У Лідзе - выбухі, разгон дэманстрантаў.

У Гомелі - жорсткі разгон дэманстрантаў.

АМАПаўцы кінутыя на дэманстрантаў у раёне Галерэі — вялізнае падмацаванне падвезлі.

Людзі ідуць вуліцы Чырвонай каля плошчы Якуба Коласа ў бок вуліцы Веры Харужай

Дэманстрацыя ў Стоўбцах (Мінская вобласць): некалькі соцень людзей.

У Мазыры (Гомельская вобласць) гукі страляніны, сілавікі спрабуюць разагнаць дэманстрантаў.

У Брэсце сілавікі перакрывалі масты, каб людзі не маглі дабрацца ў цэнтр. Каля СШ 15 дэманстранты спрабавалі збудаваць барыкаду, іх жорстка разагналі. Яны перагрупавалі. У горадзе доўгі час гучалі страляніна і выбухі — напэўна святлошумавыя гранаты, паведамляюць чытачы Нашай Нівы.

Сутычкі ў Брэсце адбываліся не толькі на вуліцы Маскоўскай, але і на вуліцы Савецкай. Нагадаем, што ў Брэсце многія ўчастковыя камісіі вывесілі пратаколы, якія сведчаць, што Святлана Ціханоўская ўпэўнена перамагае. Мы сёння апублікавалі такія пратаколы прынамсі з сямі ўчасткаў - як з Маскоўскага, так і з Ленінскага раёнаў

Каля метро Пушкінская ў Мінску пратэстоўцы будуюць барыкаду.

Аўтамабілісты на вачах у карэспандэнтаў Нашай Нівы ў розных месцах Мінска прарывалі кардоны ДАІ. Непадпарадкаванне набывае масавы характар.

У Баранавічах затрымана некалькі соцень чалавек, паведамляе чытач Нашай Нівы. Ён кажа, што хапалі нават сем'і з дзецьмі. Сілавікоў, па ягоных ацэнках, было больш, чым учора. Дэманстрантаў - менш.

У Гродне шматлікія дэманстранты застаюцца на вуліцах горада. Канцэнтруюцца каля Філармоніі.

Прыкладна тысяча дэманстрантаў рухаюцца з боку Нямігі ў бок метро Пушкінская ў Мінску. Яны ідуць проста па праезнай частцы. Скандуюць "Жыве Беларусь!",

У Пінску гукі выбухаў.

Другое транспартнае кола ў Мінску цалкам занятае аўтамабілямі ў раёне праспекта Пушкіна. Здаецца, аўтамабілісты свядома блакуюць дарогі, каб не прапусціць вайсковую тэхніку ў месцы канцэнтрацыі дэманстрантаў.

Марьина Горка сегодня.

Предложить анонимно новость
Подписаться на Усы Лукашенко
СМС: +420731305473

Наколькі мы можам меркаваць па назіраннях нашых карэспандэнтаў і відэа з вуліц, сёння ў розных гарадах краіны ў той ці іншай форме — на аўтамабілях ці пешшу, у цэнтры ці ў сваіх раёнах — выйшлі сотні тысяч людзей. І гэта адбылося нягледзячы на тое, што, здаецца, па ўсёй краіне колькасць затрыманых ідзе на тысячы — цяжка ацаніць колькасць дакладна.

Беларусь ахопленая дэманстрацыямі. У дзясятках гарадоў другі дзень запар адбываюцца масавыя пратэсты супраць фальсіфікацыі выбараў. Мінск, Брэст — тут сёння на вуліцы выйшла найбольш людзей. Гродна, Пінск, Бабруйск, Мазыр, Наваполацк, Бяроза, Рэчыца, Магілёў, Віцебск, Жабінка, Стоўбцы, Ашмяны, Драгічын, Ліда, Маладзечна, Барысаў, Жодзіна, Жлобін, Смаргонь, Ваўкавыск, Асіповічы, Глыбокае, Гомель - дэманстрацыі і пратэсты. Улады ўжывалі святлошумавыя гранаты не толькі ў Мінску і абласных цэнтрах, але і многіх раённых цэнтрах ва ўсёй краіне.

Улады зрабілі стаўку на застрашванне і разгон. Колькасць затрыманых ідзе на тысячы, немагчыма ацаніць дакладна. Але гэта не спыніла пратэсты, сёння колькасць дэманстрантаў вырасла істотна проці ўчарашняга дня.

Інтэрнэт у краіне па-ранейшаму амаль не даступны, свабодна адкрываюцца толькі дзяржаўныя сайты.

Ціханоўская сёння заявіла, што не пакіне Беларусі. Яна заявіла, што лічыць сябе пераможцай выбараў і грунтуецца на пратаколах сабраных яе штабам і чакае мірнай перадачы ўлады сабе.

У той жа час Аляксандр Лукашэнка заявіў, што не дапусціць пратэстаў і "дэстабілізацыі". Цэнтрвыбаркам абвясціў, што Лукашэнка набірае 80 % галасоў, а Ціханоўская - толькі 10%.

Саюз беларускіх пісьменнікаў заклікаў да адмены вынікаў выбараў і правядзення паўторных выбараў па сумленных правілах. Толькі гэта можа ўратаваць краіну ў спаўзання ў грамадзянскі канфлікт, мяркуюць пісьменннікі.

Каля метро Пушкінскай чуваць выбухі святлашумавых гранат, цэлая кананада.