❗️Муҳим барои ронандаҳо!

🪪Агар шумо ҳуҷҷатҳои лозимӣ: муоинаи техникӣ, экология, суғуртаи ҳатмии автомобил-ро надошта бошед, ё андозҳои нақлиётиро пардохт накарда бошед, камераҳо ҳуқуқвайронкуниро сабт намуда, ба шумо SMS-паёмак бо талаботи ба тартиб даровардани ҳуҷҷатҳо дар давоми 10 рӯз ирсол мегардад.

📆Дар хотир доред! Агар шумо, давоми 10 рӯз ҳуҷҷатҳоро ба тартиб надароред, ҳангоми сабти такрорӣ ҷаримабандӣ мешавед:

Ҳаҷми ҷарима тибқи қонунгузорӣ:
- Моддаи 315 КҲМ ҶТ. Идора кардани вситаи нақлиёт бе муоинаи ҳатмии техникии давлатӣ ва суғуртаи ҳатмӣ (Қонуни ҶТ аз 25.12.2015 № 1262). Барои аз тарафи ронанда идора кардани воситаи нақлиёте, ки дар мӯҳлати муқаррарнамуда аз муоинаи ҳатмии техникии давлатӣ нагузаштааст,ба андозаи 3 (се) нишондиҳанда барои ҳисобҳо ҷарима таъин карда мешавад (Қонуни ҶТ аз 20.06.2024 № 2051).

- Моддаи 219 КҲМ ҶТ.Барои саркашӣ аз гузаштани экспертизаи экологии давлатӣ, риоя ё иҷро накардани шарт ва талаботи экспертизаи экологии давлатӣ, ба шахсони воқеӣ ба андозаи аз панҷ то даҳ, ба шахсони мансабдор аз бист то сӣ ва ба шахсони ҳуқуқӣ аз сад то дусад нишондиҳанда барои ҳисобҳо ҷарима таъин карда мешавад (Қонуни ҶТ аз 20.06.2024 № 2051).

- Барои идоракунии воситаи нақлиёт бе ҳуҷҷати тасдиқкунандаи суғуртаи ҳатмии автомобил — ҷарима дар ҳаҷми як нишондиҳандаи ҳисобӣ (Қонуни ҶТ аз 25.12.2015 № 1262, аз 20.06.2024 № 2051).

Ҳуҷҷатҳоро санҷед ва худро аз ҷаримаҳо эмин доред.