بعض بابا كان ساكت بس بيعاين لي بعد مسافة قال لي لمتين يا بتي لما قال كدا انا اللقمة وقفت لي في حلقي ما عرفت اقول ليهو شنو بس ربت ع كتفه شوية سكت ما اتكلم تاني يمكن انا و بابا في الفترة دي كنا اكتر اتنين مجروحين و ما قادرين نلم اشتاتنا و عمق جرحنا كان واحد فكنا محتاجين لي بعض شديد و اي واحد فينا كان محتاج للتاني. بابا سألني قال لي قربتي تخلصي قلت ليهو الحمدلله قال لي ناوية تعملي شنو تاني قلت ليهو لسه ما قررت لكن حأشوف بابا قال لي ما تقيفي واصلي و انا معاك ابتسم ابتسامة بتاعت زول مكسور قال لي حتى لو بقيت عاجز و حمل تقيل بس قاطعتوا قلت ليهو بابا انت ما حصل في يوم كنت حمل بالعكس و بعدين انت كيف بتعجزنا و احنا كلنا بنستمد قوتنا منك و ان شاء الله ما حأقيف قال لي و الكورسات خلصتي كم قلت ليهو كدا زي 6 وفضلنا نتكلم و نتونس بعد خلصنا شلت الصينية نزلت تحت لقيت ناس حبوبة و عمتو و ماما و خالتو نازك قاعدات مع بعض و ناس جدو و عمو وعلي و عمار و مجاهد و عمر مع بعض شايفة ناس خالدة قالوا حيقعدوا برة في الجنينة نادوني قالوا لي اقعد معاهم ما كنت حابة الفكرة بس الناس في بيتنا من الصباح و ما قعدت معاهم مشيت معاهم كانوا بيتونسوا سامعة ناس علياء قالوا حيستقروا و ما حيرجعوا تاني و ابوهم بيخلص ليهم في املاكهم و حجاتهم الفي بريطانيا و جاي خالدة قالت ليها محمد ما حصل جاكم هناك قالوا ليها هو في ليفربول واحنا في مانشستر جانا مرة من فترة قبل ينزل هنا لكن تاني ما قابلناه و فضلوا يتكلموا عن مواضيع مختلفة انا كنت ساكتة بس بعاين ليهم و لو كتر ببتسم ليهم شايفة مجاهد و عمر جو مع بعض و قعدوا مجاهد قعد جمبي كلهم بيتكلموا و يتونسوا رفعت راسي لقيت مجاهد بيعاين لي نزلت راسي و طنشت الموضوع قال لي انتي ليه كدا قلت ليهو كيف قال لي فاصلة روحك من العالم و عايشة في ركن براك قلت ليهو كدا احسن قال لي كيف و الحياة حلوة و فيها حجات كتيرة جميلة قلت ليهو هي حلوة لما تكون حابي تشوفها حلوك بس انا ما حابة اشوفها حلوة سكت عاين لي مسافة و تاني رجع يتونس معاهم حاسة ميار كانت مركزة معانا رفعت راسي عاينت ليها عاينت لي شوية و قبلت ع ناس خالدة فضلوا يتكلموا عمتو جات طالعة قالت حيمشوا بعد كدا مسكتني مسافة قالت لي حتجيني صح قلت ليها ان شاء الله و طلعوا شوية و عمو احمد طلع عمار قال ليهو مازن وين من جينا لينا اسبوع ما شفناهو عمو قال ليهو والله يا ولدي الحال في حاله بس الحمدلله قال ليهو كله حيتصلح ان شاء الله و طلعوا انا فضلت في مكاني و قعدت كنت بفكر في....... قعدت شوية و دخلت لقيتهم كلهم طلعوا ماما نادتني قالت لي هاك شيلي معاك قلت ليها عندي فوق لسه قالت لي شيلي دا سمودي عملتوا ليك مخصوص حتكسفي ماما شلتوا منها و طلعت فوق دخلتوا التلاجة (جبت لي تلاجة صغيرة معاي فوق في الغرفة قلت ليكم كنت بحاول افصل روحي و اعدم اي سبب يخليني انزل تحت فتحتها و دخلت الاسمودي و رقدت نمت بدون ما احس صحيت الساعة 5 تقريبا دخلت الحمام و اتجهزت و طلعت صليت لبست لي بنطلون رياضي و فنيلة رياضية برضو و شلت الكوت بتاعي نزلت بالباب بتاع الصالة و طلعت برة و بديت اجري يوميا بالصباح بدري قبل الشمس تطلع الجو بيكون حلو و بارد و بتقدر تشوف عادي كنت بجري في الشارع جريت زي ساعة كدا ورجعت طلعت بباب الصالة دخلت الغرفة استحميت و لبست اسكيرت اسود واسع معاه بلوزة بيضاء و بدلة لونها كحلي غامق كدا معاهم طرحة اطرافها مشكلة بالكحلي و لبست شنطة لحمية و الجزمة لونها لحمي فااتح(ساقطة فنون انا💔🐸) و شلت نظارتي الساعة كانت 7 الا شلت عصير من التلاجة و طفيت انوار الغرفة و قعدت في كرسي في اخر ركن في الغرفة و شغلت التسجيل و بقيت اسمعوا هي بلعت ريقها و سكتت مسافة اصوات انفاسها و ضربات قلبها كنت سامعاها اخر حاجة قالتها نتلاقى في الجنة بإذن الله و اختفت بعديها اااخ طلعت لقيت حبوبة قاعدة و معاها ماما و علي كان طالع (علي الشغل بقى ليهو كتير بعد مرض بابا و مازن علي بقى مضغوط شديد حتى قلل هظاره و ضحكه و اغلب وقته بتلقاهو مشغول عشان كدا عمار حيستقر في السودان و يشتغل معاهم) سلمت عليهم حبوبة قالت لي تعالي اقعدي اشربي عصيرك قلت ليها شربت هسا يلا بعد كدا حاتأخر مع انه محاضرتي للساعة 9 بس انا كنت يوميا بطلع بدري عشان.......... طلعت و ركبت العربية سقتها و وصلت......... انتظرت شوية و شفت ال........ كاااااات

#Hnzala💙

#قمري
بقلم Hanzala
-٢١-
معتز صحا ياداب دخل الحمام و و طلع لبس ليهو قميص كبدي غامق ومع عضلاته كان رهيب مع بنطلون اسود و جذمة سوداء و لبس ليهو ساعة فضية و استحمى بالريحة🐸 وطلع لقى امه قاعدة و معاها ابوه سلم عليهم امه قالت ليهو اقعد اشرب ليك حاجة قال ليها عندي مشوار ضروري ما بقدر و طلع. ابوه كان بيعاين لي معتز حتى بعد طلع فضل يعاين للطريق و هو بيفكر في عمايل ولده و خايف منه و من ثقته الزايدة انصاف قالت ليهو مرام ما كويسة يا حسن في الوقت دا جمال كان نازل لما سمع اسم مرام وقف في السلم عشان يسمع باقي الكلام حسن ادم قال ليها مالها يعني قالت ليهو ما عارفة بس مرام اول مرة تخبي علي حاجة البت حاصلة ليها مشكلة و ما عايزة تحكي لي ما عارفة يا حسن لكن خايفة البت تتعب اكتر كل يوم البت ماشك تنقص و تزبل اكتر حسن ادم فكر في كلامها ما عرف ليه هو اتذكر سمر و بابا لما جاهو في المكتب و موت سمر بقى يفكر في الموضوع و سرح مسافة انصاف قالت ليهو حسن يا حسن بتكلم معاك انا قال ليها معاك معاك خليك معاها لمن تحكي ليك هزت راسها جمال جاء نازل سلم عليهم و كب ليهو كباية قهوة و بقى يشرب كان ساكت كالعادة بس الليلة هو ساكت لانه سرحان و بيفكر ما حاسي بالحواليهو كان بيفكر رفع راسه عالسلم منتظر مرام تجي نازلة بس الليلة ما نزلت للان استغرب عاين للساعة لقاها 8 و نص الليلة مرام عندها محاضرة الساعة 8 و للان ما نزلت استغرب اتنحنح شوية و سأل خالتو انصاف قال ليها الليلة مرام طلعت بدري ولا شنو قالت ليهو قبيل دقيت ليها الباب قالت الليلة تعبانة شوية ما ماشة جمال استغرب مرام مجتهدة شديد و ما حصلت غابت ولا يوم الليلة مالها قعد شوية و طلع طول الطريق كان بيفكر في مرام الليلة مالها و ليه ما مشت الجامعة مرام ما النوع البتسيب من القراية لا بالعكس مرام اجتهدت في الجامعة يمكن اكتر من اجتهادها في المدرسة وصل الشركة و هو بيفكر فيها دخل المكتب بتاعو طلب قهوة مرة جابوها ليهو بدأ يشربها و .... حسن ادم طلع عالشركة و انصاف مرتو طلعت ع اختها اسمهان في عريس جاي يتقدم لي بتها بعد اسبوع و عايزين يجهزوا و كدا(اختها اسمهان بتحب البهرجة ع عكس انصاف تماما) البيت كان فاضي و هادي مافي غير المساعدات (المساعدة او المساعد احسن من كلمة الخدامة او الشغالة و لو نسيت و كتبت في جزئية كلمة خدامة او شغالة انا اسفة). مرام كانت قاعدة في غرفتها مسكت ال...... و فتحتها و تاني قفلتها دموعها بقن يجرن و بقت تبكي مسحت دموعها و قالت يا رب تسامحني بس انا ما قادرة ما قادرة و....... انا كنت قاعدة في العربية منتظرة شفت معتز لما طلع استعدلت و خليتو يتحرك و بقيت ماشه وراهو من بعيد لي بعيد بس الليلة ما مشى الشركة مشى مكان تاني جاني اتصال من خالدة قالت لي انتي وين قلت ليها قرربت قالت لي يا بت بسرعة عندي ليك مفاجأة تعالي بسرعة عاينت للساعة لقيتها 8 و نص و انا بعيدة من الجامعة ياداب اقدر اصل في النص ساعة دي شايفة في بت طلعت من بيت ما شفت وشها زي الناس بس وقفت اتكلمت مع معتز خالدة دقت لي تاني صمت التلفون شايفة البت لسه واقفة و بتتكلم بس اضطريت اتحرك وصلت الجامعة بسرعة لقيت خالدة كانت بتنطط قلت ليها مالك قالت لي بعدين هسا المحاضرة دخلنا حضرنا المحاضرة كانت مع دكتور تاني بس جانا دكتور اسامة قال الدكتور التاني اعتذر و حيعوضكم بكرة قال ليهم كالعادة الاختبار المفاجئ وراني انه انا تعبان عالفاضي في واحدة حنكوشة كدا من بنات دفعتنا ما عارفة اسمها لما قال تعبان عالفاضي بصوت كدا ما عرفتها طلعتوا من وين قالت ليهو والله طبعا كل الدفعة فكتها ضحكة دكتور اسامة حمر ليهم و طلع من المحاضرة لما طلع كلهم خافوا و قالوا خلاص كدا دفعتنا ربتت و قعدوا يتعولقوا في واحدة قالت للبت انني الظرافة القاتلاك شنو اولاد الدفعة ما كفوك بقيتي تقابضي في الدكاترة شفتي الراجل دا براهو متسبب انتي تعطشي الجيم و ترخي الميم و احنا نسقط بلاء يخمك (البت دي غالبا كانت 😂مركنة للبت دي كتير) القاعة صنت دكتور اسامة تاني ما جاا و المحاضرة خلصت طلعنا برة ناس الدفعة اتلموا و قالوا حيمشوا يعتذروا منه و كدا و حيختاروا ناس من الدفعة. انا و خالدة مشينا عالكافتيريا شلنا لينا عصير كنت مركبة سماعتي شفت في رجلين قدامي ما رفعت راسي شوية في زول ضربني رفعت راسي لقيت خالدة بتتكلم ليها مع بتين و ولد اشرت لي بأنه اطلع السماعة طلعتها سلموا علي قالوا ماشين لي دكتور اسامة عايزين يعتذروا منه قلت ليهم خير قالوا لي عايزنك تمشي انتي و معاك ولد من الدفعة قلت ليهم ما بقدر و عايزة اركب سماعتي في بت قالت دكتور اسامة بيحترمك خالدة قالت لي قمر بطلي ثقالة امشي معاهم ياخ و قعدت تتكلم قلت ليها خلاص خلاص بس ما حأتكلم الولد قال لي انا الحأتكلم و مشينا (العرفتوا بعد كدا انه الدفعة كانت خايفة مني و ما عارفين يقولوا لي امشي معاهم كيف 🐸يا ترى انا بخوف للدرجة دي) مشيت مع الولد وقفنا قدام المكتب دقينا الباب جانا

صوت دخلنا لما داخلين الولد المعاي قال لي انا حأتكلم بس يا ريت تشاركيني بكلمة كلمتين لما دخلنا لقينا دكتور اسامة قاعد براهو قال لينا اتفضلوا قعدنا كان بيعاين لينا الولد قال ليهو يا دكتور احنا حبينا نعتذر ليك عن التصرف الصدر من زميلتنا يا ريت تسامحنا و ان شاء الله تاني ما حيصدر تصرف زي دا دكتور اسامة ما رد بس بيعاين لينا الولد عمل لي اشارة انه اتكلم قلت ليهو دكتوو اسامة بنكرر اعتذارنا عاين لي قال لي حصل خير الولد تاني قدم مقالة اعتذار و كدا انا كنت ساكتة و قمنا طلعنا طوالي مشيت و شايفة ناس الدفعة. اتلموا فيه و بيسألوا خالدة ضربت لي قالت لي انا برة طلعت ليها قالت لي اها قلت ليها الموضوع اتحل قالت لي طيب قلت ليها مرقنا قالت لي ااي طلعنا قالت لي الليلة عندي ليك مفاجأة قلت ليها اها في شنو قالت لي سموها مفاجأة ليه قالت لي تبيتي معاي الليلة قلت ليها ما بقدر والله حأوصلك بس قالت لي طيب بعدين عندي مشوار عايزاك تمشي معاي قلت ليها الساعة كم قالت لي حنطلع 9 كدا قلت ليها بجيك 9 الا بكون تحت تطلعي طوالي قالت لي جادة حتجي بالليل قلت ليها يب سكتت بس عاينت لي بغرابة انه حاطلع بالليل عادي و زمان انا المغرب لازم يلقاني جوة وصلتها و اتفقنا و اتحركت عالبيت. عند معتز قبيل لما انا لحقتوا كان مشى لي صفاء وصل بيتهم و استناها لما جات طالعة عالساعة 8 كدا نزل من العربية صفاء لما شافتوا اتخلعت و استغربت سلم عليها قال ليها صباح الورد للورد قالت ليهو هلا معتز قال ليها كيفك قالت ليهو الحمدلله قال ليها ممكن تتفضلي و تديني من زمنك صفاء احتارت في اسلوب معتز الاتغير بس قالت ليهو ياداب اصل الشغل قال ليها ما حأخرك ياخ يلا يلا و مسكها من يدها و جراها صفاء كانت بتتكلم بس معتز فتح ليها الباب و قفلوا ابتسم لما اتذكر الجدول الصوروا من ميس امس (تتذكروا لما مشى العيادة و وقف مع ميس قبل يطلعو طلع و كان اخد حاجة بس يلا اخد جدول صفاء عشان يقدر يتعرض ليها و ما يكون عندها عذر و الليلة صفاء دوامها حيبدأ الساعة 9 و نص) ركب و عايز يتحرك قالت ليهو طيب خليني اسوق وراك عالاقل عشان امشي للشغل طوالي قال ليها ولا يهمك انتي اديني المفتاح و انا حأوصلك للشغل و قبل نصل حتلقي العربية في العيادة و اتحرك ضرب لي واحد قال ليهو تجيني في مطعم..... قبل اصل القاك هناك صفاء استغربت لأنه دا مطعمها المفضل. وطول الطريق كان بيحاول يتكلم مع صفاء و يحاول يفتح معاها مواضيع صفاء كانت متفاجئة بالتغير دا و اتبسطت شوية بس خافت منه لانه معتز الزول ما بيقدر يتوقع هو بيفكر في شنو وصلوا المطعم نزل من العربية قال ليها دقيقة حأجيك هسا نزل اتكلم مع واحد و اداهو المفتاح و رجع فتح ليها الباب و الغريبة ما كان حاجز المطعم كله كان فيه ناس دخلوا جوة طلب ليهم فطور قال ليها الليلة امي داعية لي حأفطر معاك اااخ يا صفاء ومتين يجي اليوم الكل يوم اتصبح بي وشك و كان بيعاين ليها في عيونها بعيون عاشق و مغرم مسك يدها باسها ليها براحة صفاء اتخلعت قالت ليهو معتز و جرت يدها قال ليها مشكلتك ما حاسة بي يا صفاء خطوبتنا دي طولت شديد خلينا نعمل العرس و ما حأمنعك انك تشتغلي و حتى لو من اول يوم عايزة تمشي الشغل ما عندي مشكلة بس انا رفضك دا ما فاهمه و ما عارف انتي عايزة تصلي وين قالت ليهو معتز قلت ليك حاليا ما بقدر قال ليها والله لو من اول يوم عندك دوام انا بنفسي حأوصلك بس وافقي يا صفاء انتي ما عارفة رفضك دا بيعمل فيني شنو صفاء سكتت شوية قالت ليهو عندي كم حالة خليني اخلصها و بعدين نشوف ابتسم ليها قال ليها يعني اعتبرك موافقة قالت ليهو خليني اخلصهم بس قال ليها طيب عالاقل لما اضرب ليك ردي قالت ليهو طيب. طلعوا و طول الطريق معتز كان بيتعامل معاها بطريقة غير حتى شكت فيه انه يكون خلاص جن لما وصلوا العيادة برضو نزل قبليها و شال المقتاح بتاع عربيتها من الراجل و فتح ليها الباب قالت ليهو تعبت روحك كنت حأنزل براي(ياداب لاحظتي 🐸) قال ليها راحتي لمل اتعب عشانك ابتسمت ليهو بس اداها المفتاح مسكتوا بس معتز كان لسه ماسكوا مسك يدها فتحها ليها و مسكها المفتاح. و قفل يدها و مسك يدها التانية قال ليها خلي بالك من روحي المعاك(حامل بولدك هي😂) اخخ قلبي ما مطاوعني امشي و اخليك قالت ليهو معتز حتتأخر كدا قال ليها بعد معتز دي امشي كيف انا قالت ليهو هيي يلا قال ليها طيب يلا ادخلي قالت ليهو طيب يلا و دخلت وقف انتظرها لما دخلت ابتسم و حك راسه ركب العربية ضرب لي واحد قال ليهو عملت القلتوا ليك قال ليهو حصل قفل الخط و ابتسم اتلفت ع باب عيادة صفاء تاني و اتحرك. جمال من دخل المكتب ما وقف تفكير في مرام فجأة قام و شال مفتاحه و طلع ساق بسرعة وصل البيت نزل بسرعة و دخل فتح الباب بالمفتاح البيت كان فاضي و طلع السلم و هو بيجري. مرام كانت بتبكي مسحت دموعها فتحت العلبةو فضت الحبوب في يدها في الزمن دا جمال وصل دق الباب و ناداها مرام افتحي يا مرام. مرام ما ردت بس بلعت الحبوب

الفي يدها و في اللحظة دي جمال لز الباب و دخل لقاها ماسكة و بتبلع الحبوب بس لحقها و مسك يدها بس هي كانت بلعتها رفعها بسرعة و فتح باب الحمام وقفها في المغسلة و خلاها تطلع الحبوب كلها خلاها تستفرغها كلها و بقت تكح غسل ليها وشها و جففوا ليها و طلعها رقدت في السرير و انكمشت ع روحها كانت بتبكي جمال قعد جمبها قال ليها مرام انتي مالك الحاصل ليك شنو لما وصلك الدرجة دي مرام احكي لي يمكن اقدر اساعدك بس مرام اتفقعت بالبكى و حضنت جمال و بقت تحكي ليهو و هي بتبكي جمال بس كان بيمسح ليها في شعرها و بيسمعها قلبه كان بيدق شديد لما هي بتبكي و متمسكة بيهو كدا و بتحكي ليهو و هي بتبكي بعد انتهت فضلت تبكي جمال سكتها قال ليها اشششش و ليه ما كلمتيني يا مرام ليه ما جيتيني مش انتي بتحكي لي اي حاجة و ما بتخبي علي قالت ليهو ما كنت عارفة اقول شنو او احكي كيف قال ليها خلاص ما تبكي و باس راسها قال ليها ارقدي ارتاحي هسا و ما عايزك تفكري تعملي كدا تاني ابدا و انا معاك في اي وقت حسيتي انك عايزة تتكلمي تعالي احكي لي و انا بسمعك هزت ليهو راسها جا عليها تاني و مسك يدها قال ليها اتفقنا هزت ليهو راسها و مسح دموعها قال ليها خلاص امسحي دموعك عشان ناس خالتو لو شافوك كدا حيخافوا عليك قالت ليهو ما حتخليني صح قال ليها قاعد ليك كدا بس لو طردتيني ما بخليك قالت ليهو اكيد بتقول في روحك البت ال قبل تتم كلامها جمال قال ليها اشششش ما اسمعك تقولي كدا ع روحك يلا ارتاحي هسا و لو لقيتي الزبادي البتجلبطيهوا داك احسن لانه وشك حالته صعبة شديد و بكرة عايزك تجهزي بدري حأوصلك انا و ما عايزك تضعفي و لا تتغيبي تاني هزت راسها و هو طلع بعد طلع مرام رقدت و غمضت عيونها و هي مبتسمة و اثر الدموع في عيونها. جمال ما عارف روحه طلع كيف و كيف قدر يتحرك كان لسه حاسي بحرارة دموع مرام الفي صدره كان حاسي بمكانها لسه بين اضلاعه صغط ع يده و مسك تلفونه ضرب لي واحد قال ليهو........ القاهو بعدين في مكانا و اعملوا معاه الواجب حاجيكم بعد المغرب و مشى غرفته كان تعبان شديد و هو بيتذكر كيف كانت مرام بتبكي قبل شوية في ايديه دخل الحمام فتح الدش فوق راسه وقف فيه و هو حاسي انه في بوخ بيطلع منه وقف مسافة. طلع غير ملابسه و رقد في السرير غمض عيونه و هو بيفكر في مرام. صحا قبل المغرب دخل الحمام طلع غير ملابسه شال مسدسه و اتأكد منه و من الطلقات الفيه و طلع لما نزل لقى انصاف و مرام معاها تحت سلم عليهم خالتو انصاف قالت ليهو جيت متين قال ليها قبيل قالت ليهو طيب اقعد خلينا ناكل مع بعض قال ليها ياداب اصل قالت ليهو ما ممكن انت و مرام كلكم ما عايزين قال ليها طيب حأقعد قالت ليهو دقيقة اقول ليهم يجهزوا لينا لما قامت هو قعد قال ليها ليه ما عايزة تاكلي قالت ليهو ما عندي نفس قال ليها حناكل كلنا مع بعض قالت ليهو بس انا قال ليها قلنا شنو قالت ليهو طيب اكلوا كلهم كان بيعاين لي مرام و بيفكر انه ربنا انتقم منهم بي سبب عملتهم في سمر قال في نفسه دا كله بسببك يا معتز بسببك انت و ابوك. مرام كانت بتأكل و هي ساكتة جمال قام قال ليهم يلا طلع و هو بيتذكر لما مرام قبيل بتبكي قالت ليهو تتذكر الولد الدقيتو في الجامعة داك بس بعد خطوبة معتز ما عارفة شال رقمي من وين رسل لي في الواتس اول ما رديت بس قال لي انا مصطفى و كدا كنت ما بتعامل معاه بس لنا دخلتنا في قروب مع بعض و هو كان بيتعمد يستفزني في الكلام و يقول وجهات نظر مناقضة لي بتاعتي عشان احاول اقنعه و اتكلم لقيت نفسي بتكلم معاه عادي ما زي الاول و هو كان بيهتم بي و كل خمسه دقائق بيسأل عني و كدا لمن قال لي انه بيحبني و حيتقدم لي و كدا وقفتوا في حده ما قال لي حاجة بس قال لي طيب خلينا زي ما احنا و انا الغبية الغبية و بقت تضرب روحها ما فكرت انه ممكن يكون من البداية عايز ينتقم مني مرة بتكلم عادي بس رسائله ما كانت زي كل مرة كان بيتكلم و بيسألني اسئلة غريبة المهم تاني يوم لما مشيت الجامعة لقيتهم هو و لنا سلمت عليهم بس لنا كانت متغيرة و في الجامعة اغلب الناس كانوا بيعاينوا لي طلع هو مغير الرسائل البينا و انه انا البجري وراهو و بعرض عليه روحي اتخيل و ما كدا بس حتى قال انه انا اتكلمت على لنا و قلت ليهو خليها عشاني انا و انا استاهل و طلع فيني اشاعة في الجامعة انه انا ما تمام و عارضة عليه روحي من بدري بس هو مطنشني و جاب لي صور ما عارفة عملها كيف و وراها لي الطلاب و الخبر انتشر امس العمادة نادتني و اتكلموا معاي و انهم لو ما بابا كان حيفصلوني و كدا و بقت تبكي و انه كل الجامعة شايفاها بت ما تمام و بعد نزلت من العمادة في واحد اتعرض ليها حاولت تمشي بس كان واقف قدامها مسكها من يدها قال ليها حأبسطك بس انتي وافقي حاولت تضربه كف قال ليها عاملة لي روحك شريفة الناس كلها عرفت حقيقتك و جدع لي كم صورة في وشي بقيت ابكي و طلعت لقيت مصطفى برة قال لي عشان تاني ترفضيني ما انا البسكت عن حقي اتخيل انه دا كله عشان لما اتعرض لي و انت

ضربتوا و و ما عارفة في شنو بس بس و بقت تبكي ما قدرت تكمل جمال ضرب الدريكسون لما اتذكرها وصل المكان و نزل لقى الرجال منتظرينوا قال ليهم وين وصفوا ليهو دخل لقى مصطفى مربط فكاهوا قال ليهو يلا وريني رجالتك مصطفى لما شافوا خاف بس ابتسم بإستفزاز قال ليهو اووووووو خطيب الست مرام ضحك قال ليهو ولا اقول اخو الاخت الرخيصة بس قبل يتم كلامه جمال اداهو لكمة في وشو نستوا اي حاجة و بقى يضربه مصطفى وقع بس كان بيضحك قال ليهو برضو ما حتقدر تسكتني و كان بضحك جمال ضربه و ضربه فجأة وقف و طلع مسدسه و اشر بيهو ع مصطفى و ضرب طاااخ في.... .. 🐸. في العيادة صفاء خلصت دوامها و هي طالعة كانت بتتكلم مع هناء قالت ليها حتعملي شن طيب قالت ليها ما عارفة حأشوف قالت ليها شكله اتغير اديهو فرصة صفاء سكتت ما ردت لما عايزة تركب لقت في ورد في العربية مسكت الكرت كان من معتز ضرب ليها طوالي قال ليها المفاجأة كيف قالت ليهو متين عملت كدا قال ليها المهم عجبتك قالت ليهو شديد تعبت روحك قال ليها حأزعل منك لو تاني قلتي لي اتعب روحي قلت ليك تعبك راحتي يلا حبيبي سوقي براحة و لما تصلي طمنيني قال لبها صفاء سكت مسافة قال ليها خلاص بس ما تقفلي الخط ساقت لما وصلت البت نزلت دخلت البيت سلمت ع ناس امها طلعت غرفتها طوالي قال ليها يلا تصبحي ع خير حبيبي و قفل الخط مرام قفلت الخط و رقدت و بقت تفكر تعمل شنو مع معتز و كل ساعة بيخليها تستغرب اكتر من تصرفاته قامت دخلت الحمام و طلعت صلت و بقت تفكر في معتز لمن نامت.انا وصلت البيت لقيت ماما و حبوبة سلمت عليهم حبوبة رقدتني في رجولها و بقت تمسح لي في راسي حاسه بيها بتلمس لي شعري و لما تصل نهايته القصيرة بتبداها تاني حسيت بيها بتلمسه بحذر ما فهمته. قعدت شوية و طلعت فوق رقدت طوالي نمت صحيت بعد المغرب كدا دخلت استحميت و لبست لي بنطلون اسود و بلوزة سوداء و معاها الجاكت بي طاقيتوا و شلت مفاتيحي و نزلت لي ناس ماما قعدت معاهم شوية و اكلت قعدت لي الساع 8 و نص كدا طلعت وصلت بيت ناس عمو نزلت سلمت عليهم لقيتهم كلهم قاعدين و كانوا مبسوطين خالدة نزلت قالت لي كدا خلاص انتي جاهزة قلت ليها ااي و يلا على وين قالت ارح بوصف ليك انا. طلعنا و وصفت لي الطريق وصلنا ال.... خالدة كانت مبسوطة انا كنت قاعدة بعدم اهتمام و مستغربة خالدة منتظرة منو قعدنا شوية و شفنا.......... كااااااات

#Hnzala💙

#قمري
بقلم hanzala
-٢٢-
جمال ضرب مصطفى بعنف شديد لدرجة الدم كان بيجري من انف و فم(🐸خشم) مصطفى بس الكان بيخلي جمال يهيج اكتر ضحكات مصطفى و كل ما مصطفى يضحك جمال بيتذكر منظر مرام لما كانت بتبكي و كيف كانت حتنتحر لو ما لحقها كل الحاجات دي خلتو يهيج زيادة خلتو يطلع مسدسه و يأشر بيهو على راس مصطفى و طاااااااخ.. كاااات😂. هنا مرام كانت قاعدة و بتقول حأمشي لا ما حأمشي حأمشي لا ما حأمشي حأمشي لا ما حأمشي جاها صوت جمال وراها قال ليها حتمشي اتخلعت لما شافتوا قالت ليهو جيمي متين دخلت قال ليها من قبيل انا هنا بس انتي كنت سرحانة حكت راسها قالت ليهو و بفكر بصوت عالي قال ليها بكرة محاضرتك الساعة 8 الساعة 7 ونص القاك تحت قالت ليهو عرفت كيف تمتم شويه قال ليها مشيت كليتكم اخدت الجدول بكرة القاك جاهزة قالت ليهو و ناس الجامعة و.. قبل تكمل كلامها قال ليها اشششش اعتبريني انا كل ناسك ولا ما بكفي ضحك شوية قال ليها كله بيتصلح بس انتي خليك واثقة فيني نطت من السرير حضنتوا قالت ليهو my hero جمال ما قدر يتحرك لما حضنتوا وقف بدون اي حركة هي زحت و عملت حركة الضباط و ادتو التمام قالت ليهو بكرة الساعة 7 ونص حتلقاني في الصالة قال ليها و امور تجوعي لي روحك ما بتنفع تاكلي و تجتهدي امتحاناتك متين قالت ليهو لسه لكن قربت قال ليها بس تجتهدي اضعاف اجتهادك الاول يلا تصبحي ع خير ما تساهري يا مرام و ما تفكري تاني طلع و قفل الباب. مرام بعد جمال طلع تاني بدت تفكر بس نفصت الافكار من راسها و جهزت ملابسها و هي خايفة من جوة بس رقدت نامت و قالت اليحصل يحصل. جمال نزل تحت لقى خالو في المكتب منتطروا قال ليهو بعد اذنك يا خالي بس انا..... و طلع دخل غرفته دخل استحمى و طلع صلى و بقى يبكي نام في المصلاية و هو بيحمل روحه الحصل لي مرام حاسي انه هو اهمل فيها لدرجة الحيوان داك لعب بيها لكن اخد حسابه و البيستحقه. معتز كان راقد في غرفته و بيقلب في تلفونه بيشوف في صور ضحك مسافة قال في روحه اللعبة حتحلا اكتر و اكتر وضحك تاني.
عندي انا و خالدة كنا قاعدين انا اتكيت في العربية من قدام و خالدة دي تقوم و تقعد و تدخل و تمرق انا دخلت سماعتي و شغالة في تلفوني بس شفت لي رجلين قدامي رفعت راسي و لقيتو دا🐸🐸🐸🐸🐸🐸🐸🐸🐸🐸🐸🐸🐸🐸🐸🐸محمد ما استوعبت الانا شايفاهو و قلت انا بتخيل و نزلت راسي و شغالة في التلفون تاني بس خالدة ما بتقصر لبعتني لبعة واحدة طيرت اي فيوز في راسي طلعت السماعات اتلفت عليها قالت لي يا حيوانة سلمي قلت ليها على منو اشرت لي قدامي اتلفت لقيتو دا محمد فعلا يعني انا ما كنت بتخيل و انا اقول خالدة جايباني المطار عندها منو قلت يمكن واحدة من صحباتها البرة ما سلمت بس فضلت اعاين ليهو هو مد لي يده بس انا ما مديت يدي خالدة شالت يدي و سلمت ليهو بيها قالت ليهو معليش تأثير الصدمة و كدا 😂ضحكت قالت ليهو ما كلمتها طبعا هي جاية و ما عارفة حاجة محمد ابتسم ليها و فضل يعاين لي قلت ليهم مشينا خالدة قالت لي يلا عايزين نطلع بس عمار و ميار جو و سلموا و طبعا معروفة الحركات الفي المطار وقفت و انا بعاين ليهم بعد خلصوا عمار قال لينا يلا محمد كان جايب معاه حجات كمية البيشوفوا بيقول عزل خلاص و تاني ما حيرجع جايب شنط كتيرة قسمناها بين عربيتي و عربية عمار. عمار و ميار ركبوا مع بعض محمد قال ليهم البنات ما يمشوا براهم انا بجي معاهم حمرت ليهو من فوق لي تحت نظام هسا انا بت 🐸ما شايف شكلي محمد ولد و لا خايف ع اخته يمكن اه وانا مالي اتحركنا خالدة ركبت قدام و محمد وراء انا كنت سايقة بسرعة خالدة قالت لي اي اكشحينا(🙂يكشح برستيجك)و ارتاحي خففت السرعة شوية شغلت اغاني بصوت متوسط كدا كانت اغنية زي العسل لي صباح بيغنوها تلاتة بنات من ذا فويس كيدز كنا منزلنها انا وسمر كانت بتحب الاغنية دي شديد و اليوم الاتخطفت فيه سمر لما كنا ماشين الجامعة كنا مشغلنها حتى كانت بتغني معاها لما الاغنية اشتغلت انا سرحت مع كلماتها
و قابلت كتيير فرشوا لي عشاني الارض حرير
و شفت كتير و ما شفتش زي حبيبي أمير
قابلت كتير فرشوا لي عشاني الارض حرير
و شفت كتيير و ما شفتش زي حبيبي أمير
مانيش راايدة مانيش راايدة مانيش رايدة
الا هو مانيش رااايدة
و مافيش فايدة مافيش فايدة و مافيش فايدة
الا هو و ما فيش فايدة
في البعد عااااشقة و القرب عاااشقة
في البعد عااشقة و القرب عاااشقة
زي العسل على قلبي هواك زي العسل على قلبي هووواك
زي العسل على قلبي هواه زي العسل💙
كنت بدندن معاها بصوت واطي حتى دموعي قربت تنزل بس مسحتها بسرعة. خالدة عارفة طبعا الاغنية دي بتعني لي شنو فضلت ساكتة و بتعاين لي مرة مرة. محمد من اتحركنا كان بيعاين لي بالمراية لما شغلت الاغنية و شاف تفاعلي معاها استغرب (😂افتكر اني اتشوكشت اظن 🙂💔) فضل مركز معاي لمن وصلنا البيت عمار وصل بعدنا. علي كان قاعد معاهم و خالتو و عمو حتى ناس ماما و حبوبة و بابا و جدو و عمر نزلوا الحجات و دخلوها و قعدوا يسلموا و

يتحاضنوا انا دخلت طوالي الغريبة مازن ما كان قاعد تحت عشان يسلم لي محمد و كدا دخلوا جوة و قعدوا كانوا بيتكلموا كلهم في زمن واحد انا شغالة اعاين من دا لي دا خالدة نادتني طلعنا فوق شايفة غرفة مازن نورها مولع استغربت فيه طيب ليه ما نزل لما هو صاحي (انا كنت بحس انه مازن ريحة من سمر ما عارفة بس في حاجة بتشدني ليهو يمكن عشان جرحنا واحد و احنا عارفين حجات مافي زول عارفها دخلت مع خالدة كانت بتعاين لي و بتتبسم ساي زي الزول العايز يقول حاجة و ما عايز يقولها (خالدة عادتها لو عرفت خبر بتكتمه لكن حركاتها بتدل على انه هي عارفة حاجة قلت ليها اها بتتكشمي مالك قالت لي اخوي جاء ليه ما اتبسط قلت ليها اممممم مسكت تلفوني جاتني رسالة في الماسنجر من واحد سلم علي ما رديت و طلعت قفلت الشبكة قلت ليها ياخ انا طالعة حأمشي البيت ان شاء الله براي فتحت الباب عايزة اطلع خالدة لحقتني يا قمر يا قمر قلت ليها اششش يا بت انا جمبك البيسمعك تصرخي يقول بتنادي زول من الصحراء الكبرى قالت لي لو طالعين حينادوك اقعدي معاي ياخ قلت ليها تعبانة أنا ياخ و ماشه اقرأ عندي قراية كتيرة حمرت لي من فوق لي تحت قالت لي قراية حقتنا ولا حقت ناس قدامنا كالعادة قلت ليها ياخ في جزئية في المرجع كل مرة ببدأ و ما بخلصها قالت لي خلاص امشي كان عندي ليك شمار قلت ليها شمار و لا كزبرة ههههه قالت لي دقيقة الننزل معاك. مازن كان في غرفته لما سمع خالدة بتناديني اتحرك بسرعة عالباب فتح فتحة صغيرة من الباب عاين لي فضل يعاين لي مسافة ليهو زي سنة ما شافني قفل الباب براحة. و رجع مكانه بقى يبكي براحة. نزلنا تحت ماما قالت لي كنا حنناديك احنا طالعين قلت ليها يلا ودعوا ناس عمو و طلعنا جدو بعد طلعنا ناداني تاني حضني مسافة و باس راسي قال لي الله يغطيك و يسعدك يا بتي ابتسمت ليهو (استغربت كلامه و ما فهمته) بس مشيت طلعت انا و ماما و بابا مع بعض و الباقيين ورانا ماما كانت بتعاين لي طول الطريق بس ما ركزت معاها هي و بابا كانوا بيتكلموا بس كنت بفكر في مازن ليه ما نزل و قافل روحه وصلنا البيت نزلنا انا دخلت الغرفة طوالي كنت بفكر شلت لي جردل ايسكريم و قعدت(لما اكون سرحانة وبفكر باكل ايسكريم قعدت مسافة قلت اقرأ بس كنت تعبانة رقدت نمت طوالي. بابا و ماما في غرفتهم كانوا بيتكلموا ماما قالت ليهو حنكلمها كيف قال ليها خليها هسا امتحانتها قرربت بعد الامتحانات. الصباح اصبح مرام كانت واقفة قدام الباب عايزة تطلع من غرفتها بس مترددة عايزة تفتح الباب بس جمال دق ليها الباب و فتحوا لقاها واقفة قال ليها يلا نزلوا تحت قعد شال قهوته قعدوا عالسفرة مرام كانت خايفة بس اكلت شوية جمال قام وهي قامت بعديهو خالتو انصاف كانت قاعدة قالت ليها بدري قالت ليها لا ياداب اصل جمال حيوصلني قالت ليها طيب و طلعوا اتحركوا مع جمال. جمال قال ليها يلا طلعوا بعد ركبوا العربية جمال اتلفت على مرام قال ليها جاهزة ابتسمت و هزت راسها هو اتحرك كانوا ساكتين بس جمال كان عارف انه مرام متوترة بدأ يونسها شوية شوية قال ليها ما لقيتي الفحم البتعملي في وشك داك ولا شنو حمرت ليهو بس ما ردت عرف انها منتهية ف ساق من سكات وصل الجامعة قال ليها يلا مرام جسمها كان بارد و يديها و جبهتها بتعرق و كانت بتمسك يدها و بتحركها كانت متوترة شديد و دموعها خلاااص شوية و تنزل قالت ليهو جمال عليك خلاص انا ما عايزة ادخل مش القراية دي خليتها ما عايزة اي حاجة بس رجعني البيت عايزة ارجع البيت و دموعها بدت تنزل و تبكي جمال مسك يديها قال ليها خلاص خلاص بس هي لسه بتبكي خلاها بعد هدت قال ليها يلا ما عايزك تقولي كدا تاني و بعدين انا معاك و ما تخافي من اي حاجة طوول ما انا معاك سكتت مسح ليها دموعها و باس راسها قال في نفسه بعد كدا لازم امشي خطوة لقدام مسك يدها مسافة لبسها خاتم مرام اتخلعت قالت ليهو جمال دا و قال ليها اشش عشان تسكتي الناس ديل و تعايني ليهم بكل عين قوية انا ما عايزك تشعري بالذل و الخجل و تنزلي راسك لاي سبب او قدام اي زول خليك دائما عزيزة و رافعة راسك حد السماء مرام بكت بس مسحت دموعها قالت ليهو جمال ما عارفة اشكرك كيف بس بالجد انت انت و سكتت قال ليها يلا ننزل نزل بس مرام ما نزلت مشى فتح ليها الباب و نزلها و هو ماسك يدها دخلوا الجامعة مع بعض كل الجامعة وقفت تتفرج و العجب البنات عايزات يعرفوا دا منو الماشي مع مرام دا. مرام اتبسطت بس اتضايقت من نظراتهم(🐸والنبي يختي) جوو مارين بي لنا قعدوا مقاصدنها جمال ما ساب يد مرام ولا لحظة شاف لنا مركزة معاهم مسك يد مرام اللبسها فيها الدبلة و المحبس و باسها لنا اتخلعت لما شافت الدبلة جات عليهم قالت ليهو شكلك الفريسة الجديدة نس نس مع انه قريبك بس يلا تغطي قدحك يا جمال و لا اقول ليك جيمي بس يا ريت تلم التيييت دي مني و من خطيبي و يا ربي تكفيها و تملى عينها جمال عيونه بقت حمراء وقف بس مرام كانت ماسكاهوا قالت ليهو ما حننزل مستواها خليها قال ليها يا منو اسمها

منو لولا انك بت😉كنت وريتك نتيجة كلامك بس سكت و ابتسم لما شاف مصطفى جااي عليهم وراء لنا و هي ما شايفاهو مشى عليها هي خافت رجعت لوراء نزل راسه جمب اضانها قال ليها يلا حتشوفي النتيجة في زول تاني و ضحك رجع جمب مرام الاتخلعت لما شافت مصطفى و خافت لدرجة مسكت في كتف جمال من وراء بس جمال مسك يدها اتلفت ع مصطفى و ضحك قال ليهو شكله الحادث كان كعب شديد و ضحك تاني مرام بقت تعاين لي جمال و مصطفى ما فاهمة حاجة لنا اتلفت ع مصطفى و اتخلعت لما شافتوا كان ماشي و بيعرج و الوش عبارة عن كدمات و اثار الضرب و شكله مبالغة كأنه دخل في الة طحن و طلع لنا جرت عليه و مسكت يده قالت ليهو مصطفى مالك و شنو العمل فيك كدا مصطفى رد و هو بيعاين لي جمال قال ليها حادث عملتوا و انا جاي قالت ليهو كان ما تجي طيب قال ليها بنهرة مافي حاجة كويس انا و قعد جمال كان بيضحك و قاعد مرام قالت ليهو جمال نزل اضانه جمبها بس عشان يغيظ ديل مرام لما نزل راسه كانت عايزة تطير شدة ما اتخلعت قالت ليهو الليلة ما حتمشي الشركة رد ليها بصوت عالي لا حبيبي الليلة اليوم معاك و اتلفت عليهم قال ليها و كل يوم و باس يدها تاني قال ليها يلا المحاضرة مرام ضحكت قالت ليهو حتحضر معانا يعني قال ليها معاك انتي بس انا ما لي في باقي الناس بس لي فيك انتي و اتحركوا مشوا عالقاعة. مصطفى كان قاعد و عيونه بتطلع شرار (اتذكر لما جمال ضربه و اخر حاجة طلع المسدس و ضرب طاااخ لدرجة مصطفى اتجمد مفتكر انه الطلقه فيه بس رفع راسه و بقى يصرخ انا حي انا حي اتلفت ع جمال لقاهو بيتنفس بطريقة غريبة و عيونه غريبة خاف منه شديد قال ليهو المرة الجاية حتكون في راسك شفت بكرة تمشي الجامعة هسا حيوصلوك و بكرة من الصباح بدري القاك في الجامعة والا الطلقة الجاية حتكون في راسك سامع و اداهو شلوت في بطنه خلاهو يستفرغ دم و طلع)لنا بتسأل فيه و بتتكلم معاه قالت ليهو ما عارفة القذرة دي جات و بكل عين قوية و شكله جمال خطبها ما رد عليها قالت مصطفى بتكلم معاك انا سرحان وين قال ليها ياخ اسكتي قفلي التيييت بتاعك دا كلامك الكتير دا ياخ انا زاتي قايم و المكان دا خليتوا ليك و مشى و هو بيعرج. ناس مرام لما دخلوا القاعة كلها صنت دخلوا و قعدوا جمب بعض و جمال ما ساب يدها و لا لحظة الدكتور دخل و بدأ المحاضرة لنا و مصطفى جو متأخرين الدكتور ما دخلهم و نهرهم القاعة كلها ضحكت فيهم الدكتور خلص المحاضرة و بدا ياخد الحضور لما ندهوا مرام عايزة تطلع جمال طلع معاها و ما ساب يدها (🐸الاخ علق زي امير بريطانيا الاسمو هاري داك عرفتوا🙂💔) الدكتور عاين ليهو جمال غمز ليهو الدكتور ابتسم و اتنحنح و واصل بعد طلعوا مرام كانت خايفة قالت ليهو ما جادي ياخ الدكتور لما طلع سلم على جمال قال ليهو وين يا زول من ايام المدرسة تاني ما لقيتك انت وين و بقو يتكلموا الدكتور طلع بيعرف جمال من المدرسة. جمال قضى اليوم كله مع مرام لما رجعوا البيت مرام كانت عايزة تطلع الخاتم بس جمال وقفها قال ليها دقيقة مرام قبل ننزل عايز اقول ليك حاجة اتلفتت عليه قال ليها انا انا ضحكت قالت ليهو بتتمتم مالك قال ليها انا............ كااااات 🐸✌️. انا صحيت بدري دخلت الحمام و طلعت صليت و طوالي نزلت اجري بعد انتهيت رجعت استحميت و طلعت قعدت سمعت التسجيل و طلعت مشيت الجامعة جيت انزل لقيت خالدة وصلت ياداب و نازلة الليلة وصلها منو قبل اتم سؤالي لقيت محمد نازل سلمت عليهم بس ما دخلوا قلت ليها انا حأدخل و انتي حصليني دخلت طوالي محمد قال ليها بعدين طيب و اتحرك خالدة لحقتني و دخلنا مع بعض دخلنا المحاضرة الليلة. اليوم كان ممل نوعاً ما طلعنا خالدة قالت لي الليلة خلينا نطلع اصرت بس انا رفضت الليلة كنت تعبانة ما عارفة ليه بس كنت تعبانة و حاسة روحي تعبانة من جوة طلعت طوالي و مشيت عالمقابر كنت ببكي من الطريق و لمن وصلت بس مشيت على قبر سمر و بقيت ابكي بكيت شديد لدرجة حسيت بحلقي حيطلع بعد شوية حسيت بي الم في حلقي لدرجة بعيدة بس ما قمت بكيت شديد يمكن من موت سمر ما بكيت تاني ابدا بس الليلة ما عارفة ليه. حسيت بحركة وراي اتلفت و لقيت...... كااات.
محمد بعد رجع البيت دخل لي مازن بس مازن حالته كانت اسوء من اخر مرة خلاهو حاول يتكلم معاه بس مازن كان محطم (مازن في السنة دي عمل عمليتين لي رجليهو بس العمليتين ما نجحوا مازن اتحطم بعد كدا و قرر ما يعمل عملية تاني نهائي و بقى اكعب من اول) محمد قال ليهو مازن نطلع مع بعض ما رد عليه قال ليهو مازن قال ليهو ما عايز اطلع قال ليهو ليه قال ليهو بدون ليه ما نازل انا و اتحرك عالسرير حاول يقوم و يرقد بس وقع محمد لحقه بسرعة عايز يرفعه بس مازن ما خلاهو قال ليهو عايز تساعدني اكيد بتقول في روحك دا واحد عاجز و فاشل و بقى يبكي قال ليهو اطلع برة خالتو نازك كانت طالعة من غرفتها و سمعت صوت الوقعة جات جارية لقت مازن في الارض و بيبكي اتلفت عليها قال ليها جاية تشوفيني و انا في الارض جاية تشوفيني ما قادر اقوم اطلعوا

برة بكرهكم كلكم اطلعو محمد رفعه بالغصب و طلع هو و امه و قفل الباب مازن رقد في السرير و فضل يبكي و هو قافل فمه عشان ما يطلع صوت. محمد دخل مع امه قال ليها مازن مالو يا امي خالتو نازك اتنهدت و بدت تتكلم قالت ليهو مازن العمليتين و فشلهم اثروا فيه بس مازن اكتر حاجة مأثرة فيه و ما قادر يتكلم بيها موت سمر انا كنت حاسه انه داير سمر بت عمك كم مرة لاحظت ليهو و لي نظراته و يوم حنة عمار لما طلعت لحقها و رجعوا مع بعض بس من موت سمر و اخوك حاله اتبدل و العمليتين ديل انتهوا منه اخوك ضاع مني يا محمد اخوك ما لحقتوا و بقت تبكي محمد هداها و حنسها سكتت و رقدت. هو طلع و طول الطريق كان بيفكر يساعد مازن كيف ضرب لي واحد قال ليهو بتعرف ليك........ قال ليهو ايوة سجل عندك و اتحرك ع المكان بس لاحظ لي عربيتي جات مارة بي جمبو لحقني لقاني ماشه عالمقابر و شافني لما ببكي فضل يعاين لي من بعيد بس انا فضلت في الحالة دي لزمن طويل شال ليهو منديل و نزل. انا لما اتلفت لقيت محمد واقف مسحت دموعي و قمت قال لي قمر قلت ليهو ما عايزة اتكلم معاك بتلحقني ليه بصفتك منو عايز مني شنو ياخ ارحمني و هجت فيه و صرخت بس محمد ما رد علي كان ساكت بعد انتهيت قال لي قمر انا كااات.
جمال في العربية مع مرام قال ليها مرام انا انا عايزك يعني يعني قصدي عايز اتقدم ليك مرام فضلت تعاين ليهو و هي ساكتة قال ليها مرام انا بس ما انتظرتوا نزلت و دخلت البيت طوالي جمال ضرب الدريكسون بي يده و قال لروحه انه اتسرع بس بس دي الطريقة الوحيدة يا رب ساعدني نزل و لحقها دخل جوة البيت مرام دخلت طوالي لقاهم قاعدين سلم عليهم و قعد عمه اشر ليهو بس هو هز راسه عمو اشر ليهو بيده نظام اصبر و هو طلع فوق. مرام بعد طلعت غرفتها قلبها كان بيدق بسرعة قفلت الباب و اتكت فيه و نزلت براحة قعدت في الارض و هي بتتذكر كلام جمال لاول مرة جمال كان كلامه ما مرتب و شكله متوتر لاول مرة تشوفوا متوتر و هو الطبيعي بيوتر الناس فضلت قاعدة مسافة. جمال قام و قال حيطلع مشى ع غرفته اتلفت ع غرفتها وقف في باب الغرفة عايز يدق الباب بس مسك يده و قال حيخلي مرام تفكر ع راحتها بدون ضغط. مرام حست بحركته جاي ع غرفتها زحت من الباب و مشت رقدت و اتغطت و بتتاوق من تحت المفرش بس هو ما دخل و شكله رجع قامت من مكانها فتحت فتحة صغيرة شافتوا و هو راجع جمال حس بيها وقف اتلفت على بابها و عمل اشارة بيده و مشى هي اتخلعت و قفلت الباب قالت في روحها واااي عرفني واقفة وراء الباب و مشت رقدت و هي بتفكر في كلام جمال عاينت للدبلة اللبسها ليها شكلها حقيقية ابت تطلعها و غمضت عيونها نامت زي ماهي. اما احنا محمد قال لي انا انا ضربته في كتفه قلت ليهو انت واحد ضعيف و بتحل مشاكلك بالهروب ما بتواجهها بتهرب اقرب مثال لما هربت و خليت اكتر ناس كانوا في حاجة ليك خليت اخوك تعبان و سافرت يا خسارة بس و طلعت العربية مشيت عالبيت دخلت بسرعة ما كان في زول تحت طلعت غرفتي طوالي عاينت للخاتم الفي يدي و دموعي كانت حتنزل بس مسكتها. ماما كانت في الغرفة مع بابا لما انا جيت قالت ليهو احمد ضرب ليك قال ليها ااي ضرب لي قبيل. انا مسكت التلفون جاتني رسالة تانية من الزول الامس سلم علي و قال اسمه عبدالله و بيقرأ معانا تقريبا رديت عليه طلعت دخلت الحمام و شغلت الدش و فضلت واقفة فيه بعد طلعت رقدت طوالي. محمد وقف مسافة بعد انا مشيت ركب العربية بس ما اتحرك قال في روحه يعني هي شايفاك واحد جبان طيب يا قمر و اتحرك بس جاهو اتصال قال ليهو حجزت ليك امشي هسا عشان تأكد الحجز محمد غير طريقه وصل قدام المكان الوصفوا ليهو و دخل سلم عالبت البرة قال ليهو اتفضل دكتور المقداد في انتظارك دخل جوة كان في واحدة مع الدكتور محمد دخل الدكتور سلم عليه قال ليهو باشمهندس محمد كيفك و سلم عالبت قال ليهو انا درست الملف بتاع اخوك استاذ مازن اخوك اتعرض لي صدمة كبيرة و فشل العمليتين خلت حالته تتأزم اكتر قبل تفكروا تعملوا ليهو عملية تانية او تدخلوهوا في مرحلة علاج للشلل لازم نعالج حالته النفسية في البداية عشان يرغب في العلاج حنسلم حالته للدكتورة دي و اشر عالبت القاعدة في الكرسي التاني قال ليهو من اشطر الدكاترة المعاي هنا و ان شاء الله اخوك مازن حالته حتتحسن احب اعرفك ع دكتورة صفاء هاشم😮......... كااااااااات🐸💔

#Hnzala💙

#قمري
بقلم hanzala
-٢٣-
معتز كان جاي لي صفاء في العيادة في الوقت دا محمد كان في العيادة و الدكتور عرفوا ع صفاء. دكتور المقداد عرف محمد ع صفاء قال ليهو اقدم ليك دكتورة صفاء هاشم حتستلم حالة استاذ مازن صفاء قالت ليهو اتفضل معاي نمشي المكتب عندي و تتكلم لي عن الحالة اكتر و طلعوا محمد بدأ يتكلم ليها عن مازن من صغير و عن سفره هو و موت سمر و التغير الحصل ليهو و الحادث و اثره و عن العمليات عن كل حاجة عن مازن بيحب شنو بيكره شنو كل حاجة. محمد قال ليها بس مازن قافل على روحه و ما بعتقد انه حيقبل يجي هنا ف يا ريت لو الجلسات الاولى دي تكون في البيت صفاء سكتت شوية قالت ليهو طيب بس انت حاول اتواصل معاه و مهد ليهو شوية شوية قبل نبدأ الجلسات و طلعوا. صفاء كان دوامها خلص و طالعة في الوقت دا معتز كان وصل العيادة و عايز ينزل و صفاء و محمد جوو طالعين معتز كان نازل من العربية بس ما شاف محمد لانه كان ماشي قدام شوية من صفاء بعد طلعوا. معتز نادى صفاء و عزمها اعتذرت بأنها تعبانة حتى سواقة ما قادرة تسوق قال ليها طيب اركبي اوصلك و عربيتك يجيبوها ليك بعدين ركبت معاه و طول الطريق كان بيونسها و يتظارف لاحظ لي شرود صفاء و عدم تركيزها سألها قالت ليهو تعبانة بس قال ليها معاي بندول اديك حبة حتريحك قالت ليهو لو ارتحت الصداع حيروح سكت تاني ما اتكلم وصلها البيت لما وصلت البيت و جات تنزل نزل معاها وقف قدامها صفاء قالت ليهو يلا مسك يدها وقفها اتلفتت عليه قالت ليهو معتز في حاجة قال ليها لا طيب تصبحي ع خير و فك يدها صفاء دخلت معتز ابتسم بعد مشت و ركب العربية(معتز بيفكر يعمل شنو) محمد بعد طلع من العيادة اتحرك عالبيت و هو بيتذكر كلام صفاء انه يحاولوا يدخل مازن في تفاصيل حياته شوية شوية عشان يتجاوب معاه مثلا يوريهو جدوله و ناوي يعمل شنو و كدا وصل البيت لقى ناس البيت في الجنينة سلم عليهم و قعد عمو احمد كان لسه ما جاء محمد اتلفت ع اتجاه غرفة مازن شاف ليهو زي خيال وراء الستارة دخل البيت و طلع غرفة مازن دق ليهو الباب بس كالعادة ما بيفتح فضل يدق لمن مازن فتح الباب محمد دخل و قعد محمد قال ليهو مزون كيفك مساء الخير كيف قيلت مازن عاين لي محمد من فوق لي تحت و ما رد محمد قال ليهو مازن عايز استشيرك في حاجة مازن اتلفت عليه قال ليهو انا ناوي اتقدم لي قمر بت عمي محمد رايك شنو مازن لما سمع اسمي اتلفت على محمد ضيق عيونه على مازن قال ليهو ناوي اتقدم ليها و اخطبها و نكمل العرس بعد تخلص اساسا قربت تخلص مازن قال ليهو لو وافقت محمد قال ليهَ حتوافق مازن قال ليهو عرفت كيف حتوافق سألتها انت قال ليهو لا بس غالبا حتوافق مازن مشى عالشباك قال ليهو كويس محمد قال ليهو رأيك شنو مازن قال ليهو و انا رأيي حيفرق بي شنو انت الحتتزوجها فأنت البتقرر ما انا قال ليهو بس انت اخوي و قبل يكمل كلامه مازن قال ليهو لو سمحت اطلع برة عايز ارتاح محمد استغرب في ردة فعل مازن و طلع دخل غرفته رقد و هو بيفكر قال في نفسه يا رب مازن بيكون بيحب قمر لالا ما اظن لكن لو طلع بيحبها و عايزها!! ؟.
مازن بعد محمد طلع بس فضل سرحان بالشباك الوقت كان نهاية العصر كدا و الشمس بدت تغيب و السماء مصفرة (فهمتوا الوصف دا 😂) لون السماء كان عاكس ع وشو و عيونه البنية مشى و قعد قدام المراية عاين لروحه ليهو كم ما شاف وشو لحيته البقت مغطية وشو و ما منظمة نهائي ولا وشو التعبان و منهك و عاين للكرسي الهو قاعد فيه و رجع و بقى يفكر لو كانت سمر عايشة كان هو تقريبا ما اتشل و الوقت دا كان حيكون اتزوج سمر و احتمال يكون عندهم اطفال بس بس سمر ماتت و اختها البقيت ابعد روحي عنها لانها بتذكرني بي سمر مع انه ما حصل نسيتها بس كيف حأقدر اتحمل انها تكون موجودة معاي في بيت واحد كيف مسك راسه و غمض عيونه. محمد قام و مشى غرفة خالدة كانت بتتكلم مع واحد قال ليها انا جاي اتقدم ليك طيب ضحكت قالت ليهو لالا لسه ما خلصت انا قال ليها بس قربتي عالاقل خطوبة ساي قالت ليهو لالا خلينا نتأنى بيكون احسن اتكلمت شوية و قفلت بعد قفلت بشوية محمد دق الباب و دخل سلم عليها و قعد قال ليها خالدة عايز اسألك قالت ليهو اها قال ليها بحكم معرفتك بي قمر يعني ممكن ترفض او يكون عندها زول خالدة ضحكت ع حالة محمد لمن قعدت قالت ليهو اااي عندها محمد هاج و وقف قال ليها دا منو قالت ليهو في زي تلاتة كدا للان قال ليها خالدة قلت ليك منو ولا اقول خليتك ما عايزة اتكلم معاك قام عايز يمرق قالت ليهو دقيقة دقيقة و بقت تضحك قالت ليهو احب ابشرك قمر ما عندها علاقات ابدا قمر حتى معرفتها بالناس في الجامعة مقتصراها علي انا بس قمر عازلة روحها تماما خلي الناس انا خايفاها ترفضك انت زاتك و بقت تضحك قال ليها انت جادة عاينت ليهو من فوق لي تحت قالت ليهو و الله غالبا و ضحكت محمد قال ليها غلطان البجيك و رجع غرفته ع قدر ما كلام خالدة ريحوا ع قدر ما كلامها وترو اكتر و خوفو. اصبحنا و اصبح الملك لله صفاء صحت بدري صلت و فضلت

تقرأ في الملف بتاع مازن و بتتذكر كلام محمد عنه و انه بعد موت بنت عمه حالته تدهورت صفاء بقت تفكر في طريقة العلاج و كيف تدخل لي مازن و تعالجه. جمال صحا بدري اتجهز قعد في المكتب الفي غرفته و طلع ملف و بقى يقرأه صفحة صفحة قفله و ابتسم قال في نفسه قربت قربت (يا ربي جمال ناوي ع شنو🤔) عاين للساعة و دخله في الدرج و قفله طلع وقف قدام غرفة مرام دق ليها الباب ما جاهو صوت دق تاني ما ردت هز راسه و اتلفت عايز يمشي بس الباب اتفتح اتلفت عليها ابتسم قال ليها صباح الخير قالت ليهو صباح النور و هي بتتثائب عاين للساعة قال ليها محاضرتك قربت اتجهزي بسرعة عشان نطلع قالت ليهو بمشي براي انا انت امشي جمال حمر ليها من فوق لي تحت قال ليها ربع ساعة بالكتير و تنزلي تحت و لا استناها ترد اتحرك مرام قفلت الباب و بقت تنطط مبسوطة تاني وقفت و صرت وشها قالت انا مبسوطة ليه اي ما ماشة معاهو و فتحت الدولاب بتعزل ليها لبسة و دخلت الحمام و هي بتغني استحمت و طلعت لبست وقفت في المراية عملت ليها روج وردي فاتح و طلعت لقت امها سلمت عليها قالت ليها الليلة وشك منور ابتسمت لي امها بس جمال كان ماف اتلفتت ما شافتو قالت ليها جمال قال ليك منتطرك برة خلصي و الحقي قالت ليها انا خلصت يلا مع السلامة امها ابتسمت بعد طلعت قالت ليها ربنا يهديك يا بتي و يسعدك.
حسن ادم كان واقف مع جمال برة قال ليهو عملت شنو قال ليهو كلمتها بس ما قالت حاجة قال ليهو انا ما حأجبرها لو هي رفضت بس حاول اقنعها و الموضوع التاني عملت فيه شنو قال ليهو قربت اخلص منه ابتسم قال ليهو حنشوف تاني حيعمل شنو مرام جات جارية خايفة جمال يفوتها لقت ابوها واقف سلمت على ابوها قال ليهم يلا انا ماشي بعد ابوها طلع مرام طلعت مفتاحها قالت لي جمال يلا اشوفك بعدين و مشت على عربيتها جمال ابتسم ما قال حاجة مرام بطأت رجليها بس جمال ما جاها اتملت و عايزة تفتح العربية تلقى في زول مسك يدها و جراها قال ليها دقيقة دقيقة جراها على عربيته و ركبها و هو ركب اتنفس براحة بعد ركب قال ليها شوفي بغض النظر عن الكلام الامس القرار بيرجع ليك بس اي كان قرارك انا حأوصلك يوميا و ارجعك و قرارك ما حيأثر على علاقتنا الهسا دي ابدا و دور مرام من جوة مبسوطة جمال حمر بالجمبة كانت مبسوطة قال في نفسه دا ماوقته حأسكت وصلوا الجامعة و دخلوا المحاضرة بعد خلصت و طلعوا جمال جاهو اتصال مهم و ما قدر يأجله قال لي مرام حأمشي و اجي لو المحاضرة بدت ادخلي اقعدي و ما تشتغلي بي اي زول انا ما حاتأخر و طلع مستعجل عشان يرجع بسرعة. بعد طلع مصطفى كان مراقبهم و مشى على واحد وسوس ليهو و قعد يضحك لنا قعدت جمبو قالت ليهو حيعمل شنو ابتسم قال ليها حنتسلا شوية الولد مشى على مرام لما شافتوا جاي عليها خافت بس ما اشتغلت بيهو جا قعد جمبها شديد مرام زحفت شوية. تاني زحف عليها قدر ما تزح بيجي جمبها دايرة تقوم جراها من يدها وقعت في البينش قالت ليهو هيي لو سمحت احترم نفسك وقف فوق قال ليها و لو ما احترمت و كان جاي عليها قال ليها وريني الاحترام بيكون كيف يا محترمة يا بتاعت الصور و عايز يمد ايده و يمسكها بس في بنية جاتو خلتو يطير 20متر لوراء اتلفتت مخلوعة الولد الدق الولد قال ليهو يا رمة يا باطل يا شبه اخواتك الرجال ما بتراجلو للبنات اها بتراجلوا للرجال الزيهم دا لو انت راجل يا حيوان يا عواليق بسبب الزيك البنات بقو ما ماخدات حريتهم و بيخافوا حتى يطلعوا برة قال ليهو انت دخلك شنو بس ما اداهو فرصة يسأل زي الناس اداهو بنية في بطنه و ضربه تاني دقاهو دق العيش الولد وقع بتأوه و قام جرى الولد مشى جاب موية و جاء اداها لي مرام اللسله كانت ما مركزة و بترجف قال ليها اتفضلي يا اخت مرام ما قالت حاجة بس دموعها بقوا يجروا قعد جمبها انتظرها لمن هدت جمال كان جاء لما شافها بتبكي جن جنونه جاء على الولد مسكه و رفعه قال ليهو عملت ليها شنو يا كلب قلت ليها شنو الولد قال ليهو نزل ايدك يا اخ انت خاشي غلط قال ليهو خليتها كويسة اجي القاها بتبكي و تقول لي خاشي غلط حأوريك بيخشوا غلط كيف و عايز يدي الولد بنية بس نزلها لما سمع صوت مرام بتناديه قالت ليهو جمال ما عمل لي حاجة هو ساعدني جمال فك الولد الصلح قميصه و وقف قالت ليهو ما عنده ذنب بس خليني امشي جمال قال ليها حصل شنو طيب الولد حكى ليهو جمال شكر الولد قال ليهو ما قصرت مرام شكرتوا برضو بس قالت لي جمال عايزة ترجع البيت الولد قال ليها انتي في الدفعة كم قالت ليهو في الدفعة... قال ليها معاي يعني طيب انا بسجلها و برسلها للاخ دا و شال رقم جمال الشكروا تاني و عايزين يمشوا بس جمال قال ليهو اسمك منو انت قال ليهو اسمي عمر. عمر محمد علي🐸و اتحركوا. محمد قام من الصباح اتجهز و طلع لقى خالدة طالعة قال ليها اوصلك في طريقي قالت ليهو لا شكرا بمشي براي حمر ليها من فوق تحت قال ليها ما عشان سواد عيونك يا الاخت قالت ليهو عارفة عشان كدا الواحد يستغل الايام دي لانها ما حتتكرر يلا و طلعوا.

وصلوا الجامعة انا كنت لسه ما جيت كالعادة صحيت من الصباح و لحقت معتز ما عارفة بس بديت الحقه من يوم لقيت ملف فيه صورته هو و ابو و ناس تانية في المكتب بتاع بابا بقيت اتابعه و لما سألت بابا عن حسن ادم و ردة فعله الغريبة مع انه بابا ما بيعصب ساي و مسالم لأبعد حد خلتني اشك أكثر. معتز طلع من البيت لف لفة طويلة مشى ليهو اماكن كتيرة اخر حاجة مشى عالشركة الزمن كان اتأخر عالمحاضرة الأولى و التانية حتبدأ كمان خمسة دقائق شفت التلفون لقيت اتصالات كتيرة من خالدة. اتحركت عالجامعة وصلت نزلت بسرعة لقيت دكتور اسامة في وشي لما داخلة سلم علي و سألني عن سبب غيابي قبيل قلت ليهو كان عندي ظرف والله و اتأخرت قال لي ان شاء الله خير قلت ليهو خير خير و دخلت محمد كان واقف جمب القاعة لما جيت لقيت الناس دخلوا ما حبيت اني ادخل قعدت جمب القاعة محمد جاء سلم علي قال لي ما حضرتي المحاضرة الاولى قلن ليهو كان عندي مشوار و اتأخرت قال لي مشوار وين حمرت ليهو و ما رديت سكت بس هو كان عايز يسألني عن الدكتور لكن ما سألني.( محمد طريقة قمر كانت بتستفزه و بتخوفوا كمان و ما قادر يعمل حاجة و خايف من ردة فعلها و قرارها) قمت قلت ليهو انا حأمشي بعد كدا قال لي على وين ما رديت و طلعت مشيت على البيت محمد رسل رسالة لي خالدة و لحقني بعد طلعت انا مشيت البيت هو دخل وراي سمعت بابا و ماما بيتكلموا قالت ليهو يا ترى قمر حتوافق ولا لا قال ليها والله محمد زول كويس و خلوق و لد اخوي يعني احسن لي من الغريب لكن نشوف راي البت و بعدين قمر عايزة ليها زول يكون صبور شديد عشان تطلع من الحالة الهي فيها زول يكون معاها خطوة بي خطوة و الولد اتكلم من بدري من السنة الفاتت و لسه باقي عليها (محمد تتذكروا لما قعد مع عمار في جنينة بيتهم و كلموا بي سفروا يلا كان كلم عمار عن انه عايز يتقدم لي برضو و انه الزمن هسا ما مناسب و خايف انه لو سافر و جاء يلقاني ارتبطت و ضعت منه) انا اتصدمت و انا بسمع كلامهم كنت بقول لي روحي بيكون بيتكلموا عن زول تاني بيكونوا قاصدين زول تاني قمر تانية بيتكلموا عن منو عني انا عني انا قمر و محمد منو و عايز شنو قلت ليهم بصوت مخنوق اوافق على شنو اتخلعوا لما شافوني ماما قالت لي ولا شيء بس بابا قال ليها قسمة دقيقة انتي قال لي بما انك سمعتي يا قمر فتعالي اقعدي هنا قلت ليهو بدون ما اقعد انتو كنتو بتقولوا شنو قال لي محمد ولد عمك اتقدم ليك و انا موافق و امك برضو و كلنا موافقين بس منتظرين رأيك و بدون موافقتك مافي حاحة بتبقى محمد كان واقف في الباب و سامع الكلام قلت ليهو موافقة مين انا اوافق على منو و شنو اساسا انتو جادين و لا بتهظروا ما عارفين اني قلت ما عايزة ما عايزة لا علاقة لا عرس ما عايزة راجل في حياتي اساسا ليه طيب جايين هسا تتعاملوا كأنه ما وريتكم ليه بابا قال لي يا بتي لسه مافي حاجة حصلت و بدون موافقتك مافي حاجة بتبقى قلت ليهو اساسا موضوع زي دا ما المفروض يتفتح بابا قال لي انتي رافضة ليه قلت ليهو عشان بس ما قدرت اكمل طلعت بسرعة برة شفت محمد كان واقف في الباب حمرت ليهو و عيوني بتطلع نار جريت عالصالة فتحت الباب و دخلت بسرعة غمضت عيوني و نطيت في المسبح. محمد لحقني بعد طلعت كان وراي شافني لما دخلت بس لما دخل ما لقاني.وقف مسافة يتلفت ما عرفني مشيت وين عايز يمشي بس لاحظ للفقاقيع البتطلع من المسبح قال مستحيل مستحيل جاء جاري بسرعة عايز ينط بس يتفاجأ بي راسي بطلعوا براحة براحة محمد وقف في مكانه متجمد طلع براحة و رجع البيت رقد و كل ما يقعد يتذكر منظري و انا بطلع راسي براحة و مغمضة عيوني و شعري القصير المبلول. قعد شوية خالدة جات ناداها و بدأ يسالها عنيو كدا خالدة حكت ليهو قالت ليهو بقت لما تغضب تغطس في المسبح و لو كانت برة البيت عندها زي اسورة من بلاستيك بتتمط مسافة فلو غضبتها و هي برة البيت او في مكان تاني بتجرها مسافة و تفكها تخليها ترجع و تضربها و تفضل تعمل كدا لمن ترتاح قمر اتغيرت يا محمد و ما معروف ترجع ولا لا .جمال ساق مرام ع مكان هادي قعدوا هناك مرام كانت ساكتة طول الطريق و ما اتكلمت بعد وصلوا نزلوا و قعدوا ليهم في مكان هااادي بس لسه مرام ما اتكلمت كانت هااادية جمال ناداها بس ما سمعتوا ناداها تاني اتخلعت قالت ليها هاااا قلت حاجة قال ليها سرحانة وين قالت ليهو ولا شيء بفكر انه انا عملت شنو عشان اتعاقب بالطريقة دي ما عارفة عملت شنو يمكن غلطت غلطة كبيرة و انا ما عارفة و ربنا بيعاقبني بيها هسا جمال ما قدر يتكلم ما قدر يقول ليها ربنا بيعاقبك بسببنا بسبب اخوك و ابوك و سببي انا بس سكت حاول يغير ليها جو بقدر الامكان قعدوا مسافة ساكتين قال ليها مرام عايز اسألك انتي ما موافقة ليه ما ردت قال ليها شوفي ما عارف انتي رافضة ليه بس زي ما قلت ليك اي كان قرارك ما حيأثر على انه انا اخوك الكبير قبل اي شيء و ي سندك للابد. قعدوا للمغرب و قاموا يرجعوا البيت بعد وصلوا جات تنزل اتلفتت على جمال قالت ليهو جيمي انا

موافقة و نزلت بسرعة و دخلت البيت جمال ما استوعب كلامها في البداية بعد مسافة فهم كلامها اتبسط و قعد في العربية ما قدر ينزل منها قعد سرحان في عالم تاني بس طلعوا من عالمه صوت قزاز العربية بيضرب اتلفت لقاهو معتز قال ليهو لسه حتقعد في العربية كتير قال ليهو كنت نازل هسا و بي جوة لعن معتز الف مرة نزلوا دخلوا جوة لقى عمو و انصاف تحت سلم عليهم بس طلع طوالي ما كان قادر يقعد و يسيطر ع تعابير وشو كويس عمو لاحظ ليهو و شبه عرف السبب . باقي الايام مرت بصورة روتينية و تقريبا موضوع محمد كلهم عارفينوا بس منتظرين امتحاناتي تخلص الليلة اخر يوم امتحان 🐸💔 امتحنا و طلعنا لما طلعنا لقيت دكتور اسامة. في الباب سلم علي قال لي اها الامتحان كيف قلت ليهو الحمدلله قال لي كويس باقي ليكم سمستر بس و تخلصوا قلت ليهو اخيرا و اتكلم شوية و مشى. انا قعدت منتظرة خالدة تجي ما عارفها مشت وين طلعت و ما لقيتها هي طلعت قبيل من نصف الزمن و ما عارفاها مشت وين. قاعدة منتظراها في زول جاء قعد جمبي اتلفت عليهرلقيتو محمد سلم علي و قعد قال لي ممكن اتكلم معاك شوية قلت ليهو اتفضل قال لي شوفي انا

#Hnzala💙

#قمري
بقلم hanzala
-٢٤-
محمد قال لي انا عارف انك مريتي بظروف صعبة و عارف قدر شنو انتي اتألمتي و اتجرحتي و اتكسرتي و فقدتي اديني فرصة اقيف معاك و اسندك اتلفت عليه و قمت فوق قلت ليهو انا ساندة روحي براي ما محتاجة زول قال لي بس انا قلت ليهو اتكلمت و انا سمعتك و قراري انتو كلكم عارفنوا لكن حأقولها ليك تاني انا ما موافقة و قمت لبست نطارتي و طلعت مشيت البيت لقيتهم قاعدين غالبا كانوا بيتكلموا عني و محمد باقي الايامات دي بقينا حديث الاسرة سلمت عليهم بابا ناداني قال لي امتحانك كان كيف قلت ليهوالحمدلله قبل يفتح لي اي موضوع قلت ليهو انا مسافرة قال لي وين قلت ليهو ماشه البلد قال لي خلي علي يوصلك بكرة قلت ليهو لا بمشي براي عمار قال لي انا و ميار كنا ناوين نسافر زي اسبوع كدا نمشوا مع بعض و قررنا نطلع بكرة طلعت الغرفة طوالي يمكن كنت بهرب من انه اقعد معاهم عشان ما يفتحوا معاي الموضوع طلعت شنطتي و بقيت اطلع لي شوية غيارات هناك عندي ملابس في بيت جدو طلعت شوية حجات و رقدت. بالصباح في بيت حسن ادم كانوا بيتناقشوا في موضوع جمال و مرام و انه يعملوا الخطوبة و كدا بس جمال قال ما عايز جرجرة يعملوا عرس طوالي في الاجازة بتاعت السمستر مرام جات نازلة عشان تمشي الجامعة سمعتوا بيتكلم مع ابوها قالت ليهم لالا عرس شنو انا لسه ما خلصت و ما مستعدة لمسئوليات زي دي و دقت ليهم جرس بس جمال كان مصر مرام قدر ما حاولوا يقنعوها ابت اخر حاجة قامت قالت ليهم اريحكم خلاص انا ما دايرة ما موافقة و قامت جرت غرفتها حسن ادم قال لي جمال خلاص يا جمال تأجله العرس بعد تخلص بس جمال كان مصر شديد سكت ما رد قال ليهو عن اذنك يا خالي عايز اتكلم مع مرام برة قال ليهو اكيد بس ما تضغط عليها قال ليهو اكيد و طلع لي مرام دق ليها الباب ما ردت كانت بتبكي ناداها ما ردت قال ليها مرام افتحي لي الباب بس عايز اقول ليك حاجة مرام فتحت الباب و عيونها كانوا حمر و دموعها لسه نازلات قال ليها مرام خلينا نطلع نتفاهم برة قالت ليهو ما دايرة معاك كلام و عايز تقفل الباب بس جمال مسك الباب قال ليها خلينا نطلع و اوعدك ما حيحصل الا الانتي دايراهو قالت ليهو دقيقة اغير قال ليها تغيري شنو الملابس دي لبستيها هسا خلينا نطلع و طلعوا طوالي طول الطريق جمال ما اتكلم وصلوا ليهم مطعم و نزلوا طلبوا عصير جابوا ليهم فضلوا ساكتين شوية و جمال قال ليها.... كااات🐸. مازن كان قاعد في غرفته و بيتأمل بالشباك كالعادة شاف محمد جاء راجع بالعربية بس معاهو واحدة دي منو يا ربي و هو يقول عايز قمر و يطلع و ينزل مع البنات ما حأخليه حأتكلم معاه لو ما عايزها مافي داعي يجرجرها معاه كدا لكن انا مالي بيهو لكن قمر بت عمنا و زي خالدة و بعدين دي اخت سمر حأتكلم معاه لالا ما حأتكلم حأتكلم و مشى عالباب فتح المفتاح بس اتراجع قعد قدام المراية و بقى يعاين لروحه و يقول اقول ليهو شنو و بصفتي منو و بعدين زول عاجز زيي حيعمل شنو فضل قاعد و بيتكلم مع روحه في الوقت دا محمد دخل لقى امه قاعدة سلم عليها و عرفها عالبت قال ليها دي دكتورة صفاء الحكيت ليك عنها خالتو نازك سلمت عليها تاني و قالت ليهو ان شاء الله اخوك يرضى بس و قالت لي صفاء استحمليه يا بتي هو ما كان كدا بس و سكتت صفاء قالت ليها ولا يهمك يا خالتو دا شغلي و ان شاء الله حيتحسن بس انتي ادعي ليهو قالت ليها ربنا يسمع منك يا بتي محمد قال ليها ندخل و قاموا دخلوا غرفة مازن دق الباب بس مافي رد كالعادة بس الباب ما مقفول بالمفتاح فتح الباب و دخل لقاهو قاعد قدام المرايه محمد دخل قال ليهو يسعد صباحك مازن ما رد قال ليهو عايز اعرفك على واحدة مازن رفع راسه قال ليها اتفضلي صفاء دخلت سلمت على مازن اللي عاين ليها من فوق لي تحت و قبل قدامه قال ليهو ما عايز اتشرف بالمعرفة دي اتفضل انت و ضيفتك برة قال ليهو بس انت ما عرفتها قال ليهو ولا عايز اعرفها و انت ما ممكن امس تقول عايز قمر و الليلة تلف و تدور على راحتك دي بت عمنا ما و حمر لي صفاء و مشى عالشباك محمد قال ليهو بس دي صفاء اشرت ليهو بأنه يطلع طلع و قفل الباب مازن افتكرهم طلعوا كان عايز يقفل الباب بس اتفاجأ بي صفاء لسه واقفة جمب الباب قال ليها يا هيي اطلعي برة و الحقي الطلع دا صفاء قعدت في الكنبة قالت ليهو اسمي صفاء و انا ما جيت عشان محمد جيت عشانك انت لما قالت كدا مازن قال ليها عشاني انا قالت ليهو انا دكتورة قبل تكمل كلامها مازن قال ليها ما عايز عمليات تاني قالت ليهو بس انا ما جاية لي عملية مازن سكت مسافة رفع رأسه قال ليه psychiatrist و ابتسم ابتسامة مكسورة قال ليها قالوا ليك انا مجنون قالت ليهو ما قالوا لي و لا المهم القالوا لي انا عايزة اسمعك انت و ما تفكر اني دكتورة و كدا اعتبرني انا صفاء زميلتك اختك بس حتتونس معاي ما اكتر و الحاجة العايز تقولها لي انا حأسمعك و لو ما عايز تتكلم ما مشكلة ممكن احكي ليك انا مازن قال ليها لا اسمعك لا تسمعيني اطلعي برة برة و مازن بقى هايج و

بيجر و يرمي في الحجات محمد فتح الباب لقاهو هااايج و بيصرخ طلع صفاء و حاول يهديه بس مازن قال ليهو اطلع انت زاتك و طلعوا و قفل الباب و بقى يبكي قال في نفسه شايفة كلهم مفكرين اني مجنون ما عارفين انه انا بس و سكت. ديل نزلوا تحت خالتو نازك كانت بتبكي هدت شوية قال ليها اسفين يا بتي ما عارفة اقول ليك شنو بس هو والله ما كان كدا صفاء ابتسمت ليها ابتسامة دافية قالت ليها عادي بتحصل كتير و دا شغلي اساسا فلازم اتحمل و بعدين مازن حالته ما سيئة شديد ياما مرت علي حالات اسوء من كدا بكتير ودي البداية بس محمد قال ليها حنعمل شنو طيب مدام هو رفض قالت ليهَ دي اول مرة لكن حيقتنع اكيد. صفاء طلعت مع محمد وصلها العيادة لما جات تنزل قالت ليهو ما تضغط عليه خليهو على راحته قال ليها طيب في الوقت دا معتز كان واقف بعربيته قدام العيادة و شاف صفاء لما نزلت و بتتكلم مع واحد نزل و مشى عليها بس صاحب العربية اتحرك صفاء عايزة تدخل بس معتز ناداها استغربت لما شافتو قال ليها دا منو الوصلك دا قالت ليهو معتز انت هنا من متين قال ليها من شوية دا منو الوصلك دا قالت ليهو حالة جديدة قال ليها و بتعالجيه وين ان شاء الله في العربية ولاااا قالت ليهو معتز دا شنو الاسلوب دا و بلييز ما تدخل في أساليب علاجي او تعاملي مع الناس و مشت خلتو معتز ضرب برجله في الارض و رجع العربية كان غضبان شديد و اتحرك بسرعة. محمد كان بيفكر و قال في نفسه حأخليها يومين و اعزمها يوم الاثنين و احاول اقنعها ما حأقنع او اقيف لمن توافق. جمال كان قاعد مع مرام قال ليها اتفقنا ما ردت مسك يدها قال ليها مرام هزت راسها قال ليها جوعتيني ياخ خلينا نفطر. مرام ما اتكلمت كانت بس بتعاين لي جمال و بتقول في روحها كيف جمال الهادي شايل كل دا في روحه و كمان ساكت و لسه قادر يتحمل يا رب جمال طقطق ليها قال ليها هيي يلا نأكل سرحتي وين قالت ليهو معاك قال ليها طيب بدأوا يأكلوا جمال قال ليها الليلة كنتي حتمشي تأخدي الجدول صح قالت ليهو نزلوا قال ليها عمر الولد الامس شلت رقمه رسل لي المحاضرة و قال امتحاناتكم كمان اسبوع مرام قلعت عيونها قالت ليهو انا ما جاهزة لالا ارح وديني البيت يلا يلا جمال قال ليها لا ما حنرجع الليلة يومي انا و من بكرة تبدي قعدوا شوية و طلعوا جمال نظم ليهم يوم طويل يقضوهوا مع بعض. معتز قعد ضرب لي واحد قال ليهو عملت شنو قال ليهو قدر ما حاولت ادخل ليها ما قدرت لكن على منو ما حأخليها الا اجيب رأسها معتز هاج فيه قال ليهو ليك كم بتسكتني بالكلام الفارغ دا و بعدين دا منو المعاها دا قال ليهو ما عارف والله لكن اصبر علي (يا ترى البت دي منو البيتكلموا عنها دي 🙂) معتز قال ليهو يا ريت اشوف نتائج قريب و قفل الخط. خالدة وصلت البيت سلمت على امها و طلعت دخلت غرفتها و قفلتها تلفونها رن ردت قال ليها دخلتي قالت ليهو اي اتكلم معاها شوية و قفل الخط خالدة كانت مبسوطة و بتتذكر لما قبيل جاها و وصلها البيت و كيف هو بيعاملها حضنت التلفون ورقدت في السرير قالت شكلي حأوافق ضحكت ع روحها و دخلت الحمام. انا جهزت الشنطة نادوني نزلت اتغدينا مع بعض عمار قال لي حنمشي بعربيتي كلنا بكرة حنتحرك الساعة 6 قلت ليهو انا حاكون وراكم بس عمار رفض و اصر اني امشي معاهم عمر جاء داخل سلم علينا ماما قالت ليهو تعال اقعد معانا قال ليها انا اكلت برة و امتحاناتي قرربت حادخل ابدأ اقرأ عمار ضحك فيه قال ليهو و احنا مسافرين البلد اجازة قال ليهو انتظروني اخلص و امشي معاكم قال ليهو يا زول مسافرين بكرة كمان عمر قال ليهو يلا حاقطع علاقتي معاك من الليلة الله يخلي قمر و علي عمار ضحك مسافة قال ليهو قمر معانا عمر قال ليهو بلا ما داير معاكم كلام دخل غرفته. انا طلعت الغرفة و دخلت الصالة قعدت و دخلت رجليني في المسبح (زمان كنت بخاف من السباحة و الموية بس حاليا بقيت بحبها لابعد حد في فرحي و زعلي و غضبي بلجأ للموية بتريحني بقت حياتي التانية) ماما دخلت غرفتي ما لقتني دخلت الصالة لقتني قاعدة قعدت جمبي اتلفت عليها و تاني رجعت زي ما كنت سكتت مسافة قالت لي قمر يا بتي انا ما عارفك قرارك او ناوية على شنو بس صدقيني محمد ود عمك زول كويس و لو ما كنا واثقين فيه كنا رفضناه من اول ما عرفنا اتلفت عليها قالت لي محمد اتكلم فيك من سنة و ما كان عايز يسافر بس اتجبر انه يسافر و انتي هسا ما ترفضي او توافقي فكري و استخيري في الفترة دي و كلنا معاك سكت ما قلت حاجة بس كنت بفكر انه افهمها كيف انه انا ما رافضة محمد في شخصه انا رافضة الفكرة كلها رافضة جنس ادم كله كيف افهمهم انه انا ما عايزة اتزوج ابدا. ماما طلعت و انا شوية و طلعت غرفتي رقدت طوالي و نمت. جمال و مرام ما خلو مكان لفوا البلد كلها و اشترى ليها حجات كتيرة رجعوا البيت الساعة 9 دخلوا لقوا انصاف و حسن قاعدين سلموا عليهم. مرام طلعت فوق جمال قعد معاهم بعد مرام طلعت انصاف قالت ليهو مرام وافقت حسن قال ليها الجواب باين من عنوانه انصاف زغردت و باركت لي جمال

قال ليها امتحاناتها كمان اسبوع و حتستمر اسبوعين نعمل العرس الأسبوع البعد الامتحانات طوالي حسن ادم قال ليهو ربنا يسهل ليكم يا ولدي جمال ابتسم ليهو و عاين ليهو مسافة و قال ليهو امين انصاف قالت ليهم لكن الزمن دا ما حيكفي جمال قال ليها لا لا انا ما صدقت انه مرام اقتنعت حسن قال ليها حيكفي بس انتي اكتبي حجاتك الحتحتاجيها كلها و حتلقيها عندك قامت تجهز حجاتها معتز جاء داخل لقاهم قاعدين سلم عليهم و عايز يطلع بس ابوه قال ليهو ما حتبارك لي جمال قال ليهو خير قال ليهو حددوا عرسهم خلاص الدور و الباقي على ناس ليها سنة وليه معتز بارك لي جمال قال ليهو احنا زاتنا قربنا بس اصبروا ابو قال ليهو صابرين(😂صابرين ولا الحلة الجديدة) معتز طلع غرفته. انا صحيت الساعة 5 دخلت استحميت و اتجهزت صليت نزلت الصالة اتذكرت كلام ماما انه افكر في الفترة دي قلت ما حاغير راي ابدا و بعدين انا محددة هدفي من زمان و ما حأغيروا و طلعت شلت شنطتي بتاعت الضهر لبستها و نظارتي و طلعت نزلت تحت لقيتهم قاعدين ماما يا حليلها جهزت لينا اكل و شاي و قهوة و عملت لي عصير كلهم كانوا صاحين و عمر بيقرأ في الجنينة طلعنا خلاص حنمشي ماما حاضناني و بابا برضو و علي و عمر جاء علينا ماما ما كانت حتخليني ماسكة فيني و ما عايزة تفكني عمار قال لي يلا ودعتهم بابا قال لي تصلوا بالسلامة و ماما وصلتني للعربية بعد ركبت جاتني بالشباك قالت لي فكري كويس و مشت علي قال لينا سلموا على ناس جدو و عمر قال لينا حأحصلكم لو خلصت و ما جيتو يلا اتحركنا عمار كان سايق و احنا في الطريق خالتو نازك ضربت لي ميار قالت ليها اتحركنا قبل شوية و ادتني ليها سلمت علي و سكتت كأنها كانت عايزة تقول حاجة بس فضلت ساكتة قفلت الخط و اديت التلفون لي ميار. غفيت شوية في الطريق. عمار و ميار بيتكلمو قالت ليهو كلمت محمد؟؟ قال ليها لا قالت ليهو رأيك انه حتوافق قال ليها ما عارف بس لازم تصل للقرار براها. انا حلمت بي سمر قاعدة في مكان كدا لما شافتني نادتني و قعدتني جمبها شوية و قامت خلتني اتلفت ما لقيتها بس جات و معاها محمد قعد جمبي و هي مشت و كانت بتهز لي راسها بمعنى ااي صحيت مخلوعة من الحلم لقيت انه وصلنا اساسا قرية ناس جدو ما بعيدة شديد 4 ساعات كدا و وصلنا مع انه عمار كان سايق بسرعة متوسطة قريتهم اسمها كبوشية (🐸💔صفاء سوقيني معاك 🙂نفسي ازورها) ميار قالت لي وصلنا. جدو و حبوبة كانوا منتظريننا في الباب نزلنا سلمنا عليهم و عايزين يدخلوا انا وقفت في الباب مسافة لي سنة و 4 شهور من اخر مرة جيت هنا و كانت معاي سمر سيل من الذكريات مر علي. بس جدو مسك يدي قال لي يلا يا بتي دخلنا جوة قعدنا و السلام و جيران ناس جدو و كدا جو و سلموا علينا و الفطور و الشاي و بيتونسوا انا ما قدرت اكل بس قلت ليهم عايزة ارتاح حبوبة قالت لي الغرفة جاهزة دخلت طوالي فتحت الباب كانت في نفس الترتيب مافي ولا حاجة اتغيرت عن اخر مرة قعدت في السرير شوية و فتحت الدولاب ملابسنا لسه مرتبة فيه غمضت عيوني و رقدت. محمد في الشركة مع علي قال ليهو عمار وين الليلة قال ليهو سافروا البلد هو و ميار و قمر محمد قال ليهو متين قال ليهو قبيل بالصباح محمد سكت ساي علي ربت ليهو ع كتفه و قعد. باقي الايام مرت براحة انا كنت قافلة تلفوني و ناسية اي حاجة او كنت بتناسى بالاصح محمد حاول يضرب لي بس تلفوني كان قافل و عمر و مرام كانوا بيقروا للامتحانات و جمال في شغله و تجهيز للعرس و صفاء كانت يوميا بتجي لي مازن و بترجع بي نفس النتيجة. الليلة عمار و ميار حيرجعوا قضوا اسبوع و حيرجعوا عشان الشغل كنا واقفين بنودعهم مشوا عمار حضني مسافة قال لي زي ما اتفقنا و طلعوا رجعت دخلت الغرفة فضلت افكر في كلامنا مع عمار بالصباح (عمار قال لي قمر انتي عرفتي بموضوع محمد صح قلت ليهو ااي قال لي فكرتي قلت ليهو قراري ما محتاج تفكير سكت شوية قال لي ما عارف قرارك شنو بس فكري كويس و اتأني و استخيري و انا معاك و الدايراهو بيبقى احنا حنمشي بعدين عايزة حاجة قلت ليهو لا تصلوا بالسلامة) كلهم ما فاهمين انه انا مشكلتي ما مع محمد مشكلتي اخخخخ و قمت قلت كدا استخير صليت نمت حلمت نفس الحلم بتاع المرة الفاتت بس ما اهتميت كتير. نمت تاني. الليلة بداية الامتحانات عند مرام و عمر. جمال وصلها و مرام كانت خايفة وصلوا الجامعة فضلوا في العربية جمال كان بيهديها شوية شوية و يقنعها انها قرت و اجتهدت بس مرام كانت خايفة و عايزة تبكي عديل. نزلوا مع جمال لقوا عمر جمب الباب سلم عليهم وقت الامتحان جاء دخلوا الامتحان كان ساعتين جمال انتظرها برة لمن طلعت كانت مبسوطة و الامتحان كان حلو و باقي الامتحانات بتاعتهم مرت نص حلو و نص وسط لمن خلصوا اخر يوم بالصباح بعد طلعت جمال قال ليها عازمك الليلة قالت ليهو ماما قالت لي البيت طوالي و لا يمين ولا شمال قال ليها بس انا قاطعهم صوت التلفون بيضرب جمال رد كانت انصاف قالت ليهو مرام طلعت قال ليها اي خلصوا هسا قالت ليهو وصلها البيت

عشان نبدأ التجهيزات قال ليها طيب و طلعوا اتحركوا في الطريق مرام قالت ليهو عايزة ايسكريم ياخ وقف شال ليهم قالت ليهو خلينا ناكل في العربية و نمشي قعدوا شوية و مشوا البيت. في نفس اليوم دا بالصباح الجامعة قالوا اسبوعين و تفتح قاعدة كدا جدو جاني قال لي يا بتي انتي بتي و محمد ولدي و الاتنين غاليين علي و رأيك ما حيأثر علينا لا بالعكس حيزيدنا قوة و ترابط بس فكري يا بتي محمد ولدي اسأليني منه انا ما بتلقي احسن منه كنت عايزة اقول ليهو انا ماعايزة لا احسن لا اسوء بس سكت الساعة كانت 6 ونص كدا لما جدو اتكلم معاي بعد كدا نمت شوية صحيت زي الساعة 8 كدا طلعت برة الجو كان حلوو شديد طلعت قلت اتمشى شوية بس اشوف ليك عربية وقفت و نزل منها محمد 🐸💔كااااااااات

#Hnzala💙

#قمري
بقلم hanzala
-٢٥-
مرام بعد وصلوا البيت امها و خالاتها استلموها من الباب و كانوا مجتهدين شديد و بدأوا طوالي لانه العرس بعد 6 يوم بالظبط مرام قالت ما حتمشي السوق امها تجيب ليها ع ذوقها طلعوا مشوا السوق و هي نامت جمال دق الباب ما فتحت لز الباب براحة دخل لقاها نااايمة وقف اتأملها كانت زي الملاك نايمة زي الاطفال جمال وقف مسافة في الحالة دي قال في نفسه يا حظك يا جيمي حتصطبح يوميا بالوش دا ااااخ لكن اتذكر كلامه مع مرام لما مشوا المطعم قال اااخ من يومي غبي لكن ما مشكلة كله عشانك يهون اتذكر (لما اتكلم معاها في المطعم. (مرام انتي رفضتي تاني ليه ما عايزاني لو ما موافقة علي انا ما حأفرض روحي عليك بس كلميني عالاقل و اديني سبب مقنع قالت ليهو ما كدا بس حاليا انا ما جاهزة لي عرس و مسؤولية فهمت قصدي ابتسم مسافة و ضحك قال ليها طيب احنا حنعمل العرس و حنعيش زي الاول ما حأطالبك بي اي شيء و لا حتكون عليك اي مسؤولية بس حنعمل عرس و زي الاول مافي حاجة حتتغير ابدا مرام قالت ليهو انت ما مجبور تتحمل كل دا و كدا حتكون ظالم روحك و قبل تكمل كلامها جمال مسك يدها قال ليها انا حأظلم روحي لو زعلتك او قصرت في حقك انا ما عايز اي مشكلة او عقبة تقيف في طريقنا و بس سكت ما واصل بس كان بيعاين ليها في عيونها و بيتكلم بعيونه خايفها تضيع من ايده و عايز ينتشلها من الفساد العايشين فيهم ابوهم و معيشم فيها) مرام بدت تتململ صحت لقتوا واقف قدامها اتخلعت لما شافتو قالت ليهو جمال في شنو و انت هنا من متين حب يلعب بأعصابها قال ليها عقدنا قبل شوية و انتي نايمة فجيت ابارك ليك غمز ليها عينه و بقى ماشي عليها خطوة خطوة مرام طارت فوق عايزة تجري و تطلع بس جمال مسكتها قال ليها اهدي اهدي غشيتك ياخ انا حأرحل في الاسبوع دا عشان تاخدوا راحتكم و كدا غمز عينه تاني قالت ليهو انت الليلة عيونك مالهم هييي يلا برة قال ليها طيب يلا مع السلامة مدت يدها مسكها مسافة لما فكاها كان في يدها في بطاقة قال ليها اديت خالتو بتاعتي و دي عملتها ليك لو اتذكرتوا حاجة او طلبوا حاجة يلا في امان الله طلع مرام اتنفست و ابتسمت بس تاني دخل راسه قال ليها يلا قالت ليهو مع السلامة بعد مشى قفلت الباب نطت في السرير و بقت تفكر في حياتها الحديدة و جمال و عيون جمال و اسلوب جمال و طول جمال و شعر جمال(🐸💔قلة ادب فارغة دا انبراش بالواضح) ضحكت على روحها و رقدت تاني. انا فضلت قاعدة و بفكر في كلام جدو و ماما و عمار و حتى بابا طيب يا رب اعمل شنو و انا ما ناوية اتزوج اصلا اااخ طلعت قلت اتمشى شوية مع فتحت الباب عايزة اطلع بس لقيت محمد قدامي لما شفتو اتذكرت حلم سمر كأنه في شاشة قدامي و شايفاهوا اتفاجأت شوية بس ما ظهرت ليهو محمد ابتسم قال لي قمر كيفك صباح الخير قلت ليهو صباح الخير جدو و حبوبة جوة و طلعت اتمشى محمد لحقني قال بس انا ما جيت ليهم جيت عايز اتكلم معاك قلت ليهو تتكلم معاي انا؟؟ قال لي قمر اخر مرة بس اسمعيني ما رديت و واصلت مشي و هو مشى معاي في البلد في ترعة(🙂 للما بيعرفوها زي جدول صغير😂) و فيها شجر كتير و في شجرة جزورها قوية و طالعة لي برة ممكن تقعد فيها قعدت هناك و محمد قعد جمبي قال لي قمر عايز اسألك سؤال واحد انت رافضاني ليه بس قولي لي يا محمد انت كذا و كذا (🐸انت كذا و كذا) و تاني ما حافتح معاك الموضوع دا ابدا ما رديت ليهو قال لي قمر قلت ليهو المشكلة ما فيك قال لي طيب في شنو سكت شوية قال لي اكلمي يا قمر يمكن نقدر نحلها اتلفت عليه قلت مشكلتي ما معاك انت و سكت قام قعد قدامي مسك يدي بسرعة و ابا يفكها قدر ما جريتها قال لي شوفي مهما كانت مشكلتك او اسبابك انا ما حأتزوج غيرك و حأنتظرك ابتسمت ليهو ابتسامة مستفزة سكت مسافة قلت ليهو تقبل تتزوج واحدة ما عايزاك و لا عايزة اي راجل تاني تقبل تتزوج زواج على ورق تقبل تضيع عمرك و تفقد حجات كتيرة و تتنازل عنها سكت ما رد ضحكت قلت ليهو شفت و جريت يدي و قمت ماشة قال لي اي بقبل اذا الواحدة دي حتكون انتي بقبل قلت ليهو ما تقدم وعود و تستعجل في قرارات ما حتقدر تنفذها قال لي السؤال انه لو انا وافقت انتي حتوافقي قلت ليهو ما حتقدر تعيش حياة زي دي و مافي حاجة بتجبرك و مشيت لحقني وقف قدامي قال لي انا موافق انت مشكلتك شنو قلت ليهو ما تخرب حياتك بيدك ابتسم قال لي كدا حأصلحها اها كدا موافقة قلت ليهو لكن ما قاطعني و ربع يدينو قال لي كدا احسن يا قمر بالعقل حتفضلي ترفضي كدا لمتين و بدون اسباب مقنعة لو وافقتي حتريحي رأسك من الكلام و انا ما حأطالبك بأي حاجة قلت ليهو انت بتقبل تعيش كدا قال لي بقبل بس عندي شرط واحد رفعت ليهو راسي قال لي اي حاجة عايزاها حتتنفذ ما عندي مشكلة بس العرس حيكون الجمعة و زي ما اتفقنا كل الحاجات القلتيها حتتنفذ ما رديت قال لي يعني موافقة قلت ليهو طيب لو بتقدر ابتسم قال لي طيب و مد يدو عاينت ليها مسافة و مديت ليهو يدي قال لي معناها اتفقنا و مشينا وصلنا البيت لقيت جدو جمب

الباب سلم على محمد قال ليهو جيت متين قال ليهو من شوية قال ليهو طيب ادخل جوة ارتاح قال ليهو مافي طريقة حنطلع هسا و انتو زاتكم حتجو معانا جدو عاين لي قال ليهو خير قال ليهو عرسنا الجمعة الجاية جدو اتبسط قال لينا مبروك و ربنا يسعدكم يا اولادي دخلنا كلموا حبوبة الزغردت و بكت محمد قال ليهم يلا بسرعة عسان نرجع بدري جدو قال ليهو احنا حنلحقكم بكرة الليلة نلملم حاجاتنا و نلحقكم بكرة محمد قال ليهو مافي مشكلة ننتظركم تلموها و نمشي مع بعض جدو قال ليهو لالا يا ولدي انتو امشوا قال ليهو بس حتتعبوا في الجية قال ليهو انا بضرب لي علي يرسل لينا عربية تجيبنا انت ما تشيل هم هسا افطروا عشان تلحقوا تمشوا و تبدأوا تحضروا قال ليهو سمح حبوبة جهزتالفطور قعدوا كلهم و نادوني قلت ليهم ما عايزة هسا جدو قال لي القمرة تعالي قلت ليهو باكل بعدين هسا ما جعانة و مشيت الغرفة محمد قال لي جدو دقيقة اناديها لحقني دق الباب قلت ليها حبوبة انا ما عايزة هسا دق الباب تاني فتحتوا لقيتوا واقف قال لي ما عايزة تاكلي ليه قلت ليهو ما جعانة هسا قال لي لو خجلانة ممكن اكل براي اتلفت عليه و عاينت ليهو بتحدي قال لي خلاص اطلعي اكلي طلعت قعدت معاهم هم بياكلوا و بيتكلموا ما قدرت اكل كتير لاني اصلا حاسة لي بالام ما ياها في بطني شكلها قربت🐸ما قدرت اكل. اكلت شوية و قمت جدو قال لي مالك يا بتي قلت ليهو شبعت خلاص مشيت غسلت يدي و اساسا شنطتي بتاعت ضهر ما كبيرة شلت حجاتي طلعت لقيت محمد واقف مع جدو و حبوبة ودعتهم قلت ليهم طيب انا بجي معاكم بكرة و رجعت حبوبة قالت لي لالا يا بتي عندك حجات كتيرة امشي عشان تلحقي تجهزي طلعنا محمد فتح لي الباب القدام ركبت و هم مشى ركب و اتحركنا الطريق كان سايق براحة ياخ قلت ليهو بالطريقة دي حندخل بكرة مع ناس جدو قال لي الشارع زحمة و كعب اتلفت ما لقيت الا عربية واحدة و لا اتنين بالكتير و الشارع ظلط نضيييف حمرت ليهو بس ساق شوية و وقف قال نرتاح خليتو ينزل طوالي قعدت في كرسي السواق قلت ليهو اركب انت بتكون تعبت سايق من قبيل حأسوق انا قال لي بس قلت ليهو اركب اركب و اتحركنا سقت بسرعة خيالية محمد دا كم مرة حسيت بيهو حيشلتني بالباب قال لي لالا اقيفي انتي عايزة تقتلينا ما توصلينا خليني انا بسوق و ساق انا نعست نمت محمد اتلفت لقاني نمت ابتسم قال في نفسه انا عارف الطريق فاضي بس عايز اطول الزمن معاك يا ريت لو الوقت يقيف هنا.صحيت ع صوت محمد بيناديني قمر قمر فتحت عيوني براحة شكلي نمت في الطريق قال لي وصلنا نزلنا الوقت كان مع المغرب كدا دخلنا البيت كلهم كانوا قاعدين حتى ناس عمو احمد سلموا علينا و بقو يباركوا شكلوا محمد كلمهم لما انا نمت انا قعدت شوية و طلعت فوق. عمار قال ليهو قمر وافقت كيف قال ليهو فكرت كويس و وافقت عمار قال ليهو اممم كويس علي قال ليهو يا زول مبروك و عمر اتبسط قال ليهم اول عرس بعد الامتحانات عقبالي انا ياخ علي ضحك قال يا ولد انا ما عرست انت عايز تطير وين قال ليهو في زول مسكك انا دا اليوم الاتخرج بخطب و بعد فترة اعمل عرسي بقو يضحكوا. ماما و خالتو نازك(🐸خالتو نازك) كانوا مبسوطات و بيجهزوا و يكتبوا في الحجات الحيحتاجوها. اما عمو و بابا كانوا بيتكلموا في مواضيع مختلفة. ميار و خالدة كانوا بيخططوا برضو. انا بعد طلعت الغرفة دخلت الحمام طوالي فتحت الدش و قعدت قلت يا رب اكون عملت الصح يا رب بعد طلعت غيرت بي بجامة طويلة لونها بينك و رقدت ما كنت مهتمة بالبيحصل تحت. ناس عمو رجعوا البيت كانوا مبسوطين و بيتكلموا خالتو ناازك قالت لي محمد ربنا يسعدك يا ولدي ابتسم قال ليها ان شاء الله ان شاء الله دخلوا محمد طلع لي مازن دخل قعد قال ليهو قمر وافقت و العرس الجمعة الجاية مازن ابتسم ابتسامة محمد ما قدر يفسرها قال ليهو كويس محمد برود مازن خلاهو ما فاهم حاجة كان عايز يسأل مازن اذا بيحب قمر بس خاف من الجواب قام براحة مشى غرفته رقد و هو بيفكر في الحجات دي كلها. مازن بعد محمد طلع كان ما فاهم هو مالو بس رقد في سريره و هو سرحان لمن نام. انا صحيت بدري جريت و رجعت الييت اتحممت و رقدت بس ماما جات صحاني قالت لي عندنا وقت بسيط بس للتحضير حنمشي السوق بعدين الضهر اتجهزي ادتني عصير قالت لي اشربيهو حنبدأ الحبس من هسا شوية و تنزلي قلت ليها ماما انا الحجات دي عايزاها قالت لي هيي انتي بتي الوحيدة كن ما جهزتك اجهز منو اوعك تمنعيني و سكتت شوية قالت بحزن خليني افرح بيك لانه انتي فرحتي الوحيدة سكت شوية و نزلت ليها لقيت خالتو نازك معاها و شكلهم جابوا ارياح و حجات قالوا امس محمد ضرب ليهم من الضهر و كلمهم طوالي مشوا السوق و جابوا حجات ريحة و طلح و حجات حبس جابتهم ميار و خالدة شكلهم امس تعبوا من جري السوق قلت ليها ماما انا ما ماشة السوق امشوا انتو قالت لي لالا تمشي تختاري حجاتك براك. ماما قالت لي حتنزلي بعد كدا دخان ياخ تعب و ارهاق عالفاضي ما عارفة ليه بيتعبوا روحهم كدا و شغالين يشربوني موية و عصاير كل

دقيقة فترت ياخ طوالي قمت ماما قالت لي ارقدي عشان نمشي السوق بعد شوية طلعت الغرفة خالدة لحقتني قلت ليها عايني انا ما ماشة السوق خليهم يمشوا و يجيبوا اي حاجة ميار جات قالت لي خلاص بجيب ليك ع ذوقي و ضحكت خالدة قالت ليها لكن انتي ذوقك ما فظيع و بقو يضحكوا قلت ليها المهم انا ما ماشة ولا شبر رقدت هم بقو يتكلموا ما ركزت معاهم كتير نمت طوالي. عند مرام برضو حبسوها و مرام دلوعة شديد شغالة مرة تبكي و مرة تقوم غيتو تعبت امها و خالاتها تعب. اليوم التاني صفاء مشت بيت ناس عمو الساعة 9 على امل مازن يتجاوب معاها ولو شوية لقت خالتو نازك قاعدة بتتصل و بتعزم للعرس سلمت عليها و كلمتها باركت ليها و طلعت لي مازن دقت الباب كان فاتح استغربت دخلت لقتوا قاعد قدام المراية ما زي كل يوم في الشباك سلمت عليه مازن صباح الخير ما رد عليها و مشى عالشباك قالت ليهو مبروك لي اخوك و عقبالك ابتسم ليها بالجمبة قال ليها كان زمان بس هسا خلاص استغربت من كلامه قالت ليهو ليه يعني؟! ؟؟قال ليها ببساطة هي مافيشه هسا قالت ليهو سافرت يعني قال ليها اطلعي برة برة و تاني ما تجي ما عايزة اشوفك ياخ انتي ما بتملي ما بتتعبي ما بتزهجي ياخ ما تجي و لزاها و فضل يلزها لما طلعها برة و قفل الباب طلعت براحة نزلت تحت ما كان في زول خالتو نازك كانت في المخزن و طلعت طوالي ما وقفت ركبت العربية سرحت مسافة قالت برضو ما حأستسلم ياخ الهدوء بتاعو بيخليك تقيف عنده. زول هادي و من جواهو براكين بتغلي بس حاديهو فرصة كم يوم. باقي الاسبوع مر من حبس و جري اسواق و حجز كوفير الليلة الجمعة قعدت للساعة 1 كدا تلفوني ضرب رديت جاني صوت ناس بيباركوا قال لي مبروك قلت ليهو يبارك ايامك و قفلت الخط طوالي ااي ثقيلة بس احسن بدل يتأمل عالفاضي طلعنا عالكوفير كان في عروس تانية منتطرة نفس الميكب ارتست الحتعمل لي مع انه قالوا حجزوها لي بس شكلها البت دي زبونة خاصة عندهم ما كان عندي مانع اصلا لو علي اطلع بدون اي مكياج او ما اطلع اساسا بس كنت ماسكة دفتر سمر و بقرأ فيه كانت كاتبة عن يوم عرسها و نفسها تعمل شنو و شكل الفستان حتى اسم الميكب ارتست كانت كاتباهو عشان كدا اصريت عليها مكيجتني و جهزت البت برضو البت فستانها كان طويل فاري من تحت ضيق عالخصر من فوق شوية ضيق كانت زي الأميرة شعرها كان منسدل و مطلعين ليها شوية شعر باليمين و الشمال و الطرحة طويلة فستانها كان حلوو. انا فستاني كان طويل ضيق عالخصر و من تحت طويل ايدين الفستان طويلة دانتيل (😂والله فكرة الفساتين في راسي حلوة بس اقولها كيف 😂) شعري كان ماسكنوو منفوش شوية ما فهمت التسريحة اسمها شنو بس حلوة و لبست تاج صغير قعدنا منتظرين كنت خاته سماعتي شايفة البت الجمبي متوترة و بتحرك في الخاتم الفي يدها و بتحرك في اصابعها شكلها خايفة شديد ضربتني في كتفي اتلفت عليها سلمت علي قالت لي معليش بس عايزة اتكلم لي مع زول و هنا مافي غيرنا قلت ليها ما مشكلة قالت لي معليش عالسؤال بس شكلك هادية و ما متوترة العريس بيبقى ليك قلت ليها ااي قالت لي شكلكم متزوجين عن حب ابتسمت ليها ما عرفت اقول ليها شنو قلت ليها ما تتوتري و فضلت اتكلم معاها و كدا العريس شكله وصل و محمد برضو وصل ودوها غرفة تانية. العريس لما دخل و شافها ابتسم مبسوط بارك ليها و باسها في راسها ما كان قادر يعبر يمكن في الوقت دا محمد جاء قلت اطلع عشان اختصر الوقت و كدا بس قالوا لي هو حيجي قعدوني بالغصب غضبوني ياخ قعدت و صريت وشي دخل لقاني واقفة كنت مدياهو ضهري لما فتح الباب اتلفت عليه لقيتو واقف كان واقف بس ما اتكلم و لا اتحرك و انا منتظراهو يفتح الباب عشان نطلع وقف زي 5 دقائق قلت ليهو حنطلع متين انتبه لي روحه قال لي ااه حالا حالا يلا و طلعنا نزلنا لقيتهم كلهم تحت خالدة شكلها جات بعد انا جهزوني و مشت لي ميكب ارتست تانية كانت مع عمر و علي هو الحيوصلنا انا و محمد البت القبيل في الكوفير جات تاني سلمت علي قالت لي ما عرفتك بي روحي قبيل اسمي مرام قلت ليها قمر قالت لي اتشرفت بيك و ان شاء الله نتلاقى تاني شايفة عمر اتفاجأ لما شافها و جاء سلم عليها و مشى معاها سلم على العريس و رجع علي وقف يعاين ليهم و هو بيقول في نفسه يا ربي ديل هم ولا شبهم ركبنا العربية علي كان لسه محمد قال ليهو علي انتي ناسي اللفة الطويلة ولا شنو قال ليهم يلا اتحركنا عربية عمر و عمار ورانا و اصحابهم كانوا زي 5 عربات كدا كنا ماشين في الشارع فجأة ظهروا اولاد بمواتر و بقو ماشين معانا و مشغلين اغاني و بيعملوا حركات فتحوا لينا سقف العربية و بقينا نرقص بي فوق اتبسطت لي لحظة و انا بتذكر دفتر سمر كاتبة فيه (يوم عرسي حأعمل زفة زي الفي المسلسلات المصرية لما يلفوا في الشوارع في مواتر و عربات جمبهم و اغاني مهرجانات ااه اتخيلت ساي فرحت و انا ارقص بي فوق حتكون احلى ليلة) لفينا كتير كانت احلى حاجة بعد كدا اتحركنا عالصالة وصلنا ديل دخلوا قدامنا كانوا مجهزين اي حاجة زي ما قلت لي خالدة دخلنا لما