#نفسـيـــــــاً
#لتعزيز ثقتك بنفسك :-

1. توقف عن مقارنة نفسك بالآخرين :-
فالمقارنة غير صحيّة؛ إذ أُثبِتَ وجود صلةٍ بين الحسد والشعور السلبيّ تجاه النفس..

2. اهتم بجسدك وصحتك: -
قلّة النوم واتباع نظامٍ غذائيّ غير صحيّ، والابتعاد عن ممارسة التمارين الرياضية، سيؤثر سلباً في صحتك، وهذا ما أثبتته مجموعة من الدراسات في العام (2016) عن تعزيز الثقة بالنفس من خلال النشاط الجسدي..

3. التعاطف الذاتي :-
وذلك بأن تعامل نفسك بلطف عندما تخطئ، أو تفشل، أو تصاب بانتكاسة في أمر شخصي ما..

4. الابتعاد عن الشكِّ الذاتي:-
وذلك بمواجهة المخاوف التي تسبب لك انعدامَ الثقة، كأن تتوقف عن تأجيل التقدم إلى عرض عمل ما إلى أن تحاول اكتساب الثقة الكافية..

5. أداء التجارب السلوكية :-
ففي بعض الأحيان، تراودك أفكارٌ سلبيّة عن نفسك في مهنتك أو حياتك..وإنَّ أفضل طريقةٍ للتعامل معها هي تحدِّيها، وإخبار نفسك بأنها تجربة؛ إذ إنَّ ارتكاب بعض الأخطاء ليس أمراً سيئاً، فأنت ستتعلم منها، وهذا سيُكسبك المزيد من الثقة فيما بعد..💛

#تطويـــر الـــذات

كل مرحلة جديدة تواجهك سيكون الخوف تجاهها شيئا طبيعيا، ثق بأنك قادر على التعامل مع الأحداث في أي مكان تجد نفسك فيه..
التكيف المرن من أسرار النجاح لكل من مر بتجربة صعبة، ستحزن، ستتألم، لكن ستعود مشاعرك للاستقرار من جديد، اسمح لنفسك أن تحزن لفترة، لكن حياتك ليست معلقة بشخص، حياتك أكبر وأجمل من ذلك بكثير، وبها العديد من الفرص السعيدة التي ستمر بها، ثق بالله،
ثق بخير قادم.. إن الصدمات رغم ألمها كفيلة بأن تجعلك تبدأ بداية جديدة في حياتك، وأن تحصل على فرص لإنشاء عادات جديدة ..
وأن تفتح صفحة جديدة، وأن تتخلى عن عادات قديمة، ستجعلك ترى الحياة بطريقة أكثر نضجاً، لا توجد تجربة مؤلمة لا تخلو من فوائد..💙

#تطويـــر الـــذات

‏الحياة ليست صعبة! أنت من تجعلها صعبة من خلال خياراتك :-
-تختار هدف لا يناسب مرحلتك
-تختار البقاء مع اشخاص لا يحترمونك
-تختار التفكير بافكار تنشط فيك مشاعر سلبية
-تختار ان تبقى عالق في مكان/عمل/علاقة مستنزفة وتستسلم بدلًا من ايجاد حل..!

هكذا أنت تختار المعاناة!
غير خياراتك تتغير حياتك..💛

#تطويـــر الـــذات

_كأي شخص ، ستمر بمراحل مختلفة تتغير فيها أفكارك و توجهاتك و طريقة حلك للمشكلات..

_ أحد اكبر المشكلات في نظري هي طريقة تعاطيك للمنعطفات المفاجئة للحياة ، فالحياة فلسفة شبيهه بلعبة الأفعوانية ..
سلسلة من الإرتفاعات و المنخفضات المفاجئة بلا مقدمات أو تحذيرات ..
في كل إرتفاع عليك أن تتشبث جيدا حتى لا يدفعك الزخم بعيدا عن هدفك الحقيقي ثم تتشتت جهودك ..

بالمقابل عليك أن تتماسك إذا كانت الظروف تدفع طموحك للأسفل ، فالهدف الأساسي من الطموح هو صعودك للغاية المرجوه رغم أنف الظروف..

_ تذكر جيدا ، أن لا أحد قادر على مطاردة أحلامك الخاصة .. غيرك!
ولا احد يهتم لكونك في القاع ، سواك!
ارتقي فانت تعني لنفسك الكثير.. 💛

#تطويـــر الـــذات

‏"قم بتوسيع دائرة التقبل"
‏لا يمكنك جعل الحياة تسير بالضبط كما تريد، ولا يمكنك ضمان النتائج التي ترغبها أن تحدث، مسؤوليتك السعي والجهد لا ضمان النتائج!، هناك محاولات ستفشل، وأشخاص سيرفضونك، وأمور لن تتحقق، كل ذلك طبيعي، تقبل وامضِ قدما للأمام، عش حياتك بواقعية..💛
‏

#نفسـيـــــــاً

ماذا أفعل ؟
لا أعرف كيف أعبر عما بداخلي ؟

إن لم تستطع التعبير عما بداخلك للأشخاص ،
فيُمكنك الاستعانة بالكتابة والتعبير عما بداخلك من خلالها ، ثُم اقرأ ما كتبته بصوت مسموع وسوف تبدأ بالتدرّب على التعبير عما بداخلك..💛

‏قاعدة الـ 15 دقيقة لـ Samuel Smiles

1️⃣ إذا قضيت يومياً 15 دقيقة في تحسين ذاتك وتطويرها فإنك في نهاية العام سوف ترى التغيير الملحوظ في نفسك.

2️⃣ لو تقلل يومياً 15 دقيقة من تضييع الوقت في أمور لا فائده منها، سوف تحقق نجاحاً، خلال السنوات القادمة.
‏3️⃣ لو خصصت يومياً 15 دقيقة لتعلم لغة جديدة فهو أفضل من الذهاب إلى دورات اللغة مرة في الأسبوع.

4️⃣ لو تخصص يومياً 15 دقيقة للمشي السريع سوف تجد نتيجة أفضل من ذهابك إلى النادي يومان في الأسبوع.
‏5️⃣ لو خصصت يومياً 15 دقيقة للقراءة المحفزة التي تثير القشرة الرمادية للمخ، فسوف تحصل على تطورات كبيرة في الفهم.

6️⃣ لو خصصت يومياً 15 دقيقة للكتابة، فإنه سيكون باستطاعتك أن تكتب مقالاً كل يومين أو ثلاثة، وستحصل في نهاية العام على كتاب من تأليفك.

#مقتطفات
يعني شنو احنا صحبات ؟ يعني شنو نحصل مرحلة -لو لقانا اي زول ف الشارع يقول علينا اخوات !
الصحبة م بس انا صحبتك وانتي صحبتي ! الصحبة حاجه اكبر واعظم من كدهه ! مسمى عميق جدا ♥️
صحبتي يعني اختي يعني سندي يعني عكاز عماي ،، يعني البتدسني من العالم ،، البتشيلني في عيونها ،، البتلم اسمي معاها ف دعاها ♥️
صحبتي يعني لو كل الناس موجوده وهي ماف ؟ انا ماف 💔
امها امي وابوها ابوي ،، حتى اخوانا اخواني ،، ♥️ الصحبه اهل ،، الصحبة ما بس انك تضمنيني بحبك شديد وتفتري علي ،، او م تكلميني يومي او م تحكي لي عن اخبارك ، او توريني الحصل معاك شنو !
الصحبه يعني تفطي الناس كلها عشان توصلي لي ،، عشان اي شي بتتمنيه لنفسك بتتمنيه لي معاك ♥️
وما بس كده ! تحسي بي ! تفهميني تعذريني ،، تخليكي معاي ولو قلت ليك امشي ! تنصحيني مدام حاجة ف مصلحتي ،، ♥️
تكوني لي ام واخت وصحبة ! احتاج ليك القاك ! الصحبة مسؤولية ليها حقوق كتيرة علينا ! ♥️
الصحبه يعني تفرحي لي قبل اي زول ! القاك في المرة قبل الحلوة !
كلمة صحبتي المفضلة م كلمه والسلام قبل م تقوليها شوفي نفسك ،، هتحبي هتتحملي ه تسندي ؟
واكيد م هتلاقي مني الا غير كدهه واكتر !♥️

#لين_نزار

#مقتطفات
-من ترك شيئا لله عوضه الله خيرا ،،

~قالتها ليه وهي مكسورة ومشت في طريقها 😭

~هو وقتها مافهم انو معنى كلامها لو خلوا علاقتهم بيد ربنا حيسعدهم ويعوضهم ،، كل الكان فاهموا انها اتخلت عنه ،، وانو م حبتو 💔 وانها لعبت عليه ولمن زهجت قالت جملتها دي 💔

~هي كانت بتدعي ربنا بظهر الغيب انو يعوضها خير فعلاا وانو يجمعها بيه ،، كانت دعواتا كلها ليه ،، كانت بتقيم الليل عشانه ،، بتطيل السجود عشان تدعي ليه وعشان ربنا يقربهم من بعض ،، بين الاذان والاقامة ،، دعوة الصائم عند الافطار ،، كانت ملحه شديد وأملها ويقينها كلو معلق ف ربنا ♥️

~هو بعدها اتكسر شديد وقرر يخلي باله في شغله وبس ،، وبي دعواتها حياتو اتسهلت وشغله بقى ماشي احسن كون نفسه بنفسه 💕 كان لمن يقعد براه وقت النوم بيحاول يكرها ،، بس قلبو م بطاوعو وربنا بلهمو انو لسه في امل ،،

~طالت السنين ،، قدر م يتقدم ليها زول ترفض ،، المهندس والدكتور والقاضي والمغترب ،، ابوها كان مضايق شديد والعمر ماشي ،،

~يوم ربنا ألهمو انو يمشي حيهم ويطمن لو لسه هي قاعده ولا اتزوجت ،، وشغال ف نفسو -لو لسة قاعده منتظراني ولو اتزوجت معناها كلامي الزمان صاح ،،
وصل مع اذان المغرب ،، صلى مع ناس الحي ابوها كان الامام 💜 اتمنى ربنا يوفقو وانو هي تكون لسه م اتزوجت ،، لمن جا ماشي سمع واحد راجل كبير بتكلم مع الامام قاليه اها لسه مفكر تسوقني اقنع بتك انو توافق على العرسان! هو من غير م يشعر اتلفت على الامام لقاهو فعلا دا ابوها المابغباهو كانت دائما بتنزل صورو ♥️

~اما هي كعادتها بتصلي المغرب وبتقعد تتلي القرآن عشان تدعي ليه ♥️ اليوم داك قلبها قاليها م تقري قومي اعملي شاي بلبن وقعده ظريفة عشان تعتذر من ابوها عشان عارفاه مضايق بسبب رفضها ،، وقالت يمكن خيري في غيرو استنيت وماحصل شي قالت ابوي اي زول يقولو الليله هي بتوافق عليه ♥️

~هو ماكذب جرا على ابوها وقاليه عم حسن ؟ قاليه اي ،، بس م عرفتك ي ولدي هو عيونو كانت بتلمع ,, قاليه انا م عارف اقوليك مقدمات شنو او ابدا الكلام كيف ،، بس ياعمي لي مراد واحد عندك بس بتك لين ! على عيني وراسي !
عم حسن من بين الشباب الاتقدمو لبتو ديل كلهم ،، اول مرة كان يرتاح لي واحد فيهم ،، ابتسم ليه وربت على كتفو قاليه ي ولدي والله لله والرسول لو علي انا موافق ،، ارح معاي البيت ،، البت أكان وافقت طوالي اقول الف مبروك ! قام صاحب عم حسن قاليه ليها قريب خمسه سنة البت اي زول يتقدم ترفض غايتو من شكلك هدي ورضي بنتمنى انها تقول خير !

~لين كانت قاعده على احر من جمر في الحوش مستنيه ابوها ،، عشان تفتح ليه وتطيب خاطرو ! فعلا الباب دقا لبست طرحتها وجرت فتحت الباب سلمت عليه ،، ابوها قاليها معاي عمك حسب الله وضيف ،، جا داخل عم حسب الله وسلم عليها ،، بعديهو جا المابغباها💔 ياهو زاتو احمد ،، قاليها سلام عليكم ! ردت السلام ونزلت راسها ومن فرحتها عيونها ضحكت !💜
قعدو كلهم ،، وجات امها واختها الصغيرة ! وبقوا قاعدين وهو حكى عن نفسو وشغله ! بعدين قال لعم حسن !
زمان عرفت وحده وحبيتها شديد شديييييييد كنت لسه شافع م عندي شغل يذكر ! كانت خلوقة شديد ،، قالت لي الحب لو م دقو ليهو الباب م اسمو حب ! وقتها قلت ليها انا زول باخد مصروفي لليله من ابوي اتقدم كيف ! ساعتها قالت لي ،، كون نفسك وادعي ربك انو اكون من نصيبك هسي خليني ،، قمت استهترت بكلامها لكن هي قامت وقالت لي من ترك شيئا لله عوضه الله خيرا ،، انا كنت فاهم غلط وافتكرتها خلتني وم عايزاني بس م قدرت انساها ،، كنت احمد العاطل اللي اي زول بهزئو ،،
والليله بعد خمسة سنة انا الباش مهندس احمد البقى راجل وعندو القروش ،، والبقا يعرف ربنا ،، واللقى البت البحبها ،، وفعلا ربنا عوضني بعد كلامك داك كل الخير ♥️ طبعا ابوها كده ي داب فهم حكاية الرفض دي ،، لين ابتسمت ،، ابوها قاليها رفعتي راسي والله بسببك زول حياتو اتغيرت ♥️


عوض ربنا جميل بدل يعوضنا بحاجه واحده ،، لا ! بعوضنا باي حاجه حتى لو متمنيناها ! عرفوا ربنا وحرموا العلاقات الممكن تغضب ربنا منهم ،، والليلةة حياتهم بقت احلى بسبب العوض دا💜
ربنا لما بيعوض زول مابيعوضو غير الخير ،، كتار قد يكونو بعرفوها "من ترك شيئا لله عوضه الله خيرا"
تترك الغلط عشان ربنا ،، تترك علاقه محرمه عشان ربنا ،، اي شي تتركه وتحتسب الاجر من ربنا ،، كده فعلا اخدت الاجر واخدت العوض ♥️
ربنا يعوضنا دايما يارب العوض السمح♥️😉

#لين_نزار

#مقتطفات

(المكالمه الخامسه وهي تفصل فيه الخط ....💔
يرسل ليها : ما تقلقيني اكتر من كدا ارفعي المكالمه ..
ما ترد على مكالماتو.. 💔💔)

اتصل تاني رفعت وبزهج قالت : ياااخ انت ما بتفهم ولا شنو ...اعيد ليك كم مره يعني ...💔

ما تتصل علي تاني في الرقم دا ... اقول ليك حاجه انا ما حبيتك نهائي ..كنت بقشك وبلعب بيك ياااخ 💔💔

...ارحمني ياخ من زن زن زن. ..💔

(كان سامعها وهي بتكورك فيه وتتكلم بس ما اتكلم وقال حاجه لحدي ما فصلت في وشو الخط ....💔

تاااني رجع ليها ...ما ردت ...المكالمه التانيه رفضت المكالمه ...💔💔)

المكالمه البعديها رفعت ليه وقال : ياااخ انت ما عندك كراامه نهائي ...بعد كلامي ليك دا كلو 💔

يا زول قلت ليك بالوااضح انا ماا دايراك افهم بالله ياخ....💔

كوركت فيه وهاجت لحدي ما هدت حبه وقالت : انت مالك مصر تتصل علي بعد كل كلامي الجارح ليك ؟ 💔

من غير سبب وفجأه قلت ليك ما تتصل علي تاني ووريتك اني ما عايزاك وما بحبك، لا كمان استغليت حكايه اني بحبك بس ما اكتر عشان اكسب وراك ..💔
ليييه مصر ..ما مجبور علي 💔

لحظتها اتكلم وقال : انا مجبووور عليك لاني حبيتك ....💔
عارفك من زماان انك ما حبيتيني وبتستغلي فيني .💔
وعشان انا حبيتك ما بقدر اخليك مضايقه وزعلانه ...💔
عارفك لمن تكوني زعلانه وزهجانه تفضفض بالكلام والكواريك ....عشان كدا كنت برجع اتصل عليك لحدي ما هديتي ...💔

صدقيني كرامتي كلها من البدايه انتهت لمن حبيتك بالرغم من اني عارفك بتغشيني ..💔
بس ما قدرت ابعدك ...لمن فكرت وقررت ابعدك احس نفسي عايز اموت فافضل اني اعيش على امل تحبيني يوم 💔💔

عارف انك بتشوفيني اني كذاب او بمثل دراما فلم هندي ..💔

بس. يعلم الله ويشهد اني وصلت لمرحله اكتر من الحب ذاتو ..💔

وجر نفس طويييل وقال ليها : عشان انتي فترتي مني انا حابعد ان شاء الله ورجع نفس 💔
وتاني قال بس خليك عارفه دايما وابدا اني بحبك اكتر من روحي ...
💔بحبك ...وقغل الخط ..💔

(اتأثرت بكلامو ...وحست بذنب عمييق ...💔
قعدت اسبوع من غير ما يتصل عليها. ..ودا خلى احساسها بالذنب يزيد اكتر واكتر .. 💔

في الاخير قررت تتصل ليه وتعتزر ...ولو حب يرجعو لبعض ويديها فرصه تانيه عشان تصلح اغلاطها 💔.)

اتصلت عليه المكالمه الاولي ما في رد.
والتانيه ما في رد ...
التالته ...
اتكلمت بحماس الووو ..
رد ليها زول غريب ...
قالت : انت منو ...؟
لو سمحت اديني صاحب التلفون ضروري ..
قال ليها : انا اخو صاحب التلفون ...لي اسبوع مستني اتصالك .

قالت : كيف يعني مستني اتصالي؟
...اديني صااحب التلفون قلت ليك

قال ليها : صاحب التلفون اتوفى.. 💔💔💔

اتصدمت جدا وما عرفت تقول شنو .ما عرفت تبكي او تسكت ...تصرخ او تقفل الخط 💔💔💔

قال ليها : اخوي اكتشفو عندو ورم وقبل ما يدخل العمليه اصر انو يتصل عليك ويوريك بمرضو عشان علي الاقل تدعي ليه، بس انتي عملتي شنو؟ غير اهنتيه وزليتيه عشان حباك 💔

...بس ما وراك ما عارف لي كنتي بتفصلي في وشو ...حاولت اوقفو بس اصر جدا ...💔
في الاخير قال ليك عشان انتي فترتي مني انا ببعد ان شاء الله ...💔💔

وفعلا بعد وخلى ليك الدنيا كلها ...💔💔

يلا شوفي ليك زول تاني تستغلي حبو ليك لمصلحتك وتلعبي بمشاعو زي اخوي ...💔💔

انتي الاخوي الله يرحمو حبااك من جوا قلبو وفضلك علي نفسو ..💔💔

اتغير صوتو للحزن وهو يقول بس انتي الخزلتيه..وخليتي دموعو تجري قبل ما يدخل العمليه ويموت فيها. 💔💔

في الاخير قال وهو يبكي ما اقدر اقول فيك حاجه لاني وعتدتو ما ادعي عليك او اقول في حقك كلمه شينه بس حراام عليكي في العملتي في اخوي ...💔💔💔💔

وقفل في وشها الخط وخلاها وسط دموعها والندم الاكل ضميرها وقلبها اكل ..💔💔💔💔

#كسره

كونك تلعب بمشاعر زول تاني عارفو انو صادق في حبو ...ذنب كبييير ما يغتفر 💔💔

يكون بيديك الامان وانت بجاي تكذب 💔💔
..يكون باني مستقبلو وشايف نفسو معاك وانت ولا هاميك ...💔💔

من البدايه ما حبيتو بالله ما تكذب وتقول ليه وانا كمان بحبك زي ما انت بتحبني 💔.

خليك صادق ...المشاعر ما لعبه تلعب بيها ..💔

لمن تقول وانا كمان تاني خلاص ما بترجع ....وتندم طول عمرك لو اتأثر البحبك دا بسببك وبسبب كذبك 💔.

بالله ما تخزل بكذبك قلب حباك من قلبو وفضلك علي نفسو 💔.😔
♥♥♥

#مقتطفات
..انتي قلتي ليه م موافقة؟
..اي قلت ليه ..
..لين انتي عبيطة 😑 في زول بيضيع القمر من يدو؟
.. وشن فايدة القمر ما دام م طلبني نهارا جهارا وجانيز بالليل ؟
..لانو ي غبية القمر بظهر بليل اصلا ،، عايزة تعملي فيها شاعرة اهو الولد راح وارتحنا ،، دا الرابع على فكره ،، هااآ حاسبة ليك انا ؟
..رؤى انتي عايزاني افتح قلبي لواحد ف الضلام ؟
..ضلام شنو ي منقة 🌚💔مافي ضلام غيرك غلطانين هم الببنواحياتهم عليك !
..ماضاع شي انا واضحه معاهم العايزني باب ابوي فاتح ،، اما حركات بنات الشوارع والحب دا م بخش راسي ،، انا عايزة حبي ليه يكون مقيد بالحلال ،، عشان اجي اقيف جمب اخوي واقوليه اتصل لي عليه ماعندي رصيد ،،😭ولمن اجي ازورهم واقوليهم يحليلو المسكين خليتو براه انا ماشة ليه !! وكلهم يشاغلوني بيه😑👐

قطع كلامهم اخوها الكبير ،، جا داخل عليهم وجرا لين من يدها ،،
لين : نزار في شنو؟
نزار: اظن انتي المفروض كنتي تحكي لي ف شنو؟
رؤى: نزار كنا حنحكي ليك ..!
لين: انا م عملت اي غلط على فكره وزح يدك مني لانها وجعتني ..
نزار فكاها وبقى قصادها بعدين حضنها 💜💜
ماعارف طعم البيت من غيرك حيكون كيف 🔐💜
رؤى ولين :😶😳
نزار : احمد حرفييننن طلع راجل😉💜 البسي عبايتك وتعالي سلمي عليه هو وابوهه ..
لين نططت من الفرح وحضنت رؤى ،، عملا ي رؤى احمد اتقدم لي 😭😭💜💜💜💜💜💜
بالجد الف الحمدلله ،، احساسي كان حقيقي لمن حسيت انو شريك حياتي 💜😭
لين مشت سلمت على احمد وابوه ،، ابوها سلم عليها وقاليها ،، كالعادة الشينة م بتجي منك ،، رفعتي راسي ,, احمد حكا لي انو لاقاك وقاليك نرتبط وانتي رفضتي عشاني وعشان اخوانك واديتيه درس ف الاخلاق😉💜 ربنا يتم ليكم على خير ،، رؤى سالتو بس ي بابا م قلت ليها انتي موافقة؟؟ لين ضحكت ،، ابوها قاليها غايتو انا موافق تاني انتي واختك مخيرات😂😂😂💔

#كسرة :
لو حبيتها وحسيت انها نصك التاني ،، عمرك م تتردد انك تتقدم ليها ولو بالبسيطة وم دام هي بتحبك اتوكل على ربنا بس 💜👐ومتخاف من اهلها ،،اغلبية الاباء همهم سعاده بناتهم ،، وبعدين البت زاتا لو حبتك محل تمشي هي معاك سندك وضهرك وعكازززك💗 اختاروو صاح ،، اختاروا البشبهكم ف الروح لانو المشوار طويل 💜

.. لا طبعا يا احمد م بصدق ؟ اتعرفت على وحده ف النت وفجأة قررت انك حبيتا؟
..ياخالد انت م فاهم حاجة ياخ هي بتقرب لي ناس نزار صاحبنا انا شفتها قبل فترة ويعني بس م ركزت مع الموضوع ! بس لمن اتكلمت معاها و عرفتها بالجد لقيت نفسي منجذب ليها شديد !!
.. لا على كده انت جنيت ،، عايز تبني حياتك مع وحده كذبت عليك ؟
..أنت ليه معقد الموضوع بعدين الكذب ف حالات كتيرة مباح ،، وانا مبسوط انها كذبت عشان بسبب الكذبة دي انا اتعرفت عليها وهي كانت بتتكلم معاي بأريحيه شديدة ..

احمد سرح بعداك واصل .. ياخ انت م بتتخيل انو هي ممكن تكون امنية لي الف زول ،، فيها مواصفات تهبل ! طيبة ورقيقه ومرات مجنونة والاهم من كده عاقلة بتقدر تبسط ليك الصعب لي حاجة م بتتصورا ،، انا م عارف حبيت فيها شنو بالضبط ،، الغريبة لمن اعترفت لي انا م كنت مضايق نهائي زي م هي كانت بتفتكر ،، انا بالجد كنت متمني انها تكون هي💜🔐 يعن..

خالد قاطعو .. طيب لنفترض حبيتا ؟ اهلا حيوافقوا؟ هي حتوافق بيك؟ دي بت عز !! واحنا م زيهم ولابنشبهم !! انا شايف إنك تعبر علا بت جيرانا لانو شباشبها اتقطعت من كتر جريها وراك ،، دي البتحبك فعلا غير كده كلام جرايد ،، وانا م مقتنع بكلامك دا ،، ماشي للحجة اشرب معاها قهوة ماشي معانا ولا لا؟
احمد م اتردد ف الرد وطوالي حكى ليو لا ..

..احمد حام بخيالو وتفكيرو هل حترفضني ؟ هل اتقدم ليها؟ ولا احتفظ بكرامتي ؟؟ طيب كرامة شنو بعد حبيتا؟ الحل شنو؟ هي قطعت علاقتا بي 😑 ااخ اتشربكت فيها شديد ،،😑

احمد واصل حياتو ،، بس زي الاول ؟ لا ؟ احمد حياتو اتغيرت ومتردد شديد انو يصل ليها ! وماقادر يرسل ليها تاني ! لانها قالت ليه انها م عايزة تخسر ثقة اخوانها فيها ولا عايزاه يخسر صحبة اخوانا ليه 💜🚶
لحدي م يؤم زي الساعه 12 ونص بليل رسلت ليه وهو كان نعسان جدا اول م شاف رسالتا صحصح 😍 وسلم عليها بس للاسف صدمتو !! طبعا عشان انت صحبي حبيت اقوليك انو الخميس خطوبتي ! ولازم تجي 🚶💜 كان مصدوم شديد وغلبه يرد عليها ،، رسلت ليه تاني ،، ولا م حتجي ي احمد؟ قاليها الف مبروك ليك كيف م اجي. ،، قفل قبل م يشوف باقي الكلام ،، قفل باب غرفته وحس انو ضعيف ونفسو يبكي لولا انو ربنا مسح على قلبه وطبطب عليه في الليلة ديك ،،

صحى الصباح جهز لشغله ومشى على الحوش لقى اهله قاعدين بيشربوا ف الشاي سلم عليهم ،، قاليه يقعد يشرب رفض بحجة انو اتأخر ،، وهو مارق ابوه قاليه ،، بس العريس لازم يشرب اللبن قالو كويس للصحة !! احمد اتلفت عليه وبكل حزن ،، قاليه عارفك نفسك تفرح بي ،، وعارف زنك على اني اعرس علا بس انا علا م حقدر اسعدها وم عايز اظلمها ،، خالد ضحك ،، قاليه هسي هو قال اسم علا؟ احمد رد ،، هو عندكم غيرها؟ ابوه قاليه ظلمتني انا كنت قاصد لين بت اهل اصحابك 😂😂😂🚶 احمد نطط عيونه وجا بسرعة قعد ف الارض قصاد ابوه ،، قاليه لين ي حاج؟ انت متأكد ؟
رد عليه ،، اي لمن شفت حالتك اتغيرت للدرجة دي عرفت انو المبرووكة دي الحتقدر تسعدك ،، وسعادتك بتهمني ! ابتسم شديد بعدين قال ،، طب هي ؟ يعني اهلها وافقوا ؟ انتو لقيتوهم وين؟ خالد قاليه مشينا لابوها وطلع متفهم شديد وقال أنت زول ماشاءالله وهو عايز لبتو ود الحلال اليسعدها ويصونها ويحافظ ليو على سعادتا ،، احمد ضحك من اعماق قلبه ابوه قاطعه ،، بس خلي بالك ابوها قال لو زعلتها تشيل شيلتك ،، قاليه بتو اشيلا ف عيوني وم براهو البحبها ،، انا البزعلها زاتو بقتله حتى لو بقيت انا ،، 💗 بعدين إستجمع ليلة امس وكلامها بسرعه فتح المسنجر وقرا باقي الرسايل ولقى فيهم انو اكيد مافي عريس م بيحضر خطوبتو وضحك على سذاجته واخر كلمه رسلتها ليه ،، حركاتك م خليتا لازم تمشي وتخليني اتكلم براي ومعاها ضحكه هههههه ،،
رسل ليها ،، من الليلة انتي حبيبتي وحقتي 💓 والبزعلك بزعلو والبشاكلك بشاكلو ،، والبسألك م برحموو ،، اتفاجأ انها اونلاين ،، ردت ليه والبمشي يخليني وانا بتكلم ،، قاليها تاني م يحتاج لانو حتكوني قاعده جمبو ومعاهه حتى لو فكر يشرد م حيلقى طريقة والف مبروك لينا 😍💜💜
-خليك حليوة يوم اخطفك 💓 يوم اقدر اسوقك من اهلك وناس حلتك 💓 تبقي ليا وابقى ليك 💓 كل حاجة في دنيتك 💓 ما تزعلي ما تشتكي غلطان البنزل دمعتك 💓 خليني ملجأ خليني ليك وطنك امانك وحتتك💓

#لين_نزار

#مقتطفات
ككل مرة كانت تضحك فيها ،، وكنت أنا كعادتي الزمُ الصمت وأُراقب لمع عينيها ،، وبروز أسنانها ،، كانت فاتنة للحد الذي جعلني اصوغ شعر غزلٍ من خمسة بيوت وانا لست بشاعر..
في اخر مرة عندما كنتُ احكي موقفاً مُحرجا حدث معي اثناء العمل ،،ضحكت هي كما تفعل دائما ساخرة على مابدر مني ،، كانت هذه الضحكة على غير المعتاد 💜
شعرتُ بوخذة في قلبي تقودُ عيناي الى التأملِ أكثر ،، لم تكن تلك هي المرة الاولى التي أراها تضحك ،، ولكن لم ادرِ ما حدث حينها ،، شعرتُ بأن قلبي يجرني على غير مهل إليها ،،ف الواقع الى بيتها لأخذها الى بيت قلبي 💜
أنهيتُ ضحكتها قائلا "كُفِّي عن العبث بقلبي " فأتاني ردها " بربك كُف انت عن سرد مواقفك المضحكة والمحرجة انا لا استطيع كتم ضحكتي " 🙈
وقتها لم افهم ماهو شعوري كانت دقات قلبي تزيدُ بطريقة تؤذيني ،، بعدها اخذتها الى منزلها ،، عندما ارادت النزول ،،
اوقفتها قائلا " لين ،، 💜 تعلمين جيدا انني اعاني من اعاقة في وصف مشاعري ،، لكنني حقا اشعر بأنني مجرور من قلبي الى بيتكم ! هلّا اخذتي لي موعدا ً عند والدك ظهيرة غد؟" تسمرت هي مكانها وأنا من خرّ ضاحكاً " ها مارأيك؟ كنتِ دائما ما تطلبين مني أن آخذكٍ بعيدا أغيرتي رأيكِ ام ماذا ؟"
ضحكت أكثر وتأملتها انا ،، " عزيزي أحمد 💜 والدي يعلم عنك مالم تعلمه انت عن نفسك !! غدا بعد الظهيرة سيكون بانتظارك لتخطف منه ثمرة حبه وعالمه الصغير " بادرتها قائلاً " أخشى الا يسمح لي بخطف وحيدته ،، بدأت اخاف من الامتحان 😂"
قالت لي "سأكون موجودة حينها كلما شعرت بالخوف انظر الى عيني سأحاول أن ابدد خوفك"
ابتسمت ثم قلت " ستزيديني ارتباكاً🚶😂"
تمايلت بخطواتها متجهة نحو بابها " تماسك ف الحصول علي لابد أن يكون مربك وصعب "
نظرتُ امامي واخبرتُ نفسي " حقا الحصول على عينيها امرُ صعب ،، لا ادري كيف كنت اصمد امام تلك النظرات والضحكات القاتلةة ،، هيا يا احمد لقد قتلك حبها ،، الاستعداد لمقابلة والدها امر صعب ايضا " 💓

#لين_نزار

#علم_نفس
دي شوية أفكار للخروج من الـ Mood الكئيب 🌸💛

* اعملي يوم في الأسبوع ثابت ماتلزمي نفسك فيهو بأي واجبات تاخديه كله free أو ع الأقل معظمو من اي التزامات عيشي لنفسك ولطاعة ربنا وبس 💚

* في اليوم ده انتي ممكن تتفقي مع صديقه ليكي او اي احد تحبي تطلعي معاه من أهلك وتنسقوا طلعه لمكان تحبوه تغيروا فيه جو وتنسوا أي حاجة مسببة ليكم stress طول الأسبوع 💙

*حددي يومياً وقت تختلي بيه مع نفسك وبس ، اعملي حاجة بتحبيها في هدوء ، ارسمي ، اقرأي ، اكتبي يومياتك او اي حاجة تحبيها بس اعمليها بمزاج 💙

*لو بتحبي مشروب معين او أكله معينه جيبيها لنفسك بعد تعب يوم طويل او ارهاق اسبوع كامل واستمتعي بالحاجة كمكافأة ليك على قدر ما تقدري 💙

*انزلي اتمشي شوية ووركبي الهاند فري وشغلي قارئ يكون بيحرك قلبك كده وليكن المنشاوي وافصلي عن الدنيا كلها وعيشي مع ربنا وبس 💙

*بعد صلاة الفجر مباشرة الجو بيكون رهيب اختاري يوم اجازة ليكي واقيفي في بلكونتك او شباكك مع كوباية شاي بلبن او نسكافيه او فنجان قهوة تكوني انتي اللي عاملاهو لنفسك وتقيفي تتمزجي وانتي بتشربيهو علي نسمات الهوآ في الوقت ده 💙

* أدخلي السرور علي قلب مسلم ، انزلي من بيتك الصباح وانتي ناوية انك تفرحي كل اللي يقابلك ، اشترى حاجات حلوة ووزعيها علي الأطفال في الطريق ، ساعدي شخص محتاج ابتسمي في وشوش الناس وشوفي هتفرحي قدر شنو💙

* احيانا كتير بنكون محتاجين خلوة مع النفس نعيد فيها ترتيب اوراقنا ونلملم فيها روحنا وبالفعل بعدها بنبقي أحسن ، ف مافيها حاجة لو اختليتي بنفسك يوم ولا حاجة وقعدتي مع نفسك تحاسبيها وتكلميها وتعرفي مالها وتقربيها من ربنا 💙

* اسمعي افلام كارتون، وحاولي تطلعي بدروس مستفادة من الفيلم وتعيشي أحداثه كإنك لسه طفلة 💙

*حملي كتاب PDF مفيد او رواية هادفة واقرأيها في مكان هادئ وعيشي مع احداثها بحيث تطير اي فكرة معلقة في دماغك 💙

* قومي اتوضي وصلي ركعتين واستغفري شوية وافتحي مصحفك واقرأي وكل ما تجي ايه تلمس قلبك اكتبيها في مذكرتك عشان ترجعيلها وقت ما الدنيا تقفل معاكي 💙

* اشتري اقلام وكتب و notebooks و ورد وفيونكات وبلالين وساعات وخواتم وتِوَك ، انتي لسه بتفرحي بالحاجات الجديدة علي فكرة 💙

#Reema_Abbase

#مقتطفات
قالت ليها :
ليه انتي بتحبيه؟!
لانو هو شخص م بتوصف مهما حاولت اتكلم عنو م بقدر اوفيهو حقو والله
بس هحاول
لانو شخص لطيف وكيوت وبحبني من كل أعماقو ودا واضح من تصرفاتو ولمعه عيونو وهو بتكلم عني واكبر دليل ع حبو لي انو أتقدم لي وبابا وافق
وقريبا حفل زفافنا..
هو شخص متفهم جدا ومثقففف وبكتب روايات زييي ،وبكتب خواطر وقصص (مثلي تماما)بنتشابه في كثير من الصفات والأشياء.. بجد م بقدر اوصف ليكم مدى حبي ليه.. ☹️💙
ودائما بكتب عنييي (ي حياتي انا بعششققككك) 💜
وهو شخص ناجح في حياتو الاجتماعيه وكل شي وحقق كل احلامو وطموحاتو و24 ساعه بنتكلم مع بعض وبنطلع طلعات حلوهه بجد هو العوض لكل ألم في حياتي بشكر ربنا ع نصفي الآخر وحب حياتي وان شاءالله هنكمل مع بعض للأبد.. 🖤 ✨

جانب آخر:-
ليه حبيتها؟! في غيرها أجمل وأفضل؟!
هو: انتو بتشوفوها بعيونكم وبتهتمو بالشكل الخارجي، اما انا فبشوفها بقلبي وم بهمني شكلها الخارجي لأنو روحها طيبه وحلوهه شديد ف الروح لما تكون جميله الملامح والشكل بضيئ ذاتيا.. بعدين م في اجمل وافضل منها في الكوون وهضل معاها للأبد وخطوبتنا تمت وقريبا حفل زفافنا..
هوصف ليكم مكانتها في قلبي، هي كالملاك في تصرفاتها وعفويتها، احتلت وتربعت ع عرش قلبي، ااخ من ضحكتها وابتسامتها دمااار، بتمنى م في شخص يشوفها بالطريقه الانا بشوفها بيها لأني بغير عليها.. بتمنى اني اقدر اسعدها واحقق ليها كل أحلامها ونكون سند بعض لأخر رمق في حياتنا.. واكيد م هيجي اليوم الهنفترق فيه لأني حبيتها وهي الأولى والأخيرة في حياتي كلها، بالرغم من اني ارتبطت كتير ولعبت ببنات وكسرتهم بس هي مختلفه تماما، هي الغيرتني للأفضل، هي بلسم ودواء لجروحي وآلامي.. كل سعادتي تجتمع بحضورها وبرؤيه الابتسامه على فيها.. بسببها انا اتغيرت، بسببها انا أصبحت انسان مختلف تماما، بسببها انا جربت طعم السعاده والفرح..
هي العلمتني معنى الحب والاهتمام، انا كنت شخص مهمل وم جادي في حياتي نهائيا، ومعتوه وكل وقتي محصور في لعبي ببنات الناس وكنت م مقدس العائله، والعائله بالنسبه لي ممله وحاجه سيئه وطول اليوم خارج البيت.. برجع متأخر انوم واطلع اكمل نفس الستوري، حياتي كانت سيناريو ممل للغايه وكنت في حاله اكتئاب وحزن وتفكيره ع الدوام..
بس بعد هي دخلت حياتي اتغيرت تماما، تغير 360 درجه
حررررفيا..
أصبحت شخص مهم ومهتم ومسؤول، شخص اجتماعي، جادي ولي بصمه وطابع مميز في حياتي وحياه الآخرين.. وبطلت كسل ،وأصبحت بيزنس مان وجنتل، وحياتي امتلأت بالسعاده والحيوية والحب.. يعني انا مهما حاولت اوصفها أو احاول اقول جزء بسيط مهقدر اوفيها حقها.. هي انسانه رائعه للأبد وبيققق لوووف ليك ي حياتي.. وربنا يوفقك ويوفقني واقدر اسعدك واكون جمبك وسندك للأبد.. وم يبعدك عني ابدا، وهكون معاك طول حياتنا م يفرقني منك إلا الموت..
وبعد مده كان حفل زفافهم وكان يوم تاريخي وجميييل للغايه.. والأجمل من كدا انهم كملو مع بعض.. هم اروع وافضل ثنائى..


# لما تحبو اتمسكو وحبو بصدق وبجدد وبكل مشاعركم بس عمركم م تكسرو بخاطر شخص بليز، كسره النفس مؤلمه وهتتحاسبو عليها..
حبو بإخلاص ومشاعر.. وخليكم زي أبطالنا (ربنا يسعدهم ويجمع كل شخصين بحبو بعض في حلالو) 💜..
الحب م لعبه ولا مزحه، الحب حاجه مهمه وجميييله جييجن (جدا)
الحب بغير الأشخاص، الحب ممكن يغير شخص سئ لشخص مميز ورائع..
لما تحبي حبي راجل، يكون سندك في ضعفك، واخوك وابوك وكل عائلتك دا كلو بجتمع في شخص واحد، إذا حبيتي الشخص الصح..
لما تحب حب بالإخلاص الموضوع م اضاعه وقت وملأ فراغ لا ي مان م كدا، حب البت الصح وحياتك كلها هتبقى جنه، هتعيش سعيد جييجن وهتلقى اهتمام وحب وسعاده بشكل لا يوصف +لما تحب تكون جادي في علاقتك اي تمشي تتقدم ليها وتكملو مع بعض في الحلال، هيكون أجمل شعور.. 💙

المهم في الختام بحب اوصل مسج وعي مهم :-
عيشو حياتكم ببساطه واتناسو كل ألم وحزن وم تشيلو في قلبكم ع شخص، خليكم ناس كيوت و مسامحين وقلوبكم بيضاء كالثلج..
ولما تحبو اجتهدوا واسعو ليه في الحلال ..
اللهم حلالا يشبهه أمانينا.. 💙💙✨


#𝑫𝑶𝑫𝒀 𝑨𝑩𝑼𝑬𝑳𝑮𝑨𝑺𝑰𝑴.. 🍒🖤✨

#مقتطفات
في آخر محطات الزِحام اليومي ،
و التراكُمات الروتينية المُملة وضوضاء الأعمال ..
و المشاوير المرهقة المُستهلِكة ،
و ضجيج الماريين بشوارع المدينة ..
على أرصِفة الطُرق الممتلئة بالأوساخ ،
التي تدُب في روحي الإحباط و الأفكار السلبية ..
بعد الإجتماعات المُتتالية ، و المناقشات التي
تعتلي فيها أصوات المُدراء ..
كوب القهوة البارد ،
ربما برَد من إنتظاري ، كان يرمُقني أُفكر و أُطالع
و أستنتج الحلول للعمل ..
مٌهاتفة أمي اليومية في ساعات متأخرة من اليوم الطويل و سؤالها المُتكرر
" متى العودة للمنزل ! "
و أنا على يقين أن النُعاس سيُغالِب جفنيها ،
قبل عودتي ..
أُدير مِفتاح السيارة بفتور متتالي لا مُتناهي ،
عقلي ما زال تحت تأثير التساؤلات و التفكير
القاتم السواد ..
الطريق للمنزل هاديء و الشوارع خالية ،
من ضجيج العامة و تذمراات الشعب ..
إختفت أصوات المدينة ، و ساد الهدوء العاصمة
قلبي يخفق ببُطء و أشعر بالضياع ،
رهق ، قلق ، خوف ، إرتباك ..
أدخل إلى منزلنا المُعتاد ، بحوائطه زاتها و ألوانها القديمة ، أُسارع الدخول لغرفتي البعيدة حتى لا أُصبح ضيفاً ثقيلاً مُزعجاً !
نعم ضيفاً ، فما أصبح دخولي إليه إلا كضيف
لسويعات النوم فقط لا غير !
أصبح فُندقاً يفتقدني أهله كثيراً و لا يستطيعون فِعل شيء 💔
أُسند رأسي على الوسادة ، و الرأس مليء بالسواد
من يزيله !
الُكل نائم !
لا أحد يفتقدني حقاً ، و لا أحد يُطيق الإنتظار و السهر من أجلي ..
أيخصم أحدهم من صِحته و قوتِه لأجلي !
كُنتي أنتي هناك ❤
تُطالعين هاتفك ، وتغسلين عيناك الناعستين
و تهمهمين في سرك ..
أعاد إلى المنزل أم في الطريق !
كل ليلة تأخرين مواعيد مُهاتفتك عشر دقائق ،
و لا أعلم من أين لك هذا الذكاء !
كيف تحسبين الوقت بدقة ، و كيف تسكنين أفكاري المُشتتة و تخرجين بنتيجة واحدة
سيتأخر عشر دقائق اليوم أيضاً ♡
و ما هي إلا دقائق لا تعلمين كم أنتظرها بشوق،
و كم أستلذ إهتمامك العفوي ، و أنتظره رغم حوجتي السريعة إليكِ ..
أنتظرك لأشعر أنكِ هناك ❤
كُنتي تفكرين بي ، و تنتظريني في الوقت الذي نام الجميع لأجل راحته ..
تعتذرين طائشه كعادتك عن تأخر الوقت ،
أجيبك كالعادة " لا بأس كنت مستيقظ "
أعلم أنها جملة ستستفذ غرورك ، و تسارعين بإنهاء الإتصال لأخطتفك لدنياي مرة أخرى
" إشتقتٌ إليك بشدة "
ترخين حِبالك الصوتية فوراً و تسألين عن حالي ،
دون قول حبيبي أو ما شابه كلام العُشاق ..
تعلمين أن قاموسك الشخصي يروقني جداً ❤
أستشعر فيه إمتيازك عن الغير و طبيعتك اللامتناهية ، و حُبك لذاتِك ..
أتعلمين أن ذاك اليوم المرير ينتهي فقط عند سماع صوتك الُمعاتب المُشتاق ، و التّواق لي !
أنني منذ ساعات الصباح ، أعُد الوقت لساعات المساء
و لو أن بيدي تغيير شوكةِ الساعة ..
ذلك فقط من أجلِ لُقياك ♡
من أجل الشعور العظيم ، أنكِ خاصتيّ ..
شيء لي وحدي فقط ، أمتلكَه بمفرديّ ..
ضحكتِك الساذجة الغبية ،
جنونك المُستمر ، مزاجيتُكِ المتقلبة وسط الحديث ..
غضبك المفاجيء و مُسارعتك لإنهاء التواصل ..
و أنا بيدي أمسك زمام الأمر و أدرك تماماً ،
كيف أُروضُكِ و أجعَل الصمت يحل أجواء المكان ،
لأكسر تحفظك بقول
" غالبت النُعاس الكثير ، من أجل الحِصول على هذا الصوت الجميل "
تحمر وجناتك و تصمتين ،
هنا أبدأ بتخيل ملامح الوجه التي أُحب و أهوى ❤
كيف ستمسكين خُصلات شعرِك الناعم و تداعبيها
و تطقطقين أصابعك ، و ترتجف يداك ..
ثم تضمين نفسك بيديك الصغيريتين ..
هٌنا أشتهي أن أكون جُزءاً يُشبهك ،
لو أن بإمكان روحي أن تكون بهذا اللُطف !
أتمنى في هذه اللحظات لو أنكِ كُنتِ هُنا و لستِ هناك
لو أنكِ تردين خاتميّ بإصبعك اليساري ❤
لو أن لي الحق الآبدي بضمِك ،
لكان عناقيّ أخبرِك أنك نبض هذه الحياة
و أن كل ما يمُر بيديك يُزهِر ..
و أن حنينك الدافيء ، يُلامس روحي الصارِمة
و يُذهب الصمود و التنكُر و الحزم الممتليء بي ..
و أنكِ تأخذين بيديّ من عالم الدُنيا ،
لعالم بعيد ، ممتليء بالحكايات الجميلة ..
...
تتركيني و تغطين في سُباتك الشِتوي العميق❤
و السؤال يدور برأسي
أترى كل الحبيبات يشبهنها !
و يا حظُ الرِجال لو كانت نسائهن لهُن من عبيرها ،
القليل ، القليل فقط يا حظهم ..
أم هو الحب ما يفعل كل هذا الذهول ؟
أم أن دلوعتي خاصتيّ ، وحدها من تستطيع !
تنام هي ، بعدما تركت الدم يضُخ في شرايين القلب من جديد ليستعد لليوم التاليّ ❤..
تروادني فكرة قلق أخيرة ، ماذا لو أنها لم تكن هُناك !
أكُنت سأستمر !
وجودها القليل فقط ، يجعلني أستشعر نِعم الخالق
حين جعل لآدم حواء ، و حين كان الشريك
هو الشخص الُمحبب لقلب الإنسان ❤
من دونها ، حتماً لعم السواد أرجاء الغُرفة ،
و ربما المدينة !
#سندس_مالك

#الغراب_المتهم
بقلم طارق اللبيب
-١-
دخل يوسف التيمي ديار بني عجلان . وكان يركب فرسأ اسودا . وقد علاه الغبار واخذ منه التعب ما أخذ .. وعند دخوله . لازقة الديار ..قابله اولاد صغار يلعبون في الطريق .. فاوقف الفرس وقال لهم .. يا اولاد . اين هو بيت ورقة بن عابد ؟
فقال احد الصبيه . انا ابنه ماذا تريد .؟ فقال ليه يوسف . انا اريد اباك .. قال له انا ابنه .ومن حقي ان اعلم ماذا تريد منه .. فاما ان تخبرني او لن ادلك على بيتنا ..
فقال له يوسف لن اخبرك . وسيدلني على بيتكم احد الصبية الاخرين . فقال له انا القائد هنا. ولن يستطيع احد منهم ان يفعل شيئا ضد ارادتي .
فقال له حسنا حسنا .. انا معي مال .كنت قد اخذت من ابيك دينا .فاريد ان ارجعه اليه ..
فقال له الغلام وكم هو الدين ؟
قال اربعمائة دينار ..
فقال له يظهر عليك اثر السفر والتعب وقد جئت من مكان بعيد .. فقط من اجل اربعمائة دينار ؟؟
فقال له يوسف .. الحق حق مها قل اوكثر..
فقال له ان ابي رجل كريم قوم .. وراس قبيلته .. فان عرف انك اتيت من السفر من اجل هذه الدنانير .. فلن يرضى وسيغضب عليك ؟
فقال له يوسف .. اذا" دلني ماذا افعل ايها الغلام ؟
قال له تعطيني المال وتذهب الى ابي كأنك اتيته في زيارة .. فان سألك عن المال فسأعطيك اياه لترجعه اليه .. فانه بخيل لاخير فيه ..
وان لم يسألك .. تكمل زيارتك وتذهب وانا بعد ذهابك سأعطيه المال .. وبهذا لايغضب عليك لا ترى منه سوء وتكون قد سددت دينك..
فقال له لاعليك خذ هذه الدنانير وافعل مثلما قلت .. فاعطاه صرة فيها دنانير ..
واشار الغلام الى دار في نهاية الطريق .. وقال تلك دارنا ..
فذهب يوسف الى الدار واستطرق قائلا .. ياورقة انا يوسف بن صخر التيمي .
ففتح له الباب .. وقال مرحبا بالكريم بن الكرام .. تفضل بالدخول ..
فادخله واخد بلجام الفرس .. وربطه له في حلقة كانت في الدار ..
قال له لقد جئت لك زيارة محبة وود .. اريد ان أسالك من شئ . هل هذا الغلام الذي يلعب في بداية هذا الطريق مع الصبيان هو ابنك؟
قال له نعم هذا سعيد بن ورقة . قال له هو الذي دلني على الدار ..
فقال له ثم ماذا ؟ قال له لاشي غير هذا ..
قال محال ان يدلك سعد على الدار هكذا بدون ان يكون جرى بينك وبينه امر عظيم
فانه غلام ليس كالغلمان .. وانه باستطاعته ان يلوي اراء الرجال عما يريدون ..
واصر الرجل الضيف ان لايخبر والد العلام بشي مما جرى لانه يريد ان يعرف
هل الغلام امين ام لص ..
اكمل الرجل زيارته وذهب ..
فجاء الغلام الى ابيه وقال يا ابي هل ذهب الرجل الذي جاءك اليوم ؟
قال نعم اكرمناه وذهب في طريقه ..
قال هل كان مستدينا منك شيئا من المال؟
قال له لا لم يكن بيننا شئ من المال انما هو ود قديم وصداقة راسخة ..
قال له يا ابي لقد خدعني الرجل ..
قال له ابوهو كيف ذاك والرجل من اصدق الرجال قولا".. واوفاهم عهدا"
فحكى له ماحصل .. فقال له ابوه .. لقد اخطأت يا بني ..
ما كان لك ان تفعل هذا . كان ينبغي ان تدله على الدار وكفى ..
لان هذا المال الذي اعطاك .. لا نسطيع ان نصرفه .. لانه ليس لنا فيه حق ..
قال الغلام خذه يا ابي وارجعه اليه متى ما قابلته ..
فاخذ ورقة المال وقال لابنه غدأ ان شاء الله سأذهب الى دار يوسف .. واعطيه ماله
وأساله عن ماقال ..
وعند المساء رجع يوسف الى دار ورقة ..
ونزل فسأله ورقة الم ترجع الى بلادك؟ قال لا ذهب لزيارة صديق اخر وجئتك راجعا ..لابيت عندك واسافر غدأ صباحا ..
فقال له ورقة لقد اعطاني ابني مالا .. يقول انك اعطيته اياه وهو ديل لي عليك.
قال له يوسف وقد فعلها الغلام ..
قال نعم ان ابني من اكثر الناس امانة واصدقهم حديثا ..
قال له وانا جئتك من اجل الغلام وليس من اجل المال .. جئت لارى هل ابنك امين فيوفي بما قال .. ام انه سيأحذ المال ويسكت .. ولكن الغلام حقق ظني وسر قلبي ..
فان هذه الدنانير ليست لك ولا لي .. بل هي له .. تقديرا لصدقه وامانته ..
قال له ورقة . سأعطيه اياها ..
وبات معهم ليلته وفي الصباح ودعه وذهب يوسف الى طريقه ..
فلما اصبح الغلام .. قال له ابوه .. ان الضيف الذي كان عندنا البارحة جاء بالليل وانت كنت تغط في نومك .. فقال ان اعطيك المال تقديرا لصدقك وامانتك ..
فقال له يا ابي .. انا لا ابيع صدقي وامانتي .. باربعمائة دينار..
قال له ابوهو ليس بيعا وانما مكافأة ..
فقال له ان الصدق والأمانة لاتكأفؤها اربعمائة دينار ..
قال اذن ماذا؟ قال له فليعطني فرسه وسيفه. أو يزوجني ابنته. وبذلك يكافؤ صدقي وامانتي .. فانهما غاليتان عندي ..
فضحك والده وقال ولكنك صغير على الزواج يابني .. قال له يا ابي الصغير سيكبر والوعود ستبقى .. فليعدني بذلك ..
انا لا اريد اربعمائة درهم ..فيقول الناس ان سعد ابن ورقة اخذ اربعمائة دينار مكأفاة لصدقه وامانته .. فيظن الناس ان الصدق والامانة بهذه الثمن الزهيد ..
متى ماقابلت صديقك يا ابي .. ارجع اليه ماله واخبره برفضي لصفقته ..
الى اللقاء

#الغراب_المتهم
بقلم طارق اللبيب
-٢-
كان سعد بن ورقة . طفلا لايتجاوز الثانية عشر ولكنه بفهم رجل وبصدق الصالحين وامانة الصادقين حقا".. كان يتمتع بروح القيادة والسيادة .. وانه كان في لعبه مع الاطفال يلعب لعبة القائد وجيشه
ويحب المبارزة بالسيوف المصنوعة من جريد النخل ..
مرت الايام ووذهب ورقة الى سوق كبير يسمى سوق (وضرة).. للعلم فقط هذه الاحداث تدور في اليمن جنوب الجزيرة العربية .
وبني عجلان من اشراف اليمن . والى الأن يعيشون في مديرية وضرة . التابعة لمحافظة حجة .
ورقة وكان من فرسان الاشراف وهو والد لأربعة ذكور اصغرهم سعد .
ولكنه كان اكبرهم قدرا وفهما وعلما وذكاء ..
دخل ورقة السوق الكبير وكان يتاجر في العطور والأزياء التي تأتيه من بلاد الشام .. في السوق قابل صديقا له .. وتحادثا .. في امر يوسف التيمي ..
وما جرى بينه وبين سعد بن ورقة ..
فقال له لقد سمعت هذا الكلام من يوسف يتحدث به عن غلام من بني عجلان .. ولكني لم اكن اعلم انه ابنك ..
قال له ورقة هل تدري ان سعد يرفض المال الذي وهبه له يوسف .
ويقول انه يطلب بنته زوجة . او سيفه وفرسه ..
قال له احلام ابنك اكبر من سنه .. ودوما الأمال تبنى .. في الصغر وتثمر في الكبر .. فلا تقل لابنك كلاما يثبط همته .. و يثني عزيمته.
قال له ورقة .. مهما قلنا له من قول يأتينا بحديث يطيش بالعقول ..
انا سأعطيك هذا المال .. لانك ستقابل يوسف التيمي .. فاخبره برفض ابني . وشروط قبوله المكافاة ..
يتحادثان ويضحكان ..
لما رجع ورقة الى الدار وقابل ابنه .. قال لي يا ابتي هل اعطيت الرجل ماله؟
قال لا ولكن ارسلته اليه ..
قال ابنه متحسرا .. واحسرتاه .. كنت اتمنى ان تعطيه اياه بنفسك وتخبره بشروطي .. حتى تنقل لي تعابير وجهه ورده على كلامي ..
قال ورقة يابني .. اني اسألك سؤالا..
لماذا تطلب زواجك من بنت يوسف .. واهلك الاشراف لهم من البنات اجمل ماخلق الله ..
قال له يا ابتي .. ان الرجال لايتزوجون النساء من اجل الجمال .. ولكن من اجل الرجال الذين رعوهن .. وادبوهن .. وربوهن ..
فان صديقك هذا .. اعجبني سمته .. وابهرني منطقه .. وحتى فرسه الذي يمتطيه فرس الفرسان ..
رجل يعطي المال للامين .. ويدعي الدين ليعرف مكان صديقه .. هذا رجل لو كانت له بنت ستكون هي مطلبي ومرادي ..
تبسم ورقة وهو يهز راسه متعجبا ..
وصل الخبر الى يوسف التيمي .. واعطاهو الرجل ماله واخبره برفض الصبي .. وشروطه ..
لم يتأخر يوسف التيمي فركب وجاء الى دار ورقة مرة اخرى ..
ولما دخل عله قال يا صديقي اليوم جاء يوم اختبارك .. اني اريد الغلام ..
قال ماذا تريد منه .. قال له احضره لي لاقول ما اقول امامه فوالله ان لابنك عقلا يوازي عقلي وعقلك ..
لما جاء سعد ووجد الضيف مرة اخرى .. سلم عليه وقال له .. اراك اكثرت الخطى الينا .. لعله ان يكون دينا اخر ..
قال لا لقد جئت هذه المرة من اجلك .. ساعطيك سيفي .. وفرسي ..
وازوجك بنتي هل انت مستعد لذلك؟ ..
وورقة ينظر ويستمع والحيرة تملا راسه ..
قال الغلام .. اقول الصدق لست مستعدا لامتطاء فرسك فانه جسور ..
ولا لحمل سيفك فانه ثقيل .. ولا زواج ابنتك فاني صغير ..
ولكن ان تعدني بذلك فسيكون سيفي عهدة عندك. وفرسي تمتطيه حتى اتيه .. وعروسي عندك تربيها حتي اناهز الحلم .والحق ملحق الرجال ..
فال يوسف حسبي الله ونعم الوكيل .. ماهذا الغلام ياورقة؟
قال له انه امامك وتكلم. اما انا فليس لي كلاما ازيد عليه ..وانا موافق على ماقال..
قال يوسف التيمي .. يا ايها الغلام هل تذهب معي الى بلدي .. ادربك على ركوب الخيل ومبارزة السيوف .. واصنع منك فارسا لايقهر .. وجلمودا لايلين ..
فان اباك رجل تشغله التجارة .. لا يفرغ ليعطيك مما سأعطيك ..
ها ماذا تقول ..
قال له سعد اما انا.. فهذا يوم فرحتي .. اتابع فرسي .. واتعلم حمل سيفي .. وارى خطيبتي ..
ولكن القول مايقول ابي فان وافق فاردفني خلفك الان ..
قال ورقة والله ماعندي شك في قدرتك يايوسف .. واني اعلم انك ستصنع منه فارسا تخافه الكماة ..
ولكن دعني استشير امه .. فانه صغيرها ولاتقوى على فراقه ..
(كدي في رايكم ممكن الحاجة تدق جرس؟ولابتوافق؟)
الى اللقاء

#الغراب_المتهم
بقلم طارق اللبيب
-٣-
ذهب ورقة الى زوجته واخبرها ..ودار بينهما مايلي..
قال لها : هل تعرفين يوسف التيمي ..
قالت له نعم اعرفه صديقك فارس فرسان بني فسيله..الذي قاد جيشه لقتال
هولاء الانجاس الروافض. ولما سمعوا بمقدمه دخلوا بيوتهم ولبسوا براقع النساء اليس هو؟
قال لها نعم انه هو. وهو يطلب مني ان ارسل معه سعد ليعلمه ركوب الخيل ومنازلة الابطال. وجئت اطلب اذن امه.
قالت له وماذا تريد الام؟ الا ان يكون ابنها فارسأ مثل يوسف التيمي
قل ان ابني ولد من صلب الرجال. وتربى بحليب ام. لم ير اجنبي منها زينة .. وقل له ان ابني مادخل جوفه من مال الحرام درهما ..
قل له ان ابني لايبكي كالاطفال .. ولا يتدلل كألنساء .. وانما ربيته ليصير اشما عاليا .. مرفوع الراس .. بارز الصدر .. محمود المقام.
تحمر عيونه اذا حزن .و يتمعر وجهه اذا غضب .. قل له ان ابني اذا تكلم صمت له الحكماء .. واذا خرج تمنت ان تلد مثله النساء ..
قل له ان ابني زينة الحي. ونبراس الديار .. ولن يرى منه الا مايسره ..وقد كنت اتمنى ان يجد ابني مثل يوسف ليصقله.. ويجعله سيفا يفل الحديد..
ناد لي ابني لاوصيه ..
تبسم ورقة من حديث زوجته وجاء ليوسف.
وقال له ابشر فان امه فرحت كفرحه . وقالت كذا وكذا. فقال يوسف لا ادري اعجب من الغلام ام من امه .. الان زال استغرابي من حنكة الغلام.. مادامت امه كهذا..
دخل سعد الى امه .. يمشي كمشية الفرسان .. ويتبسم تبسم المنتصر . فلما نظرت اليه .. قالت له :
يابني غير مشيتك .. وارفق بنفسك .. فان الغرور قاتل .. وان الاعجاب بالنفس .. مذموم ولكن الثقة بها محمودة .. فمن وثق في نفسه .. تواضع .. ومن نقصت نفسه عن مايريد تكبر وتصنع ..
يابني ان الصدق في القول منجاة لك من المهالك .. ولو كنت ترى الموت فيه .. وان الكذب مهلكة لو كنت ترى فيه النجاة ..
يابني انك ذاهب الى دار ليست بدارك .. والى اهل ليسو بأهلك ..
فلاترفع صوتك .. ولاتظهر عضبك .. ولا تكثر التلفت في بيوت الناس .. ولاتجلس حتى يؤذن لك ..
واذا جلست فلاتجلس بمحاذاة الكبار .. اذا جعت فلاتطلب الطعام
واذا نعست فاطرد عن عينيك المنام .. حلا يناموا
يابني لا تسأل عما لايعنيك .. ولاتتكلم في ما لايمسك ..
يابني اذا مشيت فاسرع الخطى .. واذا ضربت فاضرب بقسوة ..
واذا عطفت فاعطف بعدل .. يابني ان الكبير حرم فاحترمه .. وان الصغير ضعيف فارحمه ..
يابني حارب الراحة فانها ام الكسل .. وحارب النوم فانه والد الفشل .. يابني لاتتمنى ولندكن اسعى لما تريد .. فان الاماني خواطر العاجز .
ولكن العزيمة والمضي فيما تأمل هو شانك ..
يابني .. اريد ان اسمع بك مقداما ولو مت .. ولا اريد ان اسمع عنك جبانا ولو كنت حيا معافى .. ولا تتذكر امك كفتاه تحن الى امها ..
وذا ذهبت ماشيا في مقصدك فلاتلتفت الى الوراء..
ارحل في امان الله ورعايته ..
قال لها ابشري يا اماه لقد ولدت رجلا . لن يخيب ظنك .. ولن تجدي فيه حسرة ..
وودعها ورحل مع يوسف التيمي ..
ولما وصلا الى ديار فسيلة . تفاجأ سعد بن رقة بما وجد .. وجد ان يوسف .. زعيم في قومة .. كثير الابناء له سبعة من الولد ومن البنات مثلهم .. اي اربعة عشر بطنا .
ولما رأوا اباهم قد جلب معه صبي .. علت الدهشة الاستغراب على وجوههم ..
اما الاولاد . مصعب وجابر والبشير . ومحمد الاعرج . ويونس والفيصل . واليسع قلب الاسد ..
واما البنات .. فسلمى ونعمى واروى وليلى . ونسيبة ورفيدة والعنود..
اخذ اياما ليتعرف بهم وانهم من زوجتين .. واخذ فترة ليعرف اي من الابناء ابن اي من الامهات ..
وفي اول دخوله في عصر الجمعة في الرابع من شهر المحرم .
قال له يوسف .. عليك ان تختار في البيتين .. مع ايهما تريد المقام
قال له .. اريد ان اقيم في اول ايامي.. سبع ايام مع هولاء وسبع مع هولاء .. وسأخبرك بعدها بمقامي الدائم ..
قال له احسنت فبمن تبدأ ..
قال له ابدأ بما بدات به انت .. زوجتك الاولى .. وابنائك الكبار ..
قال له احسنت ايها الغلام ولكل معضلة لك حلولا..
فاقام بن ورقة مع ام الكرام .. زوجة يوسف الاولى .. وعندها خمسة اولاد وبنتان ..
مصعب وجابر والبشير ومحمدالاعرج .. وبناتها ..نسيبه ورفيدة ..
وكلهم اكبر منه سنا ..
وفرحوا به واكرموه .. وعلموا من ابيهم انه ابن صديقه .. الذي سمعو به كثيرا .. رجل تاجر من اشراف بني عجلان ..
فاصبحوا من اول الايام يسمونه الشريف ..
واحبوه واعجبوا به الابناء والام .. وتمنوا ان يقيم معهم بقية مدته
ولكنه كان شرط ..
كان يتمتع بادب الكبار وبحكمة العلماء .. وذكاء ليس له مثيل في ابناء عمره ..
وفعل كما اوصته امه .. اراد ان يسأل يوسف التيمي .. عم من من البنات جعلها له .. في وعده ولكنه فضل السكوت ..
ومرت الايام واكمل الاسبوع الاول .. ثم قال له يوسف اليوم يوم انتقالك الى البيت الثاني .. ام انك نسيت؟ .. قال لم انس .. ولكني اريد منك الاذن ..
ارتحل يوسف الى بيت زبيدة ام اليسع قلب الاسد هذا ولدها الكبير واصغر منه يون