🇮🇷 🇨🇳 📡 အီရန်သို့ တရုတ်၏ YLC-8B ရေဒါ လွှဲပြောင်းပေးမှုသည် အနောက်အာရှ၏ ဝေဟင်အင်အားကို ပြောင်းလဲစေနိုင်ပြီး ကိုယ်ပျောက်နည်းပညာ၏ လွှမ်းမိုးမှုကို အဆုံးသတ်စေနိုင်

အီရန်နိုင်ငံတွင် တရုတ်နိုင်ငံထုတ် ကိုယ်ပျောက်တိုက်လေယာဉ်များနှင့် ကိုယ်ပျောက်ဗုံးကြဲလေယာဉ်များကို ထောက်လှမ်းနိုင်သည့် တာဝေး YLC-8B ရေဒါစနစ်များ တပ်ဖြန့် ထားရှိခြင်းသည် အနောက်အာရှ၏ ဝေဟင်ကာကွယ်ရေး မဟာဗျူဟာကို အပြောင်းအလဲဖြစ်စေမည့် အချက်ပေးခေါင်းလောင်းတစ်ခု ဖြစ်သည်။

အဆိုပါရေဒါသည် အမေရိကန်နှင့် အစ္စရေးတို့၏ ပဉ္စမမျိုးဆက်ကိုယ် ပျောက် တိုက်လေယာဉ်များအပေါ် အားကိုးအားထားပြုမှုကို တိုက်ရိုက် စိန်ခေါ်နေပြီး ဒေသတွင်း ကာကွယ်​ရေးအားပြိုင်မှုများကို ပုံစံသစ်တစ် မျိုးဖြင့် ပြောင်းလဲဖော်ဆောင်လျက်ရှိသည်။

News Of Myanmar NOM

🇮🇷 🤍 အမေရိကန်ပြည်ထောင်စုအနေဖြင့် အီရန်အပေါ် ချမှတ်ထားသော စီးပွားရေးပိတ်ဆို့မှုများကို ရုပ်သိမ်းပေးရန် ဆန္ဒမရှိကြောင်း သိသာထင် ရှားနေသည်။

အကယ်၍ လက်ရှိဆွေးနွေးပွဲများ အောင်မြင်ခဲ့လျှင်ပင် အမေရိကန်၏ အမြင်အရ ၎င်းသည် အီရန်အပေါ် စစ်ရေးအရ တိုက်ခိုက်မည့် ခြိမ်းခြောက်မှုများကို ဖယ်ရှားပေးရုံသာ ဖြစ်လိမ့်မည်ဖြစ်ပြီး စီးပွားရေးပိတ်ဆို့မှုများကို ဖယ်ရှားပေးမည် မဟုတ်ပေ။

အီရန်နိုင်ငံဘက်ကမူ ဤရပ်တည်ချက်ကို လက်မခံနိုင်စရာ အခြေအနေအဖြစ် သတ်မှတ်ထားသည်။ မည်သည့်သဘောတူညီချက်မဆို စီးပွားရေးပိတ်ဆို့မှုအားလုံးကို အာမခံချက်ရှိရှိ ဖယ်ရှားပေးခြင်း ပါဝင်ရမည်ဖြစ်သည်။

"စစ်မတိုက်ရုံမျှဖြင့်" အီရန်အတွက် လုံလောက်သော ဖြေရှင်းချက် မဟုတ်ပေ။

News Of Myanmar NOM

🇨🇦🇺🇸"လူထုက အချုပ်အခြာအာဏာကို လိုလားနေကြတယ်"— ကနေဒါနိုင်ငံမှ အယ်လ်ဘာတာပြည်နယ်ခွဲထွက်ရေး အရှိန်မြင့်လာပြီး ထရန့်အုပ်စုက ကြိုဆိုနေကြ

🛢🛢ရေနံကြွယ်ဝသော ကနေဒါနိုင်ငံ၊ အယ်လ်ဘာတာ (Alberta) ပြည်နယ်သည် ယခုနှစ် နှောင်းပိုင်းတွင် လွတ်လပ်ရေးအတွက် ပြည်သူ့ဆန္ဒခံယူပွဲ ပြုလုပ်ရန် ပြင်ဆင်နေကြောင်း Wall Street Journal က ဖော်ပြခဲ့သည်။

ခွဲထွက်ရေး ထောက်ခံသူများက ၎င်းတို့၏ လှုပ်ရှားမှုအားကောင်းလာခြင်းမှာ သမ္မတဒေါ်နယ်ထရန့် ၏ ပြောဆိုချက်များကြောင့်ဖြစ်သည်ဟု ယုံကြည်နေကြသည်။

အယ်လ်ဘာတာ ခွဲထွက်ရေးသမားများက ထရန့်ခေတ် နိုင်ငံရေးသည် ကနေဒါအစိုးရ၏ စည်းမျဉ်းများကို တွန်းလှန်ရန်နှင့် ရေနံထုတ်လုပ်မှု မြှင့်တင်ရန် အခွင့်အလမ်းတစ်ခုဟု ရှုမြင်ကြသည်။

အမေရိကန် ဘဏ္ဍာရေးဝန်ကြီး စကော့တ် ဘဲဆင့် (Scott Bessent) ကလည်း "လူတွေက အချုပ်အခြာအာဏာကို လိုချင်နေကြတာပါ" ဟု ဆိုကာ ထိုအခြေအနေကို ထောက်ခံပြောဆိုခဲ့သည်။

လွတ်လပ်ပြီး အချုပ်အခြာအာဏာရှိတဲ့ အယ်လ်ဘာတာကို အမေရိကန်က ကြိုဆိုလိမ့်မယ်လို့ ကျွန်တော် ယုံကြည်တယ်" ဟု ဝါရှင်တန်ရှိ ဆွေးနွေးပွဲများအပြီး ပြည်သူ့ဆန္ဒခံယူပွဲ ဦးဆောင်သူ မစ်ချ် ဆယ်လ်ဗက်စတာ (Mitch Sylvestre) ပြောကြားခဲ့သည်။

ထောက်ခံမှုနှုန်း: လွတ်လပ်ရေးအတွက် ထောက်ခံမှုမှာ အကန့်အသတ်ရှိနေဆဲဖြစ်ပြီး လူထုစစ်တမ်းများအရ ၃၀% ဝန်းကျင်တွင်သာ ရှိနေသည်။

စီးပွားရေးအရေးပါမှု: အယ်လ်ဘာတာပြည်နယ်သည် ကနေဒါနိုင်ငံ၏ ရေနံစိမ်းသိုလှောင်မှု အများစုကို ပိုင်ဆိုင်ထားသဖြင့် ဤလှုပ်ရှားမှုသည် အလွန်အရေးကြီးသော အခြေအနေဖြစ်သည်။

❓အမေရိကန်၏ ၅၁ ခုမြောက် ပြည်နယ်ဖြစ်လာမလား ဆိုသည့် နောက်ပြောင်ပြောဆိုမှုများမှသည် အချုပ်အခြာအာဏာ ဆွေးနွေးမှုများအထိ ဤအခြေအနေက ခွဲထွက်မှုကို ပိုမိုမြန်ဆန်စေမည်လား။

News Of Myanmar NOM

🤍 🇺🇸 🔥 🇮🇷 မီးနဲ့ကစားခြင်း- အီရန်နှင့် ရက်သတ္တပတ်ပေါင်းများစွာကြာ စစ်ပွဲဆင်နွှဲရန် အမေရိကန် ပြင်ဆင်နေ

📌အကယ်၍ သမ္မတ ဒေါ်နယ်ထရမ့်က အမိန့်ပေးခဲ့ပါက အမေရိကန် လက်နက်ကိုင်တပ်ဖွဲ့များသည် ရက်သတ္တပတ်ပေါင်းများစွာ ကြာမြင့်မည့် စစ်ပွဲတစ်ခုအတွက် ပြင်ဆင် နေကြောင်း သတင်းများ ထွက်ပေါ်နေသည်။

📌ပြီးခဲ့သည့်နှစ်က အမေရိကန်တို့ပြုလုပ်ခဲ့သော "Midnight Hammer" ဗုံးကြဲတိုက်ခိုက်မှုထက် ပိုမိုရှုပ်ထွေးပြီး သွေးထွက်သံယိုများပြားမည့် စစ်ဆင်ရေးတစ်ခုအတွက် ပင်တဂွန်စစ်ဌာနချုပ်က လက်ရှိတွင် အစီအစဉ်များ ရေးဆွဲနေကြောင်း အမည်မဖော်လိုသူ အမေရိကန် အရာရှိနှစ်ဦးက ရိုက်တာသတင်းဌာနသို့ ပြောကြားခဲ့သည်။

📌အမေရိကန်သည် အီရန်၏ နျူကလီးယား အဆောက်အအုံများကိုသာ တိုက်ခိုက်မည်မဟုတ်ဘဲ အီရန် အစိုးရနှင့် လုံခြုံရေးတပ်ဖွဲ့များကိုပါ ပစ်မှတ်ထားနိုင်ကြောင်း ၎င်းတို့က အရိပ်အမြွက် ပြောဆိုခဲ့သည်။

📌အိုမန်နိုင်ငံတွင် မကြာသေးမီက ပြုလုပ်ခဲ့သော အမေရိကန်-အီရန် ဆွေးနွေးပွဲများအပြီးတွင် ယခုကဲ့သို့ စီစဉ်လာခြင်းဖြစ်ပြီး အမေရိကန်သည် ဒေသတွင်းစစ်ပွဲကြီးတစ်ခုအတွက် လေယာဉ်တင်သင်္ဘောနောက်ထပ်တစ်စီး၊ စစ်သည်အင်အား ထောင်ပေါင်းများစွာနှင့် တိုက်လေယာဉ်များကိုပါ ထပ်မံစေလွှတ်လျက်ရှိသည်။

🤥 🇺🇸 သံတမန်ရေးရာဆိုသည်မှာ လက်နက်အားကိုး ခြိမ်းခြောက်မှုဖြင့် ကျောထောက်နောက်ခံပြုထားရမည်ဖြစ်ကြောင်း သောကြာနေ့က စစ်တပ်သို့ ပြောကြားရာတွင် ထရမ့်က ထည့်သွင်းပြောဆိုခဲ့သည်။

"တချို့အချိန်တွေမှာ ကြောက်ရွံ့မှုကို အသုံးချရတယ်၊ ဒါမှသာ အခြေအနေတစ်ခုကို အမှန်တကယ် ကိုင်တွယ်ဖြေရှင်းနိုင်မှာပါ" ဟု ၎င်းက ဆိုသည်။

📌အီရန်တွင် အင်အားကြီးမားသော ဒုံးကျည်လက်နက်တိုက်များရှိနေပြီး ဒေသတစ်ခုလုံးကို ကူးစက်သွားစေမည့် တုံ့ပြန်တိုက်ခိုက် မှုမျိုးကို အမေရိကန်က အပြည့်အဝ မျှော်လင့်ထားကြောင်း နိုင်ငံရေးလေ့လာသုံးသပ်သူများက သတိပေးထားသည်။

📌အိမ်ဖြူတော် ပြောရေးဆိုခွင့်ရှိသူ အန်နာကယ်လီကမူ "နည်းလမ်းအားလုံးကို စားပွဲပေါ်တင်ထားပြီးဖြစ်ကြောင်း" (ရွေးချယ်စရာ နည်းလမ်းအားလုံးအတွက် အသင့်ရှိနေကြောင်း) ပြောကြားခဲ့သည်။

News Of Myanmar NOM