ထိုင်ဝမ်ကာကွယ်ရေးဝန်ကြီးက အတိုက်အခံ ပါတီ၏ လျှော့ချထားသော ကာကွယ်ရေးဘတ်ဂျက်ကို ငြင်းပယ်

ထိုင်ဝမ်ကာကွယ်ရေးဝန်ကြီး ဝယ်လင်တန်ကူးသည် သောကြာနေ့တွင် အဓိကအတိုက်အခံပါတီ ဖြစ်သော ကူမင်တမ်ပါတီကအစိုးရတောင်းဆိုသော ပမာဏ၏သုံးပုံတစ်ပုံခန့်ကိုသာ ကာကွယ်ရေးဘတ်ဂျက်အဖြစ် အဆိုပြုခဲ့သည့်အပေါ် နှင့်လက်နက်ဝယ်ရန်နောက်ဆုံးရက်သတ်မှတ်ပေးခြင်းအပေါ်မဖြစ်နိုင်ဟု ပြောကြားလိုက်သည်။

ထိုင်ဝမ်သမ္မတ လိုင်ချင်းတေးသည် ပြီးခဲ့သည့်နှစ်က တရုတ်ကို တန်ပြန်ရန် အမေရိကန်ဒေါ်လာ ၄၀ ဘီလီယံ ထပ်မံကာကွယ်ရေးအသုံးစရိတ်ကို အဆိုပြုခဲဲ့သည်။

အတိုက်အခံကူမင်တန်ပါတီ၏ တန်ပြန်အဆိုပြုချက်တွင် ကာကွယ်ရေးအသုံးစရိတ်အတွက် အမေရိကန်ဒေါ်လာ ၁၁.၉၆ ဘီလီယံ ကန့်သတ်ချက်နှင့် ၂၀၂၈ ခုနှစ်ကုန်တွင် ပြီးစီးရန် နောက်ဆုံးရက်ကို သတ်မှတ်ခဲ့သည်။

NOM

အီရန်ဝေဟင်ပိုင်နက်နှင့် ပတ်သက်၍ The War Zone ၏ ဖော်ပြချက်

အမေရိကန်နှင့် အစ္စရေးတို့သည် အီရန်နိုင်ငံအပေါ် လေကြောင်းစိုးမိုးမှုအပြည့်အဝ ရရှိထားပြီဟူသော အများလက်ခံထားသည့် ယုံကြည်ချက်ကို The War Zone မဂ္ဂဇင်းက ငြင်းဆိုလိုက်သည်။

၎င်းတို့၏ သုံးသပ်ချက်အရ အောက်ပါအတိုင်းတွေ့ရှိရသည်-

စိုးမိုးမှု အကန့်အသတ်ရှိခြင်း-

လေကြောင်းစိုးမိုးမှုကို အချို့သော နယ်မြေဒေသများတွင်သာ ရရှိထားခြင်းဖြစ်ပြီး အမေရိကန်နှင့် အစ္စရေးလေတပ်များအနေဖြင့် အီရန်ဝေဟင်၌ စိတ်ကြိုက် လှုပ်ရှားနိုင်စွမ်းမရှိသေးပေ။

တိုက်ခိုက်မှုအဆင့် မြှင့်တင်ခြင်း-

လက်ရှိတွင် ၎င်းတို့သည် ပိုမိုတိကျသော အလတ်စားပစ်ခတ်မှုများပြုလုပ်နိုင်သည့် အဆင့်သို့ တဖြည်းဖြည်း ကူးပြောင်းလာနေသည်။ ယင်းက ပစ်မှတ်ထားတိုက်ခိုက်နိုင်သည့် အရေအတွက်ကို ပိုမိုများပြားစေပြီး မြေအောက်ဘန်ကာများကိုပါ ထိမှန်အောင် တိုက်ခိုက်နိုင်မည် ဖြစ်သည်။

ရင်ဆိုင်ရမည့် ဘေးအန္တရာယ်များ-

အထက်ပါ တိုက်ခိုက်မှုများသည် စိန်ခေါ်မှုအသစ်များနှင့် ဒွန်တွဲနေသည်။ အီရန်၏ ရွေ့လျားလေကြောင်းရန်ကာကွယ်ရေးစနစ်များသည် နေရာမရွေး ပေါ်ထွက်လာနိုင်ပြီး လေယာဉ်မှူးများအနေဖြင့် တုံ့ပြန်ရန် အချိန်အနည်းငယ်သာ ရရှိမည်ဖြစ်သည်။

အန္တရာယ်အရှိဆုံးဇုန်-

အီရန်နိုင်ငံ အနောက်ဘက်ခြမ်းနှင့် နှိုင်းယှဉ်ပါက အရှေ့ဘက်ခြမ်းသည် တိုက်ခိုက်မှုဒဏ် မခံရသေးဘဲ နဂိုအတိုင်း ရှိနေသေးသဖြင့် ထိုဒေသတွင် လေကြောင်းတိုက်ခိုက်မှုများ ပြုလုပ်ပါက လေယာဉ်များအတွက် အန္တရာယ် ပိုမိုကြီးမားနိုင်သည်။

NOM

မိတ္ထီလာမြို့နယ်၊ ကျီးသာအိုင့်ကျေးရွာနေ အပြစ်မဲ့အရပ်သားပြည်သူတစ်ဦးကို PDF အကြမ်းဖက်အဖွဲ့က ဒလန်ဟု စွပ်စွဲသတ်ဖြတ်

NOM မတ်လ ၆၊ ၂၀၂၆

မန္တလေးတိုင်းဒေသကြီး၊ မိတ္ထီလာမြို့နယ်၊ ကျီးသာအိုင့်ကျေးရွာနေ ဦးအောင်နိုင် (၅၇) နှစ်သည် မတ်လ ၅ ရက်နေ့ နံနက် ၁၀ နာရီအချိန်၌ ၎င်း၏ နေအိမ်တွင်ရှိနေစဉ် PDF အကြမ်းဖက်သမားရှစ်ဦးခန့်က ဆိုင်ကယ်လေးစီးဖြင့် ရောက်ရှိလာပြီး "သတင်းပေး/ဒလန်" ဟုပြောဆို၍ သေနတ်ဖြင့်ပစ်ခတ်သတ်ဖြတ်ခဲ့သဖြင့် ဦးအောင်နိုင်တွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်းသိရသည်။

NOM

အီရန်ဗိုလ်ချုပ်ကြီး အစ္စမေးလ် ကာအာနီ (Esmail Qa'ani) နဲ့ ပတ်သက်တဲ့ သတင်းမှား

"ဇီယွန်ဝါဒီအစိုးရ (အစ္စရေး) အတွက် သူလျှိုလုပ်ပေးမှုဖြင့် ဗိုလ်ချုပ်ကြီး အစ္စမေးလ် ကာအာနီ အား ဖမ်းဆီးကွပ်မျက်လိုက်ပြီဟူသော National Emirates ဝဘ်ဆိုက်၏ ဖော်ပြချက်မှာ လုံးဝ (လုံးဝ) မဟုတ်မှန်ကြောင်း အီရန်တာဝန်ရှိများကထုတ်ပြန်ခဲ့သည်။"

NOM

"ကူဝိတ်နိုင်ငံရှိ အာရစ်ဖ်ဂျန် (Arifjan) အမေရိကန်စစ်အခြေစိုက်စခန်းကို အီရန်၏ တိုက်ခိုက်မှုကြောင့် ဆက်သွယ်ရေး ရေဒါစနစ် ၆ ခုအပြင် အဆောက်အအုံနှင့် ဂိုဒေါင်အချို့ပျက်စီးသွားကြောင်း ပြသနေသည့် ဂြိုဟ်တုဓာတ်ပုံအသစ်များကို အီရန်နိုင်ငံက ထုတ်ပြန်ကြေညာခဲ့သည်။"

NOM

လယ်ဝေးမြို့နယ်၌ AHA Center မှတစ်ဆင့် ဆောက်လုပ်လှူဒါန်းထားသော အသင့်တပ်ဆင်ကျေးလက်ကျန်းမာရေးဆေးခန်းအဆောက်အအုံနှင့် စာသင်ဆောင် ဆောက်လုပ်

မတ် ၅၊ ၂၀၂၆

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာစိုးဝင်းသည် တာဝန်ရှိသူများနှင့်အတူ ယနေ့နံနက်ပိုင်းတွင် နေပြည်တော် လယ်ဝေးမြို့နယ် အောင်မြင်ကုန်းကျေးရွာရှိ ငလျင်ဘေးဒဏ်သင့်ဒေသများ ပြန်လည်ထူထောင်ရေးအတွက် ထိုင်းနိုင်ငံက AHA Center မှတစ်ဆင့် ဆောက်လုပ်လှူဒါန်းထားသော အောင်မြင်ကုန်းကျေးရွာ အသင့်တပ်ဆင် ကျေးလက်ကျန်းမာရေးဆေးခန်း အဆောက်အအုံဆောက်လုပ်ပြီးစီးမှုအခြေအနေကို ကွင်းဆင်းကြည့်ရှုသည်။

အဆိုပါအသင့်တပ်ဆင် ကျေးလက်ကျန်းမာရေး ဆေးခန်းအဆောက်အအုံသည် အလျားပေ ၆၀၊ အနံပေ ၃၀ အကျယ်အဝန်းရှိ တစ်ထပ်အဆောက်အအုံ ဖြစ်ပြီး တည်ဆောက်တပ်ဆင်ရန် ၁၀ ရက်ခန့်သာ ကြာမြင့်ကြောင်းနှင့် ငလျင်အန္တရာယ်ကြုံတွေ့ရပါက အဆောက်အအုံကြောင့် နေထိုင်အသုံးပြုသူများအပေါ် ထိခိုက်နိုင်မှုနည်းပါးစေနိုင်ကြောင်း သိရသည်။

ကြည့်ရှုစဉ် ပြည်ထောင်စုဝန်ကြီးက ဒေသနေ ပြည်သူများ ကျန်းမာရေးစောင့်ရှောက်မှုအတွက် ထိရောက်သော အထောက်အပံ့ဖြစ်စေရန် သက်ဆိုင်သည့် ဝန်ကြီးဌာနအဖွဲ့အစည်းများ ညှိနှိုင်း၍ ထိုင်းနိုင်ငံ အကူအညီအထောက်အပံ့ကို လိုအပ်သည့် နေရာများတွင် အသုံးပြုနိုင်ရေးစီစဉ်ဆောင်ရွက်မှုအခြေအနေကို ရှင်းလင်းပြောကြားသည်။

ယင်းနောက် ပြည်ထောင်စုဝန်ကြီးသည် လယ်ဝေးမြို့အမှတ်(၁) အခြေခံပညာအထက်တန်း ကျောင်းတွင် ထိုင်းနိုင်ငံ၏ အကူအညီအထောက်အပံ့ ဖြင့် ဆောက်လုပ်ထားသော အလျားပေ ၆၀၊ အနံပေ ၃၀ အကျယ်အဝန်းရှိ အသင့်တပ်ဆင်စာသင်ကျောင်းဆောင်ကိုကြည့်ရှုပြီး ဆရာ ဆရာမများ၊ တာဝန်ရှိသူများအား မန္တလေးငလျင်ကြီးကြောင့် များပြားလှစွာသော အခြေခံအဆောက်အအုံများ ပျက်စီးထိခိုက်ခဲ့ရာ ပညာသင်ကြားရေးဆိုင်ရာ ကျောင်းဆောင်များ လည်းပါဝင်ခဲ့သဖြင့် အာဆီယံဒေသတွင်းနိုင်ငံများနှင့် မိတ်ဆွေနိုင်ငံများမှ ဆက်သွယ်လှူဒါန်းမှုများရှိ သကဲ့သို့ AHA Center မှတစ်ဆင့် လှူဒါန်းမှုများ လည်းရှိခဲ့ကြောင်း။

မှာကြား

ယခုဆောက်လုပ်ထားသော စာသင်ကျောင်း ဆောင်အပါအဝင် ပြည်ထောင်စုနယ်မြေ နေပြည်တော်၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ရှမ်းပြည်နယ်တို့တွင် အသင့်တပ်ဆင်စာသင်ဆောင် ခုနစ်ဆောင်၊ အသင့်တပ်ဆင်ကျေးလက်ကျန်းမာရေး ဆေးပေးခန်း ၁၀ ခန်း စုစုပေါင်း အဆောက်အအုံ ၁၇ဆောင်ကို ထိုင်းနိုင်ငံက ဆောက်လုပ်လှူဒါန်း ခဲ့ခြင်းဖြစ်ကြောင်း၊ ငလျင်ဘေးသင့်ပြည်သူများ၊ ကျောင်းသား ကျောင်းသူများအတွက် ကျန်းမာရေး စောင့်ရှောက်မှု၊ ပညာသင်ကြားမှုတို့တွင် များစွာအထောက်အကူဖြစ်သည့်အတွက် လှူဒါန်းအဆောက်အအုံများကို အကျိုးရှိစွာအသုံးပြုရန်နှင့် ဝိုင်းဝန်းထိန်းသိမ်းစောင့်ရှောက်ကြရန် မှာကြားခဲ့ကြောင်းသိရသည်။

NOM