🏆ပဒါန်းဒေသ၊ ဂုတ်ကြီးရွာအနီးရှိ AA သူပုန်စခန်းများအား ချေမှုန်းမှုမှတ်တမ်း🏆

ပဒါန်းဒေသ၊ နတ်ရေကန်တောင်စခန်း၏ အရှေ့မြောက်ဘက် မီတာ ၇၀၀၀ ခန့်မှာရှိသည့် ဂုတ်ကြီးရွာအနီးရှိ AA သူပုန် စခန်းများအား ဒီဇင်ဘာ ၁၇ ရက်နေ့ ညနေပိုင်းတွင် အောင်မြင်စွာ အပြီးသတ် သိမ်းပိုက်ထိန်းချုပ် နိုင်ခဲ့သည်။
-
ရန်သူအခိုင်အမာ ခံစစ်ဆင်ထားတဲ့ ဂုတ်ကြီးရွာ တာဝါတိုင်စခန်း၊ ရဲစခန်း၊ ဘုရားကုန်း၊ စာသင်ကျောင်းနှင့် ရွာအတွင်းအား စစ်ကြောင်းများဖြင့် ဒီ ၁၅ ရက်နေ့မှစ၍ စတင်ထိုးစစ်ဆင် တိုက်ခိုက်ခဲ့သည်။ အကြမ်းဖက် AA သူပုန်ဘက်ကလည်း စိတ်ကြွဆေးစားပြီး အပြင်းအထန် ခုခံလျက်ရှိ၍ တစ်ဆင့်ချင်း ခြေကုတ်ရယူပြီး ချဉ်းကပ် ပိတ်ဆို့ထားခဲ့သည်။
-
စိတ်ကြွဆေးရှိန် ကျဆင်းလာချိန် ရန်သူမှာ ပြင်းပြင်းထန်ထန် ခုခံနိုင်ခြင်းမရှိတော့ဘဲ ဖရိုဖရဲဖြစ်နေချိန်တွင် စစ်ကြောင်းများက မိမိရည်မှန်းချက်နေရာများအား ရဲဝံ့စွန့်စားစွာ ကျားတက်ထိုးပြီး တိုက်ခိုက်ခဲ့ရာ ဂုတ်ကြီးရဲစခန်းနှင့် စာသင်ကျောင်းအား ဒီ ၁၇ ရက် ညနေ ၄ နာရီခွဲခန့်တွင်လည်းကောင်း၊ တာတိုင်စခန်းအား ဒီ ၁၇ ရက် ညနေ ၅ နာရီခန့်တွင်လည်းကောင်း၊ ဘုရားကုန်းအား ဒီ ၁၇ ရက် ညနေ ၅ နာရီ ၁၀ မိနစ်ခန့်တွင်လည်းကောင်း ၃ ရက်(နီးပါး) တိုင်တိုင် ဆေးရှိန်နဲ့တောင့်ခံနေသည့် ရန်သူ့စခန်းကုန်းများအား အောင်မြင်စွာသိမ်းပိုက်ရရှိခဲ့ပြီး ရွာအား အလုံးစုံထိန်းချုပ်နိုင်ခဲ့သည်။
-
တိုက်ပွဲတွင် မိမိစစ်သည် ၁ ဦး အသက်ပေးလှူခဲ့ရပြီး စစ်သည် ၃ ဦး ဒဏ်ရာရရှိခဲ့ကာ ရန်သူ့ထံမှ အလောင်း ၇ လောင်း၊ လက်နက်မျိုးစုံ ၇ လက် (RPG အပါ)၊ ကျည်မျိုးစုံ ၅၀၀ ခန့်၊ ကျည်အိမ် ၁၀ ခု၊ လက်ပစ်ဗုံး ၁၀ လုံး၊ ဗုံးသီး ၅ လုံး၊ ပစ်ကျင်း/ဘန်ကာ အမြောက်အမြား သိမ်းပိုက်ရရှိခဲ့ပါသည်။
-
ရန်သူသည် မြန်မာ့တပ်မတော်သားများ၊ ပြည်သူ့စစ်ထမ်းများ၏ ရဲစွမ်းသတ္တိများကို မျက်ဝါးထင်ထင် တွေ့မြင်ခဲ့ပြီး တုန်လှုပ်ခြောက်ခြားကာ ဆုတ်ခွာထွက်ပြေးသွားခဲ့ရသည်။
-
ထိုတိုက်ပွဲမှ သူရဘွဲ့၊ သူရဲကောင်းမှတ်တမ်းဝင်လက်မှတ်များ၊ စစ်မြေပြင်အဆင့်တိုးများ၊ ချီးကျူးဂုဏ်ပြုလက်မှတ်များအား မကြာမီ ထိုက်ထိုက်တန်တန် ချီးမြှင့်သွားရန်ရှိသည်ဟု သိရပါကြောင်း ဂုဏ်ယူစွာဖြင့် ဖော်ပြလိုက်ပါသည်။
-
Congratulations ပါ မြန်မာ့တပ်မတော်သားများ
-
တိုက်ပွဲသတင်းစုံ

ဒီဇင်ဘာလ၁၉ရက်နိုင်ငံတကာသတင်းတိုများ
NOM
၁။ဂရိ၊ပိုလန်နှင့်ပြင်သစ်တွင်လယ်သမားများသည်တောင်အမေရိကနှင့်ယူကရိန်းမှစျေးပေါသောအစားအသောက်များတင်သွင်းမှုကိုဆန္ဒပြနေကြသည်။(ဓာတ်ပုံ)
၂။ချက်ပြည်ထဲရေးဝန်ကြီးသစ်သည်၂၀၂၂ခုနှစ်မှစ၍ချက်ပြည်ထဲရေးဝန်ကြီးရုံးတွင်လွှင့်ထူထားသောယူကရိန်းအလံကိုဖယ်ရှားလိုက်သည်။
၃။ယူကရိန်းကါကွယ်ရေးဝန်ကြီးကဥရောပနိုင်ငံ၁၆နိုင်ငံသည်ရုရှားနှင့်ဖြစ်နေသောစစ်ပွဲတွင်ယူကရိန်းကိုထောက်ပံ့ပေးနေကြောင်းပြောသည်။
၄။ထိုင်ဝမ်မြေအောက်ဘူတာရုံတွင်ဓာတ်ဆီဗုံးနှင့်မီးခိုးဗုံးခွဲတိုက်ခိုက်မှုကြောင့်၉ဦးဒဏ်ရားသည်။
၅။ဘင်္ဂလားဒေ့ရှ်ဆန္ဒပြပွဲ၏ ခေါင်းဆောင်တစ်ဦးကိုသေနတ်သမားများကလုပ်ကြံသဖြင့်စင်ကါပူသို့ပို့ဆောင်ဆေးကုသစဉ်သေဆုံးသွားသည့်အတွက်ယနေ့ဘင်္ဂလားဒေ့ရှ်တွင်လူသိန်းချီဆန္ဒပြသည်။

ဟာသသရုပ်ဆောင် ညောင်ညောင်၏ စျာပနအားအနု ပ ညာရှင်များလိုက်လံပို့ဆောင်
NOM၊ဒီဇင်ဘာ၁၉၊၂၀၂၅
ဟာသသရုပ်ဆောင် ညောင်ညောင် (ခ) ဦးညီညီလှိုင်၏ စျာပန အခမ်းအနားအား ယနေ့ ဒီဇင်ဘာ ၁၉ ရက်မွန်းတည့် ၁ နာရီတွင်  ရန်ကုန်မြို့၊မြောက်ဥက္ကလာပမြို့နယ်ရှိ ရေဝေးသုဿန်၌ ပြုလုပ်ခဲ့ကြောင်းသိရသည်။

စျာပနအခမ်းအနားသို့ရုပ်ရှင် သရုပ်ဆောင်များ၊ ပာာသသရုပ်ဆောင်များနှင့်ရုပ်ရှင်အသိုင်ဝိုင်းမှသူများလိုက်လံပို့ဆောင်ခဲ့ကြောင်းသိရသည်။

သရုပ်ဆောင် ညောင်ညောင်သည် (ဒီဇင်ဘာ ၁၇ ရက်) ည ၇နာရီခန့်တွင် ရန်ကုန်မြို့၊‌မြောက်ဥက္ကလာပမြို့နယ်ရှိ OSC  ဆေးရုံတွင် အသည်းရောဂါကြောင့်ဆေးကုသမှုခံယူနေစဉ် ကွယ်လွန်သွားခဲ့ခြင်းဖြစ်သည်။

တပ်မတော်စစ်ကြောင်းများက PDF အမည်ခံပူးပေါင်းအကြမ်းဖက်သောင်းကျန်းသူများ ခေတ္တစိုးမိုးထားသည့် စဉ့်ကူးမြို့နှင့် လက်ပန်လှကျေးရွာ ဒေသတို့အား ပြန်လည်သိမ်းပိုက်ထိန်းချုပ်ရရှိ
နေပြည်တော်၊ ၂၀၂၅ ဒီဇင်ဘာ ၁၉