လေဖိအားနည်းရပ်ဝန်းအခြေအနေသတင်း အမှတ်စဉ် (၇/၂၀၂၅)
------------------------------------------------------------
၂၀၂၅ ခုနှစ်၊ နိုဝင်ဘာလ ၇ ရက်နေ့ မြန်မာစံတော်ချိန် ၁၆:၀၀ နာရီအချိန် ထုတ်ပြန်ချက်
=======================================
(က) လေဖိအားနည်းရပ်ဝန်းအခြေအနေ
=======================
ယနေ့မြန်မာစံတော်ချိန် ၁၅:၃၀ နာရီအချိန် တိုင်းထွာချက်များအရ လာအိုနိုင်ငံနှင့် ထိုင်းနိုင်ငံ နယ်စပ်ဒေသများကို ဖြတ်ကျော်ခဲ့သော ကုန်းတွင်းမုန်တိုင်းငယ်သည် အနောက်ဘက်သို့ ရွေ့လျားခဲ့ပြီး ထိုင်းနိုင်ငံအရှေ့ပိုင်းဒေသများတွင် လေဖိအားနည်းရပ်ဝန်းအဖြစ် အားလျော့ သွားခဲ့ပါသည်။
(ခ) နောက် ၁၂ နာရီအတွင်းခန့်မှန်းချက်
=======================
အဆိုပါ လေဖိအားနည်းရပ်ဝန်းသည် အနောက်ဘက်သို့ဆက်လက်ရွေ့လျားနိုင်ပြီး နောက် ၁၂ နာရီအတွင်း လေဖိအားနည်းဆဲလ်အဖြစ် အားလျော့သွားနိုင်ကာ ထိုင်းနိုင်ငံကုန်းတွင်း ပိုင်းဒေသများကို ဆက်လက်ဖြတ်ကျော်နိုင်သည်ဟု ခန့်မှန်းရပါသည်။
(ဂ) သတိပေးနှိုးဆော်ချက်
================
အဆိုပါ လေဖိအားနည်းရပ်ဝန်းမှ ပြတ်ထွက်လာသော တိမ်တိုက်များကြောင့် ယနေ့ ညနေမှ ၁၀-၁၁-၂၀၂၅ ရက်နေ့အတွင်း နေပြည်တော်၊ ရန်ကုန်တိုင်းဒေသကြီး၊ ပဲခူး တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကယားပြည်နယ်၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်(တောင်ပိုင်းနှင့် အရှေ့ပိုင်း) တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး အချို့ဒေသများတွင် ဒေသ အလိုက်နှင့် နေရာကွက်၍ မိုးကြီးခြင်းများ ဖြစ်ပေါ်နိုင်ပါသည်။ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများကျရောက်ပြီး လှိုင်းအသင့်အတင့်မှ လှိုင်းကြီးနိုင်ပါသည်။ မိုးသက်လေပြင်း ကျစဉ် ရေပြင်/မြေပြင်လေသည် တစ်နာရီလျှင် ၂၅ မိုင်မှ မိုင် ၃၀ အထိ တိုက်ခတ်နိုင် ပါသည်။ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက် နှင့် ကမ်းလွန်ပင်လယ်ပြင်တို့တွင် ၈ ပေမှ ၁၀ ပေခန့်ရှိနိုင်ပါသည်။
အကြံပြုချက်
========
သို့ဖြစ်ပါ၍ မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ပါရန်နှင့် ပြည်တွင်းရေကြောင်းသွားလာရေး၊ လေကြောင်းပျံသန်းရေးနှင့် ဆည်မြောင်းတာတမံများအနေဖြင့် လိုအပ်သည်များ ကြိုတင်ပြင်ဆင်ဆောင်ရွက် ထားနိုင်ပါရန် သတိပေးနှိုးဆော်အပ်ပါသည်။

# မိုးလေဝသနှင့်ဇလဗေဒညွှန်ကြားမှုဦးစီးဌာန

မနက်ဖန်စနေနေ့ဘဏ်များဖွင်ွမည်
NOM၊နိုဝင်ဘာ၇၊၂၀၂၅
နိုဝင်ဘာလ၈ရက်စနေနေ့သည်လွှဲပြောင်းနိုင်သောစာချုပ်စာတမ်းများအက်ဥပ​ဒေအရဘဏ်ဖွင့်ရက်ဖြစ်သဖြင့်မနက်ဖန်စနေနေ့၌ဘဏ်များဖွင့်မည်ဟုသိရသည်။

အင်ဒိုတွင်ကျောင်းတစ်ကျောင်း၌ပေါက်ကွဲမှုဖြစ်
NOM
အင်ဒိုနီးရှားနိုင်ငံဂျကာတာမြို့တော်ရှိစာသင်ကျောင်းတစ်ကျောင်းတွင်ပေါက်ကွဲမှုဖြစ်ပွားရာ၅၅ဦးဒဏ်ရာရကြောင်းမြို့တော်ရဲတပ်ဖွဲ့ကကြေညာသည်။

ဇန်နဝါရီလ မှ သြဂုတ်လအတွင်းဌက်ဖျားရောဂါဖြစ်ပွားသူ တစ်သိန်း နှစ်သောင်းကျော် စစ်ဆေးတွေ့ရှိ
NOM၊နိုဝင်ဘာ၇၊၂၀၂၅
ယခုနှစ် ဇန်နဝါရီလ မှ သြဂုတ်လအတွင်းဌက်ဖျားရောဂါ
ဖြစ်ပွားသူ တစ်သိန်း နှစ်သောင်းကျော် စစ်ဆေးတွေ့ရှိခဲ့ကြောင်း ကျန်းမာရေးဝန်ကြီးဌာန၊ဒုတိယဝန်ကြီး ပါမောက္ခ ဒေါက်တာ
အေးထွန်းမှ ယမန်နေ့ (နိုဝင်ဘာ၆ ရက်)တွင် နေပြည်တော်တွင် ပြုလုပ်ခဲ့သည့် အစည်းအဝေး၌ ပြောကြားခဲ့သည်။

အဆိုပါ အစည်းအဝေးတွင်ပြောကြားချက်အရ ၂၀၂၅ ခုနှစ်၊ဇန်နဝါရီလ မှ သြဂုတ်လအတွင်း ဌက်ဖျားရောဂါဖြစ်ပွားသူ စုစုပေါင်း ၁၂၆၅၆၂ ဦးကို စစ်ဆေးတွေ့ရှိခဲ့ပြီး ကုသပေးနိုင်ခဲ့ကြောင်း၊ပြီးခဲ့သည့် (၂၀၁၂) ခုနှစ်မှ (၂၀၂၁) ခုနှစ်အတွင်း ငှက်ဖျားရောဂါဖြစ်ပွားမှု အရေအတွက်သည် ၈၈% လျော့ကျခဲ့ပြီး သေဆုံးမှုမှာ ၉၇% အထိ လျော့ကျခဲ့ကြောင်း သိရသည်။

ရောဂါဖြစ်ပွားမှု တုံ့ပြန်ဆောင်ရွက်ခြင်းလုပ်ငန်းများကို မြှင့်တင်ဆောင်ရွက်ရန်နှင့် ရွှေ့ပြောင်းသွားလာသူများအကြား ငှက်ဖျားရောဂါစစ်ဆေးကုသမှုများကို သေချာဆောင်ရွက်ရန် လိုအပ်ကြောင်း နှင့် (၂၀၃၀) ပြည့်နှစ်တွင် မြန်မာနိုင်ငံတွင် ငှက်ဖျားရောဂါပိုးအားလုံး ကူးစက်မှုပပျောက်စေရန် ဆောင်ရွက်လျက်ရှိကြောင်းကိုလည်း ကျန်းမာရေးဝန်ကြီးဌာန၊ဒုတိယဝန်ကြီး ပါမောက္ခ ဒေါက်တာအေးထွန်းမှ ပြောကြားခဲ့သည်။

ရန်ကုန်-မော်လမြိုင်ရထားလမ်းပိုင်း မိုင်းခွဲဖျက်ဆီးခံရမှုကြောင့် ရထားခရီးစဥ်နှစ်ခုကို ယာယီရပ်ဆိုင်း
NOM၊နို၀င်ဘာ၇၊၂၀၂၅
ရန်ကုန်-မော်လမြိုင်ရထားလမ်းပိုင်း၏ သိမ်ဆိပ်ဘူတာနှင့် ဒုံးဝန်းဘူတာကြားရှိ ရထားလမ်းအား အကြမ်းဖက်အဖွဲ့ဝင်များမှ ယနေ့နံနက်ပိုင်းက မိုင်းခွဲဖျက်ဆီးခဲ့ကြောင်း မော်လမြိုင်ဘူတာကြီးထံမှ သိရသည်။
အဆိုပါအမှတ် (၆၈၆) အစုန်ကျောက်ရထားသည် သိမ်ဆိပ်ဘူတာနှင့် ဒုံဝန်းဘူတာကြား ရထားလမ်းမိုင်တိုင် ၁၂၅/၁၈ နှင့် ၁၂၅/၁၉ ကြားအရောက် အကြမ်းဖက်အဖွဲ့မှ ရထားလမ်းအားမိုင်းခွဲဖျ-က်ဆီးသဖြင့် ကျောက်ရထား၏ စက်ခေါင်းအပါအဝင် ရထားတွဲ (၄) တွဲလမ်းချော်ခဲ့ပြီး ရ ထားသံလမ်း (၂) ဆက်ခန့်ပျက်စီးခဲ့ကြောင်း သိရသည်။
ထို့ကြောင့် လုံခြုံရေးအဖွဲ့ဝင်များနှင့် မြန်မာ့မီးရထားမှတာဝန်ရှိသူများက စစ်ဆေးမှုများပြုလုပ်ခဲ့ကြပြီး ပျ-က်စီးသွားသည့် ရထားသံလမ်းအား ပြန်လည်ပြင်ဆင်နိုင်ရေးနှင့် လမ်းချော်နေသည့် ရထားတွဲများအား ပြန်လည်တည့်မတ်နိုင်ရေးတို့အတွက် ဆောင်ရွက်လျက်ရှိကြောင်း သိရသည်။
ထိုသို့ ဆောင်ရွက်နေမှုများကြောင့် ယနေ့ နိုဝင်ဘာ ၇ ရက်တွင် မော်လမြိုင်ဘူတာကြီးမှထွက်ခွာမည့် အမှတ် (၈၂) အစုန် မော်လမြိုင်-ရန်ကုန်ရထားနှင့် ရန်ကုန်ဘူတာကြီးမှထွက်ခွာမည့် အမှတ် (၈၁) အဆန် ရန်ကုန်- မော်လမြိုင်ရထားခရီးစဥ်(၂)ခုအား ယာယီရပ်ဆိုင်းခဲ့ကြောင်း သိရသည်။
ထိုသို့ ယာယီရပ်ဆိုင်းခဲ့ရမှုကြောင့် ယင်း ခရီးစဥ်များတွင်လိုက်ပါရန် လက်မှတ်ဝယ်ယူထားသူများ၏ ရထားလက်မှတ်ခများအား မော်လမြိုင်ဘူတာကြီးရှိ နေ့ချင်းလက်မှတ်ရုံ၌ နံနက် ၈ နာရီခွဲမှ မွန်းတည့် ၁၂ နာရီအထိ ပြန်လည်ထုတ်ပေးခဲ့ကြောင်း သိရသည်။

ရွှေပြည်သာဘူတာနှင့်စက်မှုဇုံဘူတာကြားတွင်သားအဖ နှစ်ဦးရထားကြိတ်ခံရ၊ဖခင်ဖြစ်သူ သေဆုံး
NOM၊နိုဝင်ဘာ၇၊၂၀၂၅
ရွှေပြည်သာမြို့နယ်၊ ရွှေပြည်သာဘူတာနှင့်စက်မှုဇုံဘူတာကြား ရထားလမ်းမိုင်တိုင် ၂၁ ၊နှင့်၂၂ ကြားတွင် သံ လမ်းကို ခေါင်းအုံးအိပ်ပျော်နေသည့်သံလမ်းဘေးအ နီးနေသူ သားအဖ နှစ်ဦး ရထား ကြိတ်မိပြီး ဖခင်ဖြစ်သူ သေဆုံးခဲ့‌ ကြောင်းသိရသည်။
ဖြစ်စဉ်မှာနိုဝင်ဘာလ၆ရက်နေ့ ညပိုင်းကူားအဖနှစ်ဦးသံလမ်းပေါ်အိပ်နေစဥ်ရထားကကြိတ်သွားခြင်းဖြစ်ပြီးက လေးကို အသက်ရှင်လျှက်ကယ်နိုင်ခဲ့‌ ကြောင်း၊သေဆုံးသူ ဖခင်၏ရုပ်အ‌လောင်းကို ရွှေမေတ္တာ လူမှူကူညီရေးအသင်းက ဆေးရုံသို့ပို့‌ဆောင်ပေးခဲ့ ကြောင်းသိရသည်။

ရုရှားတွင်ရဟတ်ယာဥ်ပျက်ကျ၊လေးဦးသေ
NOM
ရုရှားနိုင်ငံတောင်ပိုင်း၊ဒဂက်စတန်မြို့တွင်ကမ္ဘာလှည့်ခရီးသွားများစီးနင်းလာသည့်ရဟတ်ယာဥ်ပျက်ကျရာလေးဦးသေဆုံးပြီးသုံးဦးမှာအသက်အန္တရာယ်စိုးရိမ်ရသည့်ဒဏ်ရာများရရှိသွားသည်။