სერგეი ლავროვმა ბრაზილიურ გაზეთთან ინტერვიუში თქვა, რომ, ყირიმთან ერთად, უკრაინის ნაწილობრივ ოკუპირებული რეგიონების - დონეცკის, ლუგანკის, ხერსონისა და ზაპოროჟიეს რეგიონების რუსეთის ნაწილად გამოცხადება უკრაინასთან სამშვიდობო შეთანხმებისთვის "იმპერატივია"

💬 „ისეთი ხმა იყო დარტყმის შემდეგ, მაგ ფაქტის მერე დაიშალა საერთოდ აქცია. მართლა გეუბნებით მაგის მერე აქცია არ გაგრძელებულა 3-4 კაცი დარჩა... ადგე ახლა პოლიციის ხელმძღვანელს ხელი დაარტყა ეგრე არ ხდება“— გრიგოლ ბესელიას მზია ამაღლობელის სასამართლო პროცესზე უსმენენ

🔻 8 მაისის შუაღამიდან 11 მაისის შუაღამემდე რუსეთი სამხედრო მოქმედებებს აჩერებს - ნათქვამია კრემლის განცხადებაში. რუსეთის მტკიცებით, ეს გადაწყვეტილება პუტინმა 9 მაისის აღსანიშნავად, "ჰუმანიტარული მოსაზრებებით" მიიღო:

💬 “ჰუმანიტარული მოსაზრებებიდან გამომდინარე, გამარჯვების 80 წლისთავის აღნიშვნის დღეებში - 7-8 მაისის შუაღამიდან 10-11 მაისის შუაღამემდე - რუსული მხარე აცხადებს ცეცხლის შეწყვეტას. ამ პერიოდის განმავლობაში ყველა სამხედრო მოქმედება შეწყდება“ | ნათქვამია კრემლის განცხადებაში

ესპანეთში, საფრანგეთსა და პორტუგალიაში ელექტროენერგიის მასშტაბური გათიშვაა.

🇫🇷🇪🇸🇵🇹⚡- კადრები მადრიდიდან, სადაც ელექტროენერგიის გათიშვამ ქუჩებში ქაოსი გამოიწვია შუქნიშნების არ ფუნქციონირების გამო.

რამდენიმე დღის წინკიევზე განხორციელებული კომბინირებული დარტყმის შედეგად დაღუპულთა რიცხვი 13-მდე გაიზარდა.

ერთი ადამიანი დღეს კლინიკაში გარდაიცვალა.

მეორე ბრძოლის წინ ლონდონის უემბლის სტადიონზე ერთმანეთს ოლეკსანდრ უსიკი და დანიელ დიბუა შეხვდნენ.

"მზერით ბრძოლის" დროს ბრიტანელმა მოკრივემ უკრაინელს ხელი ჰკრა.

განმეორებითი მატჩი 19 ივლისს ლონდონში გაიმართება. გამარჯვების შემთხვევაში უკრაინელი მოკრივე ორგზის აბსოლუტური ჩემპიონი გახდება.

Reuters -ი ვატიკანიდან წყაროზე დაყრდნობით წერს, რომ რომის პაპის ასარჩევად კონკლავი 7 მაისს შეიკრიბება.

კონკლავის თარიღი კარდინალების დახურულ შეხვედრაზე, 26 აპრილს, პაპ ფრანცისკეს დაკრძალვის შემდეგ დაინიშნა

გამოცემა წერს, რომ ოფიციალური განცხადება ამის თაობაზე მალე გაკეთდება

⚡️"რატომ დაველოდოთ 8 მაისს": უკრაინის საგარეო საქმეთა სამინისტრო ცეცხლის შეწყვეტის შესახებ რუსეთის განცხადებას გამოეხმაურა.

"თუ რუსეთს ნამდვილად სურს მშვიდობა, მან დაუყოვნებლივ უნდა შეწყვიტოს ცეცხლი. თუ ცეცხლის შეჩერება შესაძლებელია ახლა ან ნებისმიერი თარიღიდან 30 დღის განმავლობაში, მაშინ ეს რეალურია და არა მხოლოდ აღლუმისთვის", - განაცხადა საგარეო საქმეთა მინისტრმა ანდრეი სიბიგამ

რესპუბლიკელი სენატორი ლუიზიანას შტატიდან, ჯონ ნილი კენედი:

"ვფიქრობ, ახლა ამერიკა პრეზიდენტ ბაიდენის დაშოშმინებისთვის საფასურს იხდის. ბაიდენის ხალხს სწამდა დიპლომატიის ყოველთვის უპირველეს ყოვლისა. რუსეთთან, ჩინეთთან და ირანთან დანით ჩხუბში ვართ და ბაიდენს მათთვის სოკრატეს ციტირება სურდა.

უკრაინაში შეთანხმება მსურს. ევროპასაც უნდა მოვთხოვოთ, რომ მეტი გააკეთონ. ევროპამ საკუთარი ხარჯების გადახდა უნდა დაიწყოს. ამერიკელი გადასახადის გადამხდელი რომ არ ყოფილიყო, პუტინი ახლა პარიზში იქნებოდა. ევროპამ მეტი უნდა გააკეთოს. თუმცა, რაც მთავარია, პუტინს უნდა გავაგებინოთ, რომ ჩვენი პრეზიდენტისთვის დროის დაკარგვისთვის საფასურის გადახდა მოუწევს."

🗣 ტრამპის იმედგაცრუება რუსეთთან და უკრაინასთან მიმართებაში იზრდება, - თეთრი სახლი

აშშ-ის ადმინისტრაცია მიიჩნევს, რომ მოსკოვი და კიევი მოლაპარაკების მაგიდასთან უნდა დასხდნენ.

🇵🇰🇮🇳 ინდოეთის სამხედრო შემოჭრა გარდაუვალია - პაკისტანის თავდაცვის მინისტრი

მისი თქმით, „ჩვეულებრივი“ შეიარაღებული კონფლიქტის დროს მხარეებმა თავი უნდა შეიკავონ ბირთვული იარაღის გამოყენებისგან.

📌 აჭარის პოლიციის ყოფილი უფროსის, გრიგოლ ბესელიას თქმით, მზია ამაღლობელის მიერ სახეში ხელის დარტყმის შემდეგ ირაკლი დგებუაძე რამდენჯერმე ნახა და მას რამე ვიზუალური დაზიანება არ აღენიშნებოდა.

📌 კერძოდ, ბესელია ამბობს, რომ სისხლდენა, სისხლნაჟღენთი ან ნაკაწრი დგებუაძის სახეზე არ უნახავს, სიწითლისთვის კი ყურადღება არ მიუქცევია.
სხვა პოლიციელების ჩვენებით, ირაკლი დგებუაძეს ლოყისა და ყურის არეში აღენიშნებოდა სიწითლე.

📌 „ჩემთვის აღქმადი [დაზიანება] არის სისხლდენა, რაღაც ეგეთი დაზიანება არ მინახავს. სიწითლე ჰქონდა/არ ჰქონდა, არ მიმიქცევია ყურადღება, არც შემიხედავს, არ დავკვირვებივარ“, — განაცხადა გრიგოლ ბესელიამ.

ესპანეთში ელექტრო ქსელების აღდგენას 10 საათამდე დასჭირდება, - El País ოპერატორ Red Eléctrica-ზე დაყრდნობით.

ვიდეოში ნაჩვენებია მადრიდის ერთ-ერთი მეტროსადგური, სადაც ელექტროენერგიის გამორთვის გამო მატარებლები არ მოძრაობენ.

💡პორტუგალიის ელექტროქსელების ოპერატორმა განაცხადა, რომ გათიშვა ესპანეთში "იშვიათი ატმოსფერული მოვლენის" გამო მოხდა და რომ სერვისების სრულად აღდგენას შეიძლება ერთი კვირა დასჭირდეს - Reuters

🔻💬 "მოძალადეს ბოდიშს არ უხდიან, ეს მინდა, იცოდეთ ჩემი განწყობის დასადგენად. რაც შეეხება ახალი დანაშაულის ჩადენის რისკს, სიმართლე გითხრათ, პირველი დღიდან, როცა ეს გაჟღერდა ვერ ვხვდები, რას ნიშნავს ჩადენა. იმიტომ რომ, რავიცი, ბუნებით კრიმინალი არა ვარ და ყველაფერი, რაც კრიმინალთან არის დაკავშირებული მძაგს, ატანა არ მაქვს. უნდა დაგეგმო, თუ ახალი დანაშაული უნდა ჩაიდინო, უნდა დაგეგმო ხო?! ან თუ ახალი დანაშაულის ჩადენა შემიძლია, საპატიმროში რატომ არ შემიძლია?! ვერ ვხვდები ამას. უნდა დაგეგმო ახალი დანაშაული, ან უნდა ჩაიდინო, ან უნდა დაგეგმო...

ერთადერთი, ვიცი, რომ პატიმრობაში თუ არ ვიქნები, ზუსტად ვიცი, რას გავაკეთებ, დანაშაულს არ ჩავიდენ, იმიტომ, რომ არა, რომ ვარ კრიმინალი. მაგრამ ყველაფერს გავაკეთებ ქვეყნის ევროინტეგრაციისა და გამოხატვის თავისუფლებისთვის, ნამდვილად ყველაფერს გავაკეთებ და ეს თუ არის დანაშაული, მაშინ ალბათ უნდა დამაკავონ. ევროინტეგრაციისა და სიტყვის და გამოხატვის თავისუფლებისთვის ყველაფერს გავაკეთებ" | თქვა "ბათუმელებისა" და "ნეტგაზეთის" დამფუძნებელმა, მზია ამაღლობელმა, ბათუმის საქალაქო სასამართლოში მიმართვისას

🔻 მზია ამაღლობელი პატიმრობაში დატოვეს. მის დღევანდელ სხდომაზე აჭარის პოლიციის ყოფილი უფროსი, გრიგოლ ბესელია გამოიკითხა

Politico-ს ინფორმაციით, დიდი ბრიტანეთი და ევროკავშირი მოაწერენ ხელს ოფიციალურ დეკლარაციას, რომლითაც გამოხატავენ ერთგულებას „თავისუფალი და ღია ვაჭრობის" პრინციპებისადმი, როგორც პასუხს ტრამპის ტარიფების პოლიტიკაზე.