ዩኒቨርሲቲዎች ራሳቸውን ችለው እንዲሰሩ ማስቻል ላይ እየተሰራ እንደሚገኝ እንዲሁም ከዚህ በኃላ የሚሰጡ ድግሪዎች የመውጫ ፈተና እንደሚያስፈልጋቸውና በትምህርት ስርዓቱ ላይ ስር ነቀል ለውጥ እንደሚያስፈልግ ተናግረዋል፡፡ ለዚህም ሁሉም የለውጡ አካል በመሆን ትብብራችሁን እንፈልጋለን ብለዋል፡፡

እንዲሁም በት/ሚኒስቴር የከፍተኛ ትምህርት ዘርፍ ሚ/ር ዲኤታ ክቡር ዶ/ር ሳሙኤል ክፍሌ የትምህርት ሴክተር ሰፊ በመሆኑ ቅደም ተከተል በማበጀት በትምህርት ፖሊሲዎች ላይ፣ ተቋማዊ ነፃነት እና አወቃቀር ላይ፣ የመምህራን መብትና ግዴታዎች እንዲሁም የመምህራን ምዘና ስርዓታችን ልምድንና የተመዘገበ ስኬትን ያማከለ ዕድገት እንዲኖረው እየሰራን እንገኛለን ብለዋል፡፡

በት/ሚኒስትር የአጠቃላይ ትምርት ዘርፍ ሚ/ር ዲኤታ ክቡር ዶ/ር ፋንታ ማንደፍሮ በበኩላቸው የሀዋሳ ዩኒቨርሲቲ በሀገሪቱ የገጠሙ ተግዳሮቶችን በመቋቋምና ችግሮችን በመፍታት ሀገርን በማሻገር ሂደት ላይ የራሱን አሻራ ያሳረፈ መሆኑን ገልፀው ሁላችሁም የእኛ ልጆች ወደፊት ምን ይሉናል ብላችሁ በትምህርት ስርዓቱ ላይ የራሳችሁን ድርሻ እንድትወጡ አደራ እላለሁኝ ብለዋል፡፡

በውይይት መድረኩ የዩኒቨርሲቲው መምህራንና ተሳታፊዎች የተለያዩ ጥያቄዎችን ያነሱና ገንቢ አስተያየቶችን የሰነዘሩ ሲሆን ክቡር ሚንስትሩም ከተሳታፊዎች ጋር በመወያየት እና ለተነሱት ጥያቄዎችና አስተያየቶች ምላሾችን በመስጠት ፕሮግራሙ ተጠናቋል፡፡

ተማሪ ነክ መረጃዎችን እንዘግባለን
@NATIONALEXAMSRESULT

የጥሪ ማስታወቂያ!
***
በወልድያ ዩኒቨርሲቲ በ2013 ዓ.ም ትምህርት ጀምራችሁ የነበራችሁ የአንደኛ ዓመት መደበኛ ተማሪዎች እንዲሁም የ3ኛ እና 4ኛ ዓመት ፔዳጎጅካል ሳይንስ መደበኛ ተማሪዎች ምዝገባ የሚከናወነው መጋቢት 5 እና 6/2014 ዓ.ም ሲሆን በቅጣት ደግሞ መጋቢት 7/2014 ዓ.ም ስለሆነ በተጠቀሱት ቀናት በአካል ተገኝታችሁ ምዝገባ እንድታደርጉ እያሳወቅን ከተጠቀሰው ቀን ቀድሞም ሆነ ዘግይቶ የሚመጣን ተማሪ የማናስተናግድ መሆኑን እናሳውቃለን።

ወልድያ ዩኒቨርሲቲ

ተማሪ ነክ መረጃዎችን እንዘግባለን
@NATIONALEXAMSRESULT

#WolloUniversity

የወሎ ዩኒቨርሲቲ የተማሪዎች ህብረት ያገኘነው መረጃ👇

ወሎ ዩኒቨርሲት ተማሪዎቹን ከ #የካቲት 30 ጀምሮ በሁለት ዙር እንደሚያስገባ አሳስቦ የነበረ መሆኑ ይታወቃል፡፡ እኛም(ህብረቱ) ተማሪዎች የሚገቡበት ቀን እየደረሰ መሆኑን በመግለጽ የመግቢያ ቀንን በማስታወቂያ ሊገለፅ ይገባል በማለት ለዩኒቨርሲቲው ማኔጅመንትና ለሬጅስትራር ዳይሬክቶሬት በተደጋጋሚ ጠይቀናል።

የማኔጅመንት አካላት ተማሪዎችን በማስታወቂያ እንደሚገልፁ የነገሩን ቢሆንም #የካቲት21 ቀን በነበራቸው ስብሰባ እንደ ዩኒቨርሲቲ በቴሌቬዥን እንደሚያስነግሩና ከተባለው ቀን #አንድ_ሳምንት በመጨመር(👉መጋቢት 07 አካባቢ) እንደሚያስገቡ ገልፀውልናል‼️

፨ይህ የሆነበት ምክንያት ምንድነው?

ተማሪዎች ባልተዘጋጀ ዶርምና ካፌ መተው እንዳይንገላቱብን አስቀድመን መጨረስ ያለብንን ነገር መጨረስና ማረጋገጥ ስላለብን እንዲሁም መብራት በማይኖርበት ጊዜ ተማሪዎችን በዳቦ አቅርቦትና በጥናት ጊዜ እንዳይጉላሉ ጀነሬተሮች በህውሓት ሃይሎች ስለተበላሹ ይሄንንም ለማሰራት ጊዜ ስለሚፈልግ ነው የሚል ምላሽ እንደተሰጠው ህብረቱ ገልጿል።

፨ተማሪዎች ቀደም ብላችሁ እንደገለፃችሁት በሁለት ዙር ወይስ አንድ ላይ ትጠራላቹህ ብለን የጠየቅን ሲሆን ፡ የተማሪዎች ጉዳይ ዳይሬክተር እንደ ተማሪዎች አገልግሎት በቂ የመኝታ በሮች ስለተገጠሙልኝ በተጨማሪም የምግብ ቤት ግብዓቶች ስለተሟሉ በአንድ ላይ ቢገቡ ተማሪዎችን ማስተናገድ ይቻላል ያለ ሲሆን የኮምቦልቻ ቴክኖሎጂ ኢንስቲትዩት ሳይንቲፊክ ዳይሬክተር ተማሪዎች በሁለት ዙር እንደሚጠሩ ገልፀው በቅድሚያ አንደኛ ዓመት እና ሁለተኛ ዓመት የነበሩትን ጠርቶ አንድ ሳምንት ባልሞላ ልዩነት ቀሪዎችን የሚጠራ ይሆናል ሲሉ ገልፀዋል፡፡

📌የደሴ ካምፓስ ዳይሬክተሮችን ለማግኘት ያደረግነው ሙከራ ባይሳካልንም እንደ ዩኒቨርሲቲ በአንድ ላይ ስለሚጠራ ልዩነት እንደማይኖረው አረጋግጠናል፡፡

በአጠቃላይ ዩኒቨርሲቲው እስከ #መጋቢት15 ባሉት ቀናት ሁሉንም ተማሪዎች የሚያስገባ ስለሆነ ተማሪዎች ማስታወቂያ እንድትከታተሉ የወሎ ዩኒቨርሲቲ የተማሪዎች ህብረት አሳስቧል።

ተማሪ ነክ መረጃዎችን እንዘግባለን
@NATIONALEXAMSRESULT

በጀርመን የኢትዮጵያ ኤምባሲ በዩክሬን ለሚገኙና ከዩክሬን ወደ ፖላንድና ሌሎች አጎራባች አገሮች በመሄድ ላይ ላሉ ኢትዮጵያውያንና ትውልደ ኢትዮጵያውያን ድጋፍ ማግኘት የሚችሉበት ሊንክ ይፋ አድርጓል፡፡
ኤምባሲው በሩስያ እና ዩክሬን መካከል በተፈጠረው ጦርነት ምከንያት ዜጎች ወደ አጎራባች አገራት ለመግባት በሚያደርጉት ጥረት ከአገራቶቹ የውጭ ጉዳይ ሚኒስቴር መስርያ ቤቶች ጋር በመተባበር በተቻለ መጠን ያለችግር ማቋረጥ እንዲችሉ ሲሰራ መቆየቱን አንስቷል፡፡

አሁንም ከዩክሬን ውጭ ጉዳይ ሚኒስቴር መስርያ ቤት ጋር በጉዳዩ ላይ በመነጋገር ከዚህ ጋር በተያያዘው አጭር ሊንክ https://cutt.ly/qAi9vBJ በመግባት ዜጎች መረጃዎቻቸውን የት እንደሚገኙና ወደ የትኛው ድንበር ለማቋረጥ እየሄዱ እንደሆነ በማሳወቅ የዩከሬን ውጭ ጉዳይ ሚኒስቴር መስርያ ቤት የኮንሱላር ጉዳዮች ክፍል ድጋፍ ማድረግ እንደሚፈልግ ያሳወቀ በመሆኑ ሊንኩን በመጠቀም ድጋፍ ማግኘት እንደሚችሉ አስታውቋል።

ተማሪ ነክ መረጃዎችን እንዘግባለን
@NATIONALEXAMSRESULT

የተዘጋጀው የትምህርት ቤት ምገባ ፖሊሲና ስትራቴጂ በቅርቡ ወደ ትግበራ እንደሚገባ ተገለጸ
******
(ኢ ፕ ድ)
በቅድመ አንደኛና አንደኛ ደረጃ ትምህርት ቤቶች ላይ ለመስጠት የተዘጋጀው የትምህርት ቤት ምገባ መርሃ ግብር የፖሊሲ ማዕቀፍና ስትራቴጂ በቅርቡ ወደ ትግበራ እንደሚገባ ትምህርት ሚኒስቴር አስታወቀ።
በትምህርት ሚኒስቴር የትምህርት ቤቶች መሻሻል ዳይሬክተር ጄኔራል አቶ ዮሐንስ ወጋሶ እንደገለጹት፤ ከአራት ዓመታት ወዲህ መንግሥታዊ ባልሆኑ ድርጅቶች ይሰጥ የነበረውን የምገባ ፕሮግራም በቅድመ አንደኛና አንደኛ ደረጃ ትምህርት ቤቶች ላይ እንዲሰጥ ለማድረግ ትምህርት ሚኒስቴር የትምህርት ቤት ምገባ መርሀ ግብር የፖሊሲ ማዕቀፍና ስትራቴጂ ሰነድ አዘጋጅቷል።
ይህ ሰነድ በቀጣይ በየደረጃው ባለው የትምህርት መዋቅር በጀትን ጨምሮ በማስፋት እና የተጠቃሚ ተማሪዎችን ቁጥር ለመጨመር ሚኒስቴሩ እቅድ ይዟል።
ተማሪ ነክ መረጃዎችን እንዘግባለን
@NATIONALEXAMSRESULT

በአሸባሪው ወራሪ ቡድን የወደሙ ትምሕርት ቤቶችን መልሶ ለመገንባት ኹሉም ድጋፍ እንዲያደርግ ጥሪ ቀረበ፡፡

የካቲት 24/2014 ዓ.ም (አሚኮ)

በአማራ ክልል በአሸባሪው ወራሪ ቡድን የወደሙ ትምሕርት ቤቶችን መልሶ ለመገንባት ከመቼውም ጊዜ በበለጠ የኹሉም ትብብር እንደሚያስፈልግ የአማራ ክልል ትምሕርት ቢሮ የሕዝብ ግንኙነት እና ጽሕፈት ቤት ኀላፊ አቶ ጌታቸው ቢያዝን ተናግረዋል፡፡

እንደ አቶ ጌታቸው ቢያዝን መረጃ በአሸባሪው የትግራይ ወራሪ ቡድን ፡-

• 4 ሺህ 107 ያህል ትምሕርት ቤቶች ወድመዋል፤ ከእነዚህም ውስጥ፡- 1 ሺህ 25 ትምሕርት ቤቶች ሕንፃቸውን ጨምሮ ሙሉ በሙሉ የወደሙ ናቸው፤

•3 ሺህ 82 ትምሕርት ቤቶች ደግሞ በከፊል የወደሙ ናቸው፤

• 1 ነጥብ 9 ሚሊዮን ተማሪዎች ከትምሕርት ገበታ ውጭ ኾነዋል፡፡

• 116 ሺህ መምሕራን ከሥራ ገበታቸው ተፈናቅለው ቆይተዋል፤

• በትምሕርት ተቋማት ላይ ብቻ የደረሰው ውድመት በገንዘብ ሲተመን 20 ነጥብ 2 ቢሊየን ብር ደርሷል፡፡

• የወደሙ ትምሕርት ቤቶችን መልሶ ለመገንባት ከ21 ቢሊየን ብር በላይ ያስፈልጋል፡፡

አቶ ጌታቸው የወደሙ ትምሕርት ቤቶችን መልሶ ለመገንባት እና ተማሪዎችን ወደ ትምሕርት ገበታቸው ለመመለስ ያላሰለሰ ጥረት እየተደረገ መኾኑን አስታውቀዋል፡፡

ትምሕርት ቤቶቹን ሙሉ በሙሉ መልሶ ለማቋቋም የኹሉም አካላት ርብርብ እንደሚያስፈልግ ገልጸዋል፡፡

በትምሕርት ቢሮው በኩል ሲከናወኑ የቆዩ ካሏቸው ተግባራት መካከልም፡-

•በመጀመሪያ መረጃ ጉዳት የደረሰባቸውን ትምሕርት ቤቶች እና የጉዳቱን መጠን የመለየት ሥራ ተሠርቷል፤

•ትምሕርት ቢሮው እና ሌሎች አጋር አካላት ምን ምን ተግባራትን ማከናወን እንዳለባቸው ለማመላከት የአደጋ ምላሽ ዕቅድ ተዘጋጅቷል፤

•ተማሪዎች ከትምሕርት ገበታቸው ውጭ እንዳይቆዩ ለማድረግ ትምሕርት ቤቶች እንዲፀዱ ተደርጎ ከመልሶ ግንባታ ሥራው ጎን ለጎን ባለው ግብዓት ልክ ትምሕርት እንዲጀመር ተደርጓል።

አቶ ጌታቸው በጦርነቱ ጉዳት ለደረሰባቸው አካባቢዎች ደብተርና እስክርቢቶ አንገብጋቢ ችግር እንደነበረ ገልጸው በዚህም ከተለያዩ ተቋማት ከ19 ሺህ በላይ ደብተር አሰባስበን ድጋፍ አድርገናል ብለዋል፡፡

ጉዳት ለደረሰባቸው ዞኖች ትምሕርት እንዲጀምሩ ለማድረግ የተማሪ ቁጥራቸውን ግምት ውስጥ ያስገባ የትምሕርት ማስጀመሪያ የድጎማ በጀት መሰጠቱንም ገልጸዋል፡፡

ረጂ ድርጅቶች እና አጋር አካላት ለተማሪዎች ደብተርና ዩኒፎርም እንዲያሟሉ ጥረት መደረጉንም ጠቅሰዋል፡፡ ከዚህም በተጨማሪ ትምሕርት ሚኒስቴር ከኢትዮ ቴሌኮም ጋር በመተባበር 9222 አጭር የጽሑፍ መልዕክት የገቢ ማሰባሰቢያ በመክፈት ‹‹ ኑ የፈረሰውን የትውልድ ማፍሪያ ተቋም መልሰን እንገንባ ›› በሚል መሪ ሐሳብ የገንዘብ ማሰባሰብ ዘመቻ እየተከናወነ እንደሆነም አንስተዋል፡፡ ይህ ወቅት ለኛ ለኢትዮጵያውያን ከመቼውም ጊዜ በበለጠ የምንረዳዳበትና የምንደጋገፍበት ወቅት መኾኑን በመግለጽ እያንዳንዱ ዜጋ የፈረሱ የትምሕርት ተቋማትን መልሶ ለመገንባት በሚደረገው ርብርብ የበኩሉን ድርሻ እንዲያበረክት መልዕክት አስተላልፈዋል፡፡

የወደሙ የትምሕርት ተቋማትን መልሶ ለመገንባትም ከ21 ቢሊዮን ብር በላይ እንደሚያስፈልግ ገልጸዋል፡፡ ግለሰቦች፣ ድርጅቶች፣ ባለሃብቶች እና በውጭ ሀገራት ያሉ ዳያስፖራዎች ለትውልድ የመድረስ ታሪካዊ ኀላፊነት ተጥሎባችኋል ሲሉም ጥሪ አቅርበዋል፡፡

የትምሕርት ቁሳቁስ ለማቅረብ የሚፈልግ አካል በክልል ደረጃ በአማራ ክልል ትምሕርት ቢሮ ወይም በፌዴራል ደረጃ ትምሕርት ሚኒስቴር ዋናው ተቋም በመምጣት ድጋፍ ማድረግ እንደሚችልም ገልጸዋል፡፡

ተማሪ ነክ መረጃዎችን እንዘግባለን
@NATIONALEXAMSRESULT

#YANETCOLLEGE

፨ያኔት ኮሌጅ በቅድመ ምረቃ ፕሮግራም የሚያስተምራቸው የትምህርት መስኮች

📌BSC ነርስ
📌በሜዲካል ላብራቶሪ ሳይንስ
📌በአካውንቲንግ እና ፋይናንስ

፨ያኔት ኮሌጅ በደረጃ 4(level 4)

📌በነርስ
📌በአዋላጅ ነርስ
📌በላቦራቶሪ ቴክኒሺያን
📌በፋርማሲ
📌በአካውንቲንግ ስልጠና ይሰጣል….

ያኔት ኮሌጅ በድህረ ምረቃ (በሁለተኛ ዲግሪ)
ማስተር ኦፍ ፐብሊክ ሄልዝ (MPH) እና ማስተር ኦፍ ቢዝነስ አድሚንስትሬሽን (MBA) ያስተምራል።

አድራሻ
🏷ያኔት ኮሌጅ መሳለሚያ ካምፓስ (ሰፈረ ሰላም ንጉሴ ቱሩፌ ህንፃ)
🏷ያኔት ኮሌጅ 6 ኪሎ ካምፓስ (ያሬድ ሙዚቃ ት/ት ቤት አጠገብ)

የግል ከፍተኛ የትምህርት ተቋማት ላይ ለመማር ለመግቢያነት የሚያገለግሉ የትምህርት ዓይነቶችን አጠቃላይ አማካይ ነጥብ 50% እና በላይ ማምጣት እንደሚያስፈልግ የሀገር አቀፍ ትምህርት ምዘናና ፈተናዎች ኤጀንሲ ማሳወቁ ይታወሳል።

(ሌሎች የግል ከፍተኛ የትምህርት ተቋማት በቅድመ ምረቃ ፕሮግራም የምታስተምሯቸውን የትምህርት መስኮች ለዘንድሮ ፍሬሽማን ተማሪዎች ማስተዋወቅ ትችላላቹህ)

ተማሪ ነክ መረጃዎችን እንዘግባለን
@NATIONALEXAMSRESULT

#MekaneYesusCollege

፨መካነ እየሱስ ኮሌጅ በቅድመ ምረቃ (በመጀመሪያ ዲግሪ) ፕሮግራም የሚያስተምራቸው የትምህርት መስኮች

*በአዲስ አበባ በሚገኘው ካምፓሱ👇
📌Management
📌Gender and Development Studies
📌Accounting and Finance

*ቢሾፍቱ በሚገኘው ካምፓሱ 👇
📌Management
📌Accounting and Finance

፨በድህረ ምረቃ (ሁለተኛ ዲግሪ) ፕሮግራም
📌Business Administration
📌Organizational Leadership

🏷የመካነ እየሱስ ኮሌጅ አድራሻ እና ኮሌጁን ተመራጭ የሚያደርጉትን ነጥቦች ከላይ ካለው ምስል ይመልከቱ።

የግል ከፍተኛ የትምህርት ተቋማት ላይ ለመማር ለመግቢያነት የሚያገለግሉ የትምህርት ዓይነቶችን አጠቃላይ አማካይ ነጥብ 50% እና በላይ ማምጣት እንደሚያስፈልግ የሀገር አቀፍ ትምህርት ምዘናና ፈተናዎች ኤጀንሲ ማሳወቁ ይታወሳል።

(ሌሎች የግል ከፍተኛ የትምህርት ተቋማት በቅድመ ምረቃ ፕሮግራም የምታስተምሯቸውን የትምህርት መስኮች ለዘንድሮ ፍሬሽማን ተማሪዎች ማስተዋወቅ ትችላላቹህ)

ተማሪ ነክ መረጃዎችን እንዘግባለን
@NATIONALEXAMSRESULT

በቦረና እና ምስራቅ ባሌ ዞኖች 61 እንዲሁም በሶማሌ ክልል 316 ትምህርት ቤቶች በድርቅ ምክንያት ተዘጉ

ሐሙስ የካቲት 24 ቀን 2014 (አዲስ ማለዳ) በኢትዮጵያ ውስጥ በተከሰተው ድርቅ ምክንያት በኦሮሚያ ክልል ቦረና እና ምስራቅ ባሌ ዞኖች ብቻ 61እንዲሁም በሶማሌ ክልል ደግሞ 316 ትምህርት ቤቶች ሙሉ በሙሉ መዘጋታቸው ተነገረ።

በሁለቱ ክልሎች በአርብቶ አደርና ከፊል አርብቶ አደር አካባቢዎች የሚኖሩ ዜጎች ለፍተኛ ጉዳት ተጋልጠዋል ።

በኦሮሚያ በምስራቅና ምዕራብ ሀረርጌ፣ ምስራቅ ባሌ ዝቅተኛ ቦታዎች፣ በቦረና፣ በምእራብ ጉጂ ዞኖች በርካቶች ለከፋ ችግር እና ለምግብ እጥረት ተጋልጠዋል።

በክልሉ በአምስት ዞኖች ውስጥ በሚገኙ 40 ወረዳዎች 8 ነጥብ 4 ሚሊዮን እንስሳት ተጠቅተዋል ፣ 257 ሺህ አቅም አንሷቸዋል ሲል የብሔራዊ አደጋ ሥራ አመራር ኮሚሽን ለዶይቼ ቬለ ተናግራል።

የኮኒሽኑ የሕዝብ ግንኙነት ኃላፊ ደበበ ዘውዴ እንዳሉት በምስራቅና ምዕራብ ሀረርጌ፣ በቦረና ፣ በምዕራብ ጉጂ ፣ በምዕራብ አርሲ እና ባሌ ዞኖች በሚገኙ 70 ወረዳዎች ውስጥ በ605 ቀበሌዎች 2.8 ሚሊዮን ሕዝብ የመጠጥ ውኃ ይፈልጋል።

ድርቁ በቦረና እና ምስራቅ ባሌ ዞኖች ባሉ 14 ወረዳዎች ብቻ 61 ትምህርት ቤቶች እንዲዘጉ ማድረጉንም ገልፀዋል።

በእነዚህ አካባቢዎች ከ 3 ነጥብ 1 ሚሊዮን በላይ ሰዎች የአስቸኳይ ጊዜ የምግብ ድጋፍ ይሻሉ የተባለ ሲሆን፤ ከነዚህ ውስጥ 8 ሺህ 244ቱ በአዲሱ ድርቅ ተጠቂ የሆኑ ናቸው ሲሉ ደበበ ዘውዴ ተናግረዋል።

ለሁለቱ ዞኖች 254 ሺህ ኩንታል እህል ለ853 ዜጎች መላኩንም በመግለፅ፤ ለተቀሩት የድርቅ ተጠቂ አካባቢዎች ደግሞ በመደበኛው የሥርጭት መርሃ ግብር እንዲደርሳቸው እየተደረገ ነው ብለዋል።

የተከሰተውን የውኃ ችግር ለማቃለልልም 100 ውኃ ጫኝ ቦቴዎች ውኃ እያሰራጩ እንደሚገኝም ተገልጿል።

በተመሳሳይ በሶማሌ ክልል በ83 ወረዳዎች 3 ነጥብ 1 ሚሊዮን ሕዝብ ለውኃ እጥረት መጋለጡ ተሰምቷል። በዚሁ ክልል ከሀምሌ እስከ የካቲት ባለው የድርቅ ጊዜ 864 ሺህ 43 እንስሳት መሞታቸውን ኃላፊው ለራዲዎ ጣቢያው ተናግረዋል።

በሶማሌ ክልል 58 ሺህ 305 ሰዎች በድርቁ እንደተጠቁ የገለጹት ደበበ እነዚህ ሰዎች ወደ ሌሎች ድርቅ ወዳልተከሰተባቸው አካባቢዎች እንዲሄዱ ተደርጓል ብለዋል።

በክልሉ በድርቁ ምክንያት 915 ትምህርት ቤቶች ከትምህርት ሥራቸው ተስተጓጉለዋል ከነዚህም 316ቱ ሙሉ በሙሉ ተዘግተዋል።

በክልሉ 2 ነጥብ 4 ሚሊዮን ሕዝብ ለምግብ እጥረት መጋለጡን ከእነዚህም እና አጠቃላይ 3 ሚሊዮን 360 ሺህ ሕዝብ የምግብ ድጋፍ እንደሚሻም ተናግረዋል።

መንግሥት በክልሉ ከመስከረም እስከ ጥር ድረስ ለ1 ነጥብ 7 ሚሊዮን ሰዎች 530 ሺህ ኩንታል እህል እንዲከፋፈል ተደርጓልም ብለዋል።

በተጨማሪም በ15 ወረዳዎች ለ311 ሺህ ተጠቃሚዎች 255 ሚሊዮን ብር እንዲደራጭ መደረጉንና በአሁኑ ወቅት 159 የውኃ መጫኛ ቦቴዎች ለ 81 ወረዳዎች ውኃ እንዲያሰራጩ እየተደረገ መሆኑን አብራርተዋል።

ተማሪ ነክ መረጃዎችን እንዘግባለን
@NATIONALEXAMSRESULT