ကနေဒါဝန်ကြီးချုပ် မက်ခ် ကာနေ (Mark Carney) က အီရန်စစ်ပွဲမှာ ကနေဒါတပ်ဖွဲ့တွေ ပါဝင်လာနိုင်ခြေကို "လုံးဝမဖြစ်နိုင်ဘူး" လို့ အပြတ်မငြင်းဆိုတော့ဘဲ လမ်းဖွင့်ထားလိုက်ပါတယ်။

အစောပိုင်းမှာတော့ ဒီစစ်ပွဲအတွက် အမေရိကန်နဲ့ အစ္စရေးတို့ကို ပြင်းပြင်းထန်ထန် ဝေဖန်ခဲ့ပါသေးတယ်။

အခုတော့ သူ့သဘောထားက ၁၈၀ ဒီဂရီပြောင်းသွားပါပြီ။ သူ့သဘောထားရုတ်ခြည်းပြောင်းလဲပုံက ကမ္ဘာကျော် စကိတ်စီးသမား တိုနီဟော့ခ် ရဲ့ ဝေဟင်ပျံ လှည့်ကွက်တွေထက်တောင် ပိုပြီးမြန်ဆန်လွန်းလှပါတယ်။

ကနေဒါနိုင်ငံ တိုရွန်တိုမြို့က အိမ်ခြံမြေအကျိုးဆောင် အရေအတွက်ဟာ ကနေဒါနိုင်ငံရဲ့ တာဝန်ထမ်းဆောင်နေတဲ့ စစ်သည်အင်အားထက်တောင် ပိုများနေတယ်ဆိုတာရောသင်သိပါသလား?

၂၀၂၆ ခုနှစ် အခြေအနေအရ ကြည့်မယ်ဆိုရင်-

တိုရွန်တိုမြို့ အိမ်ခြံမြေအကျိုးဆောင်များ Toronto Regional Real Estate Board (TRREB) မှာ အဖွဲ့ဝင် ၇၃,၀၀၀ ကျော် ရှိနေပါတယ်။
ကနေဒါရဲ့ ပုံမှန်စစ်သည်အင်အား (Regular Force) ကတော့ ၆၃,၅၀ဝ ဝန်းကျင်ပဲ ရှိပါတယ်။

NOM

တာမွေမီးပွိုင့်တွင် ယာဉ် (၁၀) စီး ကျော် ဆင့်တိုက်မှုဖြစ်ပွားခဲ့

NOM မတ် ၅၊ ၂၀၂၆

ရန်ကုန်မြို့၊ တာမွေမြို့နယ်၊ တာမွေ မီးပွိုင့်အနီးတွင် ယနေ့ မွန်းလွဲပိုင်းကတာမွေမီးပွိုင့် ရွှေဗဟိုဆေးရုံရှေ့ယာဉ် (၁၃) စီး ကျော်ဆင့်တိုက်သည့် ဖြစ်စဉ်ဖြစ်ပွားခဲ့ကြောင်း သိရသည်။

ဖြစ်စဉ်မှာ ကြက်ဘဲစျေးဘက်မှ တာမွေအဝိုင်းဘက်သို့ မောင်းနှင်လာသော YBS 144 ယာဉ် ဘရိတ်ပေါက်ကာ ယာဉ် (၁၀) စီး ကျော်ကို ဆင့်တိုက်ခဲ့‌ခြင်းဖြစ်‌ပြီး 144 YBS ယာဉ်မောင်းထွက်ပြေးသွားပြီး ထိခိုက်ဒဏ်ရာရသူမရှိကြောင်းသိရသည်။

NOM

ပါရှန်းပင်လယ်ကွေ့အတွင်းရှိ ဘဟားမားအလံလွှင့်ထားတဲ့ရေနံတင်သင်္ဘောတစ်စင်းကို အီရန်နိုင်ငံထုတ် အဝေးထိန်းစနစ်သုံး အသေခံဒရုန်းလှေတစ်စင်းဖြင့်တိုက်ခိုက်ခဲ့ပါတယ်။

NOM

စက်သုံးဆီအရောင်းဆိုင်များ၏ စက်သုံးဆီရောင်းချမှု အခြေအနေများကို စွမ်းအင်ဝန်ကြီးဌာန၊ ရေနံထွက်ပစ္စည်းကြီးကြပ်စစ်ဆေးရေးဦးစီးဌာနမှ ကွင်းဆင်းစစ်ဆေးလျက်ရှိ

မတ် ၅၊ ၂၀၂၆

စွမ်းအင်ဝန်ကြီးဌာနမှ စက်သုံးဆီဖူလုံမှုရှိစေရေးအစီအမံဖြင့် ဆောင်ရွက်ထားရှိသည့်အတွက် ရက် (၄၀)ခန့်စာ တင်သွင်းသိုလှောင်ထားရှိပြီး စက်သုံးဆီများကို သီလဝါမှ နိုင်ငံတစ်ဝန်းသို့ ဆီတင်ယာဉ်များဖြင့် ဖြည့်တင်းဖြန့်ဖြူးပေးလျက်ရှိရာ ရန်ကုန်မြို့၊ သီလဝါရှိ Terminal များမှ စက်သုံးဆီများကို ပုံမှန်ခွင့်ပြုထုတ်ပေးလျက်ရှိပြီး ရောင်းအားမြင့်တက်သည့် အရောင်း ဆိုင်များကိုလည်း Urgent Po များကိုလည်း ထပ်မံခွင့်ပြုထုတ်ပေးလျက်ရှိပါသဖြင့် စက်သုံးဆီ ပုံမှန်ရောင်းချပေးနိုင်ပါကြောင်း၊ မလိုအပ်ဘဲ ဝယ်ယူခြင်းမပြုရန် မေတ္တာရပ်ခံပါကြောင်း၊ စက်သုံးဆီရောင်းချ ပေးခြင်းမရှိပါက ဖုန်းဖြင့်ဆက်သွယ်တိုင်ကြားနိုင်ပါကြောင်းနှင့် ရောင်းချမှုမရှိကြောင်း စိစစ်တွေ့ရှိရပါက အရောင်းဆိုင်ကို ပိတ်သိမ်းအရေးယူသွားမည်ဖြစ်ပါကြောင်း တာဝန်ရှိသူများက မိဘပြည်သူများသို့ စက်သုံးဆီအရောင်းဆိုင်များတွင် နှိုးဆော်အသိပေး ဆောင်ရွက်လျက်ရှိသည်။

စွမ်းအင်ဝန်ကြီးဌာန၏ လမ်းညွှန်မှုဖြင့် ရေနံထွက်ပစ္စည်းကြီးကြပ်စစ်ဆေးရေးဦးစီးဌာန၊ ညွှန်ကြားရေးမှူးချုပ် ဦးဆောင်၍ နေပြည်တော်ရှိ Real Time စက်သုံးဆီအရောင်းဆိုင်များတွင် စက်သုံးဆီ အမှန်တကယ်ရောက်ရှိမှုအခြေအနေများကို ကွင်းဆင်းစစ်ဆေးခြင်းများ ဆောင်ရွက်လျက်ရှိပြီး စက်သုံးဆီထပ်မံ ဖြည့်ဆည်းပေးရန်လိုအပ်သည့် စက်သုံးဆီအရောင်းဆိုင်များကိုလည်း အမြန်ဖြည့်ဆည်းပေးနိုင်ရေး ဆောင်ရွက်ပေးလျက်ရှိပြီး သက်ဆိုင်ရာတိုင်း ဒေသကြီး /ပြည်နယ်များရှိ ကြီးကြပ်စစ်ဆေးရေး အရာရှိများကလည်း သက်ဆိုင်ရာဌာနများနှင့် ပူးပေါင်း၍ စက်သုံးဆီ အရောင်းဆိုင်များ အမှန်တကယ်ရောင်းချမှု ရှိ/မရှိ၊ စက်သုံးဆီရောက်ရှိမှု ရှိ/မရှိတို့ကို စက်သုံးဆီ လက်ကျန်များ တိုင်းတာစစ်ဆေးခြင်း၊ Auto Tank Gauge (ATG)များကို စစ်ဆေးခြင်းများကို ဆောင်ရွက်လျက်ရှိကာ စက်သုံးဆီများ အချိန်မီထုတ်ယူ သယ်ဆောင် ရောင်းချနိုင်ရေးနှင့် စက်သုံးဆီပြတ်လပ်မှု မရှိစေရေးအတွက် ကြီးကြပ်စစ်ဆေးဆောင်ရွက်လျက်ရှိကြောင်း သတင်းရရှိသည်။

NOM

နိုင်ငံတော်ယာယီသမ္မတထံ ဆော်ဒီအာရေဗျနိုင်ငံ သံအ မတ်ကြီးက သံအမတ်ခန့်အပ်လွှာပေးအပ်
   
မတ်လ ၅၊ ၂၀၂၆

နိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေး ချမ်းသာယာရေးကော်မရှင် ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်ထံ မြန်မာနိုင်ငံဆိုင်ရာ ဆော်ဒီအာရေဗျနိုင်ငံ သံအမတ်ကြီး H.E. Mr. Mohammed M Al Howishan မှ ယနေ့ မတ် ၅ ရက်နံနက်ပိုင်းက ၎င်း၏သံအမတ်ခန့် အပ်လွှာကိုပေးအပ်ခဲ့ပါတယ်။

ထို့နောက် နိုင်ငံတော် ယာယီသမ္မတနှင့် ဆော်ဒီအာရေဗျနိုင်ငံ သံအမတ်ကြီးတို့သည် မြန်မာ-ဆော်ဒီအာရေဗျ နှစ်နိုင်ငံကြား ရှည်လျားခိုင်မာသည့် သံတမန်ဆက်ဆံရေးရှိမှု၊ ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများတိုးတက်ခိုင်မာလျက်ရှိမှု၊ နှစ်နိုင်ငံကြား ထိတွေ့ဆက်ဆံမှုများတိုးမြှင့်ရေးတို့ကို ဆွေးနွေးခဲ့ကြပါတယ်။