Xiaomi 17 seriyasining smartfon batareyalarining surati paydo bo‘ldi!

Xabar qilinishicha, asosiy Xiaomi 17 7000 mA/s soat sig‘imdagi batareya bilan jihozlanadi, Xiaomi 15 esa 5400 mA/s soat sig‘imga ega edi.

17 Pro modeli 6300 mA/s soat sig‘imdagi batareyaga ega bo‘ladi — bu asosiy versiyadan biroz kam, lekin 15 Pro’dagi 6100 mA/s soatdan ko‘p.

Eng yuqori 17 Pro Max, mish-mishlarga ko‘ra, 7500 mA/s soat sig‘imdagi batareyaga ega bo‘lib, bu uni flagmanlar orasida ajratib turadi.

Yana bir batareya, taxminan, Xiaomi 17 Ultra uchun mo‘ljallangan bo‘lib, uning sig‘imi 6800 mA/s soatni tashkil qiladi — bu 15 Ultra’dagi 6000 mA/s soatdan ko‘p.

Barcha modellarda 100 Vt tez zaryadlash qo‘llab-quvvatlanadi, oldingi avloddagi 90 Vt ga qaraganda.

🍪 Yevrokomissiya cookie-banner qoidalarini yumshatishi mumkin

Politico xabariga ko‘ra, Yevrokomissiya saytlarni har safar foydalanuvchidan cookie-fayllar uchun rozilik olishga majbur qiluvchi qoidalarni yumshatishni rejalashtirmoqda.

🔹 Cookie’larning asl maqsadi — foydalanuvchi maxfiyligini himoya qilish edi. Ammo hozirgi paytda pop-up bannerlar odamlarni (hatto siyosatchilarni ham) charchatib yubordi. Natijada ko‘pchilik hech o‘ylamasdan “Qabul qilish” tugmasini bosmoqda. Bu esa dastlabki g‘oyaga zid.

🔹 Yevrokomissiyaning asosiy takliflari:
- “Zararsiz” cookie’lar uchun ko‘proq istisnolar kiritish
- Brauzerda cookie sozlamalarini bir marta belgilab, barcha saytlar uchun amal qilishini ta’minlash

Politico ta’kidlashicha, bu foydali yangilikni amalga oshirish oson bo‘lmaydi, chunki maxfiylik tarafdorlari qarshilik ko‘rsatishi mumkin.

🚗❌ Tesla’ning “avtopilotda butun AQSH bo‘ylab sayohat” tajribasi muvaffaqiyatsiz tugadi

2016-yilda Ilon Mask va’da qilgandi: “2017-yilda Tesla avtopilot rejimida G‘arbiy qirg‘oqdan Sharqiy qirg‘oqqacha bemalol yuradi”. Oradan 9 yil o‘tdi, lekin bu hali amalga oshmadi.

🔹 Yaqinda ikki bloger va Tesla aksiyadori San-Diegodan Jeksonvillgacha Model Y’da avtopilotda yurib ko‘rishni maqsad qildi. Mashinani eng so‘nggi FSD v13.9 dasturiga yangilashdi.
🔹 Ammo ular 100 km ham yura olishmadi — avtomobil yo‘lda yotgan qattiq chiqindiga urilib, osma tizimini shikastladi.

👀 Albatta, bunday vaziyatda haydovchi aralashishi kerak edi. Lekin bu voqea yana bir bor ko‘rsatadiki, “qirg‘oqdan qirg‘oqqacha avtopilotda yurish” hali orzu darajasida qolmoqda.