የኢትዮጵያ ንግድ ባንክ አዲሱ ህንጻ 48ኛ ወለል ለህዝብ ክፍት ይደረጋል ተባለ

የፊታችን እሁድ የሚመረቀው የኢትዮጵያ ንግድ ባንክ አዲሱ ህንጻ 48ኛ ወለል ለህብረተሰብ ክፍት እንደሚደረግ ባንኩ አስታውቋል፡፡በኢትዮጲያ ንግድ ባንክ አዲሱ ህንጻ ምርቃት እና 80ኛ ዓመት ምስረታ ዙሪያ መግለጫ የሰጡት የባንኩ ፕሬዝዳንት አቶ አቤ ሳኖ የህንፃው የመጨረሻው 48ኛ ወለል አዲስ አበባ እና አካባቢዋን ለመመልከት በሚያስችል መልኩ ሆኖ ከዘመናዊ የሬስቶራንት አገልግሎት ጋር መዘጋጀቱን ተናግረዋል፡፡

ይህ በባንኩ የተዘጋጀው 48ኛ ወለል ለአዲስ አበባ ከተማ ውበት እና የቱሪስት መስህብ የሚሆኑ መዳረሻ እንደሚሆንም ተጠቁሟል።የህንጻው ምድረ ግቢም ለሁሉም ህብረተሰብ ክፍት ሆኖ በቀላሉ የሚታዩ ማረፊያ የተሰናዳላቸው እንዲሁም በልዩ ልዩ ሀገር በቀል እጽዋት፣ የውሃ ፋውንቴን እና የቅርጻ ቅርስ  ስራዎች ያሸበረቁ ናቸው ብለዋል።

የህንጻው ገጽታ የአፍሪካ አልማዝ ቅርጽ እንዲኖረው ተደርጎ የተሰራ ሲሆን በግንባታው ከስምንት ሀገራት የተውጣጡ 28 ታዋቂ የግንባታ እቃ አቅራቢዎች እንደተሳተፉበት ብስራት ሬድዮ ከባንኩ ፕሬዝዳንት አቶ አቤ ሳኖ ሰምቷል።
  
የኢትዮጲያ ንግድ ባንክ አንባሳደር አካባቢ በ303 ሚሊየን አምስት መቶ ሺ ዶላር ያስገነባውን ባለ 53 ወለል ህንፃ የፊታችን እሁድ ያስመርቃል።

ተማሪ ነክ መረጃዎችን እንዘግባለን
@NATIONALEXAMSRESULT

የብሄራዊ ፈተና ጉዳይ ?

በትምህርት ሚኒስቴር የዕቅድ እና ሀብት ማፈላለግ ዋና ዳይሬክተር አቶ ኤልያስ ግርማ ፦

" የአገር አቀፍ ፈተናው በቴክኖሎጂ ተደግፎ በኦንላይን ሥርዓት ታግዞ ካልተሰጠ የምዘናው ሥርዓት አደጋ ውስጥ ነው "

የአገር አቀፍ የትምህርት ምዘናና ፈተናዎች ኤጀንሲ ምክትል ዋና ዳይሬክተር አቶ ተፈራ ፈይሳ ፦

" የ12ኛ ክፍል ብሔራዊ ፈተና ምዘና ጉዳይ የሚመለከታቸው ተቋማትን ብቻ ሳይሆን መንግሥትንም የፈተነ ነው።

የፀጥታ ችግር ፈተናውን ለመስጠት አዳጋች ካደረጉት ጉዳዮች ተጠቃሹ ሲሆን፣ ከሰሞኑ በሁለተኛ ዙር በተሰጠው የ2013 ዓ.ም. አገር አቀፍ የ12ኛ ክፍል መልቀቂያ ብሔራዊ ፈተና እንኳን 150 የሚደርሱ ተማሪዎችን ከአንድ ቦታ ወደ ሌላ ቦታ ወስዶ ለመፈተን ከ100 በላይ የፀጥታ ኃይል ባልደረባ እጀባ አስፈልጎ ነበር።

በዚህ የተነሳ አገር አቀፍ ሁለተኛ ደረጃ ፈተናን የመስጠት ሥራ ከኤጀንሲው አቅም በላይ ለመንግሥትም ፈተና ሆኗል።

አገራዊ ፈተናው የሚሰጥበት ዋና ዓላማ፣ የትምህርት ጥራት ማረጋገጫ አንዱ መሣሪያና የብቁ ዜጋ ማፍሪያ መለኪያነቱን ታሳቢ በማድረግ ቢሆንም፣ በዚህ ወቅት ከዚህ ዓላማ ውጪ መስመሩን ስቶ ራሱን የቻለ ትልቅ ፈተና ሆኗል።

በሌላ በኩል ፈተናው ፖለቲካዊ ይዘትን እየተላበሰ መጥቷል። አገርን በሚገነባ ዕሳቤ ሳይሆን፣ " ከእኔ ክልል ይህን ያህል አለፈ " ወደሚል ጤናማ ያልሆነ ውድድር ውስጥ እንደተገባ ነው።

ከኤጀንሲው አቅም በላይ የሆነውን ይህንን ችግር መንግሥት ትኩረት ሊሰጠው ይገባል። በተለይ ከላይ የተነሱትን ችግሮች ለመፍታት ብቸኛው መንገድ፣ ፈተናውን በዲጂታል መንገድ በኦንላይን መስጠት ነው "

[ ሪፖርተር ]

ተማሪ ነክ መረጃዎችን እንዘግባለን
@NATIONALEXAMSRESULT

ወለጋ ዩኒቨርሲቲ የፈቃድ ፈተና/Licensure Exam
የወሰዱ የ2014 ዓ.ም የሕክምና ሳይንስ ተመራቂዎች በሙሉ ማለፋቸውን ገልጿል።

የዩኒቨርሲቲው የጤና ሳይንስ ኢንስቲትዩት ዋና ሥራ አስፈጻሚ ዳይሬክተር ዶ/ር ተመስገን ጥላሁን ለተፈታኞቹ የእንኳን ደስ አላችሁ መልዕክት አስተላልፈዋል።

ኢንስቲትዩቱ ባለፈው ጥር 07/2014 ዓ.ም 258 የጤና ሳይንስ ተማሪዎችን ማስመረቁ ይታወሳል።

ተማሪ ነክ መረጃዎችን እንዘግባለን
@NATIONALEXAMSRESULT

#MekdelaAmbaUniversity

መቅደላ አምባ ዩኒቨርሲቲ ከ1ኛ እስከ 4ኛ ዓመት #የኤክስቴንሽን ተማሪዎች ምዝገባ የካቲት 07 እና 08/2013 ዓ.ም መሆኑን አሳውቋል።

የምዝገባ ጥሪው በሁለቱም ካምፓሶች (ቱሉ አውሊያ እና መካነሰላም) ትምህርታቸውን ይከታተሉ ለነበሩ #የኤክስቴንሽን ተማሪዎች መሆኑ ተገልጿል።

መቅደላ አምባ ዩኒቨርሲቲ የ1ኛ ዓመትና ነባር መደበኛ ተማሪዎች የ2014 ዓ.ም ምዝገባ የካቲት 02 እና 03/2014 ዓ.ም ይከናወናል ማለቱ አይዘነጋም።
ተማሪ ነክ መረጃዎችን እንዘግባለን
@NATIONALEXAMSRESULT

አርባ ምንጭ ዩኒቨርሲቲ የመጀመሪያ ዲግሪ ነባር #የክረምት መርሃ ግብር ተማሪዎች ቲቶሪያል ከየካቲት 14 እስከ 19/2014 ዓ.ም ድረስ ይሰጣል ብሏል።

በመሆኑም #የክረምት መርሃ ግብር ተማሪዎች በየካምፓሶቻቸው በመገኘት ገለጻውን እንዲከታተሉ ዩኒቨርሲቲው ጥሪ አድርጓል።

ይህ ጥሪ የ2013 ባች የሆኑ የክረምት ተማሪዎችን #እንደማይመለከት ዩኒቨርሲቲው ገልጿል።


ተማሪ ነክ መረጃዎችን እንዘግባለን
@NATIONALEXAMSRESULT

#WolloUniversity

ለወሎ የኒቨርሲቲ ኮምቦልቻ ቴክኖሎጂ ኢንስቲትዩት ኢንተርንሽፕ ለምትወጡ መደበኛ ተማሪዎች በሙሉ

የወሎ ዩኒቨርሲቲ ኮምቦልቻ ቴክኖሎጂ ኢንስቲትዩት በ2014 ዓ.ም ኢንተርንሽፕ ለምትወጡ
• የኮንስትራክሽ ቴክኖሎጂና ማኔጅመንት
• የሶፍትዌር ኢንጂነሪንግ
• የኤሌትሪካልና ኮምፒዩተር ኢንጂነሪንግ
• የኬሚካል ኢንጂነሪንግ
• የአርክቲክቸር ኢንጂነሪንግ ትምህርት ክፍል ተማሪዎች የኢንተርንሽፕ ሴሚስተር ምዝገባ የሚከናወነው #የካቲት 10 እና 11 2014 ዓ.ም ሲሆን የሆሊስቲክ ፈተና የካቲት 16 እና 17 2014 ዓ. ም የሚሰጥ ይሆናል::

ነባሩ መታወቂያ ስለተቀየረ ሁሉም ተማሪዎች ወደ ግቢ ስትመጡ ለመታወቂያ የሚሆን ሁለት 3x4 የሆነ ጉርድ ፎቶግራፍ እና ነባሩን መታወቂያ ይዛችሁ እንድትመጡ ዩንቨርሲቲው አሳስቧል።

ተማሪ ነክ መረጃዎችን እንዘግባለን
@NATIONALEXAMSRESULT

ወላይታ ሶዶ ዩኒቨርሲቲ

ተማሪ ነክ መረጃዎችን እንዘግባለን
@NATIONALEXAMSRESULT

ጎንደር ዩኒቨርሲቲ

ተማሪ ነክ መረጃዎችን እንዘግባለን
@NATIONALEXAMSRESULT

#NEAEA

" ... አሁን የመቁረጫ ነጥቡ ይለያል አይለይም የሚለውን ኤጀንሲው ሊወስን አይችልም፤ የኤጀንሲውም ስልጣን አይደለም " - አቶ ተፈራ ፈይሳ

በሁለተኛው ዙር የሀገር አቀፍ ፈተና በፀጥታ ችግር ምክንያት ፈተና ላይ መቀመጥ ያልቻሉ ተማሪዎች ከጥቂት ቀናት በፊት ፈተናቸውን ወስደዋል።

በአጠቃላይ በአማራ፣ አፋር፣ኦሮሙያ እና ቤኒሻንጉል ጉሙዝ ክልሎች ከ60 ሺህ በላይ ተማሪዎች ፈተና ወስደዋል።

ፈተናውም የወሰዱ ተማሪዎች እና የትምህርት ባለሙያዎች " ተፈታኞች ያሳለፉትን የስነልቦ ጫና እና አስቸጋሪ ሁኔታ ከግምት ያስገባ የከፍተኛ ትምህርት ተቋማት መግቢያ ሊኖር " ይገባል እያሉ ይገኛሉ።

ይህንን ጉዳይ በተመለከተ የትምህርት ምዘናና ፈተናዎች አገልግሎት ምክታ ዳይሬክተር ተፈራ ፈይሳ ለቪኦኤ ሬድዮ በሰጡት ቃል ይህንን የመወሰን ስልጣን የኤጀንሲው እንዳልሆነ ገልፀዋል።

አቶ ተፈራ ፈይሳ ፥ " ... ያሉ ጥያቄዎች አሉ፤ ይሄን ኤጀንሲው አሁን ላይ የሚለውም ምንም ነገር የለም። በዚህ ደረጃ ኤጀንሲው አይወስንም ፤ ይህ ትልቅ ጉዳይ ስለሆነ። ዞሮ ዞሮ ችግሩ እንዳለ እንረዳለን። ችግሩን ለመፍታት እኛ የተወሰነ ጊዜ ከመስጠት ባሻገር አሁን የመቁረጫ ነጥቡ ይለያል አይለይም የሚለውን ኤጀንሲው ሊወስን አይችልም የኤጀንሲውም ስልጣን አይደለም። ...ይሄን የሚወስነው መንግስት ነው "

በሌላ በኩል ፤ ኤጀንሲው በትግራይ ክልል ካሉ ተማሪዎች ጋር በተያያዘ የታሰበ ነገር ያለ እንደሆነ ከሬድዮ ጣቢያው የተጠየቁት አቶ ተፈራ ፥ " በእኛ በኩል የሚፈታ አይደለም። ከአጠቃላይ ከሀገራዊ ፀጥታ ጋር የሚታይ ስለሆነ ሀገራዊ ፀጥታው ሲረጋገጥ ፣ ትግራይም እንደማንኛውም ክልል ሰላም ሲሆን ፈተና የምንፈትነው " ሲሉ መልሰዋል።

#VOA
ተማሪ ነክ መረጃዎችን እንዘግባለን
@NATIONALEXAMSRESULT

ለዲላ ዩንቨርሲቲ (አንደኛ) ዓመት ተማሪዎች


ተማሪ ነክ መረጃዎችን እንዘግባለን
@NATIONALEXAMSRESULT

#WolloUniversity

የወሎ ዩኒቨርሲቲ መደበኛ ተማሪዎቹን ከየካቲት 30 ጀምሮ ሊቀበል መሆኑን አስታወቀ፡፡ የዩኒቨርሲቲው የህዝብ ግንኙነት ዳይሬክተር ዶክተር ብርሀኑ አሰፋ ለፋና ብሮድካስቲንግ ኮርፖሬት እንደተናገሩት፥ ዩኒቨርሲቲው በሸብር ቡድኑ ከፍተኛ ውድመት ቢደርስበትም በመልሶ ግንባታ የመማር ማሰተማር ስራን መከወን የሚችልበት አቋም ላይ ይገኛል ብለዋል። (ኤፍ ቢ ሲ)

ተማሪ ነክ መረጃዎችን እንዘግባለን
@NATIONALEXAMSRESULT

#MoH

በህክምና /Medicine/ ሙያ የብቃት ምዘና ፈተና የወሰዱ ተመዛኞች የፈተናው ውጤት ትላንት የካቲት 1 ይፋ ሆኗል።

ተመዛኞች ከትላንት ማክሰኞ ጀምሮ በ hple.moh.gov.et ላይ በመግባት ሙሉ ስም እንዲሁም የፈተና መለያ ቁጥር (Registration No) በማስገባት የፈተና ውጤታቸውን እየተመለከቱ ነው።

በሌሎችም የሙያ ዘርፎች ፈተና የወሰዱ ተመዛኞች ውጤት በቅርብ ቀን ይፋ ይደረጋል ተብሎ ይጠበቃል።

በሌላ መረጃ የወለጋ ዩኒቨርሲቲ የብቃት ምዘና ፈተና የወሰዱ የ2014 የሕክምና ሳይንስ /Medicine/ ተመራቂዎች #በሙሉ ማለፋቸውን ገልጿል።

ተማሪ ነክ መረጃዎችን እንዘግባለን
@NATIONALEXAMSRESULT

አዲስ አበባ ዩኒቨርሲቲ የስዋሂሊ ቋንቋ ትምህርት መስጠት ለመጀመር እየሰራ ነው።

ዩኒቨርሲቲው የስዋሂሊ ቋንቋን በመጀመሪያ እና በሁለተኛ ዲግሪ መርሃ ግብሮች ለማስጀመር ከታንዛንያው ዳሬሰላም ዩኒቨርሲቲ ጋር የመግባቢያ ሰነድ ተፈራርሟል።

ስምምነቱ ለአምስት ዓመታት የሚቆይ ሲሆን በሁለቱ ዩኒቨርሲቲዎች መልካም ፈቃድ የሚታደስ መሆኑ ተጠቁሟል።

የስዋሂሊ ቋንቋን ከማስፋፋት ባለፈ በሁለቱ ዩኒቨርሲቲዎች መካከል የሁለትዮሽ የአካዳሚክ መርሃ ግብሮችን ማስፋፋት፣ የስልጠናና የስታፍ ልምድ ልውውጥ ማድረግ፣ የምርምር ትብብር እና የመሳሰሉትን እንደሚያጠቃልል ተገልጿል፡፡
AAU

ተማሪ ነክ መረጃዎችን እንዘግባለን
@NATIONALEXAMSRESULT

የICRC የሐተታ ጽሁፍ አሸናፊዋ

በደምቢ ዶሎ ዩኒቨርሲቲ ተማሪ የሆነችው መዲና ገመቹ የ19ኛው የዓለም ዐቀፉ ቀይ መስቀል ማኅበር የምስራቅ አፍሪካ የሐተታ ጽሁፍ ውድድር አሸናፊ ሆናለች።

የ5ኛ ዓመት የሕግ ተማሪ የሆነችው መዲና፤ ያቀረበችው የሐተታ ጽሁፍ/Essay "ዓለም ዐቀፍ የሰብአዊነት ሕጎችን መንግስታዊ ባልሆኑ የታጠቁ ቡድኖች ላይ ለመተግበር የሚገጥሙ ፈተናዎች" ላይ ያተኮረ መሆኑ ተገልጿል።

ጽሁፏ በሰባት የምስራቅ አፍሪካ ሀገራት ከሚገኙ 30 ዩኒቨርሲቲዎች ከቀረቡ 48 ጽሁፎች በልጦ ማሸነፍ መቻሉን የደምቢ ዶሎ ዩኒቨርሲቲ አሳውቋል።

ተማሪ ነክ መረጃዎችን እንዘግባለን
@NATIONALEXAMSRESULT