.
تفاصيل المبادرة كاملةً في هذا المنشور، رجاءً رجاءً قراءة المنشور بتفاصيله أكثر من مرة لمعرفة شروطه لأن هذه الشروط ستظل معنا طوال المبادرات إن شاء الكريم

🔹 إجابة على الأسئلة الأسطورية المتكررة:
• هل لازم أعمل اللي في المبادرة بالحرف؟
لا، مش لازم، سدد وقارب واختر ما ينفعك منها ما استطعت، لكن الأولى أنك تاخد كل البنود اللي فيها وتعمله

• هل ينفع أبدل شيء مكان شيء أو أقرأ من كتاب تاني؟
لا، المبادرة محددة المعالم علشان نحارب الشتات وكثرة الخيارات اللي هي مخادعة للنفس هروباً من العمل، فاللي موجود في المبادرة تمشي عليه زي ما هو بدون تغيير رجاءً (بلاش تخترع، اشتغل في صمت).

• أنا عندي أورادي الخاصة، هل ينفع أشارك في المبادرة؟
لو عندك وقت شارك، لكن المبادرة هدفها الناس اللي ملهاش أوراد أو بعيدة عن ربنا وعلاقتهم بالله عز وجل مش على وتيرة ثابتة ولا مستقرة، والهدف منها ربطهم بالله عز وجل واحدة واحدة وعلى مكث ومهل، لكن لو عندك أورادك الخاص فربنا يعينك عليها ولو عندك وقت تفضل شارك ولو مفيش فالتزم أورادك أفضل.

» لست وحدك | القناة الرسمية

- نافع: هختار كذا وكذا وكذا بوتيرة بسيطة وقليلة ومناسبة للشباب علشان نرحمهم من الحيرة والشتات.
- الشباب: هنختار كل الاختيارات إلا الاختيارات اللي اختارها نافع، علشان احنا لنا شخصية وكدا وماشيين بمبدأ "خالف تُعرف" ولا يهدأ لنا بال أبداً إلا لما نسأل ونعترض ونقترح، آه أومال، لازم لازم

الجلسة يوم واحد وآخرها اليوم فقط.. شدوا حيلكم يا شباب.

28 شخص فقط أتموا المبادرة كاملةً؟
عدد غير مشجع نهائياً بعد رمضان بأقل من أسبوع!!

🔹 الكسل عن الطاعات بعد رمضان مباشرة: مؤشر خطير جداً ويحتاج لوقفة مع النفس بإلزامها وإرغامها والصبر على الألم في ذلك.

المختصر في التفسير
الطبعة السادسة

#تفسير

المختصر في تفسير القرآن الكريم - الطبعة السادسة.pdf

حملوا الكتاب دا عندكم يا شباب، هو دا اللي هنقرأ منه أوراد التفسير المبسطة إن شاء الله..

🪴 الجلسة (2) من طفرة اليوم الواحد

• مدة الجلسة: يوم واحد - اليوم 15 أبريل 2024
• المطلوب:
1. قراءة سورة القصص "قراءة سريعة بهدف الأجر والحسنات "الحسنة بعشر أمثالها".
2. قراءة تفسير سورة القصص من كتاب المختصر في التفسير (مرفق أدناه) بتمعن وتدبر مع تسجيل الفوائد القلبية في ورقة تتفقدها في وقت لاحق.
3. سماع درس (اسم الله اللطيف) (مرفق أدناه)

4. جلسة الذِكر
• تسبيح: 10 دقائق على الأقل، وإن شئت فزد.
• استغفار (مع تذكر الذنوب والمعاصي التي اقترفتها والاستغفار منها بتدبر): 10 دقائق على الأقل، وإن شئت فزد.
• الصلاة على النبي محمد صلى الله عليه وسلم: 10 دقائق على الأقل، وإن شئت فزد.

5. بعد الانتهاء من الأوراد، المشاركة في الاستفتاء أدناه.

» لست وحدك | القناة الرسمية

لما نشوف عدد الناس اللي هتخلص الجلسة المرة دي هيكون قد ايه 🌝

اللي هيخلص الجلسة هيفهم الرابط بين سورة القصص وقصة سيدنا موسى عليه السلام وبين درس اسم الله اللطيف..
وإن شاء الله حال قلبه هيكون مختلف تماماً..

لسه عدد المشاركين قليل برضة، ليه يا جماعة؟
ليه؟

كل اللي أنت بنيته في رمضان وسعيت له وثبتت عليه، ممكن تضيعه (بنفسك) في أيام معدودة بعد رمضان بسبب: التسويف والتأجيل..

التسويف والتأجيل مضيعان للفرص ويذهبان بالأرزاق والمنح، التسويف والتأجيل هما من الأسباب الأساسية في إخفاق أي مشروع وتدمير أي فكرة وتضييع أي فرصة..

التكلفة المدفوعة في استدراك ما فاتك بسبب التسويف والتأجيل أكبر وأعظم من ألم العمل اللي هربت منه في البداية وأجلت وسوفت علشانه..

هو جهدك أنت، هو تعبك أنت، هو قلبك أنت: معقولة تترك كل دا يضيع علشان "نفسك" مكسلة ومش عايزة تشتغل؟

القرار لك، والاختيار اختيارك.

ننشرها قريباً إن شاء الله 👀