አሜሪካ የDV-2025 አመልካቾችን መቀበል ጀመረች።

የአሜሪካ የውጭ ጉዳይ ሚኒስቴር አመታዊውን የዲይቨርሲቲ ቪዛ (#ዲቪ) ፕሮግራም / " ግሪን ካርድ ሎተሪ " በመባል የሚታወቀውን በአሜሪካ ለመኖር እና ለመስራት ለሚፈልጉ አመልካቾች ዛሬ ክፍት አድርጓል።

እንደ ውጭ ጉዳይ ሚኒስቴሩ መግለጫ መርሃ ግብሩ ዛሬ ሩቡዕ ጥቅምት 4 ተጀምሮ ማክሰኞ ህዳር 7 ቀን 2023 ይጠናቀቃል።

አሜሪካ አሁን ባለው ፕሮግራም 55000 ለሚደርሱ የውጭ ዜጎች የግሪን ካርድ እድል ትሰጣለች።

የአሜሪካ ውጭ ጉዳይ ሚኒስቴር ለዲቪ ፕሮግራም ለመመዝገብ / ለማመልከት ምንም አይነት ክፍያ እንደሌለው አሳውቋል።

ነገር ግን ወደፊት ለቃለ መጠይቅ ቀጠሮ የተያዙ ተመራጮች መደበኛ የቪዛ ማመልከቻ ከማቅረባቸው በፊት የቪዛ ማመልከቻ ክፍያ እንዲከፍሉ ይገደዳሉ። እነዚህ ተመራጮች በቆንስላ ኦፊሰር አማካኝነት ለቪዛ ብቁ መሆን አለመሆናቸውን የሚወሰንላቸው ናቸው።

በአጠቃላይ ኢትዮጵያን ጨምሮ ዲቪ ለመሙላት ብቁ ከሆኑ በርካታ ሀገራት 55,000 አመልካቾች በዘፈቀደ በውስጥ ስርዓት ይመረጣሉ።

አስፈላጊ #መመሪያዎችን ፣ መስፈርቶችን እንዲሁም ለማመልከት ይህን ትክክለኛ ድረገፅ ይከተሉ፦ https://dvprogram.state.gov/

አመልካቾች ዲቪ ለማመልከት #ክፍያ_የማያስፈልግ ስለሆነ ከአጨባርባሪዎች እንዲጠነቀቁ የአሜሪካ የውጭ ጉዳይ ሚኒስቴር አሳስቧል።

የተጣሩ ተማሪ ነክ መረጃዎችን ለማግኘት ቻናላችንን ይቀላቀሉን
@NATIONALEXAMSRESULT

Click here for advertisement
@studentsnewsadv35bot

የኦሮሚያ ክልል በ80 ሚሊየን ብር ወጪ በጉራጌ ዞን ያስገነባውን ትምህርት ቤት አስመረቀ
*****
(ኢ ፕ ድ)


የኦሮሚያ ክልል ርዕሰ መስተዳድር አቶ ሽመልስ አብዲሳ በማህበራዊ ትስስር ገጻቸውዛሬ በማዕከላዊ ኢትዮጵያ ክልል በጉራጌ ዞን በእኖር ወረዳ የጉስባጃይ ኢፈ ቦሩ ሁለተኛ ደረጃ ት/ቤት አስመርቀናል ብለዋል።

የጉስባጃይ ኢፋ ቦሩ 2ኛ ደረጃ ትምህርት ቤት ፕሮጀክት መንግስታችን በክልላችን ህዝብና በማዕከላዊ ኢትዮጵያ ክልል ህዝቦች መካከል እውነተኛ ህዝብ ለህዝብ ግኑኙነትና ወንድማማችነትን ለማስፈን ያለውን ቁርጠኝነት የሚያሳይ ነው።

ክልሉ በቅርቡ የተዋቀረ አዲስ ክልል እንደመሆኑ የተለያዩ የልማት ጥያቄዎችን ለመመለስና የህዝብ ተጠቃሚነትን ለማረጋገጥ የክልሉ መንግስት በሚሰራቸው ስራዎች ውስጥ እንደ የክልላችን መንግስት የበኩላችንን ሚና ለመወጣት ዝግጁ መሆናችንን ዳግም ያረጋገጥንበት ነውም ብለዋል።

በዛሬው እለት የተመረቀው ትምህርት ቤት በክልላችን መንግስት ለአጎራባች ክልሎች ተገንብቶ የተከፈተው አራተኛው ትምህርት ቤት ሲሆን በሌሎችም የሀገሪቱ ክልሎች የህዝቦችን ወንድማማችነት እና አንድነት የሚያጎለብቱ ትምህርት ቤቶችን እየገነባን ነው።

በአንድ በኩል የክልላችን መንግስት በአገር አቀፍ ደረጃ እየተሰራ ባለው የትምህርት ተደራሽነት ስራ ውስጥ የራሱን ሚና እየተወጣ መሆኑን የሚያሳይ ሲሆን በሌላ በኩል በክልሎችና ህዝቦች መካከል ግንኙነት በጋራ ልማትና ብልፅግና እንደሚኖረው እናምናለን ሲሉም ገልጸዋል።

የተጣሩ ተማሪ ነክ መረጃዎችን ለማግኘት ቻናላችንን ይቀላቀሉን
@NATIONALEXAMSRESULT

Click here for advertisement
@studentsnewsadv35bot