„გადაღების საშუალება არ მომეცა. მძაფრი რეაქცია ჰქონდათ ტელეფონთან დაკავშირებით. განჩინებაში არ ეწერა არაფერი ტელეფონის ჩამორთმევასთან დაკავშირებით“ — ნანუკა ჟორჟოლიანი

Globalnews.ge-მ აშშ-ის სახელმწიფო დეპარტამენტს "ქართული ოცნების" ვიცე-პრემიერთან, ლევან დავითაშვილთან გამართულ შეხვედრასთან დაკავშირებით შემდეგი კითხვა დაუსვა:

"მოქმედი ადმინისტრაციის პირობებში, საქართველოს მმართველი პარტიის პრემიერთან პირველი შეხვედრები გაიმართა. შეგიძლიათ ამ შეხვედრის დეტალები გაგვიზიაროთ, რა ძირითადი საკითხები განიხილეთ და ასევე, რა იყო სახელმწიფო დეპარტამენტის პოზიცია შეხვედრისას?".

რაზეც აშშ-ის სახელმწიფო დეპარტამენტმა უპასუხა:

"დახურულ დიპლომატიურ საუბრებზე კომენტარს არ ვაკეთებთ. შეერთებულმა შტატებმა ნათლად აჩვენა, თუ რა ნაბიჯების გადადგმა შეუძლია საქართველოს მთავრობას, რათა დაამტკიცოს, რომ იგი სერიოზულადაა განწყობილი შეერთებულ შტატებთან ურთიერთობის გაუმჯობესების კუთხით" — განაცხადა სახელმწიფო დეპარტამენტმა.

🔻 პროკურატურა "ადამიანის უფლებათა ცენტრის" ხელმძღვანელის, ალეკო ცქიტიშვილის საცხოვრებელ სახლშიც შევიდა | ინფორმაციას Interpressnews ავრცელებს და წერს, რომ საცხოვრებელი სახლის ჩხრეკის დაწყებამდე ცქიტიშვილს პროკურატურის წარმომადგენლებმა ტელეფონი ჩამოართვეს.

📍 აღსანიშნავია, რომ ტელეფონი ჩამოართვეს აქტივისტ მარიამ ბაჯელიძესა და ნანუკა ჟორჟოლიანსაც - მათ სახლებშიც ამ წუთებში ჩხრეკა მიმდინარეობს.

ჭიათურაში, პოლიციამ, ღამის 3 საათზე, დააკავა აქციის მონაწილეები საპროტესტო კარავში.

გავრცელებული ცნობით, დაკავებულია 4 ადამიანი.

🔴 ნანუკა ჟორჟოლიანმა მის სახლში შესულ სუს-ის თანამშრომლებს ბინა დაატოვებინა — ამ მომენტში ისინი სავარაუდოდ სადარბაზოში არიან მობილიზებულნი.

🔴 ნანუკა ჟორჟოლიანთან მისი ორი ადვოკატიც იმყოფება.

⭕️ საგამოძიებო უწყების თანამშრომლებმა მარიამ ბაჯელიძის სახლი დატოვეს

სამოქალაქო აქტივისტ მარიამ ბაჯელიძის თქმით, მის სახლში ჩატარებული ჩხრეკის მიზანი, მისი აზრით, ივანიშვილის რეჟიმის მხრიდან დაშინების მცდელობა იყო.

"მითხრეს, რომ საგამოძიებო მოქმედებები მიმდინარეობს საბოტაჟის მუხლით, ასევე უცხოეთიდან დაფინანსების ნაწილი ახსენეს და ეს ყველაფერი მხოლოდ მას შემდეგ მითხრეს, რაც კამერა გავთიშე". - აქტივისტის ცნობით, ჩხრეკის შემდეგ წაიღეს მისი ტელეფონი .

"დილით დაახლოებით 9ის წუთები იყო, კარზე ბრახუნით [მოვიდნენ], მეგონა, რომ მეზობელი აკაკუნებდა, ბავშვთან ერთად ვიყავი, 7 წლის არის, ეძინა, რომ გამოიღვიძა ავდექი და ვკითხე ვინ იყო კართან, მითხრეს, რომ მეზობელი ვარო. გავიხედე და ჩანდა, რომ 4 ადამიანი იყო, სამხრე კამერები ჩართული და მივხვდი, რომ არ იყვნენ მეზობლები. რომ ვუთხარი ვინ ხართ-თქო, მითხრეს, რომ პროკურატურიდან ვართ, ჩხრეკის უფლება გვაქვს და გაგვიღეთ კარიო. დავურეკე ადვოკატს, რომელმაც ვერ მიპასუხა იმ მომენტში და მითხრეს, რომ სასწრაფოდ გაგვიღეთ კარი, ვერ დაველოდებით ადვოკატს, თორემ შეგვიძლია ძალით გავაღოთო. შემოვუშვი და ჩამომართვეს მაშინვე ტელეფონი, რის შემდეგაც სიტუაცია განეიტრალდა, დაწყნარდა, ტონიც შეიცვალა. შემდგომ დაიწყეს ჩხრეკა.

[...] მითხრეს, რომ საგამოძიებო მოქმედებები მიმდინარეობს საბოტაჟის მუხლით, ასევე უცხოეთიდან დაფინანსების ნაწილი ახსენეს და ეს ყველაფერი მხოლოდ მას შემდეგ მითხრეს, რაც კამერა გავთიშე. ასევე, ახსენეს მოძრაობა სირცხვილიასთან კავშირი. მითხრეს, რომ 1 აპრილიდან არის ეს განჩინება და ვადა არის 1 აპრილიდან დღემდე. ოღონდ მოძრაობა სირცხვილია ნოემბრიდან გაჩერებულია, არც ფინანსური და არც სხვა ტიპის აქტივობა არ უფიქსირდება. როგორც ვხვდები, ეს მასობრივი შევარდნა არის მასშტაბის ჩვენება და დაშინების მცდელობაა.

[...] მიზანი იყო ჩემი ტელეფონის ამოღება".- თქვა ბაჯელიძემ რადიო თავისუფლების ლაივში.

ივანიშვილის პროკურატურა მარიამ გეგუჩაძის სახლში ჩხრეკაზე შევიდა | როგორც თავად მარიამ გეგუჩაძე ამბობს, სახლში არავინ არ იმყოფება და არც მას არ აძლევენ შესვლის უფლებას.

🤡 პესკოვმა თქვა, რომ 30-დღიანი ზავი "შეუძლებელია" სანამ "ყველა ნიუანსი არ გადაწყდება".

მან ასევე განაცხადა, რომ „რუსეთი მზადაა დაიწყოს მოლაპარაკებები წინაპირობების გარეშე“, მაგრამ „უკრაინის მხრიდან პასუხი არ არის“.

რუსეთის დუმის თავდაცვის კომიტეტის ხელმძღვანელმა ანდრეი კარტაპოლოვმა განაცხადა, რომ რუსეთს შეუძლია ჩრდილოეთ კორეის ჯარების ჩართვა ფრონტის სხვა მონაკვეთებშიც.

ცნობილია, რომ ჩრდილოეთ კორეის სამხედრო მოსამსახურეები იბრძვიან რუსეთის ფედერაციის მხარეს კურსკის რეგიონში.

⭕ ჩხრეკა დასრულდა ალეკო ცქიტიშვილის სახლშიც - მისი თქმით, დილით სამსახურში ავტობუსში მიდიოდა, თუმცა ჩაიყვანეს ავტობუსიდან, ქუჩაში გაჩხრიკეს და ამოიღეს ტელეფონი. ამის შემდეგ, ჩხრეკა ჩატარდა მის სახლშიც.

🗨️ „8 საათზე გამოვედი სახლიდან, მივდიოდი ოფისში. ავედი ავტობუსში. ცოტა მეჩქარებოდა, ავტობუსზე რომ არ დამეგვიანა. სავარაუდოდ, გამომყვნენ სირბილით, ამოვიდნენ ავტობუსში და ავტობუსიდან ჩამომიყვანეს. პირადი ჩხრეკა ჩატარდა ქუჩაში. გამაცნეს განჩინება მოსამართლის. შემდეგ, ამ ჩხრეკის პროცედურის დასრულების შემდეგ, ამოიღეს მობილური ტელეფონი და გამაცნეს მეორე განჩინება, რომელიც ეხებოდა სახლის ჩხრეკას. აქვე, გაჩერებიდან მოვედით და სახლიც ამის შემდეგ გაჩხრიკეს", - განაცხადა ალეკო ცქიტიშვილმა.

🔴29 აპრილის დილას პროკურატურა შევიდა გუგა ხელაიას საცხოვრებელ სახლშიც. ის ფონდ "ერთმანეთისთვის" ერთ-ერთი დამფუძნებელია.
⭕️"ნეტგაზეთის" ინფორმაციით, ჩხრეკისას ამოიღეს მისი მობილური ტელეფონი.
✅❗️ჩხრეკა მიმდინარეობს ნანუკა ჟორჟოლიანის, ალეკო ცქიტიშვილის, მარიამ ბაჯელიძის საცხოვრებელ სახლებში.

ჰამბრუგში ჟურნალისტი და მწერალი ალექსანდრა ფრიოლიხი მოკლეს.

მედიების ნაწილში სიკვდილის მიზეზად თავის არეში ბლაგვი საგნით მიყენებული ჭრილობა სახელდება. რამდენიმე გამოცემის ინფორმაციით, მწერალი ცეცხლსასროლი იარაღით მოკლეს.

მიმდინარეობს გამოძიება განზრახ მკვლელობის მუხლით. ტაბლოიდებში გავრცელებული ინფორმაციით ერთ-ერთ ეჭვმიტანილი ფრიოლიხის ახლო ნათესავია.

ალექსანდრა ფრიოლიხმა გერმანიაში სახელი 2012 წელს გაითქვა, როდესაც გაყიდვაში მისი რომანი Meine russische Schwiegermutter und andere Katastrophen (ჩემი რუსი დედამთილი და სხვა უბედურებანი). ნახევრად ავტობიოგრაფიულ წიგნში მწერალი რუს კაცთან ქორწინების შესახებ წერს.

ფრიოლიხის ჟურნალისტური კარიერა კიევში დაიწყო, სადაც ის ქალთა ჟურნალებისთვის განვითარებაზე მუშაობდა. სხვადასხვა წლებში თანამშრომლობდა გამოცემებთან Der Stern, Petra და Freundin.

⭕ პროკურატურის მიხედვით, ჩხრეკა „საბოტაჟის, დამამძიმებელ გარემოებაში საბოტაჟის მცდელობის, უცხოეთის ორგანიზაციისათვის და უცხოეთის კონტროლს დაქვემდებარებული ორგანიზაციისათვის მტრულ საქმიანობაში დახმარების, საქართველოს კონსტიტუციური წყობილების და ეროვნული უშიშროების საფუძვლების წინააღმდეგ მიმართული საქმიანობისთვის ფინანსების მობილიზების ფაქტებზე მიმდინარე გამოძიების ფარგლებში“ ჩატარდა.

„როგორც შევიტყვეთ, ეს არის პროკურატურის მიერ გამოძიების წარმოების პროცესში ჩატარებული ჩხრეკები, რომელიც მიმდინარეობს კანონიერი პროცედურების შესაბამისად. ჩვეულებრივი პროცედურაა, რომელიც მნიშვნელოვანია პროკურატურამ ჩაატაროს, იმიტომ, რომ ქართველი ხალხის მოლოდინია, რომ ის გამოძიებები, რომელიც მიმდინარეობს, ამ გამოძიებებს ექნება სრული სურათი და პასუხი ჩვენი საზოგადოებისთვის“ — ამბობს შალვა პაპუაშვილი ჩხრეკაზე, რომლის დროსაც პროკურატურის და ზოგ შემთხვევაში, სუს-ის წარმომადგენლები გამთენიისას შევიდნენ მათ შორის ორსულ ქალთან, ჩხრეკებს შეესწრნენ მცირეწლოვანი ბავშვებიც

🔻 საკონსტიტუციო სასამართლოს ყოფილი მოსამართლე მერაბ ტურავა “ოცნების” იუსტიციის მინისტრის მოადგილედ დაინიშნა | ინფორმაცია "მთავარი არხის" ვებგვერდს უწყებაში დაუდასტურეს

📍 მერაბ ტურავას საკონსტიტუციო სასამართლოში ბოლო სამუშაო დღე 28 მარტს ჰქონდა. უკვე 22 აპრილს ირაკლი კობახიძემ ტურავას სახელმწიფო დაცვა დაუნიშნა.

მედვედევი:
სპეციალური სამხედრო ოპერაცია უნდა დასრულდეს რუსეთის ფედერაციის გამარჯვებით, უნდა დაინგრეს კიევის რეჟიმი, უნდა მოხდეს მთელი ევროპა დრნაციფიკაცია.