင်ငံ့အရေးဆောင်ရွက်မည့် နိုင်ငံရေးသမားများသည် မတူညီသောအမြင်များကို ရန်သူအဖြစ်မမြင်ဘဲ နိုင်ငံ့အရေးကို အခြေခံထား၍ဆွေးနွေးညှိနှိုင်းခြင်း၊ တိုင်းချစ်ပြည်ချစ်စိတ်ဖြင့် နိုင်ငံတော်နှင့် ပြည်သူ့အကျိုးစီးပွား ရှေးရှုဆောင်ရွက်ခြင်းတို့လုပ်ရန် လိုအပ်ပါသည်။ ထို့အပြင် မိမိပါတီကောင်းစားရေးအတွက်သာ ဆောင်ရွက်ခြင်း၊ မိမိနှင့်မိမိပါတီ အာဏာရရေးအတွက်သာ ဆောင်ရွက်ခြင်း၊ ပုဂ္ဂလိကကြီးပွားချမ်းသာရေးအတွက်သာ ဆောင်ရွက်ခြင်းမပြုဘဲ နိုင်ငံ့အနာဂတ်ကို မြော်တွေးကာ ပြည်သူ့အကျိုးစီးပွားအတွက် အစဉ်တစိုက် နိုင်ငံ့အရေးကိုကြိုးပမ်းဆောင်ရွက်ကြရန် လိုအပ်ပေသည်။

ကနီမြို့နယ်၊ နတ်လာပို့ကျေးရွာရှိ PDF အကြမ်းဖက်သမားများကို တပ်မတော်က လေကြောင်းမှ တိုက်ခိုက်ခဲ့သဖြင့် အကြမ်းဖက်သမား များ သေဆုံး၊ ဒဏ်ရာရသူများရှိ

မတ်လ ၈၊ ၂၀၂၆

စစ်ကိုင်းတိုင်းဒေသကြီး၊ ကနီမြို့နယ်၊ နတ်လာပို့ကျေးရွာရှိ PDF အကြမ်းဖက်သမားများကို မတ်လ ၇ ရက်နေ့ နံနက် ၁၀ နာရီအချိန်ခန့်၌ တပ်မတော်က လေကြောင်းမှ တိုက်ခိုက်ခဲ့သဖြင့် PDF အကြမ်းဖက်သမား ၅ ဦးခန့်သေဆုံးခဲ့ပြီး ၁၅ ဦးခန့် ဒဏ်ရာရခဲ့ကြောင်းသိရသည်။

NOM

လက်ရှိဆီးရီးယားသမ္မတလုပ်နေသူ ယခင် ISIS အကြမ်းဖက်အဖွဲ့​၏ တပ်မှူးဟောင်းတစ်ဦးဖြစ်သူအား ISIS အကြမ်းဖက်အဖွဲ့က လုပ်ကြံသတ်ဖြတ်ရန်ပစ်မှတ်ထား

ဆီးရီးယားနိုင်ငံ၏ ကိုယ့်ဘာသာကိုယ် သမ္မတအဖြစ် ခန့်အပ်ထားသူ ယခင် ISIS အကြမ်းဖက်အဖွဲ့​၏ တပ်မှူးဟောင်းဖြစ်သူအား အကာအကွယ်ပေးရန် တူရကီက ဗြိတိန်ထောက်လှမ်းရေးကို 'ပိုမိုတက်ကြွစွာ ပါဝင်ကူညီရန်' တောင်းဆိုလိုက်သည်။

ISIS အကြမ်းဖက်အဖွဲ့၏ တပ်မှူးဟောင်းဖြစ်သူ အာမတ် အယ်လ်-ရှာရာ (Ahmad al-Sharaa) (ယခင်က အဘူ မိုဟာမက် အယ်လ်-ဂျူလာနီ ဟု လူသိများသူ) သည် လက်ရှိတွင် ပြန်လည်အားကောင်းလာသော ISIS အကြမ်းဖက် အဖွဲ့၏ လုပ်ကြံသတ်ဖြတ်မည့် စီမံကိန်းများတွင် ပစ်မှတ်ထားခံနေရသည်ဟု စွပ်စွဲချက်များ ထွက်ပေါ်နေသည်။

NOM

အီရန်ကို ကျူးကျော်တိုက်ခိုက်တဲ့ စစ်ဆင်ရေးတွေမှာ ကူညီဖို့အတွက် ကူဝိတ်နိုင်ငံကို စေလွှတ်ခြင်းခံရတဲ့ နယူးယောက်ရဲအရာရှိ ဆော့ဖ်လီ ဒေးဗီးယပ်စ် Sorffly Davius ဟာ လေဖြတ်ပြီး သေဆုံးသွားခဲ့တယ်လို့ အမေရိကန် မီဒီယာတွေက ဖော်ပြခဲ့ကြပါတယ်။

ဒါပေမဲ့ ဒါဟာ အီရန်ရဲ့ ပဲ့ထိန်းဒုံးကျည်ထိမှန်လို့ သေဆုံးရတာကို တခြားနည်းနဲ့ လှည့်ပတ်ဖော်ပြနေတာ ဖြစ်ပါတယ်။

NOM

နော်ဝေနိုင်ငံ၊ အော်စလိုမှာရှိတဲ့ အမေရိကန်သံရုံးမှာ ပေါက်ကွဲမှုတခုဖြစ်ပွားခဲ့ပြီး အနည်းငယ်ပျက်စီးခဲ့ကာ လူထိခိုက်ဒဏ်ရာရတာမျိုး မရှိဘူးလို့ နော်ဝေအာဏာပိုင်တွေကို ကိုးကားပြီး Reuters က ဖော်ပြခဲ့ပါတယ်။ အော်စလိုအနောက်ပိုင်းက သံရုံးဝင်းအနီးမှာ ဒေသစံတော်ချိန် မနက် ၁ နာရီခန့်က ဖြစ်ပွားခဲ့တာပြီး မီးခိုးတွေထွက်လာတယ်လို့ မျက်မြင်သက်သေတွေက ဆိုပါတယ်။

ဘယ်သူ့လက်ချက်လဲဆိုတာကို စုံစမ်းနေဆဲဖြစ်ကာ ဖြစ်ပွားရတဲ့ အကြောင်းရင်းကိုလည်း တိတိကျကျမသိရသေးဘူးလို့ အော်စလိုရဲတပ်ဖွဲ့က ပြောဆိုခဲ့ပါတယ်။

News Of Myanmar NOM

“သတိပြုရမည့် သူလျိုစိမ့်ဝင်မှုများ ….”
=============
◾️ ကမ္ဘာပေါ်မှာရှိတဲ့ ထောက်လှမ်းရေးအဖွဲ့ထဲမှာ ဘယ်သူအားအကောင်းဆုံး လဲမေးရင်… နိုင်ငံတိုင်းမှာ သူ့အနေအထားနဲ့သူရှိတယ်ဆိုပေမယ့် စွမ်းဆောင်နိုင်မှုအရ လက်ချိုးရေလို့ ရတဲ့အဆင့်မှာ လက်ညိုးထိုးပြစရာ သိပ်များများစားစားမရှိနေဘူး။ အဲ့ဒီထပ်တန်းအဆင့် ထောက်လှမ်းရေးအဖွဲ့ထဲမှာ အစ္စရေးရဲ့ မော့ဆက်ကလည်း တစ်ခုအပါအဝင်လို့ ပြောလို့ ရတယ်။
-----------
◾️ ပထမဆုံး Qaani အကြောင်းမပြောခင်…၂၀၀၇ ခုနှစ်တုန်းက အရင် IRGC ထိပ်တန်း ဗိုလ်ချုပ်ကြီးတစ်ယောက် တူရကီမှာ ပျောက်ဆုံးသွားခဲ့တဲ့ကိစ္စတွေ၊ ၂၀၀၈ ခုနှစ်မှာ ဒက်မက်စက္ကပ်မှာရှိတဲ့ ဟစ်ဇ်ဘိုလာအကြီးတန်း ဗိုလ်ချုပ် လုပ်ကြံခံလိုက်ရတဲ့ ကိစ္စတွေ၊ ၂၀၁၈ မှာ အီရန်ရဲ့ နျူကလီးယား သိပ္ပံပညာရှင်တွေ အသတ်ခံလိုက်ရတဲ့ ကိစ္စတွေ၊ ၂၀၂၀ ဘက်ကဒက်မှာ ဒရုန်းတိုက်ခိုက်တာကြောင့် IRGC ဗိုလ်ချုပ်တွေ လုပ်ကြံခံလိုက်ရတဲ့ ကိစ္စ တွေ၊ ၂၀၂၄ မှာ ဟားမတ်စ် နိုင်ငံခြားရေးအကြီးအကဲနဲ့ လက်ရှိ ခါမေနီတို့ အုပ်စုလိုက် သေဆုံးတဲ့အထိ အစ္စရေးဘက်က ထိထိရောက်ရောက် စွမ်းဆောင်နိုင်ခဲ့တယ်ဆိုတာ တော်ရုံ ထောက်လှမ်းရေး အစွမ်းအစကြောင့်တော့ မဟုတ်နေဘူး။ နိုင်ငံတစ်နိုင်ငံက ထိပ်တန်းဗိုလ်ချုပ်အဆင့် အထိ နှစ်ရှည်လများ မွေးမြူ/ဝယ်ယူထားပြီး စိမ့်ဝင်ထားနိုင်တဲ့ အစ္စရေးရဲ့ စွမ်းဆောင်မှု တစ်ခုလို့သာ ပြောရမှာပါပဲ။
----------
◾️ ဒီတော့ အီရန်ကိစ္စထက် ကိုယ်တွေနိုင်ငံမှာရော ဒီလိုဖြစ်စဉ်တွေ ရှိလာနိုင်သလား ဆိုတာ ပြန်ဆန်းစစ်ဖို့ လိုလာခဲ့ပြီ။ တပ်မတော်ရဲ့ ထိပ်တန်းလျို့ဝှက်အကြောင်းအရာတွေ၊ ကြေးနန်းစာတွေနဲ့ တပ်တည်/တပ်လှုပ်တွေကို အကျင့်ပျက်မီဒီယာတွေကို ပုဂ္ဂိုလ်ရေး မကျေနပ်ချက်အရတောင် ရောင်းစား/ပေးပို့နေသူတွေကို သေချာစိစစ်ဖို့ လိုအပ်ပါလိမ့် မယ်။ နောက်တစ်ခုက အကျင့်ပျက်တဲ့ ဝန်ထမ်းတွေရဲ့ နိုင်ငံတော်အပေါ် သစ္စာမဲ့မှုတွေကို လည်း မျက်ခြေမပြတ်စောင့်ကြည့်ဖို့ လိုပါလိမ့်မယ်။ ၂၀၂၁ အရေးအခင်းမှာ CDM လုပ်သွားကြတဲ့ ဝန်းထမ်းတွေထဲ ပြင်ပနိုင်ငံရေးဖိအားကြောင့်၊ အများယောင်လို့ လိုက်ယောင်လိုက်ရပါတယ်ဆိုသူတွေက ရာနှုန်းအနည်းငယ်လောက်ပါပဲ။ အဓိကအနေနဲ့ လက်ရှိ ခံဝန်ထိုးပြီး ပြန်ဝင်တဲ့သူတွေက ပိုအရေးကြီးတယ်။
---------
◾️ သေချာတာကတော့ တပ်မတော်ရဲ့လုံခြုံရေး အတွင်းစည်းအတွက် Background Check တာကို ပိုပြီး အနုစိတ်ရတော့မယ်။ အရေးပါတဲ့ လျှို့ဝှက်အဆင့်တွေကို လိုအပ်သူ လောက်ပဲ အသိပေးပြီး Scope ကျဉ်းအောင် လုပ်တာမျိုး၊ သစ္စာရှိဖို့ ဆုပေး/ဒဏ်ပေး စနစ် တွေ အားကောင်းအောင် လုပ်ရတော့မယ်။ ဒါတွေကို ကာကွယ်နိုင်ဖို့ အချိန်ယူပြီး စိစစ်တာ၊ တာဝန်ပေးအပ်ပြီး ယုံကြည်မှု တည်ဆောက်ကြည့်တာ၊ တစ်ဆက်တည်း စနစ်တကျ စောင့်ကြည့်တာမျိုးနဲ့ပဲ ထိန်းချုပ်နိုင်လိမ့်မယ်။ ခံဝန်ထိုးပြီး ပြန်ဝင်လာတဲ့ သူတွေကိုလည်း သက်ဆိုင်ရာ ဝန်ကြီးဌာနအလိုက် အရေးပါတဲ့ တာဝန်တွေ ချက်ချင်း ပေးတာမျိုး ရှောင်ကျဉ်သင့်တယ်။ သောင်းဂဏန်း၊ သိန်းဂဏန်းလောက်ရရင်တောင် လူသတ်/ဗုံးခွဲဖို့ ဝန်မလေးတဲ့ ကိုယ်တွေနိုင်ငံတွေအတွက် အမြဲသတိ၊ အသိရှိနေမှ တော်ကာ ကြလိမ့်မယ်။

(နရီမိုး)
https://t.me/Nyemoee

ယူအေအီးရောက် မြန်မာများ ပြန်လာလိုပါက သံရုံးသို့ အကူအညီတောင်းခံနိုင်
မတ်၈၊၂၀၂၆