မတ်လ ၁ ရက်နေ့ည၌ အစ္စရေးနိုင်ငံအတွင်းသို့ အီရန်ဒုံးကျည်ကျရောက်ပေါက်ကွဲမှု

NOM

အီရန်နိုင်ငံက ဒုံးကျည်များဖြင့် အသစ်တဖန် လက်တုံ့ပြန် တိုက်ခိုက်ခဲ့ရာ အစ္စရေးနိုင်ငံ ဂျေရုဆလင်မြို့တွင် ထိခိုက်ဒဏ်ရာရရှိသူများနှင့် သေဆုံးမှုများ ရှိနေကြောင်းသတင်းများက ဖော်ပြသည်။

NOM

လက်ရှိအချိန်တွင် ဒူဘိုင်းကောင်းကင်ယံတွင် အီရန်ရှာဟစ်-၁၃၆ အသေခံဒရုန်းများ လွတ်လပ်စွာပျံသန်းလျက်ရှိ။

NOM

အီရန်အစ္စလာမစ်အစိုးရဖြုတ်ချရေးအတွက် နှစ်ပေါင်းများစွာကတည်းက အပြင်းအထန် တိုက်တွန်းနှိုးဆော်သူ လော်ဘီတစ်ဦးဖြစ်တဲ့ အမေရိကန်အထက်လွှတ်တော်အမတ် လင်ဆေးဂရေဟမ် လေသံပြောင်းလာ

ဂရေဟမ်ဟာ အီရန်အစ္စလာမစ်အစိုးရကို ဒေသတွင်း တည်ငြိမ်မှုကို ဖျက်ဆီးနေတဲ့ "ကင်ဆာကျိတ်" လို့ အကြိမ်ကြိမ် ပြောဆိုခဲ့ပြီး ဒီပြဿနာကို ဖြေရှင်းဖို့ဆိုရင် အစိုးရကို ဖယ်ရှားပစ်ရမယ်လို့ အမြဲတမ်း လော်ဘီလုပ်ခဲ့ပါတယ်။

အထူးသဖြင့် သမ္မတ ထရမ့်လက်ထက်မှာ အီရန်အပေါ် "အပြင်းထန်ဆုံး ဖိအားပေးရေး မူဝါဒ" ကျင့်သုံးဖို့ ဂရေဟမ်က အနီးကပ် လော်ဘီလုပ်ခဲ့ပါတယ်။ အီရန်အစိုးရဟာ စေ့စပ်ညှိနှိုင်းလို့ရမယ့် အစိုးရမျိုးမဟုတ်ဘဲ ဖြုတ်ချပစ်ရမယ့် အစိုးရမျိုးဖြစ်တယ်လို့ သူက ယုံကြည်ခဲ့တာပါ။

သို့သော် အီရန်နှင့် အမေရိကန် ယခုအမှန်တကယ် စစ်ဖြစ်တဲ့အခါမှာတော့ ဂရေဟမ်က -

"အခုလုပ်နေတဲ့ စစ်ဆင်ရေးရဲ့ ရည်ရွယ်ချက်က အီရန်အစိုးရကို ဖြုတ်ချဖို့ မဟုတ်ပါဘူး။

ဒီစစ်ဆင်ရေးရဲ့ တကယ့်ပန်းတိုင်က ငါတို့ကို ခြိမ်းခြောက်နေတဲ့ အန္တရာယ်တွေ (အီရန် နျူကလီးယားနဲ့ ဒုံးကျည်စနစ်) ကို ဖယ်ရှားပစ်ဖို့ပဲ ဖြစ်ပါတယ်။

ဒီစစ်ဆင်ရေးကြီး ပြီးသွားတဲ့အခါကျရင် အီရန်မှာ ဘယ်သူပဲ အာဏာရလာပါစေ... သူတို့ဆီမှာ ငါတို့ကိုဖြစ်စေ၊ အစ္စရေးကိုဖြစ်စေ၊ ဒီဒေသတစ်ခုလုံးကိုဖြစ်စေ ဒုက္ခပေးနိုင်တဲ့ လက်နက်တွေရှိတော့မှာ မဟုတ်ပါဘူး။"

ဘာကြောင့် အခုလို လေသံပြောင်းသွားတာလဲ?

အခု သူက "ရည်မှန်းချက်က အစိုးရဖြုတ်ချဖို့ မဟုတ်ဘူး" လို့ ပြောလာတာဟာ အောက်ပါအချက် တွေကြောင့် ဖြစ်နိုင်ပါတယ် -

လက်တွေ့မြေပြင် အခြေအနေ -

အီရန်ဟာ သူထင်ထားတာထက် ပိုမိုပြင်းထန်တဲ့ တုံ့ပြန်မှုတွေ လုပ်နိုင် တာကို သတိပြုမိသွားခြင်း။

စစ်ပွဲပမာဏကို ကန့်သတ်ခြင်း -

အစိုးရဖြုတ်ချရေးအထိ သွားရင် ကမ္ဘာစစ်အသွင် ဆောင်သွားနိုင်တာကြောင့် စစ်ပွဲကို "လက်နက်ဖျက်ဆီးရေး" အဆင့်မှာပဲ ဘောင်ခတ်ချင်ခြင်း။

နိုင်ငံရေး ဗျူဟာ - အီရန်ပြည်သူတွေကို အစိုးရနဲ့ ရန်တိုက်ပေးဖို့အတွက် "ငါတို့က မင်းတို့အစိုးရကို ဖြုတ်ချမှာမဟုတ်ဘူး (ဒါကြောင့် မင်းတို့က ငါတို့ကို ပြန်မတိုက်နဲ့)" ဆိုတဲ့ စိတ်ဓါတ်စစ်ဆင်ရေးတစ်ခုလည်း ဖြစ်နိုင်ပါတယ်။

ဂရေဟမ်လို "စစ်လိုလားသူ" တစ်ယောက်က ဒီလို လေသံပြောင်းသွားတာဟာ အမေရိကန်ရဲ့ အီရန်အပေါ်ထားတဲ့ စစ်ရေးဗျူဟာမှာ အပြောင်းအလဲကြီးတစ်ခု ရှိနေပြီဆိုတာကို ပြသနေတာပါ။

NOM